Møte i Formannskapet den 02.02.2023

Vedtak

Innkalling og sakliste vart godkjent

Behandling

Handsaming i formannskapet:
Kommunedirektøren sitt framlegg vart samrøystes vedteke
(Med 4 mot 0 røyster - Bjørn Inge Håland Dyrkolbotn (Sp) møtte ikkje)

Vedtak

Møteprotokoll frå forrige møte vart godkjent

Behandling

Handsaming i formannskapet:
Kommunedirektøren sitt framlegg vart samrøystes vedteke
(Med 4 mot 0 røyster - Bjørn Inge Håland Dyrkolbotn (Sp) møtte ikkje)

Vedtak

Meldingane vart tekne til orientering

Behandling

Handsaming i formannskapet:
Kommunedirektøren sitt framlegg vart samrøystes vedteke
(Med 4 mot 0 røyster - Bjørn Inge Håland Dyrkolbotn (Sp) møtte ikkje)

Vedtak

Delegerte saker vart tekne til orientering.

Formannskapet ber om at kommunedirektøren kjem tilbake med ei sak om gebyr på tiltak knytt til rehabilitering av skorsteinar og eldstadar, samt vurdering om kommunen har hatt for høge gebyr på søknader knytt til slike saker. Ber og om at kommunedirektøren vurderer kva kommunen skal gjera i forhold til dei sakene der gebyra har vore for høge samanlikna med nabokommunane og arbeidsmengda knytt til slike saker.

Behandling

Ordførar Per Lerøy (Ap) spurte om gebyr for rehabilitering av eldstad. Dette gebyret er sett ned i dagens regulativ, og ordføraren spurte om det er betalt tilbake til dei som har betalt høgare gebyr tidlegare.

Avdelingsleiar Asbjørn Toft svara at kommunen har brukt dei gebyrsatsane som har stått i gebyrregulativet.

Ordførar Per Lerøy (Ap) ba om at det vart laga ei sak til kommunestyret på dette. Lerøy viste til at gebyret skal dekka kostnadene til tenesta, men her var langt over.

Kommunedirektør Bjørnar Fjellhaug svara at dette må komma som ei politisk sak om gebyr i samband med eldstad, og kor langt tilbake det skal ha tilbakeverkande effekt dersom ein skal betala tilbake gebyr.

Per Lerøy (Ap) hadde eit framlegg til tilleggsvedtak, med ordlyd "Formannskapet ber om at kommunedirektøren kjem tilbake med ei sak om gebyr på tiltak knytt til rehabilitering av skorsteinar og eldstadar, samt vurdering om kommunen har hatt for høge gebyr på søknader knytt til slike saker. Ber og om at kommunedirektøren vurderer kva kommunen skal gjera i forhold til dei sakene der gebyra har vore for høge samanlikna med nabokommunane og arbeidsmengda knytt til slike saker."

Handsaming i formannskapet:
Kommunedirektøren sitt framlegg, og ordførar sitt framlegg til tilleggsvedtak, vart begge samrøystes vedteke(Med 4 mot 0 røyster - Bjørn Inge Håland Dyrkolbotn (Sp) møtte ikkje

Vedtak

Orienteringane vert teke til vitande.

Det har kome fleire klagar på vintervedlikehaldet på kommunale vegar. Formannskapet ber om at kommunedirektøren kjem med ei orientering om dette i formannskapet 23. februar.

Formannskapet ber kommunedirektøren snarast leggja fram ei sak for kommunestyret om bustadsituasjonen i kommunen. Målet må vera å få etablert fleire eigna bustadar i kommunen.

Behandling

Prosjektleiar Rolf Henning Myrmel orienterte om status for ulike prosjekt:

Nordlihøgda omsorgsbustader:

• Heldt på med anbod på veg vatn og kloakk fram til tomta, og planering. Dette ligg innanfor beløpsgrensa for at kommunen skal kunna gå direkte til inntil tre entreprenørar.

• Har sett ned ei gruppe for å gå igjennom detaljar for sjølve bygningane. Teikningar er godkjende, men står att detaljar for interiør, fargeval, kvalitetar (til dømes om det skal vera stål eller meir husleg). Dette er vurderingar som denne gruppa skal gjera.

Kloakkstasjonar:

• Kloakkpumpestasjon Solen er klar til å starta, men må venta til pumpestasjon Åråsvågen er klar. For stasjonen i Åråsvågen er nedste delen klar. Det var utfordringar med at det var djupt og bløytt, måtte støypa ei avlastingsplattform for å ha underlag. Det vert jobba med ein oppdatert framdriftsplan, økonomisk ligg arbeidet innanfor budsjetta.

Hoplandskverna/sagbruk:

• Grunneigarane skal få tid til å avklara ein del ting før ein går vidare med dette arbeidet.

Årås skule:

• Ser no omrisset av korleis det skal verta. Tok kloakken frå tilbygget mot Austrheimhallen heller enn å kopla inn på eksisterande anlegg, for å sleppa å hogga opp golvet. Håpar å få gjort litt meir enn det som låg i anbodet, og pussa opp fleire flater enn det som var sagt.

Kaland skule:

• Det har dukka opp utfordringar enkelte stader der grunnen har sett seg, og ein må utbetra eksisterande vatn og avløp. Ser at det er mykje stein like under golvflatene, og det gjev ekstra arbeid. Jobbar for å få tatt alle overflater i dei klasseromma der ein jobbar. Har oversikt over usikkkerheitsmoment, og ser at den bufferen som er lagt inn kan brukast til meir arbeid. Ser at me får ein mykje finare skule. Kaland 1 skal rivast neste veke, uteplassen vert heilt stengt medan dette pågår. Symjebassenget må evt. ha tilgang rundt bygget på baksida.

Gangfelt Nordlibrekka:

• Fylket har godkjent planane. Skal no i sving med samarbeidsavtale med fylket, straks denne er klar vert prosjektet lyst ut.

Gangveg til Åråsfeltet:

• Har sprengt ut for den nedste delen i samband med kloakkpumpestasjon Åråsvågen. Jobbar med utlysing av resten av arbeidet.

Næringstomt Mongstad:

• Dette er tomta ved rundkjøringa der kommunen skal ta i mot stein frå Statnett i samband med deira utbygging av Lindås transformatorstasjon. Neste som skal gjerast her er få kontrakt med entreprenør.

Bygging av naust Baløy:

• Ventar på kontrakt med leigetakarar før det blir gjort meir, jamfør vedtak i kommunestyret.

Morten Sognnes (H) spurte om Kaland skule: Om økonomien er bra og pengar til overs, kan me då bruka noko på uteområdet, det ser ikkje ut. Kva med å bygga Pumptrack? Rolf Henning Myrmel svara at det ligg opsjon om å gjera noko med uteområdet, men det er utfordringar med masse som er forureina frå ein støttemur. Ønskjer heller å kjøra massane vekk enn å handtera desse på staden med nedgraving. Trur det skal vera massar i området til å bygga amfi. Uteområdet kan gjerast til slutt, medan veggar inne på skulen må ein ta medan ein er i sving. Kommunedirektør Bjørnar Fjellhaug svara at ein løyser ut opsjonane så langt det er mogleg. Elles skal det lagast utomhusplan for skular og barnehagar.

Morten Sognnes (H) spurte om når innbyggjarar på Hjertås kan kopla seg på kloakkpumpestasjonen på Solen. Rolf Henning Myrmel svara at dei kan kopla seg på når kloakkpumpestasjonen i Åråsvågen er sett i gang. I samband med dette ba Helge Dyrkolbotn (KrF) om at det vart sendt ut informasjon til dei som i nær framtid kan knyta seg til vatn og kloakk, slik at dei kan bu seg på utgiftene og planlegga grøfting og anna arbeid. Myrmel svara at dette skal ein informera om.

Mette C. Nordås orienterte om arbeidet med ungjobb/sommarjobb.

• Sjå presentasjonen, som ligg ved møteboka

Helge Dyrkolbotn (KrF) sa at ein gjerne kan bruka AVS for å få kontakt med ungdommane.

Inger Lise Brekke (H) sa at ein må tenka på yrkesskadeforsikring, og viste til at det også er viktig å tenka på heile pakken inkludert transport mellom heimen og arbeidsplassen for ungdommane. Her svara Mette Nordås at ein skal sjå på forsikring, og elles må ein sjå på ulike løysingar for transport, kanskje dette er noko som kan løysast av Jobbmot sine eigne folk.

Inger Lise Brekke (H) sa at det er bra om dei som er brukte som arbeidsleiarar får opplæring og støtte i dette, slik at det kan vera ein ekstra for dei med tanke på CV og erfaring. Nordås svara at dei skal sjå nærare på dette.

Kommunalsjef helse og velferd Anne Hildegunn Færøy orienterte om tilbodet for Øyeblikkelig Hjelp Døgnopphold (ØHD).

• Sjå presentasjonen, som ligg ved møteboka.

Ordførar Per Lerøy (Ap) sa at han trur dette vert ei bra løysing.

Helge Dyrkolbotn (KrF) sa at det er bra at ein tar med seg erfaringa frå så langt, og la til at han trur dette vert eit bra tilbod.

Inger Lise Brekke (H) viste til at det er eit lovpålagt tilbod, og kommunen må finna ei løysing. Ser at rus og psykiatri er ei ny gruppe her, kva betyr dette for oss? Anne Hildegunn Færøy svara at det kan vera personar med psykiske problem, som kanskje treng trygge rammer ei natt. Det kan vera krevjande å ta desse brukarane inn på ein sjukeheim, det er noko av det som skal vurderast. Generelt er det slik at kommunane i Nordhordland er samde om at ein avgrensar likt på kva oppgåver ein kan løysa.

Inger Lise Brekke (H) spurte om kor stor fridom kommunen har til å legga lista sjølv for kva tilbod ein kan gje. Her svara Anne Hildegunn Færøy at ein ventar på Helsedirektoratet for ei klargjering av kva som gjeld.

Inger Lise Brekke (H) spurte om korleis det vert om det er nokon som ikkje har fastlege i Austrheim, eller det er noko som skjer akutt. Her viste Anne Hildegunn Færøy til dei avgrensingane som ligg, om at legevaktslege ikkje kan legga inn, og heller ikkje spesialisthelsetenesta. Skjer det noko etter kontortid må pasientane leggast inn på sjukehus. Fastlegane kan tilvisa, men det er lege og fagansvarleg ved institusjon som avgjer. Kan seia nei til innlegging på ØHD, sjukehuset kan ikkje seia nei.

Avdelingsleiar plan Asbjørn N. Toft orienterte om presentasjonen som Toft og ordførar Per Lerøy (Ap) hadde for Statsforvaltar Liv Signe Navarsete i samband med dispensasjonssaker frå kommuneplanen.

• Sjå elles presentasjonen, som ligg ved møteboka.

Ordførar Per Lerøy (Ap) viste til at dette hadde vore diskutert i møte mellom statsforvaltar og regionrådet. Navarsete oppmoda til å løysa dette utan setjestatsforvaltar eller departementet involvert. Navarsete ønskte dialog tidleg i prosessane. Ordførarane i Fedje og Austrheim skal saman med kommunedirektørane ta kontakt direkte med statsforvaktar for å løysa konkrete saker. Viste til det som regjeringa har sagt om at det skal vera romslege vurderingar i sone 3. Austrheim er også opptekne av fin og urørt natur, men når eit samrøystes formannskap vil opna for tiltak så må det vera OK. Det skal ikkje vera urimeleg for innbyggjarane når dei søker om å gjennomføra eit tiltak.

Personal- og økonomisjef Odd Harald Dommersnes orienterte om status økonomi.

• Sjå presentasjonen, som ligg ved møteboka

• Går i pluss i 2022, men mindre enn rekna med.

• Med 2,7 avsett til disposisjonsfond etter 2022 er dette fondet oppe i 18 millionar kroner.

• Fekk ikkje noko i skjønstilskot knytt til Korona/Covid, hadde rekna inn 1,5 millionar her.

• Skatteinngangen i desember 2022 var svak, svakare enn same månad i 2021.

• Har fått no ein institusjonsplass i barnevern, det kostar 500.000 i månaden og 6 millionar i året.

Per Lerøy (Ap) sa at det ikkje er heldig at informasjon om institusjonsplass kjem i januar året etter. Kommunedirektør Bjørnar Fjellhaug sa at barnevernet meiner at dei har informert, men det er ingen hjå Austrheim kommune som har registrert dette. Må passa på at dette er noko me får med oss.

Per Lerøy (Ap) sa at dette må vera skriftleg dokumentert når det kjem slike meldingar.

Personal- og økonomisjef Odd Harald Dommersnes sa at det er manglande framdrift i prosjekta, i enkelte tilfelle har administrasjonen bedt om midlar frå kommunestyret men det har ikkje vore framdrift i prosjektet. Kommunen kunne ha lånt midlar på eit seinare tidspunkt.

Kommunedirektør Bjørnar Fjellhaug sa at det blir gjort endringar, prosjekt vert lagt direkte under kommunedirektør. Dette er ei endring som vert gjort i samband med rekruttering av ny kommunalsjef for service og forvalting. Må verta betre på planlegging, evaluering, og gi tilbakemelding på det som ein ikkje klarer å gjennomføra av prosjekt.

Helge Dyrkolbotn sa at det må vera eit samspel mellom administrasjonen og politisk. Politisk må ta ansvar for at ein ikkje kjem opp med for mykje som skal gjennomførast, medan administrasjonen sjå nøyare på ting før dei kjem opp med hastesaker. Administrasjonen må også vera tydelege om dei ikkje klarer å gjennomføra prosjekt. Dyrkolbotn spurte om ein kan venta med å låna midlane til ein treng dei, og ikkje ta det i samband med at vedtaket er gjort om finansiering.

Kommunedirektør Bjørnar Fjellhaug sa at desse sakene må ha med kva som er løyvd tidlegare og kva som er budsjettert opp eller ned. Positivt med betre samspel mellom politisk og administrasjonen. Skal vera tydlegare på kva konsekvensar det får om ein skal gjennomføra ulike prosjekt.

Personal- og økonomisjef Odd Harald Dommersnes viste til at det tidlegare er presisert frå revisjonen at dei lånevedtak som er gjort skal følgjast opp. Skal bli nøyare på å sjå an behovet før ein tar opp lånemidlar, kan tæra på det som ein har ståande før ein tar nye lån. Vil låsa investeringskontoar til kun investeringar, på eigen konto.

Inger Lise Brekke (H) etterlyste ein presentasjon til kvart formannskap på status for alle prosjekt. Kommunedirektør Bjørnar Fjellhaug svara at han skal gje formannskapet skriftleg oversikt på ulike prosjekt, og at det er gode føresetnader for å gjennomføra prosjekt i 2023.

Kommunedirektør Bjørnar Fjellhaug orienterte om ulike saker:

• Ventar på avtalen frå Alver for drifta av legevaktsamarbeidet. Om saka kjem tidsnok kan den gå direkte til kommunestyret 16. februar.

• Skal rekruttera til kommunalsjef for samfunnsutvikling, for å erstatta kommunalsjef for service og forvalting som sluttar ved utgangen av mars. Vil i samband med dette flytta litt på enkelte oppgåver, i lys av det no er to nye kommunalsjefar i løpet av kort tid, helse og velferd og service og forvalting (vert endra til samfunnsutvikling).

• Har no intervju for sjukepleiarstillingar, tre i talet. Her la Odd Harald Dommersnes til at det er fem tilsette som har fått auka opp til 100 prosent stilling, som har hatt nesten full stilling frå før.

• Flyktningar, her er 11 personar busette i 2023, 5 er tildelte, 4 står att for kvoten på 20 som er sett for 2023. Orienterte om kva aldersgrupper og familiegrupper som så langt er busette i Austrheim. Ser at det er ein del arbeid knytt til flyktningar, og vil lysa ut ei rådgjevarstilling knytt til dette.

Inger Lise Brekke spurte om ny kvote med flyktningar frå Ukraina, Fjellhaug svara at det har ein ikkje fått enno, ventar på svar. Har kapasitet ved skule og barnehage, men er utfordringar med å skaffa bustad. Kommunedirektøren er positiv til å prøva å busetta fleire.

Inger Lise Brekke (H) sa at bustader er utfordringa. Brekke spurte om rådgjevarstilling, skal det vera mellombels eller ikkje? Her svara Fjellhaug at det er 50 prosent stilling som er tenkt som ein treårig prosjektstilling.

Helge Dyrkolbotn (KrF) spurte om ein kan utfordra AKE eller private til å bygga to/firemannsbustader på rundt 70 kvadrat så snart som mogleg, dette er uansett noko kommunen treng seinare som gjennomgangsbustader.

Kommunedirektør Fjellhaug ba formannskapet om å bestilla ei sak på dette med bustader, slik at administrasjonen kan bestilla frå AKE. Dette er kommunen sitt selskap, som skal brukast til dette. Ser at det er vanskeleg å sikra seg bustad i Austrheim i dag. Høgare utnytting av feltet på Kaland kan gje fleire bustader.

Ordførar Per Lerøy (Ap) hadde framlegg til vedtak om bustadsituasjonen: «Formannskapet ber kommunedirektøren snarast leggja fram ei sak for kommunestyret om bustadsituasjonen i kommunen. Målet må vera å få etablert fleire eigna bustadar i kommunen»

Ordførar Per Lerøy (Ap) viste til klager på vintervedlikehald og viste også til at det har vore glatt på kommunale vegar i vinter. Kan gjerne skilja på kva som er hovudveg og kva som er stikkvegar av dei kommunale vegane. Framlegg til vedtak: «Det har kome fleire klagar på vintervedlikehaldet på kommunale vegar. Formannskapet ber om at kommunedirektøren kjem med ei orientering om dette i formannskapet 23. februar.»

Handsaming i formannskapet:
Kommunedirektøren sitt framlegg, og ordførar sine framlegg til tilleggsvedtak, vart alle
(Med 4 mot 0 røyster - Bjørn Inge Håland Dyrkolbotn (Sp) møtte ikkje

Vedtak

Kommunestyret delegerer til Valstyret å oppnemna stemmestyre, og elles dei oppgåver som etter Vallova kan delegerast til Valstyret.

Valstyret i Austrheim får denne samansettinga:

Faste medlemmer:

Leiar: Per Lerøy (Ap)

Nestleiar: Inger Lise Brekke (H)

Medlem: Morten Sognnes (H)

Medlem: Anne Dahle Austrheim (KrF)

Medlem: Bjørn I. H. Dyrkolbotn (Sp)

Varamedlemmer:

For Per Lerøy i denne rekkjefølgja:

1. Ann Kristin Leirvåg (Ap), 2. Rikke Heldal Hope (H), 3. Aslak André Bakke (H), 4. Monika Thorpe (Ap), 5. Hardy Pedersen (Ap), 6. Reidar Ulvøy (Ap).

For Inger Lise Brekke i denne rekkjefølgja:

1. Ann Kristin Leirvåg (Ap), 2. Rikke Heldal Hope (H), 3. Aslak André Bakke (H), 4. Monika Thorpe (Ap), 5. Hardy Pedersen (Ap), 6. Reidar Ulvøy (Ap).

For Morten Sognnes i denne rekkjefølgja:

1. Ann Kristin Leirvåg (Ap), 2. Rikke Heldal Hope (H), 3. Aslak André Bakke (H), 4. Monika Thorpe (Ap), 5. Hardy Pedersen (Ap), 6. Reidar Ulvøy (Ap).

For Anne Dahle Austrheim i denne rekkjefølgja:

1. Helge Dyrkolbotn (KrF), Randi K. Dyrøy (KrF).

For Bjørn Inge Håland Dyrkolbotn i denne rekkjefølgja:

1. Lise Renate Helle (Sp), 2. Reidar Øksnes (Sp), 3. Jan Erik Espelid (BYA)

Behandling

Sakshandsamar Ketil Tjore orienterte om saka, jamfør saksutgreiinga.

Handsaming i formannskapet:
Kommunedirektøren sitt framlegg vart samrøystes vedteke
(Med 4 mot 0 røyster - Bjørn Inge Håland Dyrkolbotn (Sp) møtte ikkje)

Vedtak

Austrheim kommune sluttar seg i hovudsak til innhaldet i Regional plan for fornybar energi 2023-2035, men meviser ogtil saksutgreiinga og til våre 9 pkt. under.

1.Austrheim kommune ber om at solenergiproduksjon både på eksisterande og nye bygningar og infrastruktur vert prioritert framover.

2.Austrheim kommune vonar Vestland fylke vil prioritera flytande havvindsatsing framover, og i havområde der ein kjem minst mogeleg i konflikt med fuglelivet/miljø og fiskeri.

3.Austrheim kommune er positiv til at utbygging av låge vindturbinar kan etablerast i større etablerte industriområde, der utbygging ikkje medfører nye naturinngrep eller råkar viktige miljøverdiar.

4.Austrheim kommune ynskjer ikkje fleire naturøydeleggjande vindkraftprosjekt i fylket vårt, men me er positiv til storsatsing på mindre vertikale vindturbinar på og ved eksisterande bygg.

5.Vestland fylkeskommune må vera med å vidareutvikla Greenspot Mongstad for å utvikla området ved Norges største forsyningsbase og største raffineri til ein allsidig grøn industripark.

6. Straumproduksjonen og eigarskapen til våre kraftverk og kraftlinjenett skal i hovudsak vera under nasjonal kontroll og vera folket sin eigedom.

7. Straumprisane skal vera fornuftig og berkraftig for økonomien til våre hushaldingar og næringsliv.Konkurransefortrinnet til industrien vår med rimleg straum må oppretthaldast.

8. Satsing på eit godt nett for el-ladsetasjonar for skips- og båtrafikken er viktig framover,men og ei storsatsing på produksjon og lagring av hydrogen og ammoniakk til transportsektoren må på plass.

9.Kraftnettet må byggjast ut for å sikre ein robust kraftforsyning i fylket vårt.

Behandling

Avdelingsleiar plan, Asbjørn Toft, orienterte «Regional plan for fornybar energi i Vestland 2023-2035 og handlingsprogram 2023-2027-Uttale frå Austrheim kommune», jamfør saksutgreiinga.

Ordførar Per Lerøy (Ap) sa at det etter hans syn kan byggast vindkraftanlegg i fjella, ser ikkje at det er like omstridt som andre stader. Lerøy la til at det kan komma ein søknad på fem vindturbinar på Mongstad, i regi av Greenspot Mongstad. Lerøy sa vidare at han synest ein kan gå for denne uttalen.

Inger Lise Brekke (H) sa at det er vanskeleg å komma fram til ein tverrpolitisk felles uttale for dette med vindkraft, for det er så mange ting som spelar inn. Det er vanskeleg å komma fram til eit dokument som ikkje rører punkter for usemje, men samstundes er så romsleg at det er OK.

Ordførar Per Lerøy (Ap) sa at det er eit definisjonsspørsmål kva som er inngripande tiltak. Ser ikkje at ulempene er så store som enkelte skal ha det til.

Helge Dyrkolbotn (KrF) sa at han synest dette er eit OK innspel. Er heilt for at me kan bruka eksisterande industriområde til vindkraft, naturleg at dette kjem på Mongstad der det allereie er gjort store inngrep.

Ordførar Per Lerøy (Ap) sa at ein treng energien for industrien og næringsutviklinga.

Inger Lise Brekke (H) sa at i Austrheim vil vindkraft visa godt sidan det er så flatt. Samstundes er det vanskeleg å seia at me skal ha kraft, men vil ikkje bygga her. Om ein skundar seg med vindmøller no, kor lenge vil det vara? Vil ein etter tjue år ha store utfordringar utslitne vindmøller.

Ordførar Per Lerøy (Ap) viste til at det trengs 40 TWH meir straum inn i marknaden, for å ha nok til forbruk og reserve ved tørkeår og elektrifisering av ulike ting.

Helge Dyrkolbotn (KrF): Kva med å utforska utnyttinga av straumane våre, kan me henta noko der? Ordførar Lerøy viste til straumkraft vert testa andre stader.

Inger Lise Brekke (H) sa at ho ikkje er usamd i behovet for meir kraft, men korleis skal ein få det.

Morten Sognnes (H): Synest ikkje vindmøller er så sjenerande. Må også satsa på solceller, ikkje komma for seint med i den satsinga.

Helge Dyrkolbotn (KrF): Kva skjer om 25 år når konsesjonane går ut, kven skal rydda opp etter vindmøllene (her sa Per Lerøy (Ap) at dette bør komma inn i konsesjonsvilkåra, slik at ein sikrar avsetnader av midlar til opprydding).

Asbjørn Toft sa at for vindkraft må produksjon og linjenett balanserast. I Austrheim er det søknader på gang for mindre vertikale vindmøller.

Inger Lise Brekke (H) sa at ein må spara straum også, går mykje til datalagring når folk tar vare på alle data.

Ordførar Per Lerøy (Ap) sa at ein må vera klar over at landet styrer mot energiunderskot i framdrifta. Tar lang tid å bygga ut, berre linja Modalen-Kollsnes tok nesten tjue år frå første søknad til det var spenning på linja.

Handsaming i formannskapet:
Kommunedirektøren sitt framlegg vart samrøystes vedteke
(Med 4 mot 0 røyster - Bjørn Inge Håland Dyrkolbotn (Sp) møtte ikkje)

Vedtak

Formannskapet ber om at sak 008/23 vert utsett til 23. februar og at det vert synfaring i saka.

Behandling

Handsaming i formannskapet:
Ordførar sitt framlegg om utsetting vart samrøystes vedteke(Med 4 mot 0 røyster - Bjørn Inge Håland Dyrkolbotn (Sp) møtte ikkje)

Vedtak

Kommunedirektøren legg fram fylgjande framlegg til svar:

1. Bør den økonomiske ramma i mellomoppgjeret fordelast sentralt, eller bør delar av den forhandlast lokalt, ut i frå lokale behov og prioriteringar?

Svar:

Austrheim kommune ønskjer primært at dei økonomiske rammene vert fordelt sentralt, men at kommunane får ein lokal pott som kan fordelast etter lokale behov. Behova i kommunane er ulike. Vi ønskjer å prioritera dei stillingar kor vi har størst utfordringar med å rekruttere og behalde. Vi ser også nokre utfordringar ved lokale prioriteringar. I konkurranse om viktig arbeidskraft ser vi at kommunar driv å overbyr kvarandre for å skaffa arbeidskrafta og kompetansen. Dette vil på sikt vere lite tenleg. Det bør sjåast på andre «gulrøter» i rekruttering og vi ser også at det må gjevast «pakkar» for å rekruttere framtidig arbeidskraft. Viktige prioriteringar vert å leggja til rette for heiltidskultur, samt leggje til rette for ein attraktiv lønspolitikk for dei som vidare- og etterutdannar seg.

1. Om det vert sett av midlar til lokale forhandlingar, kor stor bør potten i så fall vere?

Svar:

Det bør setjast av ein så stor pott at det vert høve for reelle lokale tingingar.

1. Om ramma fordelast sentralt:

   • Er det ynskjeleg at alle tilsette får omlag like store tillegg eller er det ynskjeleg med ei tydelegare prioritering av enkelte grupper framfor andre?

   • Om enkelte grupper skal prioriterast, kva stillingsgrupper og/eller ansiennitetstrinn bør i så fall få størst tillegg?

Svar:

Det er ønskjeleg med tydeleg prioritering av stillingar/grupper kor ein ser det er størst utfordringar med å rekruttera og behalde tilsette. Stillingar med krav til utdanning (bachelor grad eller høgare), innan alle sektorar bør prioriterast. Det bør løne seg med høgare utdanning og det må vise seg att også i prioriteringane. Vi meiner vidare at det bør vere merkbar ulikskap i løn mellom tilsette med fagbrev/ fagskule og dei tilsette utan utdanning. Tilsette utan utdanning bør ikkje prioriterast, men stimulerast og oppmodast til å ta etter- og vidareutdanning. Ein ser at startløna for høgskulegruppa (3 års u/hutdanning) ikkje har så stor skilnad når ein samanliknar med ufaglærte og ufaglærte med lang ansiennietet (pr 1.1.2023 kr 431 400 og kr 460 300,-). Det vart gjort eit løft i oppgjeret i 2022 for høgskulegruppa (3 u/h-utdanning) noko som er bra! Framleis treng ein å løfta desse gruppene då kommunar framleis overbyr kvarandre for å rekruttera frå desse gruppene.

Behandling

Kommunedirektør Bjørnar Fjellhaug orienterte om saka, jamfør saksutgreiinga.

Ordførar Per Lerøy (Ap): Stiller seg bak det som er lagt fram.

Helge Dyrkolbotn (KrF): Kva med ufaglærte innan helse/skule/reinhald som ikkje har tid, evne og økonomi til å ta utdanning? Om desse aldri skal prioriterast, er det knallhardt.

Inger Lise Brekke (H): Kommunen må prioritera dei som tar etterutdanning, det handlar om å vera konkurransedyktige.

Ordførar Per Lerøy (Ap): Dei lågtlønte vil også få lønsvekst saman med dei generelle veksten. Elles må me hjelpa folk fram til ferdig fagbrev, slik det er gjort innan reinhald og anna. Synest innhaldet i debattheftet er tilpassa kompetansenivået me har i kommunen

Helge Dyrkolbotn (KrF): Viktig å unngå at ein seier at «du ikkje har verdi», for også dei ufaglærte gjer ein viktig jobb.

Økonomi- og personalsjef Odd Harald Dommersnes sa at Austrheim kommune har seks tilsette ufaglærte som ventar på å ta fagbrev, men det er liten kapasitet hjå fylket til å komma gjennom hjå prøvenemndene. Det er stor interesse for å ta fagbrevet. Enkelte må ein starta heilt på start, og må læra å lesa og skriva før dei kan komma til fagbrev-biten.

Morten Sognnes (H): Må ha ei gulrot til å ta dette fagbrevet. Må også stilla krav, til dømes at dei som er assistentar i skulen må utdanning.

Kommunedirektør Bjørnar Fjellhaug sa at assistentar sjølvsagt skal ha utdanning, det er veldig viktig at det er på plass, anten det er barne- og ungdomsarbeid eller anna.

Handsaming i formannskapet:
Kommunedirektøren sitt framlegg vart samrøystes vedteke
(Med 4 mot 0 røyster - Bjørn Inge Håland Dyrkolbotn (Sp) møtte ikkje)

Vedtak

Kommunedirektøren legg fram følgjande framlegg til svar:

Kva er dei mest relevante utfordringane framover?

1. Er utfordringsbiletet som skildra i heftet gjenkjennbart for din kommune?

Svar:

Utfordringsbiletet som er skildra i debattheftet er gjenkjennbart for Austrheim. Alle utfordringane merkar ein i større og mindre grad allereie, og dei andre er ein førebudd på å møta. Ein merkar at trongare økonomi krev tøffare prioriteringar, samstundes som ein skal levere gode tenester.

1. Er det andre langsiktige utfordringar enn det som er skildra, som de vil peike på?

Svar:

Ei anna utfordring er for kommunane å ivareta alle rollene som samfunnutviklar, samfunnsbyggar og tilretteleggjar. Med stadig trongare økonomi, aukande krav til tenesteleveranse, vil det å levere gode tenester bli ei utfordring. Kommunane kan ikkje klare å levere alt, og er avhengig av samarbeid med næringsliv, frivillig sektor og andre aktørar. Det å byggja framtidas velferdstenester, kan by på utfordringar med å få nok og rett kompetanse. I høvesvis små kommunar kan ein oppleve noko gjennomtrekk av kompetanse og særs på utsette tenesteområder som psykolog, der ein ikkje har større fagmiljø. Det å skapa gode fagmiljø og utvikling vil vere ei utfordring og ein treng også å samarbeida på tvers av kommunar. Oppretthalding av generalistkommunen kan vere ei langsiktig utfordring.

1. Kva utfordringar meinar de blir spesielt viktig å vere merksam på framover?

Svar:

Ein må vere særs merksam på demografiutfordringane. Ein skal ha eit godt tenestetilbod til ei aldrande gruppe og ein merkar at å få rett og nok kompetanse er krevjande og vil berre bli meir utfordrande. Når ein samstundes får nye lovpålagte oppgåver som ein skal løyse, utan at det fører midlar med, vil det medføre knappare ressursar og på sikt eit dårlegare tilbod. Kommunane treng å få fridom til å prioritere og handtere oppgåvene innanfor lokal sjølvstyre. Med stadig aukande grad av å forvalta sterkt statleg styrte velferdstenester, kan det på sikt bli krevjande for ein høvesvis liten kommune å handtere sjølv. Endringar også i inntektssystem som medfører lågare frie inntekter, vil det vere endå meir krevjande å levere gode velferdstenester i tida frametter.

Korleis styrke lokaldemokratiet si evne og kraft til bærekraftig arealbruk?

1. Kva mogelegheiter og utfordringar opplever kommunane sjølv i arbeidet med bærekraftig arealbruk?

Svar:

Kommunane som i størst grad kjenner sitt eige areal, må få høve til å regulere eigen arealbruk. Statlege styresmakter må i mindre grad overstyre lokalt skjønn, om ikkje det er i strid med nasjonale føringar, lover og føresegner. Ein må ha rom for utnytting av arealet til ålmenta, samstundes som ei fleksibel strandlinje må vere mogleg. Ein må kunne ha høve til å ta vare på verdifult areal, men samstundes leggje opp til eit berekraftig arealbruk. Moglegheitene er der gjennom arealplanleggjing, men utfordringar er sterke nasjonale føringar som vert handert likt, utan å sjå til faktisk bruk. Det er utfordrande med det grøne skiftet, men samstundes gjev det ei moglegheit. Ein må utnytte ressursane ein har lokalt og arbeida målretta med å nå klimamåla.

1. Kva nye verktøy og verkemidlar vil vere nyttige og naudsynte i kommunen sitt arbeid med bærekraftig arealbruk?

Svar:

Kommunane treng system og verktøy for god kartlegging og vurdering av berekraftig arealbruk. Det kan vere når det gjeld utarbeiding av areal- og naturrekneskap, så vel som klimarekneskap. Alle kommunar har ikkje same tilgang til ressursar og treng difor hjelpeverktøy som lettare kan nyttast og gjer at ein kan gjere gode analysar og planleggjing. Nokre felles gode system blir viktig. Samstundes vil ein ha behov for kompetanse og at fylkeskommune og statsforvaltar kan arbeida saman med kommunane for ei berekraftig arealbruk. Det at ein arbeidar med og ikkje mot, og samskapar vil vere nyttig og nadsynt for kommunane. Ein treng at ein samskapar og hjelper til å finne gode og konstruktive løysingar som er framtidsretta og reduserer klimakonsekvensane og naturutfordringane. Vidare treng ein også økonomiske verkemidlar. Kommunar som stiller sitt areal til disposisjon for fellesskapet, må også få att for å ha nytta sitt areal til samfunnsnyttige føremål. Ei foreinkling av plan- og bygningslova bør gjerast slik at planprosessane går raskare og meir effektivt.

Korleis få til ei raskere omstilling og mobilisering av ressursar?

1. Kva er dei største barrierane for å få til ei raskere omstilling i din kommune?

Svar:

Dei største barrierane er ressursar, kompetanse og økonomi. Det er stor vilje til omstilling innad i organisasjonen, men tid, ressursar og kompetanse, samstundes som å ha moglegheit til å gjennomføre gode omstillingsprosessar kan vere nokre av barrierane. Det å sjå gevinsten av omstillingsarbeidet, kan også vere ein barriere som gjer til at omstilling kan ta litt lengre tid.

1. Kor ser de dei største mogelegheitane for å mobilisere ressursar internt i eigen organisasjon og med eksterne utanfor organisasjonen?

Svar:

Vi har moglegheiter innanfor alle sektorane til omstilling. Størst potensiale ligg innan helse og velferd og utvikling av velferdsteknologi. Samhandling innad og ekstern med næringsliv, vgs og høgare utdanning, ligg potensiale til å få til gode omstillingsprosessar.

Behandling

Kommunedirektør Bjørnar Fjellhaug orienterte om saka, jamfør saksutgreiinga.

Ordførar Per Lerøy (Ap): Må legga til rette for næringsutvikling, då får me samfunnsutvikling og vekst. Må vera attraktive for det private næringslivet.

Inger Lise Brekke (H): Må unngå utanforskap, det er tapte skatteinntekter, helseutfordringar med meir. Gjev mange utfordringar om ein står utanfor arbeidslivet.

Ordførar Per Lerøy (Ap) : Må jobba med tidleg innsats. Hindra at unge fell utanfor samfunnet.

Kommunedirektør Bjørnar Fjellhaug sa at det er lettare for oss i ein liten kommune å sjå heilskap, må jobba fram samarbeid og tverrfagleg arbeid.

Inger Lise Brekke (H): Etterlyste meir klart språk, Fjellhaug lova å sjå på det.

Helge Dyrkolbotn (KrF): spurte om velferdsteknologi, kva inneber det, er alt bra? Kan det gje meir einsemd?

Kommunalsjef helse og velferd Anne Hildegunn Færøy sa at dette med velferdsteknologi vert del av kommunedelplan for helse og velferd. Skal legga rette for teknologi, digitale måtar å jobba på. Skal skapa tryggheit, sjå på kva som skal til for at flest mogleg skal bu heime lengst mogleg, og ta i bruk mobilt vakthold. Det er mykje som skjer innan dette feltet.

Ordførar Per Lerøy (Ap): Teknologien kan gjera omsorgspersonalet meir tilgjengelege for dei som treng omsorg.

Handsaming i formannskapet:
Kommunedirektøren sitt framlegg vart samrøystes vedteke
(Med 4 mot 0 røyster - Bjørn Inge Håland Dyrkolbotn (Sp) møtte ikkje)

Vedtak

Formannskapet tilrår kommunestyret å vedta retningslinjene slik dei ligg føre. Etter at vedtaket er gjort i kommunestyret, skal retningslinjene vera tilgjengelege på kommunen si nettside.

Behandling

Sakshandsamar Ketil Tjore orienterte om saka, jamfør saksutgreiinga.

Etter innspel frå Inger Lise Brekke (H) vert det til handsaminga i kommunestyret teke med lovhenvisning for bruken av tolk.

Etter innspel frå Per Lerøy (Ap) får kommunestyret ei anonymisert oversikt over status for startlån, og lån gitt i 2022.

Handsaming i formannskapet:
Kommunedirektøren sitt framlegg vart samrøystes vedteke
(Med 4 mot 0 røyster - Bjørn Inge Håland Dyrkolbotn (Sp) møtte ikkje)

Vedtak

Kommunestyret godkjenner framlegget til prosjektreglement.

Behandling

Økonomi- og personalsjef Odd Harald Dommersnes orienterte om saka, jamfør sakutgreiinga.

Helge Dyrkolbotn (KrF): Administrasjonen må også tenkja miljø i samband med prosjekt.

Kommunedirektør Bjørnar Fjellhaug: Må ha på plass eit reglement slik at det vert brukt prosjektmandat, og sluttrapport med læringspunkt. Må halda tilbake på midlar til leverandørar til ein er sikker på at ein har alt på plass i prosjektet.

Økonomi- og personalsjef Odd Harald Dommersnes: Dei som er prosjektleiarar må ha eit verktøy, reglementet skal sikra at dei får det dei skal ha. Må vurdera risiko, det betyr mykje om det er økonomiske avvik. Prosjektmandat må gå til politisk handsaming

Ordførar Per Lerøy (Ap): Viktig med testing og utprøving når noko er klart, må halda igjen midlar til alt er ferdigstilt.

Morten Sognnes (H): Ser veldig bra ut, men det er etterlevinga det står på i det neste. Må henga på heile vegen undervegs i prosjekta, med tanke på korleis det ligg an på tid og med midlar.

Handsaming i formannskapet:
Kommunedirektøren sitt framlegg vart samrøystes vedteke
(Med 4 mot 0 røyster - Bjørn Inge Håland Dyrkolbotn (Sp) møtte ikkje)