Čoahkkin Kommunestyret 22.06.2016

Vedtak

Møteinnkalling og sakliste vert godkjent. Samrøystes vedteke.

Behandling

Ordførar meldte at barna sin representant Ingmar Stuberg har varsla ei ekstra sak under eventuelt. Ottar Tangen meldte sak under eventuelt.

Vedtak

Møtebok frå sist møte vert godkjent. Samrøystes vedteke.

Vedtak

Referatsaker vert tekne til orientering. Samrøystes vedteke.

Vedtak

Kommunerekneskapet og årsmeldinga vert godkjent slik dei ligg føre, med dei merknadar som ligg ved frå kontrollutvalet. Samrøystes vedteke.

Behandling

Varaordførar leste opp innstilling frå kontrollutvalet.

Endringsframlegg frå Roy-Asle Tungland/Krf:
Kommunerekneskapet og årsmeldinga vert godkjent slik dei ligg føre, med dei merknadar som ligg ved frå kontrollutvalet.

Behandling

Rådmannen informerte om rekneskapsrapporten og rutinane rundt det og verksemdsmeldinga.

Vedtak

Fedje kommune vil halda fram som eigen kommune.
Grunngjeving :Kommunestyret kan ikkje sjå at den framlagde intensjonsavtalen gir grunnlag for at Fedje kommune skal slå seg saman med dei andre kommunane i Nordhordland.Fedje vil i overskueleg framtid vera eit øysamfunn , utan fastlandsamband og med sine heilt spesielle utfordringar .Kommunestyret ser det slik at eit lokalt sjølvstyre også i framtida vil vera best eigna til å handtera øysamfunnet sine mange utfordringar, framleis i samarbeid med dei andre kommunane i regionen og kommunane i Øykommunesamarbeidet.
Samrøystes vedteke.

Behandling

Felles endringsframlegg:
Fedje kommune vil halda fram som eigen kommune. Grunngjeving : Kommunestyret kan ikkje sjå at den framlagde intensjonsavtalen gir grunnlag for at Fedje kommune skal slå seg saman med dei andre kommunane i Nordhordland. Fedje vil i overskueleg framtid vera eit øysamfunn , utan fastlandsamband og med sine heilt spesielle utfordringar . Kommunestyret ser det slik at eit lokalt sjølvstyre også i framtida vil vera best eigna til å handtera øy samfunnet sine mange utfordringar, framleis i samarbeid med dei andre kommunane i regionen og kommunane i Øykommunesamarbeidet.

Framlegga vart sett opp mot kvarandre. Felles endringsframlegg vart samrøystes vedteke.

Vedtak

Fedje kommune sluttar seg til uttalen frå Regionrådet når det gjeld skulebruksplan for Hordaland fylke.

Fedje kommune støtter heilt ut uttalen frå Regionrådet i Nordhordland. Me ønsker i tillegg å gje ein eigen uttale til skulebruksplanen. 

For Fedje kommune er innstillinga i skulebruksplanen trist lesing. Nedlegginga av Austrheim vidaregåande skule vil ha særs negative konsekvensar for Fedjesamfunnet. Frå øysamfunnet vårt vil det ikkje vera mogleg å dagpendla til Knarvik vidaregåande skule, som vil vera vår næraste skule. Dette framlegget vil setja den nordligaste delen av Hordaland tilbake i tid, der me truleg må rekna med fråflytting då foreldre i dag forventar at borna kan bu heime under vidaregåande utdanning.   

Skulebruksplanen viser til at ein reknar med at 1300 elevar har behov for skuleplass i Nordhordland, mens ein tilbyr under 1000. Desse 300 elevane gjev eit godt grunnlag for Austrheim vidaregåande skule sjølv om man i skulebruksplanen har valt å sjå vekk frå elevar frå Gulen og Solund kommunar. Desse 2 kommunane bidrar og med elevar til Austrheim vidaregåande skule, og vil gje endå betre elevgrunnlag enn det skulebruksplanen viser. 
Me bur i eit område som me veit får kraftig industrivekst. Er det då naturleg å legga ned ein skule som ligg godt plassert for å tilby industrien den arbeidskrafta den treng?
Fedje kommunestyre, 22.06.16 Samrøystes vedteke.

Behandling

Felles tilleggsframlegg:
Uttale til skulebruksplanen til Hordaland fylkeskommune.   Fedje kommune støtter heilt ut uttalen frå regionrådet i Nordhordland. Me ønsker i tillegg å gje ein egen uttale på skulebruksplanen.   For Fedje kommune er innstillinga i skulebruksplanen trist lesing. Nedlegginga av Austrheim vidaregåande skule vil ha særs negative konsekvensar for Fedje samfunnet. Frå øysamfunnet vårt vil det ikkje vera mogleg å dagpendla til Knarvik vidaregåande, som vil vera vår næraste skule. Dette framlegget vil setja den nordligaste delen av Hordaland tilbake i tid, der me truleg må rekna med fråflytting då foreldre i dag forventar at borna kan bu heime under vidaregåande utdanning.    Skulebruksplanen viser til at ein reknar med at 1300 elevar har behov for skuleplass i Nordhordland mens ein tilbyr under 1000. Desse 300 elevane gjev et godt grunnlag for Austrheim vidaregåande sjølv om man i skulebruksplanen har valt å sjå vekk frå elevar frå Gulen og Solund kommunar. Desse 2 kommunane bidrar og med elevar til Austrheim vidaregåande, og vil gje endå betre elevgrunnlag enn det skulebruksplanen viser.  Me bur i eit område som me veit får kraftig industrivekst. Er det då naturleg å legga ned ein skule som ligg godt plassert for å tilby industrien den arbeidskrafta den treng? Fedje kommunestyre, 22.06.16

Vedtak

Partssamansett Utval (PSU) har tidlegare bede om at rullering av den delen av personalplanen som gjeld roller i arbeidsgjevarpolitikken, vert utsett. PSU trong tid til å avklare mellom anna dei tillitsvalde si rolle i høve til dette. Ei slik utsetjing vart vedteke i Kommunestyret sak 05/16.I tråd med endringane i delegeringsreglementet har PSU dette halvåret fungert både som partssamansatt utval etter Hovudavtalen del B § 4, og som fast utval for Kommunestyret (kommunelova § 10). Som fast utval gjer PSU mellom anna avgjerd om tilsetjingar og oppseiingar etter nærare regler.Dei tillitsvalde sin rolle i PSU er uklar. Av den grunn har HTV Utdanningsforbundet levert protokollmerknad til meir enn halvparten av sakene.Dei tillitsvalde sine organisasjonar har no hatt saka til uttale. På bakgrunn av deira uttale, og ut frå erfaringar i einskildsaker, kjem PSU med følgjande oppfordring: PSU oppfordrer kommunestyret til å tinge ei utgreiing om delegeringsreglementet og personalplanen er i samsvar med intensjonen i Hovudavtalen del B §4, og om det er hensiktsmessig å la PSU operere både etter Hovudavtalen del B §4, og etter kommunelova § 10.

Det vert oppretta eit ad hoc-utval beståande av Kåre Berge, Bjørn Solbakk, Tonje Gullaksen og rådmannen sin representant for å utgreie saka og leggje fram eit forslag til behandling i kommunestyret innan utgangen av 2016. Berge vert leiar. Det vert betalt møtegodtgjersle på kr 300 pr møte.
Samrøystes vedteke.

Behandling

Tilleggsframlegg frå Roy-Asle Tungland/Krf:
Det vert oppretta eit ad hoc-utval beståande av Kåre Berge, Bjørn Solbakk, Tonje Gullaksen og rådmannen sin representant for å utgreie saka og leggje fram eit forslag til behandling i kommunestyret innan utgangen av 2016. Berge vert leiar. Det vert betalt møtegodtgjersle på kr 300 pr møte.

Vedtak

Rusplanen, inkludert del II om lokale sals- og skjenke og opningstidbestemmelsar for Fedje kommune for perioden 2016-2020, alternativ A vert godkjent slik den ligg føre.
Det vil i tillegg vere høve til å gje løyve for uteservering gr. 1 og 2 (22%) til kl 02.00 etter søknad, til større arrangement som fiskefestival, utekonsertar o.l.
Vedteke med 10 mot 4 røyster. Krf røysta mot framlegget.

Behandling

Erling Walderhaug var setteordførar medan varaordførar hadde innlegg i saka.
Ordførar orienterte om at alternativ 1 i planen tilsvarer alternativ A i saksutgreiinga og tilsvarande for alt. 2/B.

Endringsframlegg frå Ingmar Stuberg, Krf:
Rusplanen, inkludert del II om lokale sals- og skjenke og opningstidbestemmelsar for Fedje kommune for perioden 2016-2020 , alternativ B) vert godkjent slik den ligg føre.
Tilleggsframlegg frå Bjørn Solbakk/Frp: Tillegg til formannskapet si innstilling: Det vil i tillegg vere høve til å gje løyve for uteservering gr. 1 og 2 (22%) til kl 02.00 etter søknad, til større arrangement som fiskefestival, utekonsertar o.l.

Først vart formannskapet si innstilling satt opp mot Stuberg sitt endringsframlegg. Stubergs framlegg falt med 4 mot 10 røyster. Krf si gruppe røysta for Stuberg sitt endringsframlegg.

Det vart så røysta over tilleggsframlegget frå Solbakk. Solbakk sitt framlegg vart vedteke med 10 mot 4 røyster. Krf si gruppe røysta mot Solbakk sitt endringsframlegg.

Vedtak

Salstida for alkohol i gruppe I ved Fedje Handel vert for perioden 22.06-20.08.2016 utvida slik at ny salstid er: Mandag til torsdag kl 0900-18.00 og laurdag kl 0900-1700. Fredag vert som i no; kl 0900-20.00. Samrøystes vedteke.

Behandling

Representanten Olav Nilsen Husa forlot møtet utan å be om løyve. Når representant forlater møte under ei sak, kan representanten ikkje kome tilbake før saka er ferdig behandla, og han var difor ikkje med på avrøystinga.

Vedtak

Fedje kommune vel følgjande kandidatar:

Utval for lagrett/meddommar alm. domstol
Annika R. Tvedt Født 19.01.1988 Stormarksvegen 69 5947 Fedje

Jon Harald Leknes Født 22.04.1982 Rongsvågen 27 5947 Fedje Tingretten Marit Solbakk Øien Født 22.10.1966 Husøyna 27 5947 Fedje Martin Karlsen Født :01.12.1986 Flundrevågsvegen 30 5947 Fedje Jordskiftemeddommar Ingmar Stuberg Født 28.07.1967 Muren 24 5947 Fedje Erling J.  Herøy Født: 19.05.1955 Mulevegen 11 5947 Fedje Arild Magne Karlsen Født 10.05.1960 Flundrevågsvegen 11 5947 Fedje Dagrun Gunnarson Født 22.04.1972 Husøyna 34 5947 Fedje Torill Hermansen Horgen Født 10.06.1954 Mulevegen 79 5947 Fedje Britt Marit Jenssen Født:09.12.1965 Fursundvegen 46 5947 Fedje Forslag til skjønsmedlemmar Lars Svendsen Født 01.03.1969 Kopper 3 5947 Fedje Åse Uthaug Berge Født: 28.03.1957 Fyrsundvegen 52, 5947 Fedje Forliksrådet Inger Steinsbø Født 05.10.1958 Sjånesvegen 3 5947 Fedje Møtefullmektig: Øivind Tolleshaug Even Vaular Dagrun Gunnarson Person til utvalg  som oppnevner meklar til konfliktråd: Kristin Beate Handeland Født:12.01.1965 Flundrevågsvegen 11 5947 Fedje Samrøystes vedteke.

Vedtak

Kommunestyret sluttar seg til forslag til møteplan for 2. halvår 2016. I den grad det oppstår ekstraordinære situasjonar, kan det vere aktuelt å leggja inn ekstraordinære møte for å sikre god framdrift. Dette må avtalast med ordførar.
Samrøystes vedteke.

Vedtak

Kommunestyret ber om at administrasjonen førebur sak vedr. opprusting av leikeplass påSvena til neste møte i formannskapet.
Samrøystes vedteke.

Vedtak

Ingen votering under eventuelt.

Behandling

Ottar Tangen/Frp ønskjer at kommunen skal jamleg ha heil side med informasjon i lokalavisene, som nabokommunane. Iallefall to gongar i året. Ber om at det ligg svar på dette til neste kommunestyremøte og at kommunestyret kan stemme over det.

Ordførar informerte om at ordførar kjem til å informere om breibandutbygging og tannlegetenesta i neste formannskapsmøte 28.06.16