Møte i Råd for menneske med nedsett funksjonsevne den 01.02.2022

Behandling

Handsaming i rådet:
Kommunedirektøren sitt framlegg vert samrøystes vedteke

Behandling

Handsaming i rådet:
Kommunedirektøren sitt framlegg vert samrøystes vedteke

Vedtak

Rådet for menneske med nedsett funksjonsevne ber om at saka om gangveg Mastrevik - Kilstraumen vert teke opp i kommunestyret 17/2. Møtesekretæren formulerer eit skriv om dette.

Rådet kjem også med innspel om at det må vera handikapparkeringar som er merka med oppmerking og skilt, og vert brøytte, ved Austrheimhallen og fleire andre stader, som skular, barnehagar, Vardetangen og Molo-kaien.

Behandling

Leiar for planvdelinga Asbjørn Toft orienterte om arbeidet med trafikksikring, herunder planar for fortau/gangveg frå Mastrevik mot Kilstraumen. Planen var godkjent i 2017, ein plan som vart laga med støtte frå dåverande Hordaland Fylkeskommune.

Arbeidet vart då kostnadsrekna til i alt kring 100 millionar kroner. Har starta med noko av det som var planlagt, som veglysa som var ferdige i 2019 frå Mastrevik til Ulvøy (fekk noko støtte til dette).

Politisk er det sagt at denne gangvegen skal prioriterast så snart gangveg med gangbru på Fonnes er ferdig, her er det brua som manglar før alt er klart. Gangveg frå Mastrevik (VGS med meir) og mot Budalen og vidare skal vera det neste store prosjektet i Austrheim.

Austrheim kommune har ikkje kunna forskuttera noko av arbeidet her så lenge ein var på Robek-lista, og fylket er også meir restriktive med å la kommunane forskuttera sidan det låser fylkeskommunale midlar i framtid.

Fonnes-arbeidet som snart er fullført er finansiert med midlar frå bompengepakken Nordhordlandspakken, og var det prosjektet i Austrheim som var prioritert i den pakken.

Toft oppmoda rådet til å be om eit eige politisk møte for gangveg Mastrevik - Kilstraumen for å setta fokus på dette. Hege Ramsland spurte om det er mogleg å nedskalera breidde og omfang på gangvegen for å få til meir for mindre. Toft viste til eit arbeid som var gjort i Sola kommune i Rogaland, der ein bygde i mindre omfang for å få til meir.

Ivar Bergsvik støtta ideen om å gjera det til tema på eit eige politisk møte, for å setja fokus på dette arbeidet.

Asbjørn Toft sa om finansiering at ein kan søka nasjonale midlar, som innimellom blir utlyst, kommunen kan bidra saman med fylkeskommunen som er vegeigar, eller ein kan venta på fylket. Vanlegvis er det slik at det er lettare å få midlar frå andre dersom kommunen har ein del midlar sjølv også. Kommunen har hatt lite midlar dei siste åra, så lenge Austrheim har vore på Robek-lista.

Helge Dyrkolbotn spurte om det vil hjelpa å vera meir "på" frå kommuneadministrasjonen si side. Asbjørn Toft svara at det er eit stort prosjekt, om ein skal bygga gangvegen etter reguleringsplanen vil det vera meterkostnad på 7-10.000 kroner. Må nok delast i parsellar, men kan gjerast rimelegare dersom ein gjer som i Sola kommune og byggjer enklare enn det er regulert for.

Mette Ekornrød spurte om ein kan stadfesta meir detaljert når dette arbeidet skal komma i gang.

Anny Helene Sætre Bertelsen spurte om ein ikkje kan kjøra dette meir i parsellar, så langt det er klart frå grunneigarar. Asbjørn Toft svara om dette at dersom fylket bygger ut, så er det grunnlag for oreigning frå reguleringsplanen, og dette vil skje gjennom systemet som fylkeskommunen og Statens Vegvesen har. Også fylket vil tenka på dette som eit prosjekt som må takast i parsellar.

Ivar Bergsvik sa at det må vera plan for å fullføra heile prosjektet, og ikkje berre starta ein plass. Her svara Asbjørn Toft at det gjerne vil laga seg ei forventning om fullføring dersom ein først startar på ein parsell av dette.

Ivar Bergsvik spurte om det er mogleg å flytta vegen for enkelte strekk, og la dagens veg vera fortau. Her svara Asbjørn Toft at det ikkje var aktuelt å regulera det slik tidlegare, då reguleringsplanen var klar i 2017.

Asbjørn Toft sa at ein gjerne kan be kommunestyret om å ta dette opp i møtet 17/2.

---

Mette Ekornrød spurte om merking av parkeringsplassar ved Austrheimhallen, fekk svar om at dette ligg under teknisk drift (Rolf-Henning Myrmel). Ved Austrheimhallen er det no mykje arbeid med ny vassleidning.

---

Handsaming i rådet:
Samrøystes for nytt framlegg til vedtak.

Vedtak

På vegner av RMNF etterlyser ein framdrift i arbeidet med nytt arbeidssenter.

Behandling

Odd Øksnes orienterte om arbeidet som har skjedd i dei møta som har vore i gruppa for nytt arbeidssenter. Vestlia har på vegner av brukarane meldt inn eit behov, så skal teknisk laga ei skisse som skal vera grunnlag for ei utlysing av kva behov kommunen skal ha dekka. Veit ikkje at slik skisse er laga.

Det aktuelle er då at nokon kjem med innspel om å tilby lokale som finnest i dag, eller at det er nye lokale som kan byggast.

Anny Helene Sætre Bertelsen har tatt dette med seg til organisasjonen NFU, og dei har komme med innspel som er sendt til administrasjonen ved kommunalsjef Monika Kvamme.

Bertelsen sa at etter innspel frå NFU har ein tatt kontakt med eigarane av den gamle barnehagen på Årås, for å sjå om dette kan vera eit aktuelt lokale. Bygget er kanskje i dårleg stand, men uteområdet er mykje betre enn det som er på Kaland i dag, der det berre er ein parkeringsplass.

Odd Øksnes sa at det ikkje er bestemt at nytt arbeidssenter skal ligga der eller der i kommunen, men at det må vera i gangavstand frå buss, og at Fonnes senter er vurdert som ei aktuell plassering.

Det vart diskutert om ein kan nytta dagens plassering, og byggja nytt arbeidssenter der.

Det vart spelt inn at ein kan sjå om det nye Austrheim kommunale eigedomsselskap kan løysa denne oppgåva for kommunen.

Handsaming i rådet:
Samrøystes for at ein etterlyser framdrift i arbeidet.

Vedtak

Møtestart for RMNF vert flytta til klokka 16.00.

Behandling

Helge Dyrkolbotn ba om at møtestart vert flytta til 16.00.
Ein prøver med dette, og at Eldrerådet startar 17.30 heller enn klokka 17.00

Handsaming i rådet:
Samrøystes om å flytta møtestart frå 15.00 til 16.00.