Møte i Kommunestyret den 21.09.2023

Vedtak

Innkalling og sakliste vart godkjent

Behandling

Før møtet var sett på samfunnshuset, var det synfaringar på dei to skulane Kaland og Årås, som har blitt utbetra det siste året.
Den politiske sakshandsaminga starta klokka 17.45.

Handsaming i kommunestyret:
Kommunedirektøren sitt framlegg vart samrøystes vedteke

Vedtak

Møteprotokoll frå forrige møte vart godkjent

Behandling

Handsaming i kommunestyret:
Kommunedirektøren sitt framlegg vart samrøystes vedteke

Vedtak

Meldingane vart tekne til orientering

Behandling

Handsaming i kommunestyret:
Kommunedirektøren sitt framlegg vert samrøystes vedteke

Vedtak

Orienteringane vart teke til vitande.

Behandling

Helsestasjonen hadde orientering om korleis dei jobbar, ved leiar for helseeininga Grethe Korsøen, fagleiar helsestasjonen og helsesjukepleiar Anja Låstad, helsesjukepleiar Randi Ulvøy og helsesjukepleiar Kjersti Nilsen Torstensen. Presentasjonen deira ligg ved møteboka.

Kommunalsjef helse og velferd, Anne Hildegunn Færøy, orienterte om status for arbeid med nytt helse- og omsorgstun. Presentasjonen ligg ved møteboka.

Prosjektleiar Rolf Henning Myrmel viste status for investeringsprosjekt. Presentasjonen ligg her.

I samband med arbeidet på skulane vart det etterlyst detaljert rekneskap, her stadfesta administrasjonen at det sarbeidet på skulane, delt på dei to skulane.

Handsaming i kommunestyret:Kommunedirektøren sitt framlegg vert samrøystes vedteke

Vedtak

Kommunestyret vedtek forskrifta slik den ligg føre.

Grunngjeving ligg i saksutgreiinga.

Heimel for lokal forskrift finn vi i lov 14. juni 2002 nr. 20 om vern mot brann, eksplosjon og ulykker med farleg stoff og om brannvesenets redningsoppgåver (brann- og eksplosjonsvernloven) § 43 bokstav e, jf. forskrift 26. juni 2002 nr. 922 om handtering av eksplosjonsfarleg stoff § 2-10A.

Behandling

Ordførar Per Lerøy (Ap) refererte framlegget til vedtak.

Handsaming i kommunestyret:Kommunedirektøren sitt framlegg vert samrøystes vedteke

Behandling

Denne saka utgjekk, då den har vore handsama av kommunestyret tidlegare.

Vedtak

Kommunen dekkar 1/3 av oppsitjarane sine fellesutgifter for framlegging av vatn til Utkilneset, inntil maksimalt kroner 215 000,- inklusive mva. Løyving vert finansiert og utbetalt over driftsbudsjettet for 2024.

Fleire abonnentar skal kunna kopla seg på anlegget, såframt det er kapasitet.

Behandling

Einingsleiar teknisk drift Atle Vaage orienterte om saka, jamfør saksutgreiinga. Vaage viste til at kommunen uansett ikkje kan gjer meir enn 50 prosent tilskot, ved tilskot over dette er kommunen å rekna som utbyggar, og det kjem inn og krav om utlysing med meir.

Ordførar Per Lerøy (Ap) ba om at det vart lagt inn ein føresetnad om at andre skal kunna kopla seg på anlegget. Einingsleiar Vaage sa at det er ein god ide å legga til ei slik setning. Det er plass til dei som bygger no, pluss også fleire.

Handsaming i kommunestyret:
Kommunedirektøren sitt framlegg vart samrøystes vedteke, med tillegg om at fleire skal kunna kopla seg på, så langt det er kapasitet.

Vedtak

Kommunestyret vedtek «Kulturmiljøplan for kystkommunen Austrheim 2023-2032 -
frå steinalder til oljealder».

Tilleggspunkt i handlingsplanen: «Kartleggja og rydda gamle ferdselsvegar og stiar.»

Behandling

Einingsleiar kultur, Kari Utkilen, orienterte om arbeidet med planen og innspela som kom i høyringsrunden.

Utkilen viste til at sjølv med vedtak om planen så vert det jobba vidare med den, mellom anna med å få på plass eit kart over kulturminne med meir, og ei vidare oppdatering med registreringar og anna. Sogelaget har gjort viktig arbeid, mellom anna med registrering av hamneboltar og sjømerke. .
Jan Erik Espelid (Bygdelista) sa at han er stolt av å bu i kommunen, med alt det fine planen viser at me har. Ba om at det vart teke med i handlingsplanen eit punkt om å kartlegga og rydda gamle ferdselsvegar: Framlegg til tilleggspunkt i handlingsplanen: «Kartleggja og rydda gamle ferdselsvegar og stiar.»

Ordførar Per Lerøy (Ap) sa at det er eit bra tillegg, som ein gjerne kan ta med i vedtaket, og spurte vidare om det er teke med noko om prestekaiane som gjerne var endepunkt for ferdselsvegar og stiar. Kari Utkilen svara at det er med noko i planen om prestekaiane.

Reidar Øksnes (Sp) spurte om ein kan få eit interaktivt kart, der ein kan bruka planen som underlag til informasjonen som vert lagt inn i kartet. Eit slikt kart kan brukast for dei som skal besøka kommunen, anten det er på land på Fonnes eller kajakkpadling i Øyane. Øksnes spurte vidare om planen tek med papir og anna som er på privat eige, det kan vera papir frå skifte med rettar kring ferdselsvegar og anna, det ligg skildringar i desse av både rettar og plikter. Kari Utkilen svara at planen vert lagt inn i Askeladden, på same sett som andre kulturminne som vert registrerte. Det hadde vore kjekt å få på plass eit kart også for turistar, om det er mogleg, men det ligg ikkje i dette prosjektet. Utkilen sa vidare at ulike papir som Øksnes nemner ikkje er med i arbeidet, men at sogelaget jobbar med immaterielle kulturminne av denne typen, og det er bra.

Handsaming i kommunestyret:Kommunedirektøren sitt framlegg vert samrøystes vedteke, med tillegg frå Bygdelista

Vedtak

Kommunestyret vedtek å auke låneopptaket til startlån i Husbanken med 5 millionar for 2023

Behandling

Sakshandsamar Ketil Tjore orienterte om saka, jamfør saksutgreiinga.

Handsaming i kommunestyret:
Kommunedirektøren sitt framlegg vart samrøystes vedteke

Vedtak

Handlingsprogram for vatn og avlaup 2023-2027 vert godkjent slik det ligg føre. Handlingsprogrammet kan rullerast årleg i samband med utarbeiding av økonomiplan

Kommunestyret viser til tidlegare kommunestyrevedtak om vatn til Førland. Der vedtok kommunestyret at etter den nye leidningen frå Torvneset via Utkilen til vasstårnet er på plass, skal vassleidning til Førland prioriterast. I det vedlagte framlegget til handlingsprogram, er dette ikkje teke omsyn til. Ringleidningen Solend – Førland – Austrheim er på niande plass på prioriteringslista. Me ber om at dette prosjektet blir delt opp slik at strekninga Solend – Førland vert bygd først og vert prioritert som det tredje tiltaket i handlingsplanen. Me ber om at dette tiltaket blir gjennomført i 2024.

Behandling

Einingsleiar teknisk drift Atle Vaage orienterte om saka, jamfør saksutgreiinga.

• Har stort etterslep, særleg på avløp.

• EU jobbar med strengare reinsekrav, som vil bety noko også i Austrheim.

• Største utfordringar innan avlaup. Det trengs investeringar til både pumpestasjonar, reinseanlegg og leidningsnett.

• For vatn er håpet å få vatn inn frå andre delen av kommunen gjennom Alver sine planar for reservevatn til nordre delen av Radøy. Alver kommune startar planlegging i oktober og vil starta arbeidet så raskt som mogleg, det kan gje vatn til vestre delen av Austrheim.

• Jobbar med fleire ringvegar for vatnet, slik at færre vert påverka ved brot på vassleidningen.

• Høgdebassenget er for lite til å sikra vatn om det er stor tapping til brannvern og andre.

• Det kan blir etableringsstopp om ein ikkje sikrar betre tilgang på vatn.

• For å komma i mål med det me må bygga, er det aktuelt å dobla eller tredobla avgiftene til vatn og avlaup det kommande tiåret. Men det er også eit press frå kommunane om at Staten må komma med ei ordning for å sikra at kommunane kjem i stand til å gjennomføra dette.

• Det er også utfordrande med entreprenørkapasiteten til utbygging, det tilseier at fristane for gjennomføring av nye krav vert skubba på.

• Ventar at det kjem nye løysingar på reinsing, det tilseier at ein rullerer denne handlingsplanen kvart år for å ta med seg nye løysingar.

Hardy Pedersen (Ap) etterlyste vatn til Førland. Etter tjue år med arbeid frå dei som bur der, må dette prioriterast. Pedersen la fram framlegget til vedtak:
Helge Dyrkolbotn (KrF) sa at KrF støttar framlegget frå Pedersen, slik at vatn fram til Førland kan prioriterast. Det har vore jobba med i årevis, og ein må innfri dette løftet til Førland. Dyrkolbotn sa vidare at han er glad for signal frå Alver om ringleidning.Bjørn Inge Håland Dyrkolbotn (Sp) sa at han hadde same punkt som Hardy, og ba om å få dette som eit fellesframlegg.
Reidar Øksnes (Sp) sa at kommunestyret må ta litt skuld for at ein har vore med på desse vedtaka og ikkje følgt det opp. Når det gjeld ringleidning i Alver kommune må noko vera planlagt frå tidlegare, treng ikkje starta heilt på nytt, men sjå på dimensjonar og tekniske løysingar.
Ordførar Per Lerøy (Ap) sa at med ringleidning frå Alver må ein kunna sjå på vatn også til Njøta og Litlelindås.

Einingsleiar Atle Vaage sa at den nye høgspentlinja i fjorden mellom Mongstad og Radøy gjer at vassleidningen kanskje må gå over land ein del i Austrheim, det vil gjera det enklare for Austrheim å kopla seg på, men arbeidet må prosjekterast på nytt. Alver kommune har krav på seg om å skaffa reservevatn til nordre delen av Radøy, her kan Austrheim henga seg på.

Kommunestyret var samde om å ta tillegget frå Ap/Høgre som eit fellesframlegg, med retting om at vatn til Førland skal vera prosjekt nummer tre, og ikkje nummer to. Bakgrunnen for endringa er at dei to første prosjekta på planen alt er i gang.

Handsaming i kommunestyret:
Kommunedirektøren sitt framlegg vart samrøystes vedteke. Tillegget om vatn til Førland vart vedteke som fellesframlegg, med retting til prosjekt nummer tre.

Vedtak

Kommunestyret gjev løyve til at det i samband med vigsel kan serverast alkoholhaldig drikke (under i kantina og på tusenårsplassen like ved, og i parken framfor kommunehuset og på Samuel Lervågs plass. Vigslar ved det enkelte høve står som ansvarleg.

Behandling

Ordførar Per Lerøy (Ap) orienterte om saka, og viste til at det har komme spørsmål om at det er ønskje om å ta eit glas i samband med vigsel.

Helge Dyrkolbotn (KrF) sa at han synest det er totalt unødvendig at det skal vera behov for dette. Dyrkolbotn sa at han har vore i kontakt med andre kommunar i regionen, der dette ikkje er ei problemstilling, og at enkelte har tilbod om alkoholfrie dråpar i samband med vigsel. Når det gjeld skisseframlegga sa Dyrkolbotn at han særleg er usamd i at det skal vera mogleg på framsida av kommunehuset.

Sakshandsamar Ketil Tjore orienterte om at politiet ikkje hadde innvendingar. Denne uttalen kom etter at sakspapira var sende ut.
Reidar Øksnes (Sp) sa at det er greitt for Senterpartiet med løyve inne i kantina og på plassen bak, men ikkje på framsida av kommunehuset.
Ordførar Per Lerøy (Ap) sa at vedtaket skal rettast ved å ta ut champagne.

Handsaming i kommunestyret:Det vart røysta over eit retta framlegg til vedtak der "champagne" var teke ut.

Det vart røysta opp mot skissa, del for del.

• Inne i kantina, vedteke med 14 mot KrF sine 3 representantar, Helge Dyrkolbotn, Anne Dahle Austrheim og Randi K. Dyrøy.

• Tusenårsplassen utanfor kantina,

• Parken framfor kommunehuset og Samuel Lervågs plass, vedteke med 10 mot 7 KrF, Sp og Bygdelista (Helge Dyrkolbotn, Anne Dahle Austrheim og Randi K. Dyrøy i KrF, Jan-Erik Espelid frå Bygdelista og Bjørn Inge Håland Dyrkolbotn, Reidar Øksnes og Lise Renate Helle i Sp)

Vedtak

Austrheim kommune garanterer for lån med sjølvskuldnargaranti for lån gjeven av Kommunalbanken på kroner 6 319 328,- til Sætremarka burettslag.

Behandling

Kommunedirektør Bjørnar Fjellhaug orienterte om saka, jamfør saksutgreiinga. Går inn for å gje garantien slik det er sett opp i saka.

Ordførar Per Lerøy (Ap) sa at det er lite risko sidan lånet er så lite, så det er bra om kommunen gjev garanti som i neste omgang kan gje ein prosent lågare lånerente.

Handsaming i kommunestyret:
Kommunedirektøren sitt framlegg vert samrøystes vedteke

Vedtak

Saka om nytt golvbelegg på Nordliheimen er for dårleg utgreidd. Austrheim Høgre og Austrheim Arbeidarparti ber om at saka vert utsett og at bedriftshelsetenesta, ergoterapeut, verneombod, tilsette og leiinga ved Nordliheimen vert trekt med i arbeidet med ei ny og grundigare saksutgreiing,

Behandling

Kommunalsjef Bjarte Rosenlund orientete om saka, jamfør saksutgreiinga.

• Kan reparera skrammer og hakk i dagens belegg for 15-20.000 kroner, å bytta alt kostar 300-600.000 kroner.

• Legg opp til å skifta golvet i daglegstova, men ikkje i gangareal.

• Kan legga skum under belegget for å gjera det mjukare å gå på, men det vert men lettare å slå hol i belegget, og det er vanskelegare å trilla senger på mjukare golv.

Monika Thorpe (Ap) la fram fellesframlegg frå Austrheim Høgre og Austrheim Arbeidarparti: "Saka om nytt golvbelegg på Nordliheimen er for dårleg utgreidd. Austrheim Høgre og Austrheim Arbeidarparti ber om at saka vert utsett og at bedriftshelsetenesta, ergoterapeut, verneombod, tilsette og leiinga ved Nordliheimen vert trekt med i arbeidet med ei ny og grundigare saksutgreiing".

Kommunedirektør Bjørnar Fjellhaug sa at det var rett å gå tilbake til kommnestyret med saka sidan det var spesifikt bedt om nytt golvbelegg i vedtak i kommunestyret. Om arbeidet ikkje vert gjort i år, vil midlar som er sette av førast over til neste budsjettår.

Ordførar Per Lerøy (Ap) sa at det er viktig at ein involverer dei som jobbar på Nordliheimen. Må også vurdera dette opp mot langturnus, det er belastande å gå på dette golvet i mange timar.

Handsaming i kommunestyret:
Samrøystes for utsettingsframlegget.

Vedtak

Kommunestyret vedtek:

1. Reglement for Levekårsutvalet slik det ligg føre.

2. Levekårsutvalet skal ha 7 representantar. Leiar må vera medlem av kommunestyret.

3. Levekårsutvalet vert oppnemnd i konstituerande kommunestyre 26. oktober.

4. Utsendinga før Formannskapsmøta vert endra til 1 veke før møtet.

5. Kommunedirektøren innarbeidar endringane i «Reglement for folkevalde organ i Austrheim kommune. Reglementsamling».

15. 1 .
Levekårsutvalet følgjer kommunestyret sin valperiode og vert vald for fire år. Levekårsutvalet er samansett av 7 medlemmar som vert vald av kommunestyret.blant kommunestyret sine medlemmar og varamedlemmar. (det i kursiv skal ut)

Medlemmane vert fordelte etter forholdstalsprinsippet, og kvar gruppering har to fleire varamedlemmar enn faste medlemmar. Avtaleval kan også nyttast (det i kursiv skal inn)

Behandling

Kommunedirektør Bjørnar Fjellhaug orienterte om saka, jamfør saksutgreiinga.

• Heile reglementet kjem som sak til det nye kommunestyret.

• Denne gongen berre reglement for levekårsutvalet, slik at dei får eit mandat for det arbeidet dei skal gjera.

• Bakgrunnen for å korta ned utsending til FS til ei veke, er mellom anna at ein del av sakene skal gjennom levekårsutvalet først.

• Kommunestyret kan endra slik at ein kan henta representantar fritt utanom dei folkevalde.

• Råd og utval vert også inviterte til politikaropplæringa.

Ordførar Per Lerøy (Ap) sa at ein er oppteken av å få inn dei rette folka, ikkje berre frå lista, men også ildsjeler frå idretten og kulturen. Vil føreslå å kutta at det skal hentast frå medlemmer og varamedlemmer til kommunestyret.
Inger Lise Brekke (H) sa at ein kan rekruttera til det politiske arbeidet med å gå ope ut for å henta medlemmer til levekårsutvalet.
Jan Erik Espelid (Bygdelista) ba om at det vart sett i denne delen av reglementet:
15. 1 .
Levekårsutvalet følgjer kommunestyret sin valperiode og vert vald for fire år. Levekårsutvalet er samansett av 7 medlemmar som vert vald av kommunestyret.blant kommunestyret sine medlemmar og varamedlemmar.

Reidar Øksnes (Sp) viste til at det tidlegare var fleire utval, og at det då ikkje var nok medlemmer i kommunestyret til å fylla dei tre utvala. Men leiar i utvalet var i formannskapet, medan eit medlem i kommunestyret var saksordførar. Øksnes spurte vidare korleis det skal jobbast med å finna medlemmer fram til dei konstituerande kommunestyremøtet?

Ordførar Per Lerøy (Ap) sa at det etter hans syn er fritt for dei politiske partia å nominera medlemmer mellom innbyggjarane i Austrheim, så lenge det er myndige og valbare personar.
Anne Dahle Austrheim (KrF) sa at det er bra for å spreia den politiske interessa at ein ikkje knyter seg til berre faste medlemmer og varamedlemmer i kommunestyret, men det er viktig at kandidatane er valbare og folkeregistrerte i Austrheim.
Bjørn Inge Håland Dyrkolbotn (Sp) sa om valmetoden at det må vera mogleg med avtaleval også.

Ordførar Per Lerøy (Ap) sa ein kan bruka gruppeleiarforum til å forhandla fram eit utval som er best mogleg, med medlemmer som brenn for sakene og jobbar for å realisera gode prosjekt.
Helge Dyrkolbotn (KrF) sa at valnemnda bør ha ei rolle, gjerne gruppeleiarane også, men kvar er valnemnda i denne saka?

Per Lerøy (Ap) svara at han ser for seg at gruppeleiarane jobbar med dette, det forumet har eigna seg tidlegare.
Kommunedirektør Bjørnar Fjellhaug sa at ein må sjekka kommunelova at ein er innanfor reglane der.

Handsaming i kommunestyret:

Samrøystes for kommunedirektøren sitt framlegg til vedtak, med justeringar som lista i tillegget.