Her ser du informasjon om eit møte i Eldrerådet.
 
Clear
     
 

Møte i Eldrerådet den 13.06.2023

Eldrerådet
13.06.2023 16:15 - 18:30
Utval:Eldrerådet
Dato:13.06.2023 16:15 - 18:30
Møtestad:Kommunehuset - kantina
Status:Møtet er ferdig protokollert
Sakskart:Innkalling - Eldrerådet - 13.06.2023 (Hoveddokument) , Innkalling - Eldrerådet - 13.06.2023 (Vedlegg)
Møteprotokoll:Protokoll - Eldrerådet - 13.06.2023 (Hoveddokument)

Saksliste

  • Godkjenning av innkalling og saksliste Hoveddokument 44KB
    Brevdato: 06.06.2023
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Vedtak

    Innkalling og sakliste vart godkjent



    Behandling

    Handsaming i rådet:
    Kommunedirektøren sitt framlegg vart samrøystes vedteke

  • Godkjenning av møteprotokoll Hoveddokument 46KB

    015/23 - 23/5271 - Godkjenning av møteprotokoll

    Journaldato: 06.06.2023  2 dokumenter
    Brevdato: 06.06.2023
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Vedtak

    Møteprotokoll frå forrige møte vart godkjent



    Behandling

    Handsaming i rådet:
    Kommunedirektøren sitt framlegg vart samrøystes vedteke

  • Orienteringssak Hoveddokument 62KB

    016/23 - 23/5276 - Orienteringssak

    Journaldato: 06.06.2023  1 dokument
    Brevdato: 06.06.2023
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Vedtak

    Orienteringane vart teke til vitande.



    Behandling

    Arbeidet med demensplanen.

    • Kommunalsjef Anne Hildegunn Færøy og demenskoordinator Åshild Sandvin Olsson orienterte om arbeidet med demensplanen, herunder utfordringsbildet for Austrheim framover med tanke på at det vert fleire eldre samanlikna med det totale innbyggjartalet.

    • Presentasjonane ligg ved protokollen.

    • Råda får planen tilbake til første møte etter ferien, for ei politisk handsaming og sjanse til å komma med innspel.

    Eldredagen 2023, Gro Johannessen orienterte om planlegginga som ho og Rigmor Ludvigsen har stått for.

    • Johannessen orienterte om programmet, med gudsteneste først og deretter samling på samfunnshuset.

    • Seier ja til tilbodet frå Austrheim samfunnshus på 620 kroner per kuverten.

    • Semje om at eigendelen vert sett til 350 kroner.

    • Resten er Eldrerådet med og finansierer, saman med at Frivilligsentralen er med på nokre av utgiftene, som underhaldning, lyd, blomar, mat til dei som underheldt og liknande.

    • Underhaldninga er ved Veslemøy Fluge Berg med band.

    Vesttun gard, mogleg tilbod til eldre

    • Gro Johannessen orienterte om kontakten med Mathias Sætre om å ta i bruk Vesttun gard som tilbod til eldre.

    • Mathias Sætre: «Praktiske aktivitetar for eldre. Litt historie. Vesttun gard har sidan 2003 vore med i ulikt samarbeid for ungdom. Me har aktiv drift m. ammeku, treverkstad og drivhus. Garden er registrert og godkjent i stiftinga INN PÅ TUNET. Me har tidlegare hatt samarbeid med skulane og frå psykiatrien i Austrheim kommune.
      Elles kan ein nemna aktivitetar som sløydkurs, for skuleelevar, og med kulturskulen, seniorsløyd, dreiekafe og kurs i tredreiing med Vestlandske folkekunstlag. Dei siste åra sløyddag i skulen sin haust og vinterferie i lag med ungdomsklubben.

      Spørsmålet er om Austrheim kommune eller lag/ grupper kan vera med på eit samarbeid om praktiske aktivitetar for eldre på Vesttun gard som kan vera med på og femja trivsel og meistring i godt vaksen alder.
      Dersom dette er noko å tenkja meir på, kan de koma på garden og sjå, synsa og tenkja høgt.»

    • Innspelet vart diskutert i Elderådet, og det var semje om at dette er noko dei ser positivt på, men at rådet ikkje sjølv kan stå for tilbodet. Eldrerådet vil senda innspelet vidare til Frivilligsentralen for eit mogleg nytt tilbod der, og vil i tillegg peika på at dette kan vera ein del av kommunen sitt omsorgstilbod til heile aldersspekteret, både til barnehageborn og skuleelevar i den yngste enden, og opp til den eldste gruppa som personar med demenssjukdommar.

    • Rådet stiller seg positiv til at ein kan få til noko her, og stiller seg bak på lik linje med måten ein støtta datakurset som Frivilligsentralen har hatt tidlegare.

    • Møtesekretæren svarer ut til Mathias Sætre, og sender også over til Frivilligsentralen og kommunen elles.

    TT-kort-ordninga, kort om regelverket og søknad/tildeling.

    • Gro Johannessen viste til dagens fylkeskommunale praksis for tildeling av TT-kort, med tanke på kven som har fått ja og kven som har fått nei.

    • Her er forskrifta som gjeld for TT-ordninga i Vestland fylkeskommune: https://www.vestlandfylke.no/Kollektivogtransport/tt-kort/forskrift-om-tt-ordninga-vestland/

    • Semje i rådet om at dette er noko ein vil sjå nærare på fram til neste møte, og ta opp på nytt då.

    Handsaming i rådet:
    Kommunedirektøren sitt framlegg vart samrøystes vedteke

  • Bustader for eldre i Austrheim Hoveddokument 74KB

    017/23 - 23/3757 - Bustader for eldre i Austrheim

    Journaldato: 06.06.2023  1 dokument
    Brevdato: 06.06.2023
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Vedtak

    Eldrerådet ber om at kommunen gjer ei kartlegging av behovet er for bustader for eldre i Austrheim, og brukar desse opplysningane i det vidare arbeidet.



    Behandling

    Leiar i rådet, Gro Johannessen, orienterte om bakgrunnen for at Eldrerådet har oppe denne saka om bustader for eldre. Saman med medlem Ivar Bergsvik har Johannessen delteke på fleire møte i regi av fylkeskommunen kring emne som Leve heile livet, og rådet ønskjer at kommunen arbeider vidare med spørsmålet kring bustader som er tilrettelagde for eldre.

    • Med bakgrunn i dette, og med innspel frå Ivar Bergsvik og Gro Johannessen, har administrasjonen utarbeidd eit saksframlegg, med særleg vekt på at kommunen må gjera ei kartlegging av kva folk ønskjer seg som bustad når dei vert eldre.

    Ordførar Per Lerøy (Ap) orienterte om den kartlegginga som han sjølv har sett i gang opp mot lokale utbyggararar.

    • Kommunen har for ein del år sidan gått ein runde med Lindåsneset pensjonistlag, med tanke på kvar eldre på Kaland/Fonnes ønskte å bu når dei vart eldre.

    • Kanskje litt overraskande ville dei som var med i undersøkinga bu i eit område midt på Kaland, dei ville bu der det var folk, flatt og god tilkomst, nærleik til servicetilbod som buss med meir.

    • Kommunen har i ettertid omregulert dette området frå næring til bustad, og har deretter tatt ei masseutskifting der samstundes som ein skifta ut VA-anlegget som gjekk over arealet.

    • Dette arealet trengs å løftast ein halvmeter, så kan det støypast ringmur og setta i gang.

    • Kommunen eig allereie eit areal ved Fonnes Senter som ligg tett ved dette området, og som kan vera ein parkeringsplass.

    • Ser også på om ein kan bygga bustader tilknytt ein ny sjukeheim.

    • Samarbeider med Husbanken, som har komme med innspel på at det må kallast bustader med livsløpsstandard og ikkje eldrebustader.

    • Ser for seg finansiering gjennom Husbanken, fleire av verksemdene har alt samarbeid med Husbanken på andre prosjekt.

    • Har sett konkret på to areal ved Mastrevik, på framsida av Sætremarka, og eit areal som Furuly (sanitetslaget) har sikra seg frå ein privat eigar.

    • Etter annonsering har seks byggefirma meldt si interesse, fire frå Alver og to frå Austrheim.

    • På Kaland kan ein bygga 12 einingar, ved Sætremarka 8-12 einingar, og ved Furuly er det plass til 8 einingar.

    • Gode tilbakemeldingar frå verksemdene som var med.

    • Verksemdene har fått frie tøyler til å sjå for seg om dei skal eiga det sjølv, om kommunen skal eiga eller anna. Nokre har gitt innspel på at dei kan bygga og ta vedlikehaldsansvar dei første ti åra.

    • Ser at dersom kommunen bygger så får ein 25 prosent MVA tilbake. Bakdelen er at kommunen ikkje bør låna meir, med tanke på at det skal byggast ny sjukeheim.

    • Ordføraren skal kalla inn igjen verksemdene for ein prat, og så vil ein ta dei mest interessante prosjekta inn til Husbanken.

    • Vil også sondera om det er interesse mellom dei eldre for å leiga bustad til den prisen som dessefår.

    • Prosjektet vil komma til handsaming/høyring til både folkevalde og andre interessentar.

    • I tillegg til dette har Kystlandsbyen komme med innspel på at dei vil bygga eit leilegheitsbygg bak Mastrevik Torg, 33 leilegheiter frå 43-44 kvadratmeter til 93/94 kvadratmeter.

    • Om plassering sa Lerøy at det for kommunen sin del er bra å ha slike bustader tett på kommunesenteret, eller sentralt på Kaland.

    Reidar Øksnes spurte om arealkrav med tanke på hjelpemiddel, her svara Per Lerøy at dette ligg i krava frå Husbanken, med snusirkel for rullestol og liknande.

    Ivar Bergsvik spurte om det vil komma skisser med plassering på tomtene, her svara Per Lerøy at det vil nok bli illustrert.

    Gro Johannessen og Solveig Hopen viste til at storleiken vil bety mykje for ein del, at det er plass nok til både hjelpemiddel og til barnebarn som vil komma på besøk.

    Handsaming i rådet:Kommunedirektøren sitt framlegg vart samrøystes vedteke

Frammøte

Frammøte
PolitikarPartiMedlemstypeE-Post
Gro Vigdis JohannessenMedlemgrovigdis.johannessen@gmail.com
Ivar BergsvikArbeiderpartietMedlemivar.bergsvik@gmail.com
Idar Johan HoplandArbeiderpartietMedlemidar.hopland@gmail.com
Solveig HopenHøgreMedlemmastrevik@fribokhandel.no
Reidar ØksnesSenterpartietMedlem56roek@gmail.com

Kontaktinformasjon om tenesta

Austrheim kommune
Sætremarka 2
5943 Austrheim
Telefon: 56162000
ACOS Innsyn levert av ACOS AS