Čoahkkin Kommunestyret 25.04.2017

Vedtak

Møteinnkalling og sakliste vert godkjent. Samrøystes vedteke.

Vedtak

Møtebok frå sist møte vert godkjent med følgjande merknadar:
Det som står under 003/17 referatsaker er merknad til sak 002/17, og skal stå der. I sak 004/17 må det stå kven som røysta mot.
Samrøystes vedteke.

Behandling

Ingmar Stuberg hadde to merknadar til møtebok frå sist møte:
Det som står under 003/17 referatsaker er merknad til sak 002/17, og skal stå der.
Sak 004/17 må vise til kven som røysta mot, då det i protokollen frå kommunestyremøtet 28.02.2017 er ukjent.

I sak 004/17 er det diverre ingen som hugsar kven som røysta mot, men dette skal stå i møteboka.

Vedtak

Referatsaker vert tekne til orientering. Samrøystes vedteke.

Vedtak

Fedje kommune vil i første del av planperioden prioritera helse og omsorg, oppvekst og næring, samfunnsutvikling og rullering av trafikksikringsplan. Rullering av plan for idrett og friluftsliv hastar derimot ikkje, og kan bli gjort i slutten av planperioden. Samrøystes vedteke.

Vedtak

Kommunestyret ber rådmannen om å utarbeide framlegg til moment som kan vere aktuelle å ha med i reglement for formannskapet og for kommunestyret. Deretter utarbeider rådmannen eit eigna opplegg for brei drøfting av relevante moment. Vedteke med 12 mot 3 røyster. Kristin Aase (Ap), Gidske Borge Kolltveit (Ap) og Stian Herøy (H) røysta for eit anna framlegg.

Behandling

Det vart først røysta over følgjande endringsframlegg:
Endringsframlegg Ottar Tangen (FrP): Kommunestyret ønskjer eit smalare reglement som er enkelt å forhalde seg til og er tenleg for ein liten kommune som Fedje. Framlegget falt med 14 mot 1 røyst: Ottar Tangen (Frp) røysta for framlegget.

Då framlegget falt, vart dei to andre framlegga satt opp mot kvarandre:

Endringsframlegg frå Kristin Aase (AP): Kommunestyret ber rådmannen om å utarbeide framlegg til moment som kan vere aktuelle å ha med i reglement for formannskapet og for kommunestyret. Deretter utarbeider rådmannen eit eigna opplegg for brei drøfting av relevante moment. Kommunestyret ber dessutan rådmannen om å finne ein aktuell kommune og dato for studietur for dei folkevalde. Framlegget falt med 3 mot 12 røyster. Kristin Aase (Ap), Gidske Borge Kolltveit (Ap) og Stian Herøy (H) røysta for.

Vedtak

Fedje Barnehage tilbyr sommaropen barnehage på permanent basis, frå sommaren 2017. Vedtektene til Fedje Barnehage blir endra som skissert i saksutgreiinga, og blir gjennomført som ei prøveordning for sommaren 2017. Ordninga som endringa inneber blir evaluert hausten 2017, før vedtektene blir gjenstand for ny politisk handsaming innan utgangen av februar 2018.
Pkt. 4: Timen frå 16-17.10 skal tingast seinast dagen før i opningstida til barnehagen. Om timen frå kl. 16-17:00 er tinga, kan andre born også nytte tilbodet innan bemanningsnormens grenser.
Samrøystes vedteke

Behandling

Tilleggsframlegg frå Kristin Aase (Ap):
Pkt. 4
Timen frå 16-17.10 skal tingast seinast dagen før i opningstida til barnehagen. Om timen frå kl. 16-17:00 er tinga kan andre born også nytte tilbodet innan bemanningsnormens grenser.

Vedtak

Kommunestyret ber rådmannen om åsetje i gong arbeidet med å utarbeide sentrumsplan for Steinborgområdet.
Samrøystes vedteke

Vedtak

Kommunestyret godkjenner følgande mellombelse ungdomsråd: Emmi Herøy leiar, Elise Blomvågnes nestleiar, Helene Husa medlem, Mathias Marøy medlem, Rolf Hermansen varamedlem og Thea Koppen Blomvågnes varamedlem fram til nyval hausten 2017. Samrøystes vedteke.

Vedtak

Fedje Kafe og Catering får serveringsløyve for det utvida arealet i nytt « Bed and Breakfast» tilbud i arealet i huset som ligg på gnr 168 bnr 360 på Fedje med verknad frå 01.05.2017.
Opningstida for mattilbodet er kl 12.00-01.00 alle dagar.
Samrøystes vedteke.

Vedtak

Fedje kafe og catering får skjenkeløyve for alkohol i gruppe I og II i tilleggsareal på bnr 168/gnr 360 innandørs alle dagar kl 12.00-kl 01.00.
På oppmerka uteområdet vert skjenketida for alkohol i gr I og II på kvardagar kl 12.00 – kl 22.30. På søn og helgedagar kl 13.00 – kl 22.30.
Skjenkeløyve for alkohol i gr III er innadørs alle dagar kl 13.00 – kl 24.00. Det er ikkje høve til skjenking av alkohol i gr III utandørs.
Styrar for skjenkeløyvet er Hege Henne Aga. Stedfortredar for skjenkeløyvet er Freddy Aga
Skjenkeløyvet gjeld i tida 01.05.2017-30.09.2020
Vilkår for skjenkeløyvet er at hekk og tette gjerder som hindrer sikten i området vert fjerna av hensyn til trafikale forhold.
Vedteke med 11 mot 3 røystar. KrF sine representantar røysta mot framlegget.

Behandling

Ingmar Stuberg erklærer seg ugild etter kommunelovas § 40 pnkt. 3b. Ingen vara.

Det vart røysta over tilleggsframlegg frå Tungland først.

Tilleggsframlegg Roy Asle Tungland (KrF): Vilkår for skjenkeløyvet er at hekk og tette gjerder som hindrer sikten i området vert fjerna av hensyn til trafikale forhold. Samrøystes vedteke.

Vedtak

Land og Strand Eiendom AS får løyve til å skjenke alkohol i gruppe I og II og III (øl, vin og brennevin) i lokalet Bjelland kafé, i tråd med forskrift om sals-, skjenke- og opningstider i Fedje kommune, slik:

1.I tråd med forskrifta nr. 2, er skjenketida for all alkoholhaldig drikk med lågare alkoholinnhald enn 22 volumprosent (gr. I og II) alle dagar frå kl. 0800 til kl. 0200 – med følgjande unnatak: Søn- og helligdagar startar skjenking frå kl. 1200, og for alkohol i gr. III er skjenketida alle dagar kl. 1300 – 2400.
2.Det er ikkje høve til uteservering av alkohol for drikk mellom 22 og 60 volumprosent.
3.Skjenkestaden skal ha fast meny eller à la carte meny.
4.Uteservering skal, i tråd med forskrifta nr. 3, vere avslutta kl. 2230.
5.Ut over dette gjer ein merksam på at skjenkinga må følgje dei til ei kvar tid gjeldande lover og forskrifter mv.
6.Styrar for skjenkeløyvet er Tore Andre Frugård. Stedfortredar er Stian Øvstebø. For stedfortredar må det liggje føre ny godkjenning innan 01.01.2018, eller det må oppnemnast ny stedfortredar. I motsatt fall fell løyvet bort.
7.Skjenkeløyvet vert innvilga for perioden 25.04.17 - 30.09.2020 under føresetnad av det som er nemnt under punkt 6.
8.Uteområdet for skjenking vert som formannskapet si innstilling, men sørleg avgrensa av ei linje frå det nordlege hjørnet ved kabelferja, i rett vinkel på hovudbygget. Det skal vere gjerde, band, tau, blomsterkassar eller anna fysisk innretning som tydeleg markerer kvar skjenkeområdet er. Dette er særleg viktig ved fleire samstundes tilstellingar i bygget, der slik avmerking er naudsynt på grunn av ulike parallelle alkoholregime, jf. det som er sagt i saksutgreiinga om dette.

Vedteke med 8 mot 6 røyster. Stian Herøy (H), Erling Walderhaug (H), Paul Gullaksen (H), Frp sine representantar og Ap sine representantar røysta for Gullaksen sitt endringsframlegg.

Behandling

Ingmar Stuberg erklærer seg ugild etter kommunelovas § 40 punkt 3b. Ingen vara.

Endringsframlegg frå Roy Asle Tungland (KrF) til punkt 8. Tungland leverte ut plankart med oppteikning av sitt endringsframlegg:
8.Uteområdet for skjenking skal følgje skisse med avgrensa/skravert uteområde, 7 meter x 14,5 meter, utlevert i kommunestyret og datert 25.04.17. Det skal vere gjerde, band, tau, blomsterkassar eller anna fysisk innretning som tydeleg markerer kvar skjenkeområdet er. Dette er særleg viktig ved fleire samstundes tilstellingar i bygget, der slik avmerking er naudsynt på grunn av ulike parallelle alkoholregime, jamfør det som er sagt i saksutgreiinga om dette.

Subsidiært endringsframlegg (om formannskapet sitt vedtak fell) frå Paul Gullaksen (H):
8. Uteområdet for skjenking vert som formannskapet si innstilling, men sørleg avgrensa av ei linje frå det nordlege hjørnet ved kabelferja, i rett vinkel på hovudbygget.

Først vart det røysta kun over skjenkeløyve. Vedteke med 12 mot 2 røyster. Maria Thomassen (Krf) Og Tove Nordseth (Krf) røysta mot framlegget.
Det vart så røysta over kor stort skjenkearealet skulle vere ute. Innstillinga frå formannskapet falt med 8 mot 6 røyster. Paul Gullaksen (H), Ottar Tangen (Frp), Inge Waage (Frp), Gidske Kolltveit (Ap), Kristin Aase (Ap) og Stian Herøy (H) røysta for formannskapet si innstilling.

Dei to endringsframlegga for punkt 8 vart så sett opp mot kvarandre. Endringsframlegget frå Gullaksen (H) vart vedteke med 8 mot 6 røyster. Krf sine 3 representantar, Per Opsahl (Dem), Janne Tangen (H) og Torill Horgen (H) røysta for Tungland sitt endringsframlegg. Stian Herøy (H), Erling Walderhaug (H), Paul Gullaksen (H), Frp sine representantar og Ap sine representantar røysta for Gullaksen sitt endringsframlegg.

Vedtak

Fedje formannskap får mandat til å inngå avtaler for å få på plass ein fungerande tannklinikk på Fedje i løpet av 2017. Vedteke med 11mot 4 røyster. Ap sine tre representantar og Ottar Tangen (Frp) røysta for eit anna framlegg.

Behandling

Det vart votert om kommunestyre skulle handsame denne ekstrasaka. Det vart vedteke å handsame saka med 12 mot 3 røyster. Arbeiderpartiet sine representantar røysta mot.

Endringsframlegg frå Terje Blomvågnes (Ap): Fedje formannskap arbeider fram ein avtale for å få på plass ein fungerande tannklinikk på Fedje. Kostnadsramma blir godkjent i kommunestyret, om naudsynt i ekstraordinært møte. Framlegget falt med 4 mot 11 røyster. Ap sine representantar og Ottar Tangen (Frp) røysta for framlegget.

Behandling

Paul Gullaksen (H): Spurte om privat initiativ om å bygge uteplass for sjukeheimen. Ordførar sa han skulle kome tilbake til saka i neste kommunestyremøte.

Tove Nordseth (KrF): Etterlyste oppdatert informasjon om vedtekter barnehage/SFO på kommunen sine heimesider. Rådmannen sa at det vert arbeidd med nye heimesider i regionen.