Møte i Formannskapet den 03.11.2022

Vedtak

Innkalling og sakliste vart godkjent.
Varaordførar Inger Lise Brekke (H) hadde forfall til dette møtet. Morten Sognnes (H) vart vald som varaordførar.

Behandling

Handsaming i formannskapet:
Kommunedirektøren sitt framlegg vart samrøystes vedteke.
Tillegg om varaordførar vart samrøystes vedteke.

Vedtak

Møteprotokoll frå forrige møte vart godkjent.

Det skal gjerast rettingar som nemnt under sakshandsaminga.

Behandling

Helge Dyrkolbotn (KrF) og Per Lerøy (Ap) kom med nokre innspel til rettingar i protokollen, mellom anna at kommunedirektør Bjørnar Fjellhaug hadde blitt til ordførar under sak 088/22.
Møtesekretæren ser over og rettar i protokollen.

Handsaming i formannskapet: Kommunedirektøren sitt framlegg vart samrøystes vedteke, med tillegg frå Per Lerøy.

Vedtak

Formannskapsmøtet som var sett opp 1. desember, skal flyttast til måndag den 5. desember.

Behandling

I samband med orienteringssaka spurte kommunedirektøren om formannskapsmøtet 1. desember kan flyttast, på grunn av at det kolliderer med Klimasamling for kommunane i Vestland, som blir arrangert av Miljødirektoratet i samarbeid med Vestland Fylkeskommune/Statsforvaltar.

Etter diskusjon i formannskapet var det semje om at møtet skal flyttast til måndag den 5. desember.

Handsaming i formannskapet:
Kommunedirektøren sitt framlegg om flytting av neste formannskap vert samrøystes vedteke

Vedtak

Kommunedirektøren sitt framlegg til Handlings- og økonomiplan 2023-2026 (framsikt.net)(HØP 23-26) vert lagt ut på høyring. Høyringsfrist vert sett til 25. november.Kl.12.00

Behandling

Kommunedirektør Bjørnar Fjellhaug og økonomi- og personalsjef Odd Harald Dommersnes orienterte om budsjettframlegget, jamfør saksutgreiinga.

• Eining for helse og omsorg vil frå 1. januar 2023 heita helse og velferd.

• Spørsmål som politikarane har til budsjettet, skal sendast til post@austrheim.kommune.no, og så vert det lagt inn med svar slik at det er synleg også for andre.

Ordførar Per Lerøy (Ap) viste til at det sett opp at omsorgsbustader på Kaland må utsetjast, og sa at det ikkje er gitt at det er kommunen som skal bygga desse. Kommunen har eigna tomt, men utbygginga kan ein få gjennomført i samarbeid med private byggefirma eller i regi av Austrheim kommunale eigedomsselskap (AKE). Kommunen har tilgang til steinmassar i nærleiken som kan brukast til planering.

Handsaming i formannskapet:
Kommunedirektøren sitt framlegg vart samrøystes vedteke