Møte i Valstyret den 11.09.2023

Behandling

Rådmannen sitt framlegg vert samrøystes vedteke:
Innkallinga og saklista vart godkjent.

Behandling

Rådmannen sitt framlegg vert samrøystes vedteke:
Møteprotokollen vart godkjent.

Vedtak

Valstyret godkjenner teljinga, med merknader som lista opp under punktet for handsaming.

Behandling

Valstyret gjennomførte manuell teljing, først urneteljing og deretter etter å ha delt opp i bunkar for høvesvis kommuneval- og fylkestingsval. Urneteljinga gav 1 158 røyster, etter partifordelinga var det 1 150 røyster. Skanninga viste at det var i alt 1 151 røystesetlar i førehandsrøystinga. Tilskriv forskjellen mellom urneteljing og teljing etter partifordeling som feilmargin ved manuell oppteljing. Forskjellen mellom teljing etter partifordeling og skanning skuldast at ei røyst var bretta inn i ei anna røyst (begge var stempla og vart godkjende).

Valstyret talde opp og partifordelte førehandsrøystene til fylkestingsvalet, i alt 538 røyster. Skanning av desse var heilt lik på samla tal (538), men det var ei røyst som hamna på eit anna parti. Tilskriv dette feilmargin ved manuell oppteljing.

Valstyret talde opp og partifordelte førehandsrøystene til kommunestyrevalet, i alt 612 røyster. Skanning av desse gav 613 røyster, tilskriv dette at ei røyst var lagt inni ei anna. Partifordelinga var lik ved manuell teljing og skanning, med unntak av at den ekstra røysta kom som tillegg på eit parti.

Etter at vallokala stengde klokka 21.00 var det manuell teljing ute i vallokala, og deretter skanning på kommunehuset.

Kaland krins, Kaland skule:

• Fylkestingsvalrøyster på Kaland, 248 røyster. Skanning gav same tal og lik partifordeling.

• Kommunestyrevalrøyster på Kaland, 280 røyster. Skanning gav 281 røyster og nokre stemmer fordelte til andre parti. Skanna på nytt og fekk same resultat som første skanning. Tilskriv dette feilmargin ved manuell oppteljing.

• To røyster mangla stempel og vart forkasta, desse vert lagt fram for valstyret 12/9.

Årås krins, Austrheimhallen:

• Fylkestingsvalrøyster på Årås, 429 røyster. Skanning gav same tal og lik partifordeling.

• Kommunestyrevalrøyster på Årås, 495 røyster. Skanning gav same tal og partifordeling.

• To røystekonvoluttar i særskilt omslag, frå to personar som ikkje stod i manntalet (flytta til Austrheim etter skjæringsdatoen, skulle ha røysta i heimkommunen). Desse konvoluttane vert lagt fram for valstyret 12/9 med innstilling om at dei skal forkastast, og skal sendast uåpna til fylkeskommunen for vurdering der.

Valstyret heva sitt møte 00:30, kjem saman igjen tysdag 12.9 for å fullføra handsaminga av valet.

Handsaming i valstyret:
Samrøystes for kommunedirektørens framlegg til vedtak.