Møte i Råd for menneske med nedsett funksjonsevne den 07.02.2023

Vedtak

Innkalling og sakliste vart godkjent

Behandling

Handsaming i rådet:
Kommunedirektøren sitt framlegg vart samrøystes vedteke.

Vedtak

Møteprotokoll frå forrige møte vart godkjent

Behandling

Handsaming i rådet:
Kommunedirektøren sitt framlegg vart samrøystes vedteke.

Vedtak

Orienteringane vert teke til vitande.
Møtesekretæren følgjer opp dei sakene der det skal sendast brev/liknande.

Behandling

Odd Øksnes hadde komme med innspel til ein del saker, i tillegg var det innspel frå medlemmene.

Anny Bertelsen refererte NFU sitt arbeid med den nye nasjonale rettleiaren for "Gode helse- og omsorgstjenester til personer med utviklingshemming". NFU har særleg jobba med kapittel 3 om "Personsentrerte og individuelt tilrettelagte tjenester". Her er det delt i "Skal, kan og bør"-deling av ulike tiltak, av det som kommunen skal tilby. Sjå lenka: https://www.helsedirektoratet.no/veiledere/gode-helse-og-omsorgstjenester-til-personer-med-utviklingshemming

Austrheim arbeidssenter:

• Helge Dyrkolbotn ba om at ein la eit møte der borte for å sjå tilbodet på nært hald, med Britt Silvia Erstad Marøy som omvisar. Møtesekretæren undersøker med Britt Silvia Erstad Marøy om dette er mogleg tysdag 7. mars, og om styreleiar i AKE Solveig Lerøy kan delta.

• RMNF har tidlegare bedt om 500.000 kroner til vedlikehald av Arbeidssenteret, her vart det ikkje sett av noko midlar i samband med budsjetthandsaminga for 2023. Bygget er no seld til Austrheim kommunale eigedomsselskap (AKE), så det er dei som står for vedlikehaldet.

SOR-konferansen:

• RMNF betalte kontingenten i 2022, men for 2023 er dette overført til budsjettet for helse og velferd (etter vedtak i kommunestyrets 15. desember 2022).

• Møtesekretæren sender ut tilgangsinformasjonen til medlemmene i rådet, elles er det slik at alle med austrheim.kommune.no-adresser kan laga seg brukar.

Tilbygg Årås skule:

• Mette Ekornrød etterlyste sjekk i forkant av byggeprosessen, med tanke på plassering av stikkontaktar, tilgang toalett, dører med meir. Leiar Odd Øksnes tar kontakt med prosjektleiarane Rolf Henning Myrmel og Stian Marøy for eit møte med gjennomgang av bygg og teikningar.

• Ivar Bergsvik etterlyste at rådet var teke med tidlegare i prosessen for å gje innspel til planar og teikningar. Her kommenterte Helge Dyrkolbotn at politikarane skulle vore meir frampå for å sikra at ein får desse sakene til høyring/uttale.

• Sjå elles Bufdir sin nasjonale rettleiar til råd for menneske med nedsett funksjonsevne, der det heiter at "kommunen eller fylkeskommunen må sikre at råda mottek alle relevante saker kor råda kan avgi fråsegn".

Seniorsenteret:

• RMNF ber om at det vert merka opp handicap-parkering ved Seniorsenteret og andre kommunale bygg, samt samfunnshuset. Møtesekretæren tar fram spørsmål som er sendt om dette tidlegare, og sender til einingsleiar teknisk drift Atle Vaage, samt til samfunnshuset.

Samfunnshuset:

• Branntryggleiken, er denne innanfor med tanke på alle? Møtesekretæren følgjer opp.

Ny kommunalsjef for helse og velferd, Anne Hildegunn Færøy, var invitert til Rådet for menneske med nedsett funksjonsevne og Eldrerådet for å presentera seg.

Viktige oppgåver framover:

• Skal lagast ein kommunedelplan for helse og velferd, det vert ei av hovudoppgåvene framover.

• Ei anna viktig oppgåve vert planane for eit nytt helsetun, der ein må starta med å kartlegga moglegheitene.

• Demensplanen er utarbeidd, men må til politisk handsaming.

• Jobbar med å rekruttera og halda på fagfolk innanfor sektoren, må ha ein strategi for å rekruttera unge til yrket og halda på dei, jobba for å gje dei som er i yrket fagbrev for dei som ikkje har det, samarbeida med skulane.

• Kommunen har frå nyttår ansvar sjølv før Øyeblikkeleg hjelp døgntilbod (ØHD), dette vert etablert på Nordliheimen. Var fram til nyttår lokalisert som eit felles interkommunalt tilbod i Knarvik.

Spørsmål frå råda:

• Helge Dyrkolbotn spurte om Austrheim Arbeidssenter, med tanke på tilrettelegging for brukarane og vedlikehald av bygget. Greitt at det kanskje skal flyttast inn i Nordliheimen om det vert bygd nytt helsetun, men det må skje noko før det. Odd Øksnes viste til at det var tale om å flytta arbeidssenteret inn i leigde lokale som erstatning for dagens lokale, men at dette ikkje vart noko meir av. Anny Bertelsen viste til at de er statlege krav til kva ein kommune skal tilby av tenester. Færøy svara at det var litt tidleg enno til å svara om dette, etter ei månad som kommunalsjef, men noterte seg ulike moment.

• Anne Hildegunn Færøy vart invitert med på synfaringa med RMNF 7. mars på Austrheim Arbeidssenter.

• Gro Johannessen og Ivar Bergsvik etterlyste svar på dei spørsmål som Eldrerådet har sendt til kommunen, som Leve heile livet, høyrselskontakt og deltaking i prosjektgruppe.

• Anne Hildegunn Færøy svara at noko måtte ho setja seg meir inn i. Plan for Leve heile livet eksisterer, men er noko ikkje noko prosjektgruppe her. Det som er på gang er arbeidet med "Gode pasientforløp", som er ein del av satsinga på Leve hele livet. Kan gjerne komma tilbake med rådet med informasjon om arbeidet med "Gode pasientforløp".
  

• Helge Dyrkolbotn viste til at det er viktig at kommunalsjefen tar med seg inn til leiargruppa at det er mange ulike saker som bør gå til RMNF og Eldrerådet for innspel og uttale, og fekk støtte frå fleire andre medlemmer i råda om at det er viktig at sakene kjem til råda for uttale.

• Ivar Bergsvik viste til at ein del andre kommunar har jamlege informasjonsrundar for å få vita om kva saker som er aktuelle.

• Ivar Bergsvik ba om at det vart sett av sakshandsamingsressursar for råda slik at ein kan jobba fram saksframlegg med vedtaksframlegg, og som kan passa på kva saker som er aktuelle.

• Anne Hildegunn Færøy svara at saksgangen må ho undersøka litt nærare, men ser at det er viktig med brukarmedverknad og at råda får komma med innspel undervegs i prosessane før saka kjem til kommunestyret for endeleg avgjerd. La til at det er viktig å få med seg kunnskapen frå råda, og oppmoda til å ta kontakt dersom det er noko ein ønskjer å spela inn.
  

• Helge Dyrkolbotn ba om at det vart fastsett kven som har ansvar for desse to brukarråda, RMNF og Eldrerådet, med tanke på å få saker fram for dette rådet.
  

• Anny Bertelsen etterlyste informasjon om organiseringa av kommunen, med meir om innhaldet i "boksane" enn det som ligg på heimesida: https://www.austrheim.kommune.no/SysSiteAssets/innhald/om-kommunen/organisasjonskart-austrheim-kommune-01.01.2023.pdf
  

• Solveig Hopen spurte om leiarane i råda kunne sett seg saman og diskutert ulike saker som er aktuelle på tvers av råda.
  

• Solveig Hopen sa at det hadde vore bra med informasjon ut om kva som er stoda for planlegginga av eit nytt helsetun.

• Her svara Anne Hildegunn Færøy at kommunestyret skal setta ned ei prosjektgruppe for nytt helsetun, som skal jobba etter ein fastsett metodikk der ein ser på behovet som skal løysast, og så vidare planlegging ut frå det, med tanke på kvar det skal ligga, kven det skal brukast av og korleis det skal jobbast fram.

• Helge Dyrkolbotn viste til at gruppeleiarane har laga framlegg til ny utvalsmodell, og dessutan to ad hoc-grupper som skal sjå på høvesvis nytt helsetun og den vidare bruken av Nordliheimen etter at helsetunet er klart.

• Anny Bertelsen viste til at ein ikkje ser for seg at arbeidssenteret skal erstatta Aufera, men vera eit supplement.

Handsaming i rådet:
Kommunedirektøren sitt framlegg vart samrøystes vedteke.