Čoahkkin Formannskapet 05.10.2023

Vedtak

Innkalling og sakliste vart godkjent

Behandling

Ordførar Per Lerøy (Ap) refererte framlegget til vedtak

Handsaming i formannskapet:
Kommunedirektøren sitt framlegg vert samrøystes vedteke

Vedtak

Møteprotokoll frå forrige møte vart godkjent

Behandling

Ordførar Per Lerøy (Ap) refererte framlegget til vedtak

Handsaming i formannskapet:
Kommunedirektøren sitt framlegg vert samrøystes vedteke

Vedtak

Det var ingen meldingssaker til dette møtet.

Behandling

Det var ingen meldingssaker til dette møtet.

Vedtak

Delegerte saker vart tekne til orientering

Behandling

Avdelingsleiar plan Asbjørn Toft orienterte om dei delegerte sakene, jamfør saksutgreiinga.

Ordførar Per Lerøy (Ap) refererte framlegget til vedtak

Handsaming i formannskapet:
Kommunedirektøren sitt framlegg vart samrøystes vedteke

Behandling

Kommunedirektør Bjørnar Fjellhaug orienterte om ulike saker.

• Møtet var lukka under den eine orienteringa, jamfør kommunelova paragraf 11-5.

Ulike prosjekt og arbeid:

• Naust Baløy er fullført.

• Toalett Hoplandssjøen er nesten fullført.

• Sal av tomt ved rundkjøringa Mongstad, kommunen ventar på anbod for planering av delar av dette arealet. Er i rute med overføring av stein frå utbygginga av ny transformatorstasjon på Mongstad.

• I gang med robotklypparar fleire stader.

• Enøk.arbeid, ventar på rapportar frå konsulent.

• Omsorgsbustader/ROP-bustader Mastrevik, her er tomta planert, og det er oppstart bygg i oktober som skal vera ferdigstilt i juli 2024.

• Hoplandskvernene/sagbruk, her ønskjer kommunedirektøren å omdisponera midlar fram til det er semje med grunneigar.

• Fleire el-bilar i kommunen, må få avklaring frå Eviny om straum til ladepunkt.

• Skulebygg på Kaland/Årås, står att litt med planting, men nesten i mål med prosjekta.

• VA, her er det fleire prosjekt på gang, ute på anbod eller sette i verk.

• IKT, begge skulane er dekka med PC-ar frå 1. til 10. klasse.

• Nordliheimen, kjem tilbake i desember med vurdering kring skifte av golvbelegget, denne saka vart utsett frå kommunestyret 21. september.

• Gangveg frå Åråsvågen til Åråsfeltet, entreprenør skal starta arbeidet 9/10 og skal vera ferdig på 18 dagar.

• Kjøring til Aufera, kommunalsjef helse og velferd har sett på dette og vil ta med tilbakemeldingar frå RMNF før det kjem som sak til kommunestyret.

• Deltek i eit interkommunalt prosjekt for bærekraftig legekontor, viktig arbeid.

Helge Dyrkolbotn (KrF) og Morten Sognnes (H) etterlyste framdrift for planering på tomt Mongstad, her vart det klargjort at anbodsfristen ikkje har gått ut.

Bjørn Inge Håland Dyrkolbotn (Sp) sa at det er bra med ny gangveg forbi Nordliheimen, men etterlyste gjerde langs parkeringsplassen ved Seniorsenteret. Kommunedirektør Fjellhaug skal sjekka om det ligg noko midlar til dette, vil vidare sjå dette opp mot trafikksikringsplanen. Ser at det er ein trafikkfarleg "snarveg" rett over frå Uthaug-bygget, og tilsvarande ved bensinstasjonen.

Morten Sognnes (H) spurte om asfaltering, og fekk klargjort frå ordførar Lerøy (Ap) at det er asfaltert i Utkilen og Ervikane sist veke, og Bergsvik er neste plass, med asfaltering denne veka. Skal også ta noko i Njøten og andre mindre prosjekt.

Ordførar Per Lerøy (Ap) refererte vedtaket.

Handsaming i formannskapet:
Kommunedirektøren sitt framlegg vart samrøystes vedteke

Vedtak

Formannskapet tilrår:

1. Kommunestyret vedtek dei endringar i ansvarsområde og tenestene som gjort greie for i saka.

2. Kommunestyret godkjenner at rammene vert overført i tråd med ansvarsområda og disponeringane.

Behandling

Kommunedirektør Bjørnar Fjellhaug orienterte om saka, jamfør saksutgreiinga.

Ordførar Per Lerøy refererte vedtaket.

Handsaming i formannskapet:
Kommunedirektøren sitt framlegg vart samrøystes vedteke

Vedtak

Levekårsutvalet blir rådgjevande organ for Frivilligsentralen i Austrheim.

Behandling

Kommunedirektør Bjørnar Fjellhaug orienterte om saka, jamfør saksutgreiinga.

• Har noko eigne tilskotsmidlar direkte til Frivilligsentral.

• Er no inndelt i eige budsjettområde, jamfør sak 088/23 om "Endring av organisasjonsstruktur og ansvar i økonomisystemet"

Inger-Lise Brekke (H) spurte om ein har sikra at frivilligheten er representert i dette rådgjevande organet, slik det ligg i føringane frå Staten. Kommunedirektør Fjellhaug viste til at det er sagt frå kommunestyret at levekårsutvalet skal rekrutterast breitt, men at det ikkje ligg noko føring på at Frivilligsentralen skal ha eigen plass i levekårsutvalet.

Helge Dyrkolbotn (KrF) sa at frivilligheten er betre representert om det er levekårsutvalet som er rådgjevande organ for Frivilligsentralen, enn om det er formannskapet.

Ordførar Per Lerøy (Ap) viste til at formannskapet har vore styre for Frivilligsentralen, men ikkje er det i dag.

Ordførar Per Lerøy (Ap) refererte vedtaket.

Handsaming i formannskapet:
Kommunedirektøren sitt framlegg vart samrøystes vedteke

Vedtak

Formannskapet si tilråding til vedtak:

1. Kommunestyret tek tertialrapporten og finansrapporten for andre tertial til vitande.

2. Kommunestyret godkjenner kommunedirektøren sitt framlegg til budsjettjusteringar på drift med ei auka kostnadsramme på 1,5 millionar kroner. Dei auka kostnadane blir dekka gjennom at ein aukar skatteanslaget.

3. Kommunestyret godkjenner kommunedirektøren sitt framlegg til budsjettjusteringar på investering ved at 1,0 millionar vert flytta frå VA investeringar til innkjøp av møblar til Kaland skule slik at den samla ramma for innkjøp av møblar vert 1,5 millionar.

4. Kommunestyret godkjenner at 450 000,- kroner som vart avsett til kulturminneforvaltning i investeringsbudsjett for 2023, vert omdisponert til trafikktryggleikstiltak ved Austrheimhallen og til oppgradering av kommunalveg på Søre Njøta.

Behandling

Økonomi- og HR-sjef Odd Harald Dommersnes orienterte om saka, jamfør saksutgreiinga.
Tertialrapporten vart vist slik den ligg Framsikt,

• Formannskapet er kommunen sitt finansutval.

• Det vart særleg gått gjennom rentenivået på dei ulike låna, og kva konsekvensar det får for kommuneøkonomien om rentenivået går noko opp framover.

• Budsjettjusteringa er for haust 2023, her står det haust 2024 i saksutgreiinga, dette skal rettast.

• Behov for noko meir midlar til busetting av flyktningar.

• Legevakt er noko dyrare enn budsjettert.

• Kommunale gebyr er underbudsjettert.

• Vil justera opp 1 500 000 kroner, dette er finansiert av auka skatteinntekter.

Ordførar Per Lerøy (Ap) sa at det er viktig at kommunen har ein så sunn driftsøkonomi at ein toler å ha flytande rente og flytande straumpris, for det vil over tid vera rimelegare enn å låsa seg til faste prisar.

Ordførar Per Lerøy (Ap) sa at det er overraskande at det berre er ein leverandør som har levert pris på møblar til Kaland. Lerøy sa vidare at det er brukt så mykje midlar på skule at det no er rett å bruka nok til å få det skikkeleg, men det er overraskande at det berre er ein tilbydar.

Bjørn Inge Håland Dyrkolbotn (Sp) spurte kvifor det er tre gongar dyrare møblar til Kaland, enn det som vart brukt på møblar til Årås. Helge Dyrkolbotn (KrF) spurte om kva som er lagt inn i bestillinga. Dommersnes svara at det er gått ut til fleire tilbydarar, men for kva som var innhaldet i bestillinga må andre svara. Kommunedirektør Fjellhaug svara at det er sett på ulike kvalitetar, gode kvalitetar kostar meir, samstundes er det lagt inn noko til solskjerming/gardiner, og det betyr at ikkje alt dette skal brukast på møblar. Har sett på tilstanden på Årås også, og vil rusta opp inventaret på Årås der dette er dårleg.

Inger-Lise Brekke (H) sa at ein må sjå på ressursbruken, ein million kroner er mykje midlar, som kan brukast andre stader som til miljøterapeut eller anna. Har vore sagt tidlegare at ein må halda seg innanfor budsjettet.

Morten Sognnes (H) sa at det kan vera store prisforskjellar på ganske like kvalitetar, kan vera eit stort prisspenn på ganske like produkt.

Helge Dyrkolbotn (KrF) sa at han hadde oppfatta at det låg midlar i prosjektet til dette, overraska av at det er bruk for meir midlar no.

Inger-Lise Brekke (H) spurte om kva handlingsrom ein har til å handla andre stader, Odd Harald Dommersnes svara at det er styrt av lov om offentlege anskaffingar når ein har hatt anbodet ute.

Ordførar Per Lerøy (Ap) sa om asfaltering at det er strekket på Søre Njøta som står att som verst no, der er asfalten praktisk tala vekke, men skulebussen kjører der dagleg. Ein anna stad er asfalt på gangvegen mellom Årås skule og ned mot den nye gangvegen ved Nordliheimen. Det er utarbeidd ei liste over kva som bør gjerast, NCC har gitt pris, og så jobbar ein med asfaltering frå toppen av lista så lenge det er midlar.

Helge Dyrkolbotn (KrF) spurte om trafikksikring Austrheimhallen, her svara kommunedirektør Bjørnar Fjellhaug at det er trafikksikringsutfordringar med kjøring forbi Ungdommens Hus. Bommen er låst med kjetting no, vert jobba med ei meir permanent løysing i tråd med den planen som er laga tidlegare.

Om same sak sa Per Lerøy (Ap) at det no blir kjørt med bil på baksida av hallen, deter utfordrande for trafikksikringa. Lerøy viste til at med ein bom styrt med kort må alle stoppa, og det reduserer farten også. Helge Dyrkolbotn (KrF) støtta dette.

Bjørn Inge Håland Dyrkolbotn (Sp) sa at det bør vera ope oppe ved ballbingen, heller enn nede ved Ungdommens Hus, kommunedirektør Fjellhaug svara at det er det som er tenkt.

Ordførar Per Lerøy (Ap) refererte vedtaket.

Handsaming i formannskapet:
Kommunedirektøren sitt framlegg vart samrøystes vedteke

Vedtak

Saka vert utsett slik at det kan takast ei synfaring.

Behandling

Ordførar Per Lerøy (Ap) sa at det bør vera synfaring, sidan det er lagt opp til å gje avslag på vedtaket.

Dette vart støtta av formannskapet.

Innspel som har komme inn på e-post i det siste bør takast inn i sakshandsaminga og svarast ut.

Handsaming i formannskapet:
Utsettingsfframlegg vart samrøystes vedteke