Møte i Formannskapet den 07.12.2015

Vedtak

Møteinnkalling og sakliste vert godkjent. Samrøystes vedteke.

Vedtak

Møtebok frå sist møte vert godkjent. Samrøystes vedteke.

Vedtak

Referatsaker vert tekne til orientering med følgjande merknad:
Formannskapet ber om ei sak om kommunestruktur for å innstille til kommunestyret, slik at me kan gje eit svar til Austrheim. Formannskapet anbefalar at Fedje kommune ikkje bruker tid og krefter på å utgreie andre alternativ så lenge me er i ein utgreiingsprosess om storkommune i Nordhordland. Me må først gjere denne prosessen ferdig. Samrøystes vedteke.

Behandling

Formannskapet ber om ei sak om kommunestruktur for å innstille til kommunestyret, slik at me kan gje eit svar til Austrheim. Formannskapet anbefalar at Fedje kommune ikkje bruker tid og krefter på å utgreie andre alternativ så lenge me er i ein utgreiingsprosess om storkommune i Nordhordland. Me må først gjere denne prosessen ferdig.

Vedtak

Delegerte saker vert tekne til orientering. Samrøystes vedteke.

Vedtak

Kommunebudsjettet for 2016 vert godkjent slik det ligg føre, med dei endringar som formannskapet vedtok i driftsbudjett, investeringsbudsjett og verbalforslag. Samrøystes vedteke.

Behandling

Informasjon frå rådmannen:

Endring i budsjettføring: Tidlegare internsal/kjøp for bruk av hall, utleigebustad osb - ikkje lov å føre slik lenger. Vil verte endra no – nytt framlegg frå formannskapet vil ta opp i seg dei naudsynte endringane. Vil ikkje gjere noko på totalbudsjett. Budsjettendring skulen – mindre bunnlinje enn tidlegare. Grunnen er føring i forhold til inntekter som tidlegare ikkje er ført på dette ansvaret. Det er ikkje kutt i skulen sitt budsjett i rådmannen sitt framlegg. Feil i framlegget budsjettskjema 1B – feil tal på ansvar helsesyster og lege. Korrekte tal er i hovudoversikt. Ansvar 1400. Budsjettkommentarane slik dei er sendt ut, er feil. Dei korrekte vart delt ut i møtet. Vidareføring av pendlartilskot som i dag. Regionale tilskotmidler er no vekke – kan rekne med tilleggsrekningar.

Til handsaminga av saka: Kristin Handeland melde seg ugild i handsaminga av renovasjon og slam-avgift fordi ho sitt i styret i NGIR. Ho trådde tilbake under handsaminga av den delen av ansvar 3000. Ingen vara.

Endringsframlegg og votering frå formannskapet: Sjå vedlegg.

Til slutt vart kommunebudsjettet votert over samla med dei endringar som vart vedteke - samrøystes vedteke.

Vedtak

Fedje kommune godkjenner følgjande skattesatsar for 2016:
Skatteøren: 11.8 %.
Skatt på verk og bruk: 7 promille.
Samrøystes vedteke.

Behandling

Formannskapet forkasta framlegget om å innføre eigedomsskatt på hus og fritidseigedom i handsaminga av budsjettframlegget, sak 129/15.

Vedtak

Nye satsar gjeld frå 01.01.2016 slik: 1 dag kr 472,-.2 dagar kr 945,- 3 dagar kr. 1417,-. 4 dagar kr. 1890,- 5 dagar kr 2.362,- Samrøystes vedteke.

Vedtak

For Fedje barnehage vert satsane for dei ulike opphaldstidene i barnehagen med verknad frå 01.01.2016 slik det går fram av tabellen i saksutgreiinga.Samrøystes vedteke.

Vedtak

Satsane for praktisk bistand/heimehjelp vert justert med verknad frå 01.01.2016 slik det går fram av saksutgreiinga. Samrøystes vedteke.

Vedtak

Prisen for middagslevering vert justert med verknad frå 01.01.2016 frå kr. 84,- til kr 88,- pr. måltid. Samrøystes vedteke.

Vedtak

Abonnement for trygghetsalarm vert med verknad frå 01.01.2016 kr. 292,- pr. månad. Vedteke med 3 mot 2 røyster. Høgre røysta for eige endringsframlegg.

Behandling

Endringsframlegg frå Høgre: Gratis tryggleiksalarm. Votering:Endringsframlegg: 2 (H) Rådmannen sitt framlegg: 3

Vedtak

Gebyret for feiing i 2016 vert 229,- kr eks. mva. Samrøystes vedteke.

Vedtak

Lokal forskrift om gebyr for teknisk forvaltningsteneste (gebyrregulativ) for Fedje kommune – 2016, vert vedteke. Samrøystes vedteke.

Vedtak

Gebyr for vatn og kloakk i 2016, vert i samsvar med vedlegg. Samrøystes vedteke.

Vedtak

Renovasjonsgebyr eks. mva. inkl. kommunalt tillegg og flistillegg for 2016, vert i samsvar med saksutgreiinga. Samrøystes vedteke.

Behandling

Kristin Handeland melde seg ugild i handsaminga av saka. Stian Storemark var vara.

Vedtak

Gebyret i 2016 for slamtømming, vert 900,- kr eksklusiv mva. Gebyret for hytter, er det halve. Samrøystes vedteke.

Behandling

Kristin Handeland melde seg ugild i handsaminga av saka. Stian Storemark var vara.

Vedtak

Husleiga for kommunale bustader vert auka med kr 1000/mnd. Nokre lovavgrensingar i fhd til butid for leigetakar. Vedteke med 3 mot 2 røyster. Arbeiderpartiet og Demokratane røysta for rådmannen sitt framlegg.

Behandling

Endringsframlegg frå Herøy/Høgre: Auke husleige på kommunale bustader med kr 1000/mnd. (Nokre lovavgrensingar i fhd til butid for leigetakar – dei andre får 1,8% auke) Votering: Endringsframlegg: 3 røyster, rådmannen sitt framlegg: 2 (Ap/Dem)

Vedtak

Fedje kommune vedtek å halda fram driftsavtalen med Lindås kommune om tiltaket ungdomskontakten Salto i perioden 2016-2018, med kr. 25.000,- pr. år. Samrøystes vedteke.

Vedtak

Kommunen sluttar seg til planforslaget frå rådmann slik det ligg føre. Formannskapet ber om at økonomiplanen vert justert i tråd med dei vedtaka formannskapet har gjort i sak 128/15 og 129/15. Samrøystes vedteke.

Behandling

Rådmannen informerte om at dei endringar som vart vedteke i sak 128/15 og 129/15 vil måtte verte innarbeidd i økonomiplanen før kommunestyremøtet.

Vedtak

Fedje kommune overtar eit nøkkelferdig bygg m/ tilhøyrande eigedom til avtalt pris – stort kr 15.500.000. Alt. B. Full innreiing av 1. etasje og delvis bruk av andre etasje for 2 av bustadeiningane i tråd med tilbodet slik det ligg føre. Bygget tilfredsstiller alle byggtekniske krav + krav frå Husbanken.Bygget står innflyttingsklart til sommaren 2017.
Fedje kommune godkjenner finansieringsplanen slik han ligg føre. Finansieringsbehov: 15.5 mill. kroner.
Finansieringsplan:
Tilskot Husbanken: 6.2 mill. kroner
Lån i Husbanken: 9.3 mill. kroner
Avdragstid: 25 år. Rente f. t. 2.7 %.
Prosjektet vert innarbeidd i årsbudsjett og økonomiplan frå 2017.
Vedteke med 4 mot 1 røyst. Tonje Gullaksen/H røysta mot framlegget.

Vedtak

Fedje kommune tek opp låninntil 3 mill og søkjer tilskot i Husbanken i 2016 for finansiering av kjøp av bustader til vanskelegstilte. Forventa leigeinntekter vil dekke kommunen sine kapitalutgifter fullt ut. Prosjektet vert innarbeidd i kommunen sitt årsbudsjett for 2016 og for økonomiplanen for neste 4 års periode. Samrøystes vedteke.

Vedtak

Fedje kommune står på sitt tidlegare vedtak, og tar i mot inntil 10 flyktningar pr år i perioden 2015-2018. Dersom føresetnadane ligg til rette for det, vil formannskapet vurdere å auke talet. Fedje kommune ønskjer å busetje barnefamilier. Samrøystes vedteke.

Behandling

Endringsframlegg frå Kristin Handeland/Ap: Fedje kommune vil ta imot inntil 12 flyktningar i 2016 og inntil 14 flyktningar i 2017. Fedje kommune ønskjer primært å busetje barnefamiliar.

Endringsframlegg frå Stian Herøy/H: Fedje kommune står på sitt tidlegare vedtak, og tar i mot inntil 10 flyktningar pr år i perioden 2015-2018. Dersom føresetnadane ligg til rette for det, vil formannskapet vurdere å auke talet. Fedje kommune ønskjer å busetje barnefamiliar.

Votering:
Først vart det røysta over rådmannen sitt framlegg. Forslaget falt med 5 mot 0 røyster.
Så vart det røysta over endringsframlegget til Handeland. Forslaget falt med 4 mot 1 røyst. Handeland røysta for eige framlegg.
Det vart så røysta over Herøy sitt endringsframlegg. Samrøystes vedteke.

Vedtak

Søknaden om tilskot vert ikkje innvilga. Samrøystes vedteke.

Vedtak

Fedje kommune er positiv til at dei pårørande til våre bebuarar v/Fedje sjukeheim reetablerer pårørandeforeninga for å få til gode samarbeidsrelasjonar mot leiinga i pleie og omsorg.
Vedteke med 4 mot 1 røyst. Handeland røysta for rådmannen sitt framlegg.
Formannskapet viser til K-sak 65/15 om "Val av representantar til råd og utval for kommunestyreperioden 2015-2019", der ein ber om at det vert vurdert eit utvida mandat for "Råd for menneske med nedsett funksjonsevne" m.a. møtepunkt mellom pårøranderepresentantar og leiinga i pleie og omsorg. Samrøystes vedteke.

Behandling

Endringsframlegg frå Tonje S.Gullaksen/Høgre: Fedje kommune er positiv til at dei pårørande til våre bebuarar v/Fedje sjukeheim reetablerer pårørandeforeninga for å få til gode samarbeidsrelasjonar mot leiinga i pleie og omsorg.

Endringsframlegg frå Roy-Asle Tungland/Krf: Formannskapet viser til K-sak 65/15 om "Val av representantar til råd og utval for kommunestyreperioden 2015-2019", der ein ber om at det vert vurdert eit utvida mandat for "Råd for menneske med nedsett funksjonsevne" m.a. møtepunkt mellom pårøranderepresentantar og leiinga i pleie og omsorg.

Det vart votert slik:
Rådmannen sitt framlegg vart sett opp mot Gullaksen sitt endringsframlegg. Gullaksen sitt endringsframlegg vart vedteke med 4 mot 1 røyst. Handeland/Ap røysta for rådmannen sitt framlegg.
Det vart så votert over Tungland sitt framlegg. Samrøystes vedteke.

Vedtak

Fedje kommune sluttar seg til hamnerådet sitt prinsippvedtak i saka. Samrøystes vedteke.

Vedtak

Fedje kommune finn ikkje rom for å oppretta ei kommunal oppreisningsordning slik stiftelsen Rettferd for taperne oppmodar om. Samrøystes vedteke.

Vedtak

Kommunen sluttar seg til framlegg til møteplan for 1. halvår 2016. Formannskapsmøta vert kl 17. I den grad det oppstår ekstraordinære situasjonar, kan det leggjast inn nye møte etter avtale med ordførar. Samrøystes vedteke.

Vedtak

Fedje kommune har fått melding om at kommunen må rekruttere ny rådmann. Tilsetting av rådmann ligg til kommunestyret. Det er behov for ei gruppe som kan handtere sjølve rekrutteringsprosessen, i samarbeid med eit rekrutteringsbyrå. Formannskapet føreslår å oppnemne følgjande mellombelse arbeidsgruppe: Stian Herøy, Roy-Asle Tungland, Kristin Handeland. Vara: 1. Bjørn Solbakk, 2. Tonje S.Gullaksen
Innstilling til tilsetting skal drøftast med ein tillitsvald før saka vert lagt fram for kommunestyret. Samrøystes vedteke.

Vedtak

Ingen votering over saker under eventuelt.

Behandling

Spørsmål frå Kristin Handeland/Ap: Det har vore forespeila gatelys innerst i Husøyna i fleire år, men har enda ikkje kome på plass. Handeland etterlyste om dette er mogleg å få på plass i 2016.

Spørsmål frå Roy-Asle Tungland/Krf: Er det planar for folkevaldopplæring og elektroniske hjelemidlar for folkevalde? Ordførar svarte at folkevaldopplæringa er under planlegging. Når det gjeld pc/nettbrett, vert alle folkevalde oppfordra til å nytte eigne. Men me har eit par nettbrett frå forrige kommunestyre, om det er nokon som ikkje har.

Spørsmål frå Tonje S. Gullaksen/H: Korleis er praksis rundt velferdsfondet til sjukeheimen? Rådmannen svarte at kommunen må føre desse midlane som alle andre midler kommunen har ansvaret for. Kommunekassa har oversikt over kva for midler som er gjeve, men har enno ikkje fått melding om å avsette desse på eige fond eller oversikt over kva som er brukt inneverande år. For å bruke velferdsmidla er det berre naudsynt å få faktura som er merka bruk av minnegaver.

Spørsmål frå Per Opsahl/Dem: Ønskjer utbetring av svingen i vegen ved Stenborg. Rådmannen svarte at dette er fylkesveg. Teknisk etat har teke kontakt med vegkontoret om saka.

Spørsmål frå Per Opsahl/Dem: Spørsmål om praktiseringa av tildeling av kommunal bustad. Rådmannen svarte om praksis og reglement.