Čoahkkin Ungdomsrådet 23.11.2015

Vedtak

Emmi Herøy vert vald som ny leiar i ungdomsrådet for skuleåret 2015-2016. Mathias Gullaksen held fram som nestleiar.

Behandling

- Kva er ungdommane opptatte av?
I møtet brukte me ein god del tid på å snakka om kva som er viktig for medlemmane av ungdomsrådet og ungdommen elles på Fedje. Medlemmane synest mykje er bra med fritidstilbodet. Etter kvart har ein fått fleire alternativ innan idrett og musikk.

Eit sakn er meire å gjera på på fredagene, t.d. eit klubbtilbod dei fredagane det ikkje er klubb i bedehuset. Fleire kjekke aktiviteter på klubb, som t.d. airhockey, kunne gjort det meir attraktivt. Eit anna forslag var å få kinoframsyning når det gjekk storfilmar, så ein slapp reisa inn til byen.

Flyktningar vart også eit tema. Det vart etterlyst tid på skulen til å snakka om flyktningane i klassene, og til å førebu seg. Fleire elevar har snakka om å gi vekk klær og leikar dei ikkje sjølv treng lengre. Do ved fotballbana vart etterlyst.

- Val
Det er tre kandidatar til valet av leiar og nestleiar. Kandidatane er Simen Herøy, Emmi Herøy og Mathias Gullaksen. Det vart gjennomført skriftleg, hemmeleg val. Røystetala vart som følgjar:

Til leiar: Emmi 3 røyster, Simen 0 røyster, Mathias 0 røyster.
Til nestleiar: Simen 1 røyst, Mathias 2 røyster.

Vedtak

Kommunebudsjettet for 2016 vert godkjent slik det ligg føre. Ungdomsrådet har tankar kring bruk av midlane til naturforvaltning / friluftsføremål, som dei gjerne vil koma med ved eit passande høve.

Behandling

Innspel til budsjettet kjem etter ein diskusjon kring kva som er viktig for medlemmane i ungdomsrådet og ungdommen på Fedje elles. Mellom anna vart det snakka om kva ein kunne ha nytta midlane til friluftsføremål til. Ei volleyball-bane knytt til badeplassen ville gitt fleire aktivitetsmoglegheiter. Eit område med apparat for trening og leik att med fotballbana kunne vore kjekt.

Vedtak

Ungdomsrådet sluttar seg til planforslaget frå rådmann slik det ligg føre.