Møte i Råd for menneske med nedsett funksjonsevne den 03.10.2023

Vedtak

Innkalling og sakliste vart godkjent

Behandling

Handsaming i RMNF:
Kommunedirektøren sitt framlegg vart samrøystes vedteke

Vedtak

Møteprotokoll frå forrige møte vart godkjent

Behandling

Handsaming i RMNF:
Kommunedirektøren sitt framlegg vart samrøystes vedteke

Vedtak

Meldingane vart tekne til orientering

Behandling

Handsaming i RMNF:
Kommunedirektøren sitt framlegg vart samrøystes vedteke

Vedtak

Dei enkelte punkta skal følgjast opp som nemnt i referatet.

Behandling

Desse sakene var lista opp på framsida av innkallinga, med handsaming under orienteringar:

- Evaluering av fire år i RMNF
Ventar med denne til neste møte. Møtesekretæren sender ut spørsmåla på nytt.
Må ta med i tilbakemeldinga at medverknadsråda skal ha eit ord med i laget i dei fleste kommunale sakene.

- Arbeidssenteret
Vedtak i denne saka:

• Kommunen må syta for at lokala til Arbeidssenteret er rusta opp til tenleg status.

- Arbeidsleiar arbeidssenteret
Vedtak i denne saka:

• RMNF meiner at kommunen må arbeida for å oppretta ei stilling som arbeidsleiar på Arbeidssenteret, jamfør dei innspela som RMNF tidlegare har komme med til ein arbeidsinstruks for arbeidsleiar på Arbeidssenteret.

- Aufera-skyssen
Her har Odd S. Øksnes og Elsa Skare delteke i ei gruppe, saman med kommunalsjef helse og velferd Anne Hildegunn Færøy, og sett på no-situasjonen og moglege alternative løysingar. Det var møte om dette seinast 3. oktober like før RMNF-møtet, og leiar Odd S. Øksnes refererte det arbeidsnotatet som var lagt fram i det møtet.

Om brukarane i Austrheim skal bruka offentleg transport begge vegar kjem ein ned i ei arbeidstid på fem timar, sidan dei kjem for seint og må gå for tidleg.

Det er eit ønskje frå kommunalsjef helse og velferd Anne Hildegunn Færøy at RMNF kjem med ei tilbakemelding på kva ein ønskjer frå kommunen i denne samanheng.

Vedtak i denne saka:

• RMNF er gjort kjent med arbeidet til nemnda som har jobba med Aufera-skyss. RMNF meiner at kommunen må syta for tenleg skyss til Aufera, for alle brukarar. Med tenleg skyss meiner ein at brukarane må vera på Aufera/Manger tidsnok til arbeidsdagens start, og kunne vera til arbeidsdagen sluttar.

- Saka om gangveg frå Mastrevik mot Toftegård

• Tek dette opp på nytt, med moment som:
  - Stykkevis utbygging, med start frå Mastrevik-kryssen og til Kanserdalen (teknisk).
  - Ta det med som prioritert i trafikksikringsplanen.
  Møtesekretæren skriv og sender til Mette Ekornrød og leiar Odd S. Øksnes.

- Avslutningsmiddag i Kilstraumen
Møtesekretæren sjekkar moglege datoar i desember, og koordinerer.

- Budsjettprosessen 2024:
Budsjettet vert lagt fram i felles møte for formannskapet og kommunestyret torsdag 2. november, på Austrheim samfunnshus. Det er mogleg å delta fysisk eller sjå TV direkte eller i opptak.

Handsaming i utvalet:
Dei enkelte punkta skal følgjast opp som nemnt i referatet.