Čoahkkin Formannskapet 20.10.2022

Behandling

Ordførar Per Lerøy (Ap) sa at saka om ny politisk organisering må utsetjast delvis, i påvente av at ein får etablert gruppeleiarforum, som er det fora som skal innstilla i denne saka. Det var semje i formannskapet om at ein i løpet av møtet gjer klart eit vedtaksframlegg som utsetter deler av denne saka, og som berre seier kor mange medlemmer det skal vera i kommunestyret. Dette med tal medlemmer må vedtakast no, i forkant av valet i 2023.

Helge Dyrkolbotn (KrF) viste til sak 103/22 om innkjøp og konsulentbruk, og sa at han ikkje hadde venta at spørsmåla han hadde i førre kommunestyre skulle komma tilbake som politisk sak. Kommunedirektør Bjørnar Fjellhaug svara at han kan orientera meir om dette i samband med at saka vert handsama.

Handsaming i formannskapet:
Kommunedirektøren sitt framlegg vert samrøystes vedteke

Vedtak

Møteprotokoll frå forrige møte vart godkjent

Behandling

Handsaming i formannskapet:
Kommunedirektøren sitt framlegg vart samrøystes vedteke

Vedtak

Meldingane vart tekne til orientering

Behandling

Handsaming i formannskapet:
Kommunedirektøren sitt framlegg vart samrøystes vedteke

Vedtak

Delegerte saker vart tekne til orientering

Behandling

Sakshandsamar Christopher Straumøy orienterte om dei delegerte sakene.

Per Lerøy (Ap) spurte om gebyret som vert teke for rehabitering av pipe, der Austrheim kommune tar 8.000 kroner og nabokommunen Alver 1.900, og ordføraren ba om at ein ser på tilbakeføring. svara at administrasjonen ser på dette, og vil komma tilbake med ei sak som omfattar lågare gebyr og ei tilbakeføring av allereie betalte gebyr. Det ser ut for at dette med rehablitering av pipe har falle litt gjennom i samband med utarbeiding av gebyrregulativet.

Handsaming i formannskapet: Kommunedirektøren sitt framlegg vart samrøystes vedteke

Behandling

Einingsleiar teknisk drift, Rolf Henning Myrmel, orienterte om skuleprosjekta, Kaland og Årås.

31. oktober startar ein arbeidet på Årås skule, først riving og deretter start bygging i veke 48.
På Kaland skal ein starta i veke 48, og Kaland 1 skal rivast i veke 51.
Er ei forskyving av kostnader der ein brukar mindre enn planlagt i 2022, og dette vert teke først i 2023.

Helge Dyrkolbotn (KrF) spurte om framdrift skuleprosjekt, Myrmel svara at det er teke sikt på at ein skal vera ferdig til skuleslutt i juni. Har gjort tilpassingar opp mot skuledrifta for å sikra best mogleg samarbeid.

Einingsleiar teknisk drift, Rolf Henning Myrmel, orienterte om arbeid med gangveg Fonnes kai, der grunneigar har vore inne med førespurnad. Dette ligg som eit rekkefølgjekrav for vidare utbygging der. Kommunen har det ikkje i trafikksikringsplanen i dag og har ikkje midlar til dette. Kan anten gjera dette gjennom ein utbyggingsavtale med eller utan tilskot, men har ikkje midlar sjølv. Er eit prosjekt som kan komma på rundt 4 millionar med gjengs prisar på gangveg og veglys.

Per Lerøy (Ap) sa at ein må sjå dette i samanheng med andre arbeid i området, som nedlegging av høgspentleidningar.

Einingsleiar teknisk drift, Rolf Henning Myrmel, orienterte om VA.

Pumpestasjon Årås skal leverast denne veka, og pumpestasjon Åråsvågen om to veker, entreprenør vil starta innanfor ei veke med arbeidet dei skal gjera.

Ordførar Per Lerøy (Ap) spurte om anbod på gangveg Åråsvågen - Åråsfeltet og gangveg ved Nordiheimen, her svara Myrmel at ein er i gang med utarbeiding av anbodspapir.

Einingsleiar kultur Kari T. Utkilen orienterte om søknader til kultur.

• Austrheim svømmeklubb har søkt om bidrag til treningsleir der totalkostnad er 60.-80.000 kroner. Her er det tildelt 10.000 kroner frå kulturmidlar.

• Stiftinga Betania Leirvåg hadde eit 2021-underskot på 50.000. Tidlegare har dei fått støtte av kommunen, 75.000 i 2020, og dei ber om same sum for 2022. Eit forsamlingshus som dette passar ikkje inn i ordningar kommunen har, einaste er samfunnshuset som får 45.000 av kommunen. Ser for seg at det burde vera ei ordning der det var mogleg for ulike forsamlingshus å søka om støtte.

Ordførar Per Lerøy (Ap) sa at det er bra at ein har funne midlar til symjegruppa, som i fleire år har fått drifta forpurra av ulike vedlikehaldsstansar. Driv bassenget for kommunen på ein god måte, og har eit godt tilbod. Elles sa ordføraren at det er bra om ein får på plass ei ordning for støtte til forsamlingshus.

Kommunedirektør Bjørnar Fjellhaug sa om støtte til forsamlingshus at det er betre å laga ei ordning heller enn å gje berre til nokre framfor andre. Heller legga inn i budsjettarbeidet ei ordning for at ein kan søka om midlar til forsamlingshus.

Kommunedirektør Bjørnar Fjellhaug orienterte om arbeidet med budsjett 2023 og økonomiplan for 2023-2026 (og anna):

• Dette er eit krevjande arbeid, tidsplanen no er å legga det ut på høyring fredag 28. oktober, og første politiske handsaming i formannskapet torsdag 3. november.

• Jobbar med nye turnusar

• Jobbar med heiltidskultur

• Ser at det er utfordringar med rekruttering, av sjukepleiarar og andre

• Må ta ned utgifter/auka inntekter, elles er ein raskt inne på Robek igjen.

• Anne Hildegunn Færøy er tilsett som kommunalsjef helse og omsorg frå 1. januar 2023.

• Atle Vaage er tilsett som einingsleiar teknisk drift, frå 1. januar 2023.

• Frå 1. januar 2023 går kommunelege Peter Kubon av med pensjon, men tar til i ei ny 50 prosent stilling som kommuneoverlege, dette er utan kurativ verksemd.

• Avvikssystemet er i drift, så langt i år er det lagt inn 260 ulike avvik. Det er 41 avvik som har status til behandling, der ein jobbar med tiltak og anna.

Ann Kristin Leirvåg (Ap) spurte om avvikssystemet, og etterlyste at det vart sett frist (dato) for når ting skal vera i orden, og at det vart gitt tilbakemelding om oppfølging. Her svara kommunedirektør Fjellhaug at dette er noko som skal tas opp vidare, og bli formidla til dei ulike kommunalsjefane.

Kommunedirektør Bjørnar Fjellhaug orienterte om arbeidet som er gjort i samarbeid med Apriil om "Flytt til Austrheim".

• Viktig å få nye innbyggarar til kommunen. Ordførar Per Lerøy (Ap) supplerte med at dette starta med arbeidet til "Framtidsfylket Vestland", der det også vart laga eit magasin som var innstikk til Bergens Tidende og brukt på sosiale media. No ser ein på om det skal lagast eit eige flytt til Austrheim-prosjekt, men om dette skal realiserast vil prosjektet komma opp som eiga sak, og arbeidet må leggast ut på anbod.

• Helge Dyrkolbotn (KrF) spurte om det er laga noko avtalar med Apriil, her svara ordførar Lerøy at det ikkje er gjort avtalar utover annonsen i BT-innstikket (i 2021), og at Apriil har eit konsept som kommunen eventuelt kan gå inn på, men der må formannskapet seia ja, og så må ein henta inn anbod.

• Helge Dyrkolbotn (KrF) spurte om det er lagt opp til å spørja ungdommar som er aktuelle for å flytta heim, ordførar Lerøy (Ap) svara at det alt er delvis gjennomført allereie med ungdommar som var tilsette i kommunen.

• Bjørn Inge H. Dyrkolbotn (Sp) spurte om kor mange ein må få til å flytta hit for å forsvara ein kostnad på eit par hundre tusen. Ordførar Lerøy (Ap) svara at ein tener dette inn på ein familie, sidan innbyggjartilskotet er på 90.000 kroner per person.

• Kommunedirektør Bjørnar Fjellhaug sa at det vil kosta kring 120.000 for å få på plass eit rammeverk for ei Heim til Austrheim-nettside, tanken er å ha innhald om flytting, bustad og arbeidsmarknaden. Her sa ordførar Lerøy (Ap) at det er viktig å ha nokon som kan svara i andre enden, dersom ein først skal starta opp ei slik nettside med informasjon.

• Morten Sognnes (H) sa at ein må starta i rett ende, med å snakka med ungdommane om kva som skal til for at dei skal busetta seg i Austrheim. Ser at det mange ungdommar ser etter er tilboda, ikkje minst kollektivtilbodet som er veldig dårleg.

• Kommunedirektør Bjørnar Fjellhaug sa at ein kan ta med til desembermøtet ei sak om konseptet, der ein eventuelt kan legga det ut på anbod etter nyttår.

Handsaming i formannskapet:
Kommunedirektøren sitt framlegg vart samrøystes vedteke

Vedtak

Austrheim kommune gjev dispensasjon frå kommuneplan plan-id: 2013001 arealsføremål og byggjegrense i same KPA til omsøkt naust på Lauvøyna.

Grunngjevinga er gjeve i saksutgreiinga. Vedtaket er heimla i plan- og bygningslova § 19-2, jf. § 11-6.

Saka vert sendt til Statsforvalteren i Vestland for klagevurdering.

Behandling

Sakshandsamar Christopher Straumøy orienterte om saka, jamfør saksutgreiinga.

Ordførar Per Lerøy (Ap) refererte vedtaket.

Handsaming i formannskapet:
Kommunedirektøren sitt framlegg vart samrøystes vedteke

Vedtak

Austrheim kommune gjev dispensasjon frå kommuneplan plan-id: 2013001 og pbl. § 1-8 som omsøkt.

Grunngjevinga er gjeve i saksutgreiinga. Vedtaket er heimla i plan- og bygningslova § 19-2, jf. § 11-6 og § 1-8.

Saka vert sendt til Statsforvalteren i Vestland for klagevurdering

Behandling

Sakshandsamar Christopher Straumøy orienterte om saka, jamfør saksutgreiinga.
Det er "som omsøkt", og ikkje "til omsøkt", til slutt i første setning.

Ordførar Per Lerøy (Ap) refererte vedtaket.

Handsaming i formannskapet:
Kommunedirektøren sitt framlegg vart samrøystes vedteke

Vedtak

Austrheim kommune gjev dispensasjon frå LNF-føremålet i kommuneplan plan-id: 2013001 og bygge-og deleforbodet i pbl. § 1-8 som omsøkt.

Grunngjevinga er gjeve i saksutgreiinga. Vedtaket er heimla i plan- og bygningslova § 19-2, jf. § 11-6 og § 1-8.

Saka vert sendt til Statsforvalteren i Vestland for klagevurdering.

Behandling

Sakshandsamar Christopher Straumøy orienterte om saka, jamfør saksutgreiinga.

Ordførar Per Lerøy (Ap) refererte vedtaket.

Handsaming i formannskapet:
Kommunedirektøren sitt framlegg vart samrøystes vedteke

Vedtak

Austrheim kommune gjev på vilkår dispensasjon frå kommuneplan plan-id: 2013001 og pbl. § 1-8 til omsøkt antennesystem med utstyrshytte:

1. Det må søkast om og føreligge godkjent igantsettingsløyve før tiltak kan iverksetjast på staden.

Grunngjevinga er gjeve i saksutgreiinga. Vedtaket er heimla i plan- og bygningslova § 19-2, jf. § 11-6 og § 1-8.

Saka vert sendt til Statsforvalteren i Vestland og Vestland Fylkeskommune for klagevurdering

Behandling

Sakshandsamar Christopher Straumøy orienterte om saka, jamfør saksutgreiinga.

Helge Dyrkolbotn (KrF) spurte om det vert avgrensingar i bruken av Bjørnøya med denne installasjonen, her svara Straumøy at det er ikkje vert avgrensingar.

Bjørn Inge H. Dyrkolbotn (Sp) sa at antenna vil vera synleg frå store område, slik den er plassert.

Ordførar Per Lerøy (Ap) refererte vedtaket.

Handsaming i formannskapet:
Kommunedirektøren sitt framlegg vart samrøystes vedteke

Vedtak

Det er positivt at sogelaget ønskjer å formidle skulesoga til Austrheim, men Austrheim kommune kan ikkje bere kostnadene med bokprosjektet «Skulesoge for Austrheim kommune»

Behandling

Einingsleiar kultur Kari T. Utkilen orienterte om saka, jamfør saksutgreiinga.

Ordførar Per Lerøy (Ap) sa at det er bra om ein hadde fått det til, men er ikkje mogleg for kommunen å gje støtte i dagens økonomiske situasjon.

Helge Dyrkolbotn (KrF) sa at det er ei skulesoge som manglar, men kommunen har ikkje midlar i dag. Håpar sogelaget kan sjå på andre løysingar. Ba om eit tillegg i vedtaket, som viser at formannskapet er positive til ideen om ei skulesoge, og ein tar med dette punktet frå saksutgreiinga: "Det er positivt at sogelaget ønskjer å formidle skulesoga til Austrheim. "

Bjørn Inge H. Dyrkolbotn (Sp) sa at det er bra prosjekt, men kommunen har ikkje midlar.

Morten Sognnes (H) sa at ideen er god, men har ikkje midlar no. Sogelaget må sjå på andre løysingar, kanskje kan dei søka om midlar?

Ordførar Per Lerøy (Ap) refererte vedtaket, som vert med eit tillegg.

Handsaming i formannskapet:
Kommunedirektøren sitt framlegg, med tillegg, vart samrøystes vedteke

Vedtak

Formannskapet i Austrheim gjer følgjande vedtak:

1. I kommunale bygg vert maksimumstemperaturen sett til 20 grader.

2. I idrettshallar vert maksimumstemperaturen sett til 17 grader på speleflater.

3. I garderobar vert maksimumstemperaturen sett til 21 grader.

4. Nordliheimen, Vestlia med unntak av fellesareal, samt enkelte rom på legekontoret er unnateke.

Behandling

Kommunedirektør Bjørnar Fjellhaug orienterte om saka, jamfør saksutgreiinga.

Helge Dyrkolbotn (KrF) spurte om det vert teke særlege omsyn til barnehage og andre bygg der det er grunn til å ha høgare temperatur enn andre stader. Må vera fleksibel på dette. Her svara kommunedirektør Fjellhaug at det er utfordringar med at ein i enkelte bygg ikkje kan justera varmen rom for rom, men må justera heile bygget. Skal kartlegga dette, og sjå på dei løysingane ein kan bruka.

Helge Dyrkolbotn (KrF) repliserte at ein må ha fleksibilitet, og Fjellhaug sa at ein skal ha ein gjennomgang av alle dei kommunale bygga. Må kanskje ta på meir klede, men skal ikkje frysa ut nokon.

Morten Sognnes (H) sa at kommunen ikkje må stoppa med dette, må gå vidare til vindmøller og solceller, og brønnar for jordvarme. Her kommenterte ordførar Lerøy at ein ser også på dette, og vidare må jobba med varmekjelder for store bygg som Austrheimhallen, Årås skule og kommunehuset. Kommunen må bytta lyskjelder til led og andre rimelege lyskjelder, for energiforbruket må vesentleg ned i framtida.

Bjørn Inge H. Dyrkolbotn (Sp) sa at dette er meir straumsparing enn energieffektivisering, og då burde saka heitt det. Her svara kommunedirektør Fjellhaug at det er litt begge deler, sidan det også skal investerast noko.

Handsaming i formannskapet:
Kommunedirektøren sitt framlegg vart samrøystes vedteke

Vedtak

Kommunedelplan for klima- og energi for Austrheim kommune 2022-2032 datert august 2022 vert godkjent. Grunngjevinga er gjeve i saksutgreiinga.Vedtaket er heimla i plan- og bygningslova si § 11-15.

Formannskapet har tidlegare etterlyst ein eigen klimakonferanse, ein slik konferanse skal arrangerast i løpet av hausten/vinteren.

Behandling

Sakshandsamar Christopher Straumøy orienterte om saka, jamfør saksutgreiinga.

Helge Dyrkolbotn (KrF) viste til at formannskapet ba om ein klimakonferanse før denne planen vart vedteken, her svara ordførar Per Lerøy (Ap) at ein skal legga inn i vedtaket at ein slik klimakonferanse skal arrangerast i løpet av hausten/vinteren.

Ordførar Per Lerøy (Ap) refererte vedtaket.

Handsaming i formannskapet:
Kommunedirektøren sitt framlegg vart samrøystes vedteke, med tillegg

Vedtak

1. Kommunedirektøren i Austrheim tilrår deltaking i prosjektet Menn i helse.

2. Kommunedirektøren anbefala at Austrheim kommune bindar seg til å ta imot minimum to helserekruttar ved kvart opptak.

Behandling

Konstituert kommunalsjef helse og omsorg, Kim André Vangberg, orienterte om saka, jamfør saksutgreiinga.

Ordførar Per Lerøy (Ap) sa at dette er eit tiltak som kommunen må gå med i, og fekk støtte frå formannskapet til det.

Ordførar Per Lerøy (Ap) refererte vedtaket.

Handsaming i formannskapet:
Kommunedirektøren sitt framlegg vart samrøystes vedteke

Vedtak

1. Formannskapet rår kommunestyret til å ta driftsrekneskapen for andre tertial til vitande.

2. Formannskapet rår kommunestyret til å ta finansrapporten for andre tertial til vitande.

Behandling

Økonomi- og personalsjef Odd Harald Dommersnes gjekk gjennom saka, jamfør saksutgreiinga.
Finansrapporten vart gjennomgått i detalj.

Ordførar Per Lerøy (Ap) spurte om låneopptaket på 22 millionar, om dette er VA. Dommersnes svara at det er er VA, der er investeringane er auka, i tillegg til Husbanken der det ikkje er lånt så mykje til startlån som ein hadde venta.

Helge Dyrkolbotn (KrF) spurte om avviket på fastløn, der det heiter at ein må sjå det i samanheng med vikarar og sjukefråvær. Har ein for mange stillingar? Her svara Odd Harald Dommersnes at kommunen har fleire stillingar enn det er budsjettert for. No er det lagt inn i rutinene at ein har månadleg gjennomgang av at det ikkje er fleire tilsette enn budsjettert for. Største utfordringar med dette er i helse og omsorg.

Ut frå svaret frå Dommersnes sa Dyrkolbotn at det er rart at dette er sett opp mot sjukefråværet, her sa Dommersnes at det kan vera folk som er inne på grunn av sjukefråvær, men der kostnad etter kvart vert ført på fastløn.

Kommunedirektør Bjørnar Fjellhaug sa at det mellom anna har vore ein praksis der stillingar som har starta med tilskot, har gått over i faste stillingar utan at det er funne budsjettdekning for dette. No har ein sett fokus på dette.

Dommersnes sa at ein kvar månad går gjennom for å sjå om det er dekning for dei enkelte personheimlane, for å sikra at dette er budsjettert.

Dommersnes sa at det enno ikkje har komme midlar frå Staten til dekning av ekstraordinær overtid til Korona-overtid, og tilskot til arbeid med flyktningar. Om Korona-overtid sa ordførar Lerøy at dette skal opp i Stortinget i november, men at signalet er at kommunane kan venta seg å verta litt skuffa.

Dommersnes sa at det er ei utfrodring at det vert tatt opp lån til prosjekt utan at prosjekta vert sette i gang, kanskje er det for lite kapasitet i administrasjonen opp mot kva som er vedteke.

Ordførar Per Lerøy (Ap) sa at politikarane er utolmodige til å komma i gang med prosjekta, særleg skule. At noko har teke lang tid er ikkje berre kommunen sin feil, er også private som har vore seine i dette arbeidet.

Morten Sognnes (H) sa at det tidlegare er etterlyst at kommunen sine eigne folk gjer meir av arbeidet, sidan ein har kompetente folk innan fleire felt, og vidare burde ein brukt fleire lokale firma.

Helge Dyrkolbotn (Sp) sa seg samd med Morten Sognnes om at det burde vore fleire lokale firma inne, her sa ordførar Per Lerøy (Ap) at det har vist seg at lokale firma har hatt mykje arbeid og difor ikkje har vore interesserte i å levera pris.

Kommunedirektør Bjørnar Fjellhaug sa at det har vore jobba med å få lokale verksemder til å levera prisar, men det har ikkje vore interesse. Når det gjeld bruken av eigne tilsette er kommunen i ferd med å ta ein større gjennomgang på dette.

Ordførar Per Lerøy sa at det er utfordringar i økonomien, men samstundes er det betring der kommunen no er i ferd med å bygga opp eit disposisjonsfond tilsvarande snittet for andre kommunar.

Ordførar Lerøy refererte vedtaket, der formannskapet kjem med tilråding til komunestyret.

Handsaming i formannskapet: Kommunedirektøren sitt framlegg vart samrøystes vedteke

Vedtak

1. Kommunestyret godkjenner kommunedirektøren sitt framlegg til budsjettjusteringar på drift med ei auka kostnadsramme på 1millionar kroner. Den auka kostnaden blir dekka gjennom at ein aukar budsjettet med tilsvarande beløp på personskatt(inntekts og formue).

2. Kommunestyret godkjenner at det vert teke opp eit låneopptak på 700 000,- kroner for å finansiere oppgradering av Njøten bru.

3. Kommunestyret godkjenner at det vert teke opp eit lån på 700 000, kroner forinstallere SD-anlegg på fleire av bygga våre for å redusera straumforbruket.

Behandling

Økonomi- og personalsjef Odd Harald Dommersnes gjekk gjennom saka, jamfør saksutgreiinga.

Kommunedirektør Bjørnar Fjellhaug sa at dei endringane som er gjort på Kaland-bassenget skal ha ei varigeit på ti år.

Det var diskusjon om utbetringar av kommual bustad, dette er ein kostnad kommunen tar før bygget vert selt til Austrheim kommunale eigedomsselskap. Kommunedirektør Fjellhaug sa at dette ikkje var med i rapporten over tilstanden på dei kommunale husa som Austrheim kommunale eigedomsselskap skal ta over frå kommunen, og difor er det rett av kommunen å ta denne kostnaden.

Helge Dyrkolbotn (KrF) spurte om kor mange bygg som manglar SD-anlegg, og om det vil gje varig gevinst å gjera desse investeringane. Her svara kommunedirektør Fjellhaug at det skal gje varige innsparingar med denne investeringa.

Bjørn Inge H. Dyrkolbotn (Sp) spurte om ein får brukt midlane i år, her svara Dommersnes at ein vil gjera sitt beste for å komma i gang, og kommunedirektør Fjellhaug sa at det alt er sett i bestilling.

Ordførar Per Lerøy viste til vedtaket.

Handsaming i formannskapet:
Kommunedirektøren sitt framlegg vart samrøystes vedteke

Vedtak

1. Kommunestyret tek saka til vitande.

2. Kommunedirektøren avgrensar bruk av ekstern kompetanse i så stor grad som mogleg.

Behandling

Kommunedirektør Bjørnar Fjellhaug orienterte om saka, jamfør saksutgreiinga.
Fjellhaug sa at denne saka kunne vore oppe som notat, men det vart valt å ta det som sak.

Helge Dyrkolbotn (KrF) sa at han ikkje er mot konsulentar som prinsipp, men må avgrensa det dersom ein kan bruka interne ressursar. Vidare spurte Dyrkolbotn om Bergensavtalen avgrensar moglegheiter for lokale innkjøp, her svara kommunedirektør Fjellhaug at det er rammeavtalar på enkelte felt, men andre felt der ein står meir fritt. Uansett er det slik at ein må ha Bergensavtalen eller eigne anbod dersom ein kjem over terskelnivået for krav til utlysing av innkjøp.

Det var semje i formannskapet om at ein ønskjer meir konkret informasjon om kva konsulentar er brukte til.

Ordførar Per Lerøy (Ap) refererte vedtaket.

Handsaming i formannskapet:
Kommunedirektøren sitt framlegg vart samrøystes vedteke

Vedtak

Formannskapet rår kommunestyret til å gjera slik vedtak:

1. Det vert 17 medlemmar i Austrheim kommunestyre.

2. Resten av saka om styringsmodell for Austrheim kommune vert oversendt til gruppeleiarforum, slik at dei kan handsama denne, gjera ei evaluering og komma med ei innstilling til kommunestyret.

Behandling

Kommunedirektør Bjørnar Fjellhaug orienterte om saka, jamfør saksutgreiinga.

Ordførar Per Lerøy (Ap) refererte vedtaket.

Handsaming i formannskapet:
Kommunedirektøren sitt framlegg vart samrøystes vedteke

Vedtak

Formannskapet rår kommunestyret til å vedta møteplanen slik den ligg føre i saksutgreiinga.
Spørjetime i kommunestyret vert 13. april og 26. oktober.

Behandling

Kommunedirektør Bjørnar Fjellhaug orienterte om saka, jamfør saksutgreiinga.

Spørjetime i kommunestyret vert 13. april og 26. oktober.

Ordførar Per Lerøy (Ap) refererte vedtaket.

Handsaming i formannskapet:
Kommunedirektøren sitt framlegg vart samrøystes vedteke