Čoahkkin Formannskapet 24.03.2022

Vedtak

Innkalling og sakliste vert godkjent

Morten Sognnes (Høgre) vart samrøystes vald som varaordførar for dette møtet.

Behandling

Varaordførar Inger-Lise Brekke (H) hadde forfall til dette møtet.
Ordførar Per Lerøy (Ap) la fram framlegg om at Morten Sognnes (H) fungerer som varaordførar i dette møtet.

Handsaming i formannskapet:
Kommunedirektøren sitt framlegg vert samrøystes vedteke

Morten Sognnes (Høgre) vart samrøystes vald som varaordførar for dette møtet.

Vedtak

Møteprotokoll frå forrige møte vart godkjent

Behandling

Handsaming i formannskapet:
Kommunedirektøren sitt framlegg vart samrøystes vedteke

Vedtak

Meldingane vart tekne til orientering

Behandling

Handsaming i formannskapet:
Kommunedirektøren sitt framlegg vart samrøystes vedteke

Vedtak

Delegerte saker vart tekne til orientering

Behandling

Avdelingsleiar plan Asbjørn Toft orienterte om dei delegerte sakene.

Handsaming i formannskapet:Kommunedirektøren sitt framlegg vart samrøystes vedteke

Vedtak

Orienteringane vart teke til vitande.

Behandling

- Einar Vaage frå Industriutvikling Vest (IUV) orienterte om GreenSpot Mongstad.
- Baste Tveito frå Nordhordland Næringslag (NONL) orienterte om kraftsituasjonen i Bergensregionen, og kva som blir gjort for å betra denne på kort og lang sikt, for å sikra tilgang på nok elektrisk kraft.

Kommunedirektør Bjørnar Fjellhaug orienterte, sjå vedlegg til møteboka.

Det var spørsmål om talet på flyktningar ein kan ta i mot, Austrheim har meldt inn at ein kan ta i mot 15 flyktningar frå Ukraina. Helge Dyrkolbotn (KrF) sa at ein burde klara å ta i mot fleire, Fjellhaug kommenterte at det kan vera at ein del av desse kan trenga helsehjelp.

Einingsleiar teknisk drift Rolf Henning Myrmel orienterte om tilstand for tilfluktsrom. Det på Kaland skule er det einaste i kommunen, og det er meint for skulen sine tilsette og elevar. Dette er bygd etter forskrifta frå 1948, og oppfyller ikkje krava per i dag. Har bestilt nye dørpakningar, skal jobba med å ordna sanitærtilhøva, med meir. Ser på kva ein kan oppgradera på ein enkel måte. Skulle mest sannsynleg vore tilfluktsrom på Årås skule, ser på kva det er søkt om dispensasjon om (automatisk dispensasjon etter 1998, men må søkast).

Kommunedirektør Bjørnar Fjellhaug og kommunalsjef Trine Merete Jansen orienterte om arbeidet med ny tenesteavtale med soknerådet, samt at ein avventar sal av kyrkjelydshuset for dei kommande fem åra, slik at kyrkja kan vera der.

Kommunedirektør Bjørnar Fjellhaug orienterte om Arbeidstilsynet sin tilsynsrapport og PWC sine undersøkingar kring Legekontoret.

Kommunedirektør Bjørnar Fjellhaug orienterte om plan for UngJobb sommaren 2022.

Økonomi- og personalsjef Odd Harald Dommersnes orienterte om status for økonomi, herunder rekneskap samanlikna med andre kommunar i Kostra-gruppe 4.

Handsaming i formannskapet:
Samrøystes for å ta orienteringane til vitande.

Vedtak

Austrheim kommunestyre gjer prinsippvedtak om å auka ramma for investering på VA for 2022 til kr. 19,1 mill og ber kommunedirektøren gjere justeringa ved tertialjustering våren 2022.

Behandling

Einingsleiar teknisk drift, Rolf-Henning Myrmel, orienterte om saka.

• Nye vassrøyr Utkilen - Mastrevik til Austrheimhallen skal pluggkjørast fredag 25. mars og reinsast med klor, men 12.30 er dette ferdig og sett trykk på. Bra å ha ferdig til påske, når ein veit at forbruket går opp i helgedagar.

• Jobbar med anbod på pumpestasjonar kloakk fleire stader.

• Treng å utvida ramma som det lagt opp til, for å kunna bygga ut slik det er lagt opp til.

• Får ein signal om utvida ramme, skriv ein kontrakt alt 25/3

Handsaming i formannskapet:
Formannskapet vedtok samrøystes kommunedirektøren sitt framlegg til vedtak, som er ei tilråding til kommunestyret.

Vedtak

Formannskapet legg Kommunedelplan for klima og energi for Austrheim kommune 2022-2032 ut på offentleg ettersyn. Grunngjevinga er gjeve i saksutgreiinga. Vedtaket er heimla i plan- og bygningslova si § 11-14.

Behandling

Avdelingsleiar plan Asbjørn Toft orienterte om saka, og sa at den største utfordringa for Austrheim er å redusera klimautsleppa.

Handsaming i formannskapet:
Kommunedirektøren sitt framlegg vert samrøystes vedteke

Vedtak

Formannskapet vedtek at planarbeid forKommunedelplan for naturmangfald i Austrheim kommune vert starta opp. Grunngjevinga for at dette planarbeidet må starta opp og organiseringa av dette er vist i saksutgreiinga. Vedtaket er heimla i plan-og bygningslova § 11-1 og 11-12.

Formannskapet ber om at kommunedirektøren inviterer inn ein representant frå næringslivet/miljø som driv med samfunnsutvikling i dette arbeidet

Behandling

Avdelingsleiar plan Asbjørn Toft orienterte om saka.

Ordførar Per Lerøy (Ap) ba om at ein inviterer med personar med erfaring frå nærings- og samfunnsutvikling i ressursgruppa, slik at det ikkje berre vil handla om å verna naturen, men om å leva parallelt menneske og natur.

Helge Dyrkolbotn (KrF) ba om at Nordhordland Næringslag vart invitert med i arbeidet, og fekk støtte av ordførar Lerøy. Administrasjonen vart bedt om å følgja om dette ved å ta direkte kontakt med næringslaget.

Per Lerøy (Ap) viste til at ein også må samarbeida med biosfæreprosjektet i Nordhordland, og Universitetet i Bergen, og ta med seg kunnskapen derifrå, og dra nytte av dei registreringane som alt er gjort.

Morten Sognnes (H) ba om at ein legg vekt på lokalkunnskap, og snakka med dei som bur her.

Handsaming i formannskapet:
Kommunedirektøren sitt framlegg vert samrøystes vedteke, med tillegg frå Lerøy (Ap).

Vedtak

Formannskapet viser til uttalen frå Austrheim kommune som står i saksutgreiinga, og sluttar seg til denne.

Behandling

Avdelingsleiar plan Asbjørn Toft orienterte om saka.

Ordførar Per Lerøy (Ap) viste til at med planverk på plass, og årleg gjenteking av søknader, så får ein også midlar til desse prosjekta. Eit viktig punkt er krysset mot Leirvåg ferjekai, der det har vore ein del ulukker.

Lerøy viste til at det er ein del gjennomgangstrafikk gjennom Austrheim, og Helge Dyrkolbotn (KrF) sa at dette vil auka når ny veg over Radøy er ferdig.

Handsaming i formannskapet:
Kommunedirektøren sitt framlegg vert samrøystes vedteke.

Vedtak

1. Formannskapet set ned ei bassengnemnd med desse medlemmene:

• Aslak André Bakke

• William Raugstad

• Ordførar Per Lerøy

• 1 rep frå Austrheim svømmeklubb

• 1 rep frå Austrheim IL

• 1 rep frå Lindås IL

I tillegg har Øystein Austrheim sagt at han kan vera ein å henta inn for å bistå ved behov

2. Formannskapet vedtar eit mandat for bassengnemnda, nærare diskutert i møtet 24. mars.

Behandling

Helge Dyrkolbotn (KrF) orienterte på vegner av valnemnda.

Handsaming i formannskapet:
Samrøystes for valnemnda sitt framlegg til vedtak.

Vedtak

Det vert godkjent omsøkte ansvarsrettar samt godkjenning av bustad, garasje m/terrasse og dispensasjon til forstøtningsmur i medhald av plan- og bygningslova §§ 20-3, 23-3, 29-2, 29-4, 27-1, 27-2, 27-4 og § 19-2, jf. § 29-4 og naturmangfaldslova §§ 8-12:

Grunngjeving for vedtaket går fram av saksutgreiinga.

Saka vert sendt Statsforvalteren i Vestland for klagevurdering.

Behandling

Sakshandsamar Christopher Straumøy gjorde greie for saka.

Handsaming i formannskapet:
Samrøystes for kommunedirektøren sitt framlegg til vedtak.

Vedtak

Kommunedelplan for trafikksikring for Austrheim kommune 2022-2030 vert godkjent med dei endringane som går fram av saksutgreiinga. Vedtaket er heimla i plan-og bygningslova § 11-15.

Behandling

Avdelingsleiar plan Asbjørn Toft orienterte om saka, og sa at dette er ein plan som Austrheim kan leva med ei tid framover.

Morten Sognnes (H) spurte om gangfelt frå Mongstadkrysset til Kilstraumen, og viste det har vore fleire stygge ulukker samt dødsulukker på dette strekket. Fekk svar om at det står på lista, frå Kilstraumen til Fonnes.

Per Lerøy (Ap) sa at det er sett opp ei liste over større, og ei over mindre tiltak, og at ein brukar desse aktivt for å visa at det er prioriterte tiltak i Austrheim, som ein så søker om tilskot til.

Bjørn Inge Håland Dyrkolbotn (Sp) viste til at Årås skule har jobba med trafikksikring sidan 2016.

Handsaming i formannskapet:
Kommunedirektøren sitt framlegg vert samrøystes vedteke.

Vedtak

1. Austrheim kommunale eigedomsselskap (AKE) overtek dei kommunale bustadane til marknadstakst. For å finansiere dette oppkjøpet tek eigedomsselskapet opp eit lån på kroner 51,6 millionar kroner. Austrheim kommune stiller som garantist for dette låneopptaket. Dato for å overdraging av eigedomane vert sett til 01.05.2022

2. Austrheim kommune skyt inn 8 millionar kroner i Austrheim kommunale eigedomsselskap for å styrkja eigenkapitalen i selskapet, i tillegg vert delar av desse midlane nytta til å skifte ut kloakken i Vestlia.

3. Av salsbeløpet frå sal av eigedomane blir det sett av med 25 millionar til bunde fond for utbygging/opprusting av skulane. Dei resterande midlane blir nytta til ei ekstraordinær betaling av lån tilhøyrande Austrheim kommune.

4. Det vert etablert eit avtaleverk som regulerer samhandlinga mellom Austrheim kommune og Austrheim kommunale eigedomsselskap.

Behandling

Økonomi- og personalsjef Odd Harald Dommersnes gjorde greie for saka, med ein gjennomgang av saksutgreiinga.

Ordførar Per Lerøy (Ap) sa at det er lagt opp til eit fysisk møte med kandidatar til styret i Austrheim kommunale eigedomsselskap (AKE), og deretter skal det vera ekstraordinær generalforsamling tidleg i april for å velja nytt styre.

Handsaming i formannskapet:
Samrøystes for kommunedirektøren sitt framlegg til vedtak.

Vedtak

Formannskapet i Austrheim kommune vedtek tilsynsstrategien slik den ligg føre.
Grunngjevinga er gjeve i saksutgreiinga.
Vedtaket er heimla i plan- og bygningsloven § 25-1, jf. byggesaksforskrifta § 15-1.

Behandling

Sakshandsamar Christopher Straumøy gjorde greie for saka.

Handsaming i formannskapet:
Samrøystes for kommunedirektøren sitt framlegg til vedtak.