Møte i Kommunestyret den 24.09.2019

Vedtak

Møteinnkalling og sakliste vert godkjent.

Samrøystes vedteke.

Vedtak

Møtebok frå sist møte vert godkjent med følgjande merknad: Samrøystes vedteke.

Behandling

Bjørn Solbakk bad om følgjande merknad: Under sak 047/19 Eventuelt skal det stå at Solbakk varsla at Fremskrittspartiet ønskjer gratis barnehage for 1-3-åringar.

Vedtak

Referatsaker vert tekne til orientering.

Samrøystes vedteke.

Vedtak

Kommunestyret tek perioderapport 2-2019 til vitande.

Samrøystes vedteke.

Vedtak

Fedje kommunestyre godkjenner avtale mellom Radøy , Austrheim og Fedje kommune om ansvar i høve til Radøy kommune sin garanti knytt til låneopptak i Aufera AS.

For Fedje kommune er det økonomiske ansvaret etter avtalen avgrensa til Fedje sin høvesvise del av aksjekapitalen i selskapet, for tida 16%. Maksimalt ansvarsbeløp for Fedje kommune er såleis kroner 2200000.

Samrøystes vedteke.

Vedtak

Kommunestyret tek tilstandsrapporten frå Artec om Fedje sjukeheim til orientering.

Samrøystes vedteke.

Behandling

Rune Tangen frå ARTEC orienterte om rapporten, i tråd med ønskje frå formannskapet.

Vedtak

Det vert lagt inn eit nytt punkt 10) i «Godkjente retningsliner alkohol einskild og ambulerande» for Fedje kommune:

10) Fedje kommune gjev følgjande reaksjonar på negative skjenkerapportar ved einskildløyve eller ambulerande løyve, etter kor alvorlege brot det er:

1. Kalle inn løyvehavar til samtale om brota. Gjennomgang av reglane som gjeld og samtale om kva løyvehavar kan gjere for å hindre same feil att.

2. Kalle inn løyvehavar til samtale og gje skriftleg åtvaring om at viss dette gjentek seg, vil kommunen vurdere å seie nei til neste søknad om einskildløyve.

3. Gje avslag på neste søknad om einskildløyve/ambulerande løyve. Før nytt løyve vert innvilga, må løyvesøkjar dokumentere tiltak for å hindre brot på skjenkereglane.

Alvorsgraden av brot skal vurderast i forhold til kor mange prikkar det ville gje om dette hadde vore eit fast løyve (ref. alkoholforskrifta § 10-3):
Reaksjon 1: Tilsvarande 1-4 prikkar
Reaksjon 2: Tilsvarande 8 prikkar
Reaksjon 3: Tilsvarande 12 prikkar innan 2 år.

Samrøystes vedteke.

Behandling

Endringsframlegg frå Gidske Borge (Ap):
Fjerne første linje i første avsnitt. Same reaksjon på punkt 1 og 2.

Endringsframlegg frå Roy-Asle Tungland (Krf):Punkt 1 går ut og punkt 2-4 vert flytt opp. Nytt punkt 4. Løyvehavar kan ikkje få einskildløyve/ambulerande løyve dei neste 6 månadene. Før nytt løyve vert innvilga, må løyvesøkjar dokumentere tiltak for å hindre brot på skjenkereglane.

Det vart først votert over Tungland sitt framlegg. Framlegget falt med 11 mot 3 røyster. Krf røysta for Tungland sitt framlegg.

Formannskapet og Borge sitt framlegg vart så sett opp mot kvarandre. Borge sitt framlegg vart samrøystes vedteke.

Vedtak

1. Det blir etablert eit nytt kommunalt revisjonsselskap, Vestlandsrevisjon IKS. Fedje kommune teiknar seg som eigar og godkjenner framlegget til selskapsavtale gjeldande frå stiftingsdato og fram til 31.12.2019

2. Som kommunen sin representant i representantskapet i det nye selskapet vert vald ordførar; vara varaordførar.

3. Fedje kommune godkjenner selskapsavtale for Vestlandsrevisjon IKS som skal gjelde frå 01.01.2020

4. Når nytt selskap er vedteke stifta, blir NHR IKS avvikla.

Samrøystes vedteke.

Vedtak

Kommunestyret ber administrasjonen utgreie følgjande spørsmål:
Kva skal til for å få tilfredstillande mobildekning (4G) ved Sævrøy ferjekai.
Kva er kostnaden ?
Kven kan bidra for å få dette på plass ?
Kommunestyret ber om at saka vert lagt fram for formannskapet i løpet av hausten 2019.

Samrøystes vedteke.

Behandling

Terje Blomvågnes (Ap) etterlyste sak om skogen bak gravplassen og ny gravplass. Ordførar svarte at det er naturleg å ta saka i samband med økonomiplan.

Ingmar Stuberg (Krf) foreslo at administrasjonen utgreier følgjande spørsmål:
Kva skal til for å få tilfredstillande mobildekning (4G) ved Sævrøy ferjekai.
Kva er kostnaden ?
Kven kan bidra for å få dette på plass ?
Kommunestyret ber om at saka vert lagt fram for formannskapet i løpet av hausten 2019.

Det vart votert over Stuberg sitt framlegg. Samrøystes vedteke.