Møte i Formannskapet den 10.04.2018

Vedtak

Møteinnkalling og sakliste vert godkjent. Samrøystes vedteke.

Vedtak

Møtebok frå sist møte vert godkjent. Samrøystes vedteke.

Vedtak

Referatsaker vert tekne til orientering. Samrøystes vedteke.

Behandling

Ved handsaminga av det første orienteringspunktet på rådmannen si liste vart møte lukka etter kommunelova §31-3.

Vedtak

Delegerte saker vert tekne til orientering. Samrøystes vedteke.

Vedtak

Delegerte saker vert tekne til orientering. Samrøystes vedteke.

Vedtak

Delegerte saker vert tekne til orientering. Samrøystes vedteke.

Vedtak

Formannskapet vil sende saka tilbake til administrasjonen for at den skal verte betre opplyst. Samrøystes vedteke.

Behandling

Formannskapet vil ha ei vurdering på kor mykje det kostar å utvide romma på sjukeheimen. Er det mogleg å gjer det med dei midlane som er avsett i økonomiplanen?

Vedtak

Kommunestyret i Fedje godkjenner Selskapsavtalen for IKA Hordaland IKS, gjeldande frå 01.01.2017. Samrøystes vedteke.

Vedtak

Fedje kommune søkjer om at Fylkesmannen ved forskrift fastset at sentrumsområdet på Fedje, som avgrensa i kartvedlegg til saka, vert godkjent som typisk turiststed i perioden 15. juni til 15. september. Vedteke med 4 røystar mot Krf si røyst.

Vedtak

1. Fedje kommune godkjenner at det vert etablert eit interkommunalt selskap, Bergen og Omland Havn IKS (BOH IKS), for å ivareta kommunen sine lovpålagte myndigheitsoppgåver, jf. hamne- og farvasslova § 10, saman med dei andre kommunane i hamnesamarbeidet i dagens BOH og BOH AS.

2. Ordføraren får fullmakt til å stifta det nye hamneselskapet saman med dei øvrige samarbeids-kommunane. Dette i samsvar med vedlagte stiftingsdokument og selskapsavtale for BOH IKS, samt andre retningsliner som kjem fram av saka, som fastsetting av endeleg opningsbalanse, gjennomføra kapitalinnskot og halda konstituerande representantskapsmøte med val av styre og revisor. Det vidare arbeidet med gjennomføringa av selskapsetableringa og overføringa av kapital/verdiar, blir ivaretatt av styret og den daglege leiinga i det nye selskapet, jf. tenestekjøpsavtale med BOH AS.

3. I medhald av kommunelova kap. 5 (interkommunalt samarbeid) og hamne- og farvasslova av 17.04.2009 nr. 19 § 10, vert Fedje kommune sitt mynde etter hamne- og farvasslova delegert til BOH IKS. Kommunestyret forutset at delegasjonen av mynde til BOH IKS ikkje innskrenkar Fedje kommune sitt høve til å setja i verk tiltak for å verna innbyggarane si helse når helsevernstyresmaktene tilrår dette.

4. Frå Fedje kommune blir følgjande valde som medlem og varamedlem til representantskapet i BOH IKS: Medlem: Ordførar. Varamedlem: Varaordførar. Samrøystes vedteke.

Vedtak

Formannskapet sender saka vidare til kommunestyret. Samrøystes vedteke.

Behandling

Ap har tidlegare foreslege å lage rekkverk som folk kan støtte seg til. Stian Storemark(Ap) vil ha ei pressisering om at ein ikkje bruker av midlane til turløypa.

Det vert drøfta at oppgraderinga av badestranda burde ha vore ute på anbod.

Stian Storemark (Ap) føreslår at saka vert sendt vidare til kommunestyret.

Behandling

Tonje S. Gullaksen(H) tek opp møteplanen som var i haust, der møter vart flytta. Kor mykje har vi lov til å endre på dei møtene som er vedteke? Ordførar(H) svarer det er lov til å gjennomføre møte utan ordførar og rådmann. Ein har prøvd å unngå dette, fordi ordførar og rådmann veit meir om kva som foregår.

På 8.mai bør ein ha ei formell markering som er ope for alle og vert annosert meiner Tonje Sulen Gullaksen(H).

Tilbod til demente har Tonje Sulen Gullaksen (H) fått spørsmål om. Det er eit problem med kommunikasjon til dei som treng dette tilbodet. Det finnast folk som har behov for dette som ikkje veit om det.

Det vert spurt om det finnast eit vedtak på at ein skulle lage filmen om Fedje.

Tonje Sulen Gullaksen(H) ønskjer å ta opp delegasjonreglementet på nytt. Ordførar(H) svarar at det vert arbeidet med det.