Her ser du informasjon om eit møte i Kommunestyret.
 
Clear
     
 

Møte i Kommunestyret den 16.06.2022

Kommunestyret
16.06.2022 16:30 - 22:30
Utval:Kommunestyret
Dato:16.06.2022 16:30 - 22:30
Møtestad:Austrheim samfunnshus
Status:Møtet er ferdig protokollert
Sakskart:Innkalling - Kommunestyret - 16.06.2022 (Hoveddokument) Tilleggsinnkalling - Kommunestyret - 16.06.2022 (Hoveddokument) Tilleggsinnkalling - Kommunestyret - 16.06.2022 (Hoveddokument)
Møteprotokoll:Protokoll - Kommunestyret - 16.06.2022 (Hoveddokument)

Saksliste

  • Godkjenning av innkalling og saksliste Hoveddokument 44KB
    Brevdato: 09.06.2022
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Behandling

    Handsaming i kommunestyret:
    Kommunedirektøren sitt framlegg vert samrøystes vedteke

  • Godkjenning av møteprotokoll Hoveddokument 45KB

    039/22 - 22/4804 - Godkjenning av møteprotokoll

    Journaldato: 09.06.2022  2 dokumenter
    Brevdato: 03.06.2022
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Behandling

    Handsaming i kommunestyret:
    Kommunedirektøren sitt framlegg vert samrøystes vedteke

  • Meldingar Hoveddokument 49KB

    040/22 - 22/4956 - Meldingar

    Journaldato: 09.06.2022  1 dokument
    Brevdato: 09.06.2022
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Behandling

    Ordførar Per Lerøy (Ap) viste til melding 22.7, og sa at det kjem eiga sak til kommunestyret om hamnesamarbeidet i Bergen Hamn.

    Handsaming i kommunestyret:
    Kommunedirektøren sitt framlegg vert samrøystes vedteke.

  • Orienteringssak, ved kommunedirektøren Hoveddokument 64KB
    Brevdato: 09.06.2022
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Behandling

    Kommunedirektør Bjørnar Fjellhaug orienterte.

    • Jan Erik Espelid (Bygdelista) spurte om planar for Austrheim arbeidssenter: «Kan ordfører orientere om hvordan arbeidet med nytt kommunalt arbeidssenter står i dag, om det kommet fram aktuelle lokaler for denne virksomheten, og om finansiering av dette er lagt inn i budsjettet for inneværende år».

    • Kommunedirektør Fjellhaug svara Espelid og sa administrasjonen vil sjå på bygging av eit nytt helsetun, med oppstart av arbeidet i 2026. Ventar med nytt Arbeidssenter til ein ser om Nordliheimen kan brukast til noko slikt. Bakgrunnen for vurderinga er tilstandsrapporten for Nordliheimen, og det som er sagt om at det er betre å bygga nytt enn flikka på dagens bygg.

    • Gangveg Åråsfeltet til kommunesenteret, her må ein sjå nærare på saka og komma tilbake til kommunestyret.

    • Sommarjobb for ungdom, har lyst ut og tilsett ein del unge innanfor omsorgstenestene, frå 18 år og oppover. Også lyst ut arbeid for andre barn og unge (gjennom Ungdomsklubben) i sommar. Må jobba meir med UngJobb Austrheim, var behov for å planlegga dette vidare før ein kjem i gang. Ønskjer å stilla krav til dei unge som skal jobba, som å komma presis og ikkje bruka mobiltelefonen.

    • Reidar Øksnes (Sp) sa at det er bra å vera streng med mobilbruk, men må også vera raus med dei unge. Kommunedirektøren svara at ein kant det steg for steg med enkelte, men må samstundes førebu dei på arbeidskvardagen.

    • Kommunedirektør Fjellhaug sa at administrasjonen kjem tilbake til framlegget om gjennomgangsbustad for nytilsette dei første tre åra.

    • Einingsleiar teknisk drift Rolf Henning Myrmel orienterte om asfaltering av gangveg på Fonnes, ved den nye Vardebrua. Står att rundt 50 meter gangveg å asfaltera, 150 kvadratmeter, til rundt 35.000 kroner. Denne asfalteringa vil gjera det lettare for dei som går å sjå kva som er gangveg, og kva som er privat eigedom. Her sa ordførar Per Lerøy (Ap) at ein berre må finna midlane og få dette gjort før gangbrua er på plass.

    • Einingsleiar teknisk drift Rolf Henning Myrmel orienterte om asfaltering ved Austrheimhallen. Er tenkt ein gangveg i bakkant av parkeringsplassen bort til Austrheimhallen. Er gjort ei markering med maling, ser på om ein kan gjerast dette meir profesjonelt, malinga som er gjort til no har berre eitt års varigheit.

    • Einingsleiar teknisk drift Rolf Henning Myrmel orienterte om skuleutbygging. Klagefristane for anbod har gått ut, og vil skriva kontraktar i løpet av nokre dagar. Åsane byggmesterforretning er tildelt kontrakt på arbeidet med Årås skule. 7 Fjell har fått arbeidet med rehabilitering av Kaland skule. Målet er å vera klare til påske 2023. Riving av Kaland 1 i haustferien 2022. Arbeidet skal skje i samråd med skulane, med tanke på arbeid i fleire klasserom samstundes.

    • Britt M. S. Lerøy (Ap) spurte om framdriftsplan på arbeidet på skulane. Myrmel svara at leverandørane kunne ta dette i løpet av 2022, men det ville gjort det umogleg å driva skule samstundes. For administrasjonen er det viktigaste at skulane er klare i god tid til skulestart 2023/2024, og det er sagt at påske er det bedriftene reknar med å vera ferdige innan.

    • Reidar Ulvøy (Ap) at han i utgangspunktet er skuffa, når det er sagt at ein så langt det er mogleg skal brukast lokale selskap. Kan ein få vita kva som er prisane for arbeidet på Årås skule, og korleis ser ein for seg å ha kostnadskontroll og rapportering på dette prosjektet, særleg om det kjem ting som ikkje er med i anbodet.

    • Rolf Henning Myrmel svara at lokale leverandørar ikkje har ønskt å gje pris på dette tilbodet. Prisen Årås skule om lag 8,9 millionar medrekna interne kostnader og litt margin. Skal ha tett og god oppfølging på dette prosjektet. Trygg på Årås-utbygging, men meir usikker på Kaland, med tanke på kva som kan dukka opp når ein opnar tak og vegger. Ser det ikkje før ein opnar opp.

    • Reidar Ulvøy (Ap) sa at det må vera fokus på kostnadskontroll og rapportering, og at ein må ta fatt i uventa ting straks.

    • Per Lerøy (Ap) ba om at formannskapet blir orientert om framdrift og kostnader løpande, her svara Myrmel at det vil skje.

    • Kommunedirektør Fjellhaug sa at det kjem ei sak til kommunestyret i september om selskapsstrukturen i NGIR.

    • Kommunalsjef oppvekst og kultur, Trine M. Jansen, orienterte om at det har komme to flyktningar frå Ukraina, så langt.

    • Økonomi- og personalsjef Odd Harald Dommersnes orienterte om turnover for Austrheim kommune. Presentasjonen ligg ved møteboka.

    • Ordførar Per Lerøy sa at orientering om status for politiske saker vert utsett til kommunestyret i september.

    Handsaming i kommunestyret:
    Kommunedirektøren sitt framlegg vert samrøystes vedteke.

  • Vatn til Førland Hoveddokument 1MB

    042/22 - 22/4230 - Vatn til Førland

    Journaldato: 27.05.2022  1 dokument
    Brevdato: 24.05.2022
    Dokumenttype: Saksframlegg
    Ansvarlig enhet: Teknisk drift
    Sakshandsamar: Rolf-Henning Myrmel

    Dokumenter

     

    Vedtak

    Kommunestyret ber kommunedirektøren komma tilbake med denne saka innan utgangen av året, og viser til det som er spelt inn frå kommunestyret om ulike punkt ein vil ha utgreidd.



    Behandling

    Einingsleiar teknisk drift, Rolf Henning Myrmel, orienterte om saka, jamfør saksutgreiinga.

    Ann Kristin Leirvåg (Ap) la fram utsettingsframlegg på vegner av Austrheim Ap og Høgre, og ba om at saka kjem opp på nytt i møtet i september, med ulike spesifiserte utgreiingar og kostnadsoverslag.

    Ordførar Per Lerøy (Ap) presiserte at det er eit utsetting med presiseringar, Myrmel sa at det er mogleg å komma tilbake med dette til møtet 15. september i kommunestyret.

    Reidar Ulvøy (Ap) spurte om det er mogleg å legga to mindre leidningar frå kveil heller enn å ha 160 mm leidning som må sveisast bit for bit.

    Rolf Henning Myrmel svara på spørsmålet at 110 mm er det største som kan kveilast. Men denne dimensjonen er for liten med tanke på brannvatn. Myrmel la til at det er ei problemstilling at brannvatn kan vera problematisk opp mot drikkevatn, ved at for mykje vatn vert ståande for lenge i leidningane.

    Anne Dahle Austrheim (KrF) sa at saka bør utgreiast betre, og at ein må sjå nærare på kva ein seier ja eller nei til på Førland. Her sa ordførar Lerøy at Ap/H særleg er kritiske til kostnaden på 4,4 millionar for 760 meter leidning, meiner dette kan gjerast rimelegare.

    Rolf Henning Myrmel sa at mykje av kostnaden er grøftekostnad, der det er kostbart å leggja grøft langs fylkesveg på grunn av ulike restriksjonar.

    Per Lerøy (Ap) sa at møtet 15. september kanskje er tidleg, bør gjerne setta ein annan dato, og oppdatera hovudplanen innan denne kommunestyreperioden.

    Kommunedirektør Bjørnar Fjellhaug sa at ein kan prøva 15. september, eller seinare.

    Ordførar Per Lerøy (Ap) la fram eit kortare utsettingsframlegg, der ein ber kommunedirektøren komma tilbake med denne saka innan utgangen av året.

    Handsaming i kommunestyret:samrøystes vedteke.

  • Etablering av helsefelleskap - Revisjon av samarbeidsavtale og tenesteavtale 1 Hoveddokument 49KB
    Brevdato: 09.06.2022
    Dokumenttype: Saksframlegg
    Ansvarlig enhet: Helse og velferd
    Sakshandsamar: Monika Kvamme

    Dokumenter

     

    Vedtak

    Austrheim kommune sluttar seg til framlegg til revidert Overordna samarbeidsavtale og Tenesteavtale - overordna føringar for samarbeidsstruktur og samarbeidsformer i helsefellesskapet.



    Behandling

    Kommunedirektør Bjørnar Fjellhaug orienterte om saka.

    Handsaming i kommunestyret:Kommunedirektøren sitt framlegg vert samrøystes vedteke.

  • Plan for innføring av heiltidskultur i Austrheim kommune 2022-2025 Hoveddokument 69KB
    Brevdato: 26.04.2022
    Dokumenttype: Saksframlegg
    Ansvarlig enhet: Personal
    Sakshandsamar: Wenche Myrmel

    Dokumenter

     

    Vedtak

    Kommunestyret vedtek plan for heiltidskultur 2022-2025 slik den ligg føre.



    Behandling

    Kommunedirektør Bjørnar Fjellhaug orienterte om saka.

    Britt M. S. Lerøy (Ap) sa at det var bra at denne saka kjem opp, og viste til at det er mange deltidsstillingar i helse og omsorg.

    Varaordførar Inger Lise Brekke (H) sa at når det er vanskar med å rekruttera til kommunen, så må det vera mogleg å rekruttera også dei som ikkje har full arbeidskapasitet.

    Kommunedirektør Fjellhaug sa at kommunen skal legga til rette for at dei som ønskjer full stilling, skal få dette. Samstundes kan det vera slik at enkelte må dela seg mellom to ulike stillingar ei tid for å få 100 prosent stilling.

    Handsaming i kommunestyret:
    Kommunedirektøren sitt framlegg vart samrøystes vedteke, med korrigering slik at det framgår at det er kommunestyret som har gjort vedtaket.

  • Lærlingstrategi for Austrheim kommune 2022-2026 Hoveddokument 67KB
    Brevdato: 26.04.2022
    Dokumenttype: Saksframlegg
    Ansvarlig enhet: Personal
    Sakshandsamar: Wenche Myrmel

    Dokumenter

     

    Vedtak

    Kommunestyret vedtek lærlingstrategi for Austrheim kommune 2022-2026.



    Behandling

    Økonomi- og personalsjef Odd Harald Dommersnes orienterte om saka.

    Jan Erik Espelid (Bygdelista) sa at det er bra at det også er mogleg å ta inn vaksne lærlingar, og spurte om det er mogleg å ta inn lærling frå kokk- og institusjonsfaget gjennom ordninga med opplæring i bedrift.

    Ordførar Per Lerøy (Ap) sa at Austrheim har vore god på lærlingar over lang tid, men no er det vanskeleg å få tak i lærlingar.

    Kommunedirektør Bjørnar Fjellhaug sa at det nyleg er signert lærlingkontrakt på menn som skal inn som lærling i helse og omsorg, samt ein mann som barne- og ungdomsarbeidar,

    Handsaming i kommunestyret:
    Kommunedirektøren sitt framlegg vert samrøystes vedteke, med korrigering slik at det framgår at det er kommunestyret som har gjort vedtaket.

  • Godkjenning av rekneskap 2021 Hoveddokument 70KB

    046/22 - 22/4280 - Godkjenning av rekneskap 2021

    Journaldato: 20.05.2022  5 dokumenter
    Brevdato: 20.05.2022
    Dokumenttype: Saksframlegg
    Ansvarlig enhet: Økonomi og personal
    Sakshandsamar: Odd Harald Dommersnes

    Dokumenter

     

    Vedtak

    1. Kommunestyret godkjenner rekneskapen for 2021.

    2. Netto driftsresultat i rekneskapen for 2021 blir i heilskap sett av til disposisjonsfond.



    Behandling

    Økonomi- og personalsjef Odd Harald Dommersnes orienterte om saka.

    Revisjonssjef Janne Eraker, Vestlandsrevisjon IKS, orienterte om revisjonsmeldinga, og annan dokumentasjon som ligg ved innkallinga og sakspapira. Revisjonen har ikkje vist vesentlege feil eller manglar i rekneskapen, men det ligg ei presisering på betaling av minimumsavdrag. For Austrheim skjedde den siste avdragsbetalinga for 2021 først i januar 2022. Tala er rette i rekneskapen sidan det var gjort ei avsetning, men det er krav også om at det er betalt i løpet av året.

    Kommunedirektør Bjørnar Fjellhaug orienterte om tekstdelen av årsmeldinga, medan Odd Harald Dommersnes orienterte vidare om taldelen av årsmeldinga.

    Handsaming i kommunestyret:Kommunedirektøren sitt framlegg vert samrøystes vedteke.

  • Godkjenning av årsrapport for 2021 - Austrheim kommune Hoveddokument 88KB
    Brevdato: 23.05.2022
    Dokumenttype: Saksframlegg
    Ansvarlig enhet: Kommunedirektør
    Sakshandsamar: Bjørnar Fjellhaug

    Dokumenter

     

    Vedtak

    Austrheim kommunestyre godkjenner årsrapporten for 2021 for Austrheim kommune.



    Behandling

    Orienteringa om denne saka skjedde i samband med sak 046/22.

    Handsaming i kommunestyret:
    Kommunedirektøren sitt framlegg vert samrøystes vedteke.

  • Rekneskap fyrste tertial 2022 Hoveddokument 4MB

    048/22 - 22/4279 - Rekneskap fyrste tertial 2022

    Journaldato: 20.05.2022  2 dokumenter
    Brevdato: 20.05.2022
    Dokumenttype: Saksframlegg
    Ansvarlig enhet: Økonomi og personal
    Sakshandsamar: Odd Harald Dommersnes

    Dokumenter

     

    Vedtak

    1. Kommunestyret tek driftsrekneskapen for fyrste tertial til vitande.

    2. Kommunestyret tek finansrapporten for fyrste tertial til vitande.



    Behandling

    Økonomi- og personalsjef Odd Harald Dommersnes orienterte om saka.

    Britt M. S. Lerøy (Ap) sa at med aukande renter og utgifter til straum går kommunen usikre tider i møte. Ser at inntektene har auka, men også utgiftene. Halve året av 2022 har ein lagt bak seg, må vera tydelege både politisk og i administrasjonen på korleis me skal driva framover. Her må me vera moderate, og ha ein god strategi.

    Kommunedirektør Bjørnar Fjellhaug sa at det er krevjande med aukande renter og straumutgifter. Må mana til moderasjon.

    Handsaming i kommunestyret:
    Kommunedirektøren sitt framlegg vert samrøystes vedteke.

  • Budsjettjustering Hoveddokument 227KB

    049/22 - 22/4277 - Budsjettjustering

    Journaldato: 27.05.2022  1 dokument
    Brevdato: 20.05.2022
    Dokumenttype: Saksframlegg
    Ansvarlig enhet: Økonomi og personal
    Sakshandsamar: Odd Harald Dommersnes

    Dokumenter

     

    Vedtak

    Økonomi- og personalsjef Odd Harald Dommersnes orienterte om saka.



    Behandling

    Økonomi- og personalsjef Odd Harald Dommersnes orienterte om saka.

    Ordførar Per Lerøy (Ap) sa at det er viktig med god kostnadsstyring undervegs i dei ulike prosjekta.

    Reidar Øksnes (Sp) sa at kommunen bør sjå på utkjøringa frå Årås til fylkesvegen ved det gamle kommunehuset, med tanke på trafikktryggleik er dette eit av dei punkta ein bør sjå på først.

    Kommunedirektør Bjørnar Fjellhaug sa at han har sett stopp i prosjektet med gangveg frå Åråsfeltet på grunn av usikkerheit til kostnad med tanke på vassleidning. Ikkje ansvarleg å setja i gang eit risikoprosjekt der ein ikkje kjenner kostnadene. Har fleire stader i Austrheim der det er trafikkfarleg, som Bakkakrysset, som må prioriterast.

    Om Bakkakrysset sa ordførar Per Lerøy (Ap) at Statens vegvesen har sagt nei til 60-sone. Det kunne vera ei første løysing, før ein bygger om krysset. Men gjev seg ikkje på dette med fartsgrense, krev fleire møte med vegvesenet.

    Fjellhaug sa at han ønskjer betre kontrollrekning av prosjekt for å unngå kostnadsoverskridingar.

    Reidar Ulvøy (Ap) ba om at det vart innført ei eiga prosedyre for kostnadskontroll i dei ulike prosjekta, for å unngå kostnadssprekk.

    Bjørn Inge Håland Dyrkolbotn (Sp) sa at det er mange viktige punkt på lista. Spurte vidare om framlegget som Høgre og Ap hadde i formannskapet er med vidare i handsaminga, ordførar Lerøy (Ap) svara at det er det ikkje.

    Ordføraren refererte vedtaket.

    Handsaming i kommunestyret:
    Kommunedirektøren sitt framlegg vert samrøystes vedteke.

  • Rullering av investeringsbudsjett 2021 til 2022 Hoveddokument 307KB
    Brevdato: 30.05.2022
    Dokumenttype: Saksframlegg
    Ansvarlig enhet: Økonomi og personal
    Sakshandsamar: Odd Harald Dommersnes

    Dokumenter

     

    Vedtak

    Kommunestyret vedtek at ein overfører budsjettmidlar for prosjekt som ikkje vart sluttført i 2021 til 2022 og at desse vert finansiert ved bruk av ubrukte lånemidlar.



    Behandling

    Økonomi- og personalsjef Odd Harald Dommersnes orienterte om saka, jamfør saksutgreiinga.

    Handsaming i kommunestyret:
    Kommunedirektøren sitt framlegg vert samrøystes vedteke.

  • Rullering av langstidsbudsjettet 2022-2025 Hoveddokument 521KB
    Brevdato: 20.05.2022
    Dokumenttype: Saksframlegg
    Ansvarlig enhet: Økonomi og personal
    Sakshandsamar: Odd Harald Dommersnes

    Dokumenter

     

    Vedtak

    Kommunestyret vedtek den framlagte økonomiplanen slik han ligg føre, men kommunedirektøren vil i budsjettframlegg for 2023 komme med endeleg framlegg til økonomiplan for perioden 2023-2026.



    Behandling

    Økonomi- og personalsjef Odd Harald Dommersnes orienterte om saka, jamfør saksutgreiinga.

    Kommunedirektør Bjørnar Fjellhaug sa at auka inntekter bør settast av til fond, for å sikra at kommunen har midlar til den omstillinga som kjem. Er ikkje sett opp investeringar i 2026, men ønskjer å starta arbeidet med eit nytt helsetun det året, og sjå på kva tenester som skal inn i eit slikt helsetun. Betre å sjå på eit nybygg enn å bruka 50 millionar på å rusta opp Nordliheimen. Kan sjå om det er mogleg med gjenbruk av Nordliheimen til Arbeidssenter eller noko anna.

    Ordføraren refererte framlegget til vedtak.

    Handsaming i kommunestyret:Kommunedirektøren sitt framlegg vert samrøystes vedteke.

  • Søndagsope for Austrheim Handel - søknad til Statsforvaltar Hoveddokument 56KB
    Brevdato: 13.05.2022
    Dokumenttype: Saksframlegg
    Ansvarlig enhet: Kommunedirektør
    Sakshandsamar: Bjørnar Fjellhaug

    Dokumenter

     

    Vedtak

    Ber om at saka vert utsett og ber om meir utgreiing.



    Behandling

    Ketil Tjore frå administrasjonen orienterte om saka, jamfør saksutgreiinga.

    Anne Dahle Austrheim (KrF) sa at det ikkje handlar berre om Austrheim Handel, men om alle butikkar. For Austrheim handel ville det vore mykje enklare å bygga om til Brustadbu på under 100 kvadratmeter. Om ein definerer det slik som i saka, så vil alle butikkar i Austrheim kommune kunna definera seg som søndagsopne. Anne Dahle Austrheim la til at ho ikkje kan sjå at Austrheim Handel er innanfor kravet om søndagsope.

    Kommunedirektør Bjørnar Fjellhaug sa at ein har meint å definera Austrheim som stad, og ikkje heile Austrheim kommune.

    Bjørn Inge H. Dyrkolbotn (Sp) spurte om ønsket er godt nok fundamentert, om det er dette kommunestyret vil. Usikker på om ein kan seia at det ikkje er for heile kommunen, når Vardetangen er mykje brukt som turiststad.

    Ordførar Per Lerøy (Ap) viste til at kommunen har definert seg som turistkommune i planarbeidet, vedteke for fleire periodar sidan.

    Varaordførar Inger Lise Brekke (H) sa at dette er ein del av satsinga på turiststad, å ha ein butikk som er søndagsopen.

    Anne Dahle Austrheim (KrF) sa at turistplassen vår, den fremste, er Vardetangen. Då vert det feil å søka om berre plassen Austrheim for å kunna søka om søndagsope for Austrheim handel.

    Inger Lise Brekke (H) spurte om dette med at det skal vera Austrheim som stad eller heile kommunen. Her svara Bjørnar Fjellhaug at det er ei presisering i dette no.

    Reidar Øksnes (Sp) sa at det er ein del spørsmål her, og ber om at saka vert utsett.

    Handsaming i kommunestyret:
    Framlegg om utsetting, kjem tilbake til kommunestyret med ny utgreiing, vedteke med 15 mot 2 røyster (Per Lerøy og Idar Hopland, begge Ap)

  • TV-aksjonen 2022 - oppretting av kommunekomité Hoveddokument 52KB
    Brevdato: 27.05.2022
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Vedtak

    Kommunestyret i Austrheim vel følgjande kommunekomité for TV-aksjonen 2022:
    - Leiar: Ordførar Per Lerøy
    - Sekretær: Rigmor Ludvigsen
    - Ein tilsett i administrasjonen med lokalkunnskap i Austrheim
    - Eit medlem utpeikt av Lindåsneset Sanitetsforeining
    - Eit medlem utpeikt av Årås Sanitetsforeining
    - Eit medlem frå Austrheim idrettslag
    - Eit medlem frå Ungdomsrådet
    Rådmannen får mynde til å erstatta eller legga til medlemmer i komiteen for TV-aksjonen.

    Austrheim kommune løyver 30.000 kroner til TV-aksjonen 2022.
    Kostnaden vert dekka frå post 1490380001902



    Behandling

    Ordføraren referte framlegget til vedtak:

    Handsaming i kommunestyret:Kommunedirektøren sitt framlegg vert samrøystes vedteke.

  • Avtale om massehandtering mellom Austrheim kommune og Statnett for næringsområdet på gbnr. 128/68 - Mongstadkrysset Hoveddokument 3MB
    Brevdato: 10.06.2022
    Dokumenttype: Saksframlegg
    Ansvarlig enhet: Plan, bygg, oppmåling og miljø
    Sakshandsamar: Asbjørn Nagell Toft

    Dokumenter

     

    Vedtak

    Avtale om massehandtering mellom Austrheim kommune og Statnett for næringsområdet på gbnr. 128/68 Mongstadkryssetmed følgjandejustering under pkt. 6.1 vert godkjent slik den ligg føre. Tidspunkt for klargjort tomt for mottak av steinmasser vert endra i avtale til 15.12.2022. Austrheim kommune set i gang arbeidet med fjerning av vegetasjon og fjerning av jord/lausmassar frå næringområdet omgåande. Kommunedirektøren finn inndekning innanfor vedtekne rammer for 2022. Kostnadene i 2023 og 2024 som Statnett forskotterer vert lagt inn i handlings- og økonomiplan for 2023-2026 – langtidsbudsjettet.



    Behandling

    Avdelingsleiar plan, Asbjørn Nagell Toft, orienterte om saka, saman med einingsleiar teknisk drift Rolf Henning Myrmel.

    • Toft sa at den siste setninga skal strykast frå framlegget til vedtak: Kostnadane vert fordelt i 2022 og 2023 og vert teke frå disposisjonsfondet.

    • Første del er å rydda skogen, deretter legga opp jordmassane slik at dei kan renna av seg før dei skal kjørast vekk.

    • Når Statnett tar jorda med seg som returlast, vert det rimelegare for kommunen, i tillegg til at Statnett forskotterer kostnader, slik at kommunen kan rekka å klargjera tomta for sal og få inn inntektene før kostnadene kjem.

    • Administrasjonen ser på dette som eit veldig bra prosjekt.

    Reidar Øksnes (Sp) spurte om støy for dei som brukar hotellbrakkene på Mongstad like ved. Her svara Asbjørn Toft at dette er noko ein vil fanga opp i samband med nabovarsel, og som ein ta omsyn til med tanke på tidspunkt for arbeid med meir.

    Aslak Bakke (H) sa at dette er eit veldig bra prosjekt. Bakke spurte om kva som skal gjerast i år, neste år og når kostnadene kjem. Myrmel svara at kosten i 2022 er fjerning av vegetasjon/skog. Vekkgraving av jordmassar må skje tidsnok til at det kan deponerast massar der frå 15. desember. Er nok fornuftig å få starta så tidleg som mogleg slik at myrjorda får renna av seg ein del før vekkjøringa skal starta. Kostnaden for vekkjøring av jord kjem først våren 2024, Statnett forskotterer fram til dette.

    Aslak Bakke (H) spurte om kva prisen vert for rydding av skogen og så maskin til arbeid, her svara Myrmel at ein vil starta med skogrydding og så ta opp igjen kostnad til rydding første møte etter ferien 2022. Ser lettare kva som er kostnad til rydding når ein har fjerna vegetasjonen.

    Ordførar refererte framlegget til vedtak, og sa igjen at den siste setninga i framlegget til vedtak skal strykast.

    Handsaming i kommunestyret:
    Samrøystes for kommunedirektørens framlegg til vedtak, minus siste setning om finansiering frå disposisjonsfondet.

  • Bruk av fond til kommunale geiter Hoveddokument 70KB
    Brevdato: 13.06.2022
    Dokumenttype: Saksframlegg
    Ansvarlig enhet: Økonomi og personal
    Sakshandsamar: Odd Harald Dommersnes

    Dokumenter

     

    Vedtak

    Kommunestyret vedtek at det vert nytta 250 000,- kroner til å betale for innleige av geiter. Midlar til beiteprosjektet vert teken av fond for turstiar (fond 251080019).



    Behandling

    Reidar Øksnes (Sp) sa at han synest ein får veldig lite att for midlane i denne saka slik den ligg no. Dette er noko ein må gjera kanskje fire år for å få resultat, men er det dette me skal bruka ein million på dei neste fire åra? Er skuffa over at ein ikkje har spurt lokale bønder om korleis dei kan løysa denne utfordringa. Øksnes hadde eige framlegg til vedtak i denne saka.

    Økonomi- og personalsjef Odd Harald Dommersnes orienterte om saka, og viste til at kommunedirektøren har innstilt på at ein ikkje skal bruka midlar på dette.

    Aslak André Bakke (H) sa at dette er for eitt år i starten. Gjerne ha med lokale bønder neste sesong, anten at dei tek kontakt med kommunen eller at kommunen tek aktivt kontakt med desse.

    Anne Dahle Austrheim (KrF) sa at det kan skje at ei sak endrar seg frå formannskapet til kommunestyret, og støtta Reidar Øksnes (Sp) sitt innlegg Her kostar det 250.000 for juni og ut oktober, kor mykje vil dei klara å gnaga ned på fem månader? Skal me gjera dette over tid er det ei veldig dyr løysing, som ikkje er berekraftig over tid.

    Per Lerøy (Ap) sa at dette er aktuelt for dei areala der kommunen fjerna skog i fjor, og der det veks opp mykje kratt, som også inneber skogbrannfare.

    Handsaming i kommunestyret:

  • Skjenkeløyve for Fonnes Aktiv Hoveddokument 52KB

    054/22 - 22/4953 - Skjenkeløyve for Fonnes Aktiv

    Journaldato: 09.06.2022  1 dokument
    Brevdato: 09.06.2022
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Vedtak

    Saka vert sendt tilbake til kommunedirektøren med krav om betre dokumentasjon og utgreiing.



    Behandling

    Hege Ramsland (H) snakka på vegner av Høgre og Arbeidarpartiet, og ba om at saka vert sendt tilbake til administrasjonen med ønske om eit meir utfyllande krav søknad, med konseptutgreiing, teikningar og vurdering av bruken av lokala. Viste til at det er så mange andre ting som må på plass først.

    Anne Dahle Austrheim (KrF) sa at ho støtta Hege Ramsland sitt ønskje om utsetting.

    Handsaming i kommunestyret:

  • Detaljreguleringsplan for Grøn omstilling av Mongstad gbnr 127/91 mfl. PlanID 46312020006 - Godkjenning Hoveddokument 3MB
    Brevdato: 14.06.2022
    Dokumenttype: Saksframlegg
    Ansvarlig enhet: Plan, bygg, oppmåling og miljø
    Sakshandsamar: Asbjørn Nagell Toft

    Dokumenter

     

    Vedtak

    Detaljreguleringsplan for Grøn omstilling av Mongstad gbnr 127/91 mfl. PlanID 46312020006 vert godkjent. Planomtale er datert den 27.05.2022, plankarta 1-3 er datert 28.04.2021 og 05.04.2022 og føresegner er datert 27.4.2022. Vedtaket er gjort med heimel i plan- og bygningslova sin § 12–12.



    Behandling

    Avdelingsleiar plan, Asbjørn Nagell Toft, orienterte om saka.

    • Planen går i to kommunar, og må vedtakast i begge kommunane.

    • Saka kom seint til kommunestyret, men det var viktig å få saka ut no, sidan neste kommunestyremøte er i september.

    • Mesteparten av arealet er i Alver, i Austrheim er det berre areal under bakken (energitunnellar).

    • Saka er oppe i Alver i kommunestyret same dag som i Austrheim.

    Handsaming i kommunestyret:
    Samrøystes for kommunedirektørens framlegg til vedtak.

Frammøte

Frammøte
PolitikarPartiMedlemstypeE-Post
Per LerøyArbeiderpartietOrdførarper.leroy@austrheim.kommune.no
Inger Lise BrekkeHøgreVaraordførarilb5943@yahoo.no
Reidar UlvøyArbeiderpartietMedlemreidar@subseaintv.no
Britt Mary Skaalevik LerøyArbeiderpartietMedlembritt.leroy@hotmail.no
Hardy PedersenArbeiderpartietMedlemhardpe@online.no
Ann Kristin LeirvågArbeiderpartietMedlemKristin1964@gmail.com
Aslak André BakkeHøgreMedlemaba@mrbakke.no
Rikke Heldal HopeHøgreMedlemrikke.heldal.hope@hotmail.com
Anne Dahle AustrheimKristeleg FolkepartiMedlemannedahleaustrheim@gmail.com
Randi Keilegavlen DyrøyKristeleg FolkepartiMedlemrandidy1@start.no
Reidar ØksnesSenterpartietMedlem56roek@gmail.com
Lise Renate HelleSenterpartietMedlemLiserenatehelle@gmail.com
Bjørn Inge Håland DyrkolbotnSenterpartietMedlemBjorn.Inge.Dyrkolbotn@austrheim.kommune.no
Idar Johan HoplandArbeiderpartietVaramedlemidar.hopland@gmail.com
Jan Erik EspelidBygdelista i AustrheimVaramedlemjespe62@hotmail.com
Hege RamslandHøgreVaramedlemhegeramsland@gmail.com
Stein Kåre LøvslettKristeleg FolkepartiVaramedlemsteinkl@broadpark.no
Rolf-Henning Myrmelrolf.henning.myrmel@austrheim.kommune.no
Asbjørn Nagell Toftasbjorn.n.toft@austrheim.kommune.no
Bjørnar Fjellhaugbjornar.fjellhaug@austrheim.kommune.no
Odd Harald Dommersnesodd.harald.dommersnes@austrheim.kommune.no
Thomas Lindåsthomas.lindas@austrheim.kommune.no
Kristin Nesbøkristin.nesbo@austrheim.kommune.no
Trine Merete Jansentrine.merete.jansen@austrheim.kommune.no
Monika Thorpe (Ikke møtt) ArbeiderpartietMedlemmonikath@online.no
Marita Terese Bru (Ikke møtt) Bygdelista i AustrheimMedlemmarita.bru2209@gmail.com
Morten Sognnes (Ikke møtt) HøgreMedlemmorten.sognnes@austrheim.kommune.no
Helge Dyrkolbotn (Ikke møtt) Kristeleg FolkepartiMedlemHelge.Dyrkolbotn@vlfk.no

Kontaktinformasjon om tenesta

Austrheim kommune
Sætremarka 2
5943 Austrheim
Telefon: 56162000
ACOS Innsyn levert av ACOS AS