Møte i Formannskapet den 01.09.2020

Vedtak

Møteinnkalling og sakliste vert godkjent.

Samrøystes vedteke.

Vedtak

Møtebok frå sist møte vert godkjent.

Samrøystes vedteke.

Vedtak

Referatsaker vert tekne til orientering. Formannskapet ber rådmannen gje innspel i høyring RS 058/20.14 der rådmannen vert bedt om å vurdere om fylkesmannen bør vere saksbehandlar.

Samrøystes vedteke.

Vedtak

Delegerte saker vert tekne til orientering.

Samrøystes vedteke.

Vedtak

Delegerte saker vert tekne til orientering.

Samrøystes vedteke.

Vedtak

Kommunestyret godkjenner årsrekneskap og årsmelding for 2019 slik det ligg føre. Rekneskapsmessig meirforbruk vert dekka inn av fond.

Samrøystes vedteke.

Vedtak

1.Fedje kommune har følgjande mål for legetenesta på Fedje:
a.Alle kommunen sine innbyggjarar skal ha tilgang på gode allmennlegetenester, tilpassa sitt behov.
b.Kommunen skal ha ei berekraftig legevakt, som ivaretek god kvalitet, forsvarleg arbeidsbelastning og hensiktsmessig organisering.
c.Kommunen må ha gode rutinar for samarbeid med legetenesta og kontinuerleg forbetringsarbeid innan helsetenestene med kvalitetsarbeid og internkontrollarbeid.
d.Kommunen skal legge til grunn primærhelsetenestemeldinga og sjå på helsetenestene som heilskap slik at legetenesta vert ein integrert del av helsetenesta på Fedje.
e.Uavhengig av val av organisering av ny legeteneste skal den evaluerast innan to år etter oppstart.

2.Fedje kommune arbeider med å få på plass ny legeteneste ut frå følgjande alternativ i prioritert rekkefølgje:
A.Kommunale legar og kommunal legevakt.
B.Kommunale legar og kommunal legevakt i samarbeid med Nordhordland legevakt.
C.Kommunale legar og kommunal legevakt i samarbeid med Austrheim kommune.
D.Kommunale legar og legevakt i samarbeid med Austrheim kommune.
E.Kommunal legesamarbeid med Austrheim kommune og Nordhordland legevakt.
F.Kommunal lege og Nordhordland legevakt, utan legevakt på Fedje

3.Rådmannen vert beden om å starte prosessen for å få på plass ny legeteneste i tråd med vedtekne prioriteringar. Før tilsetting vert gjort vert saka lagt fram for formannskapet og kommunestyret for endeleg vedtak.

Vedteke med 3 mot 2 røyster. Hans Erik Waage (Ap) og Kamilla Karlsen (Ap) røysta for sitt alternative framlegg.

Behandling

Vedtaksframlegga vart sett opp mot kvarandre. Rådmannen sitt framlegg vart vedteke med 3 mot 2 røyster.

Vedtak

Personalplan for Fedje kommune del 1 Arbeidsgjevarpolitikk vert vedteke slik den ligg føre, inkludert punkta følgje av born, gåver, nedbemanningskriterium, lønnspolitiske retningslinjer og pensjonsordning for kommunalt tilsette. Del 2 Personalreglement ligg til rådmannen, jf. kommunelova §13-1.

Samrøystes vedteke.

Behandling

Yaroslav Borisov (HTV Utdanningforbundet) og Elin Solbakk (HTV Fagforbundet) trådde inn i møtet, slik at det var partssamansett utval som behandla saka.

Vedtak

1.Fedje kommune sluttar seg til det interkommunale plansamarbeidet om sjøareala i Nordhordland, med forslag til organisering, som beskrive i forprosjektet «Interkommunal plan for sjøareala i Nordhordland» datert 05.06.2020.

2.Planmynde vert delegert i samsvar med plan- og bygningsloven §§ 9-1, 9-2 og 9-3, til interkommunalt planutval for sjøareal i Nordhordland (IKPU). Dette utvalet vil då ha mynde til å varsle planoppstart, vedta planprogram og gjennomføre planprosessen frem til politisk behandling i kommunestyret i Fedje kommune.

3.Fedje kommunestyre vedtek at IKPU består av ein representant med vara frå kvar medverkande kommune.

4.Fedje kommune vel Jan Torry Sande til medlem med Øyvind Tolleshaug som varamedlem til IKPU. Utvalet konstituerer seg sjølv i første møte.

Samrøystes vedteke.

Vedtak

I samsvar med lov om interkommunale selskap av 29.01.1999 nr 6. § 4. sluttar Fedje kommune seg til utkast til revidert selskapsavtale for Bergen og Omland Farvannsforvaltning IKS, og innstiller for representantskapet å godkjenne forslaget.

Samrøystes vedteke.

Vedtak

Formannskapet føreslår å nytte alternativ 1, og avventer vidare innspel frå ungdomsrådet. Formannskapet ber nemndenemnda sjå på saka.

Samrøystes vedteke.

Behandling

Felles endringsframlegg:
Formannskapet føreslår å nytte alternativ 1, og avventer vidare innspel frå ungdomsrådet. Formannskapet ber nemndenemnda sjå på saka.

Vedtak

Fedje kommune løyver 20 000 kroner til Bergen Nasjonale Opera under føresetnad av at det skisserte programmet vert gjennomført. Inndekking: Teneste 1003 Rådvelde formannskapet,  Konto 14700 Overføring/tilskot til private. Utbetaling vert gjort etter avtale med rådmannen.

Samrøystes vedteke.

Vedtak

Søknad frå Tore Frugård, 068/20.1
Takk for hendvendelsen på om det er mogleg å søke om støtte frå dugnadsfondet. Skriv gjerne en søknad til oss der du oppgjer kva du har tenkt å bruke midlane på, kva for kostnadar du har og kor mykje du søker.Det er 15 000kr att i dugnadsfondet 2020.

Søknad frå Fedje idrettslag, 068/20.2:
Fedje idrettslag får tildelt kr 20 000,- frå dugnadsfondet til dugnaden det er søkt om. Utbetaling vert gjort etter avtale med rådmannen.

Samrøystes vedteke.

Behandling

Kamilla Karlsen (Ap) bad formannskapet om å vurdere hennar habilitet sidan ho er gift med Martin Karlsen som har skrive under søknaden frå Fedje idrettslaget. Formannskapet vedtok at ho er ugild etter forvaltningslova § 6 2.ledd. Gidske Borge stilte som vara i behandlinga av søknaden frå Fedje idrettslag.

Vedtak

Tillegg til punkt 9 i «Retningsliner for ambulerande skjenkeløyve og løyve ved einskildhøve i Fedje kommune»: Gebyr for utviding av skjenkeområde for fast løyve, ambulerande og einskildhøve vert sett lik gebyr for einskildhøve, for tida kr 600.

Samrøystes vedteke.

Vedtak

Nytt punkt i «Reglement for kommunestyre» pkt. 28 Fjernmøte:
Alle politiske møte kan gjennomførast som fjernmøte innafor rammene av kommunelova § 11-7. Ordførar avgjer når eit møte skal gjennomførast som fjernmøte.

Samrøystes vedteke.

Vedtak

Fedje kommune ønskjer å få på plass direktesending av formannskaps- og kommunestyremøte, men avventer førebels innkjøp av ny teknologi til det kjem billegare løysingar. Kommunestyret ønskjer å prøve ut lokale tekniske løysingar.

Samrøystes vedteke.

Behandling

Felles tilleggsframlegg: Kommunestyret ønskjer å prøve ut lokale tekniske løysingar.

Vedtak

Luktproblem frå avfall frå Feddie Distillery på tomta til Kjell Samnøy. Formannskapet ber rådmannen sjå på saka og ha ein dialog med eigar.

Samrøystes vedteke.

Behandling

Hans Erik Waage (Ap): Spørsmål om luktproblem frå avfall frå Feddie Distillery på tomta til Kjell Samnøy. Formannskapet ber rådmannen sjå på saka og ha ein dialog med eigar. Samrøystes vedteke.

Kamilla Karlsen (Ap): Spørsmål om Fedje kommune har lærlingar no. Rådmannen v/personalsjef svarte at me lyste ut saman med opplæringskontoret i vår, men fekk ingen aktuelle søkjarar.

Silje Gullaksen (H): Fedje Høgre ynskjer att ein ser på situasjonen kring bosset på ferjekaien. Rådmannen svarte at dette er eit kjent problem som vert jobba med. Gullaksen spurte om mogleg å vurdere anna plassering.

Otto-Andre Nordby (H): Bør kommunen vurdere å ta i mot nye flyktningar? Ordførar svarte at me ikkje har gjeldande vedtak om mottak av flyktningar. Rådmannen svarte at har vurdert, men krev politisk vedtak og behov for busetjing av flyktningar. Ordførar følgjer saka opp vidare.

Kamilla Karlsen (Ap): Krevjande med svært store møteinnkallingar - mogleg å få innkalling to veker før formannskapsmøte? Rådmannen sa at det i så fall vil ha eindel konsekvenser.