Utval: | Partssamansett utval |
---|---|
Dato: | 05.02.2016 14:00 - 16:00 |
Møtestad: | Lunsjrommet på kommunehuset |
Status: | Møtet er ferdig protokollert |
Sakskart: |
Møteinnkalling og sakliste vert godkjent. Samrøystes vedteke.
Møtebok frå sist møte vert godkjent. Samrøystes vedteke.
Personalplan for Fedje kommune vert endra slik:
(s. 15) Permisjon for tiltreding av stilling hjå anna arbeidsgjevar.
Fedje kommune ser positivt på at dei som har vore tilsett i Fedje kommune i minst 5 år, kan få permisjon utan lønn for tiltreding av stilling hjå anna arbeidsgjevar. Målet er at dei tilsette skal få ny inspirasjon og kompetanse dei kan ta med tilbake til Fedje kommune. Når ein søkjer om slik permisjon, skal følgjande kriterium vurderast:
Kor lenge har søkjaren arbeidd i Fedje kommune?
Er det mogleg å skaffe vikar med den aktuelle fagkompetanse?
Kor sannsynleg er det at søkjar kjem attende til Fedje kommune?
Gjev permisjonen fagleg utbytte for søkjar og for Fedje kommune?
Søknad om permisjon for tiltreding av stilling hjå anna arbeidsgjevar skal drøftast med plasstillitsvalde. Vanlegvis vert det berre gjeve permisjon i maksimalt 1 år.
Vedteke med 4 mot 1 røyst. Brit Gunn Tangen/Utdanningsforbundet røysta for sitt endringsframlegg.
(s.3) Roller i arbeidsgjevarpolitikken:
På bakgrunn av dei erfaringane PSU har gjort seg i tilsettingssaker, ber PSU om at rullering av den delen av personalplanen som gjeld roller i arbeidsgjevarpolitikken vert utsett, i påvente av viktige avklaringar innan personalområdet og delegasjonsreglementet. PSU treng tid til å avklare mellom anna dei hovudtillitsvalde si rolle, til dømes i tilsettings- og oppseiingssaker, og kva konsekvensar det kan få for delegasjonsreglementet.
Samrøystes vedteke.
Endringsframlegg frå Brit Gunn Tangen/Utdf:
Alle som har vore tilsett i Fedje kommune i minst 5 år, har rett på eit års permisjon utan lønn. Føresetnad er at søknaden er arbeidsgjevar i hende minst 6 månader før permisjon. Før ein tener opp ny rett til permisjon, må ein på nytt vere i arbeid for Fedje kommune i minst 5 år. Punkt som skal vurderast før leiar avgjer andre søknadar: 1. Kor lenge har søkjaren arbeidd i Fedje kommune? 2. Er det mogleg å skaffe vikar med den aktuelle fagkompetanse? 3. Kor sannsynleg er det at søkjar kjem attende til Fedje kommune? 4. Gjev permisjonen fagleg utbytte for søkjar og for Fedje kommune? Søknad om permisjon for tiltreding av stilling hjå anna arbeidsgjevar skal drøftast med plasstillitsvalde. Vanlegvis vert det berre gjeve permisjon i maksimalt 1 år.
Det vart votert over denne delen av vedtaket først. Endringsframlegget vart sett opp mot rådmannen sitt framlegg til vedtak. Endringsframlegget falt med 1 mot 4 røyster. Utdanningsforbundet røysta for endringsframlegget.
Felles endringsframlegg:
Nytt punkt som gjeld s.3 i personalplanen:
På bakgrunn av dei erfaringane PSU har gjort seg i tilsettingssaker, ber PSU om at rullering av den delen av personalplanen som gjeld roller i arbeidsgjevarpolitikken vert utsett, i påvente av viktige avklaringar innan personalområdet og delegasjonsreglementet. PSU treng tid til å avklare mellom anna dei hovudtillitsvalde si rolle, til dømes i tilsettings- og oppseiingssaker, og kva konsekvensar det kan få for delegasjonsreglementet.
Samrøystes vedteke.
Politikar | Parti | Medlemstype | E-Post |
---|---|---|---|
Kåre Berge | Kristeleg Folkeparti | Utvalsleiar | kb@nla.no |
Terje Blomvågnes | Arbeiderpartiet | Nestleiar | terjeblo@hotmail.com |
Åge Storemark | Høgre | Medlem | aastor@online.no |
Brit Gunn Tangen | Arbeidstakarrepresentant | brit.gunn.tangen@fedje.kommune.no | |
Odrun Borge | Arbeidstakarrepresentant | odrunsfagforbund@hotmail.com |