Utval: | Kommunestyret |
---|---|
Dato: | 23.04.2019 18:15 - 20:00 |
Møtestad: | Skarvøyna/Slissøyna i Fedje fleirbrukshall |
Status: | Møtet er ferdig protokollert |
Sakskart: | |
Møteprotokoll: |
Møteinnkalling og sakliste vert godkjent.
Samrøystes vedteke.
Møtebok frå sist møte vert godkjent.
Samrøystes vedteke.
Referatsaker vert tekne til orientering.
Samrøystes vedteke.
Kommunestyret sluttar seg til revisjonen sine konklusjonar og tilrådingar. Kommunestyret ber rådmannen følgje opp forvaltningsrapporten sine tilrådingar. Innan 1. oktober 2019 vert rådmannen beden om å kome med ei tilbakemelding til kommunestyret om korleis tilrådingane i rapporten vert/skal følgjast opp.
Samrøystes vedteke.
Fedje kommune slutter seg til revidert selskapavtale og revidert stiftingsdokument for Bergen og Omland Farvannsforvaltning IKS i samsvar med vedlegga i saka.
I medhald av Hamne- og farvasslova av 17.04.2009 nr. 19, §10, vert mynde som Fedje kommune har etter Hamne- og farvasslova, delegert til Bergen og Omland Farvannsforvaltning IKS, med verknad frå 01.05.2019. Delegeringa gjeld og bestemmelser gjeve i medhald av lova.
Frå Fedje kommune blir følgjande valde som medlem og varamedlem til representantskapet i BOH IKS: Medlem: Ordførar. Varamedlem: Varaordførar.
Samrøystes vedteke.
Personalplan for Fedje kommune får følgjande endringar:
Varsling, s. 20. Heile punktet vert bytta ut med følgjande tekst: Varsling er når ein tilsett eller tidlegare tilsett som har vore vitne til ulovlege , uetiske eller kritikkverdige handlingar på arbeidsplassen, varslar om dette til personar eller instansar som har moglegheit til å endre på forholdet. Fedje kommune har varslingsrutinar for den som vil varsle, og den som mottek varsel, som ligg vedlagt personalplanen.
Sjukefråværsoppfølging s.18, avsnitt 5 vert endra til følgjande:
Fedje kommune jobbar for eit Inkluderande Arbeidsliv og følgjer intensjonane og reglane i avtalen, inkludert rett til utvida eigenmelding tom avtalen sin slutt 31.12.2022. Arbeidet med Inkluderande Arbeidsliv skal drøftast mellom nærmaste leiar/plasstillitsvalde på dei lokale arbeidsplassane i mai/juni kvart år og i drøftingsmøte på rådmannsnivå på slutten av året.
Permisjon for tiltreding av stilling hjå anna arbeidsgjevar, s. 15, overskrift og 1.avsnitt vert endra til:
Permisjon
Fedje kommune ser positivt på at dei som er tilsett i Fedje kommune kan få permisjon utan lønn, t.d. for tiltreding av stilling hjå anna arbeidsgjevar. Målet er at dei tilsette skal få ny inspirasjon og kompetanse dei kan ta med tilbake til Fedje kommune.
Permisjon/frikjøp tillitsvalde, s. 16, får følgjande tillegg:
Sjå elles vedlegget «Oppsummering av tillitsvaldordninga i Fedje kommune 2017»
Samrøystes vedteke.
Reglement for pendlartilskot i Fedje kommune vert som følgjer:
1.Ordninga for pendlartilskot gjeld for dei som bur fast på Fedje og pendlar fast minst 1 dag i veka. Det er ein føresetnad at ein kan dokumentere reelle utgifter til pendling på førespurnad.
2.Årleg tilskotsum vert fastsett av kommunestyret i budsjetthandsaminga og vert avkorta etter talet på dagar ein pendlar pr veke.
3.Søknad skal sendast etterskotsvis og innan 30.06. og 30.11. kvart år. Søknader som kjem etter søknadsfristen vert ikkje handsama.
4.Førstegangssøkjarar må leggje ved stadfesting på arbeidsforhold eller studieplass. Endringar i arbeidsforhold/studieforhold må dokumenterast.
5.Fedje kommune skal ha melding om fråver på meir enn 2 veker (gjeld ikkje fråver på grunn av ferie). Fråver ut over 2 veker fører til forholdsmessig trekk i pendlartilskotet.
I tillegg vert det , som einskildhøve, opna opp for at søkjarar som pendla fast til studie hausten 2018 kan søkje innan 9.mai 2019 om å få dekka pendlarutgifter for hausten 2018.
Samrøystes vedteke.
«Vedtekter for skulefritidsordninga i Fedje kommune» vert vedteke slik dei ligg føre med følgjande endringar:
- Punkt 4a: Ekstra setning til slutt: Om det er tinga tidleg-SFO kan andre born og nytte tilbodet dersom det er bemanning til det.
Punkt 4c: Ekstra setning til slutt: SFO kan og samarbeide med barnehagen og nytte areala der.
Punkt 7: Siste avsnitt: Om ikkje plassen vert sagt opp, er plassen tildelt fram til siste SFO-dag i det skuleåret barnet er ferdig i 4.klasse. Nytt SFO-år startar etter tre siste heile veker i juli.
Punkt 8: Vert endra til: Kommunestyret fastset foreldrebetaling. Gjeldande prisar skal publiserast på Fedje kommune sine heimesider. Kommunen, ved rådmann, står for innkrevjing. Det vert gjeve søskenmoderasjon: 30% på born nr 2, 50% på born nr 3. Det vert gitt moderasjon i tråd med reglane for redusert foreldrebetaling i barnehagen. Fedje kommune,ved rådmannen, kan og ilegge gebyr når borna ikkje vert henta til avtalt tid. Gebyret vert ilagt for kvar påbyrja halvtime. (Med dette utgår punkt 4 e)
Samrøystes vedteke.
Felles endringsframlegg (tillegg til formannskapet si innstilling):
Punkt 4a: Ekstra setning til slutt: Om det er tinga tidleg-SFO kan andre born og nytte tilbodet dersom det er bemanning til det.
Punkt 4c: Ekstra setning til slutt: SFO kan og samarbeide med barnehagen og nytte areala der.
Punkt 4g: Ekstra setning på byrjinga: SFO har sommaropent, og samarbeidar med barnehagen i sommarferie. Borna i SFO skal ha tre veker samanhengande sommarferie i skuleferien.
Punkt 7: Siste avsnitt: Om ikkje plassen vert sagt opp, er plassen tildelt fram til siste SFO-dag i det skuleåret barnet er ferdig i 4.klasse. Nytt SFO-år startar etter tre siste heile veker i juli.
Punkt 8: Vert endra til: Kommunestyret fastset foreldrebetaling. Gjeldande prisar skal publiserast på Fedje kommune sine heimesider. Kommunen, ved rådmann, står for innkrevjing. Det vert gjeve søskenmoderasjon: 30% på born nr 2, 50% på born nr 3. Det vert gitt moderasjon i tråd med reglane for redusert foreldrebetaling i barnehagen. Fedje kommune,ved rådmannen, kan og ilegge gebyr når borna ikkje vert henta til avtalt tid. Gebyret vert ilagt for kvar påbyrja halvtime. (Med dette utgår punkt 4 e)
Formannskapet si innstilling vart samrøystes vedteke.
Tove Nordseth (Krf) bad om utsetjing av punkt 4g. Utsetjinga vart vedteke med 9 mot 5 røyster. Erling Walderhaug (H), Inge Waage (Frp) og Arbeidarpartiet sine tre representantar røysta mot utsetjingsframlegget.
Dei andre endringsframlegga vart vedteke samrøystes.
1.Fedje kommune vedtek at IKT Nordhordland kommunalt oppgåvefellesskap vert utvida med kommunane Austevoll, Gulen og Samnanger.
2.Fedje kommune vedtek samarbeidsavtalen for IKT Nordhordland kommunalt oppgåvefellesskap slik den ligg føre.
Samrøystes vedteke.
Jostein Husa får skjenkeløyve i Pernillekafeen DA frå 24.04. – 04.08.2019 med skjenketid for all alkoholholdig drikk inne og utandørs for gruppe I og II måndag – torsdag og sundag kl.12.00 – kl.22.00 og fredag – laurdag kl.12.00 – kl.24.00, utanom at skjenketida for alkohol under 22% utandørs vert set til kl.22.30 fredag og laurdag.
For alkoholgruppe III vert skjenketida inne måndag – torsdag og sundag kl.13.00 – kl.22.00 og fredag – laurdag kl.13.00 – kl.24.00.
Det er også eit krav om at skjenkestaden skal ha fast meny eller á la carte.
Løyvet gjeld frå 24.04.2019. Styrar for løyvet er Jostein Husa. Kommunen fråviker krav om avløysar i tråd med alkohollova § 1-7 c på grunn av skjenkestaden sin storleik og lengden på løyvet.
Skjenkeløyvet til Pernillekafeen DA vert inndrege frå og med 24.04.2019.
Felles endringsframlegg: Kommunestyret gjorde nokre endringar i teksten til rådmannen, for å klargjere skjenketidene.
Endringsframlegg frå Stian Herøy (Høgre):
4. avsnitt vert endra til: Løyvet gjeld frå 24.04.2019. Styrar for løyvet er Jostein Husa. Kommunen fråviker krav om avløysar i tråd med alkohollova § 1-7 c på grunn av skjenkestaden sin storleik og lengden på løyvet.
Det vart røysta først over rådmannen stt framlegg til vedtak. Framlegget falt med 0 mot 14 røyster.
Det vart så røysta over Herøy sitt endringsframlegg ti vedtak. Framlegget vart vedteke med 13 mot 1 røyst. Tove Nordseth (Krf) røysta mot framlegget.
Ingen vedtak under ymse.
Tonje Sulen Gullaksen (H) spurte om status på oppfølging av ekstern vurdering av Fedje sjukeheim, utgreiing av gratis SFO og barnehage, og kva situasjonen er med NAV i forhold til kommunestyret sitt vedtak om ein kontordag pr veke på Fedje.
Rådmannen svarte at arbeidet med vurderinga av sjukeheimen er starta opp. Gratis barnehage og SFO er under arbeid, rådmannen håpar å få saka til politisk handsaming før sommaren. Rådmannen orienterte om status vertskommunesamarbeidet NAV Fensfjorden.
Inge Waage (Frp) bad om at kommunale gjerde rundt planta skog vert fjerna. Han spurte og om tømmestasjon for bubil og båtar. Ordførar svarte at det er planar på det i samband med Fab nr 8. Han spurte om dei som er med i arbeidsgruppa for ny rådmann får møtegodtgjersle. Ordførar svarte at det i så fall måtte vedtakast når ein sette ned arbeidsgruppa.
Politikar | Parti | Medlemstype | E-Post |
---|---|---|---|
Stian Herøy | Høgre | Ordførar | stian.heroy@fedje.kommune.no |
Roy-Asle Tungland | Kristeleg Folkeparti | Varaordførar | rat@online.no |
Terje Blomvågnes | Arbeiderpartiet | Medlem | terjeblo@hotmail.com |
Gidske Borge Kolltveit | Arbeiderpartiet | Medlem | makollt@online.no |
Tonje Hernar Gullaksen | Høgre | Medlem | tsgullaksen@hotmail.com |
Erling Walderhaug | Høgre | Medlem | erlingwald@gmail.com |
Ingmar Stuberg | Kristeleg Folkeparti | Medlem | ingstub@online.no |
Olav Nilsen Husa | Kristeleg Folkeparti | Medlem | maskinmann@gmail.com |
Tove Nordseth | Kristeleg Folkeparti | Medlem | tove.nordseth@fedje.kommune.no |
Martin Karlsen | Arbeiderpartiet | Varamedlem | |
Inge Waage | Framstegspartiet | Varamedlem | inwaage@online.no |
Silje Sulen Gullaksen | Høgre | Varamedlem | silje.sulen.gullaksen@fedje.kommune.no |
Janne Tangen | Høgre | Varamedlem | |
Linda Husa | linda.husa@fedje.kommune.no | ||
Marit Solbakk Øien | m-oeie@online.no | ||
Stian Storemark (Ikke møtt) | Arbeiderpartiet | Medlem | storemar@online.no |
Ottar Tangen (Ikke møtt) | Framstegspartiet | Medlem | tangotta@online.no |
Bjørn Solbakk (Ikke møtt) | Framstegspartiet | Medlem | b-solba3@online.no |
Paul Gunnar Gullaksen (Ikke møtt) | Høgre | Medlem | paulgullaksen@yahoo.no |
Torill Hermansen Horgen (Ikke møtt) | Høgre | Medlem | torill.horgen@fedje.kommune.no |