Čoahkkin Kommunestyret 11.12.2014

Vedtak

Fedje kommune ønskjer å delta i prosjektet for å bli ein del av Nordhordland Biosfæreområde. Kommunen forpliktar seg til å vera med å delfinansiera vår del, kr 30.095 for hovudfasen av prosjektet innanfor den ramma som prosjektplanen legg opp til. Samrøystes.

Vedtak

Fedje kommune tek kartlegging av uønska deltid 2014 til etterretning. Samrøystes.

Vedtak

Kommunestyret sluttar seg til utkast til møteplan for 1. halvår 2015 med endring frå Hilde Koppen (AP).

I den grad det oppstår ekstraordinære situasjonar, kan det leggjast inn nye møte. Dette vert i så fall avtalt med ordførar. Samrøystes.

Behandling

Endringsforslag frå Hilde Koppen (AP): På gunn av vinterferie i skulen i veke 9 vart det fremja forslag om å flytta kommunestyret fram eller tilbake ei veke.

Vedtak

Kommunen sluttar seg til rådmannen si tilråding i saka. Samrøystes.

Vedtak

Verksemdsmelding for 3. kvartal 2014 vert teken til orientering. Samrøystes.

Vedtak

Kommunebudsjettet for 2015 vert godkjent slik det ligg føre. Samrøystes.

Behandling

Revidert utgåve av side 26 og 27 vart utlevert i møtet. Dei nye sidene erstattar side 26 og 27 i rådmannens budsjetthefte.

Godkjenning av låneramme for 2015:

Låneramme 6.100.000

• Byggefelt på Vestkanten: 3.600.000

• Mannskapsbil : 400.000

• Kommunal bustad : 2.100.000

FrP opprettheld merknadane frå formannskapet. Ingen votering.

Det vart først røysta over formannskapet sitt budsjettframlegg. Samrøystes.

Deretter vart det røysta over formannskapet sitt investeringsbudsett. Samrøystes.

Til slutt vart det røysta over eit samla budsjett. Samrøystes.

Vedtak

Fedje barnehage følgjer sentrale retningslinjer for makspris i barnehagen for 2015. Samrøystes.

Vedtak

Timesatsen forbruk av SFO vert justert med verknad frå 01.01.2015 frå kr 43,- til kr. 45. Samrøystes.

Behandling

Ottar Tangen (FrP): fremja mindretalsforslaget i formannskapet.

Alternativ avrøysting. Formannskapet sitt fremlegg vart vedteke med 13 mot 2 røyster. FrP utgjorde mindretalet (Ottar Tangen, Inge Waage)

Vedtak

Pris for middagslevering vert justert frå 01.01.2015 frå kr. 80,- til kr. 84,- pr middag m/dessert, inkludert kjøring. Samrøystes.

Vedtak

Prisjustering for praktisk bistand/ heimehjelp slik det går fram av tabellen ovanfor vert gjort gjeldande frå 01.01.2015. Samrøystes.

Vedtak

Abonnement for trygghetsalarm vert endra med verknad frå 01.01.2015 frå kr. 265,- til kr. 278,- pr månad.

Behandling

Stian Herøy (H): fremja mindretalsforslag frå formannskapet.

Votering. Formannskapet sitt framlegg vart vedteke med 8 mot 7 røyster. H (Terje Storemark, Otto-Andre Nordby, Jon Harald Leknes, Stian Herøy), FrP (Ottar Tangen, Inge Waage) og Dem. (Per Opsahl) utgjorde mindretalet.

Vedtak

Samrøystes.

Vedtak

Gebyret for feiing i 2015 vert 229,- kr eks. mva. Samrøystes.

Vedtak

Samrøystes.

Vedtak

Årsgebyr = abonnementsgebyr + forbruksgebyr

Forbruksgebyret vert rekna ut etter m3 eller bruksareal ( BRA ).

Omrekningsfaktor mellom m3 vassforbruk og m2 BRA er sett til 1.

Samrøystes.

Vedtak

Samrøystes.

Behandling

Ordførar Kristin Handeland (AP) var ugild i saka. Ingen vara var innkalt. Varaordførar Roy Asle Tungland (KrF) leia møtet i denne saka.

Vedtak

Fedje kommune godkjenner følgjande skattesatsar i 2015:

Skatteøren: 11.25%

Skatt på verk og bruk: 7 promille. Samrøystes.

Vedtak

Kommunen sluttar seg til planforslaget frå rådmann slik det ligg føre. Samrøystes.

Vedtak

Uttale til Hordaland fylkeskommune og Fylkesmannen vart vedteken samrøystes.

Behandling

Følgjande framlegg til uttale vart delt ut i møtet:

Kommunestyret i Fedje stiller seg bak brevet ″Om avslag på søknad om etablering av anlegg for oppdrett av matfisk på ny lokalitet Tedneneset / Hjeltevarden i Fedje kommune″ som vart sendt til Hordaland fylkeskommune den 1. desember 2014.

Vi vil i tillegg leggja til følgjande :

Farlei :

Aquakulturområdet ligg utanfor området Kystverket sjølv har definert som farlei.

Losbording :

Kystverket skriv i sitt avslag datert 6. november 2014 at det er konflikt mellom eit område for losbording og lokalisering av oppdrett ved Tedneneset / Hjeltevarden. Området for losbording er merka på sjøkart med eit punkt. Det er 1300 meter mellom aquakulturområdet og punktet til losbordingsområdet.

Oppdrett kontra kommuneplan :

Vi vi sitera følgjande paragrafer frå plan- og bygningslova :

§ 1-2 ( Lovens virkeområde ): I sjøområder gjelder loven ut til én nautisk mil utenfor grunnlinjene.

§ 5-4 ( Myndighet til å fremme innsigelse til planforslag ) : Berørt statlig og regionalt organ kan fremme innsigelse til forslag til kommuneplanens arealdel og reguleringsplan i spørsmål som er av nasjonal eller vesentlig regional betydning, eller som av andre grunner er av vesentlig betydning for vedkommende organs saksområde.

§ 5-5 ( Begrensning i adgangen til å fremme innsigelse ), 2. punktum :

Det kan heller ikke fremmes innsigelse mot forhold i plansak som det kunne ha vært fremmet innsigelse mot i forbindelse med en tidligere plan om samme forhold vedtatt i løpet av de ti foregående år.

§ 11-6 ( Rettsvirkning av kommuneplanens arealdel ) : Kommuneplanens arealdel fastsetter framtidig arealbruk for området og er ved kommunestyrets vedtak bindende for nye tiltak eller utvidelse av eksisterende tiltak som nevnt i § 1-6.

I den aktuelle saka vert dette slik :

Kommuneplanen gjeld for utnytting av sjøområder.

Søknaden om etablering av anlegg for oppdrett av matfisk på ny lokalitet Tedneneset / Hjeltevarden er i samsvar med kommueplanen.

Kystverket kom ikkje med motsegn då kommuneplanen var på høyring i 2012.

Om Fedje kommune i dag hadde laga ein reguleringsplan for området som var i samsvar med kommuneplanen, det vil sei at området ved Tedneneset / Hjeltevarden vart regulert til aquakultur, kunne ikkje Kystverket ha kome med motsegn til planen. Dette ville Kystverket etter § 5-5 i plan- og bygningslova vera avskore frå.

Kystverket kan først koma med motsegn mot aquakulturområdet i 2023, ti år etter at kommuneplanen vart vedteken. Då kan det ikkje vera slik at Kystverket seier nei til aquakultur ved Tedneneset / Hjeltevarden ved eit enketvedtak i 2014.

Dette er ei undergraving av motsegnsinstituttet.

Konklusjon :

Kystverket kunne ha kome med motsegn til aquakultur ved Tedneneset / Hjeltevarden i kommuneplanprosessen i 2012. Det gjorde dei ikkje. Det er då uakseptabelt at Hordaland fylkeskommune seier nei til oppdrett ved Tedneneset / Hjeltevarden når dette er i samsvar med kommuneplanen.

Dette brevet vert og sendt fylkesmannen for å få ei vurdering av om fylkesmannen meiner det er akseptabelt at tilhøve som skulle vore avgjort med motsegn og eventuell mekling, vert avgjort ved enkeltvedtak.