Møte i Formannskapet den 06.02.2018

Vedtak

Møteinnkalling og sakliste vert godkjent. Samrøystes vedteke.

Behandling

Ynskjer at vedlegga og vedtak skal vere med i pdf. dokumenta i møtekalenderen. At alle papira kjem med når ein trykkjer på pdf. - symbolet.

Vedtak

Møtebok frå sist møte vert godkjent samrøystes vedteke med følgande protokolltilførsel av representantane Terje Blomvågnes (AP), Roy Asle Tungland (Krf), Bjørn Solbakk (FrP) og Tonje S. Gullaksen (H): I punktet om etterlønn (161/17.1) var det eit samrøysta formannskap som meinte me vedtok 9 + 3 mnd. etterlønn i møte 19.desember 2017 (157/17). Det vart vidare påpeika feil i arbeidsavtalen punkt 7; "barnevakt avgrensa til bornet er 12 år", er fjerna frå den "nye" avtalen. Me kan ikkje sjå at arbeidsavtalen som vart framlagt 21.desember 2017, der det blir påpeika feil, er godkjent for signering (ref. eventuelt på formannskapsmøte 19.desember 2017: "formannskapet ønskjer å få framlagt ny arbeidsavtale før denne vert signert. Samrøystes vedteke."

Vedtak

Referatsaker vert tekne til orientering. Samrøystes vedteke.

Vedtak

Delegerte saker vert tekne til orientering. Samrøystes vedteke.

Vedtak

Delegerte saker vert tekne til orientering. Samrøystes vedteke.

Vedtak

Delegerte saker vert tekne til orientering. Samrøystes vedteke.

Vedtak

Fedje kommunestyre vedtek at det allminnelige kommunale vigselstilbodet i Fedje

kommune er vigslar halde i det sosiale rommet i Fleirbrukshallen, innanfor ordinær

arbeidstid, måndag til fredag kl. 08.00 – 15.30 .

Kommunen sin allminnelige vigselstilbod er gratis for Fedje eigne innbyggjarane til kommune og for personar som ikkje er busett i Noreg. Det er tilstrekkeleg at éin av brudefolkene er busett i kommunen.

Dersom brudeparet ynskjer vigsel utanfor ordinær arbeidstid, eller i andre lokale, vurderast

dette etter kapasitet og tilgjengelighet for lokale/vigslar. Det vert opna for at òg brudepar

busett utanfor kommunen vert gjeve høve til å gifta seg borgarleg i Fedje kommune, så

framt det er kapasitet kva gjeld vigslar/lokalar. Meirkostnader i form av utgifter for vigslar

eller kostnader knytet til bruk av kommunale lokale som påløper i slike tilfelle, skal avklarast på

førehand, og vert dekt av brudeparet.

Utover vanleg tilbod om tid og stad kan kommunen ta betaling for meirkostnader, med kr. 500,- per arbeidstime til vigslar utover kommunal arbeidstid (kvardagar 08.00-15.30). Kostnader som leige av anna kommunalt lokale,oppvarming av lokale etc, og dessutan ferdkostnader for vigslar, må avklarast på førehand og dekkjast av brudeparet. Andre eventuelle kostnader som pynting av lokale, tolk etc. må òg dekkast og vert organisert av brudepar. Skal det skje ringutveksling, kunstneriske innslag eller andre aktivitetar under vigselen må vigslar underrettast på førehand.

Følgjande personar får vigselsmynde i Fedje kommune:

-Stian Herøy, ordførar

-Roy Asle Tungland, varaordfører

-Ingebjørg Vamråk, rådmann

Det vert oppretta ei side på heimesidene til Fedje kommune, med kontaktinformasjon til administrasjonen, lenkje til skjema på skatteetaten.no, og dessutan informasjon tilsvarande den informasjonen gjeve om borgarleg vigsel på domstol.no, kontinuerleg oppdatert i samsvar med gjeldande lovverk og praksis.

Samrøystes vedteke.

Vedtak

Formannskapet tek planprogrammet til orientering. Samrøystes vedteke.

Vedtak

Ungdomsrådet held val på nytt ungdomsrådsmøtet og konstituerer seg sjølv. Dei ber om godkjenning på valet frå kommunestyret.

Behandling

Stian Herøy (ordførar, H) er ugild. Varaordførar Roy Asle Tungland (Krf) erstattar Stian Herøy i saka.

Vedtak

Det vil fortsettbli arbeidd med kulturminneplanen og handlingsprogrammet.

Eventuelt

Ynskjer at rådmann svarar på status vedrørande trafikksikring v/ barnehagen og asfaltering av kommunal vei i byggefeltet, og at svar blir teken til kommunestyremøte 20.februar.