Møte i Ungdomsrådet den 18.03.2021

Vedtak

Møteinnkalling og sakliste vert godkjent.

Samrøystes vedteke.

Vedtak

Møtebok frå sist møte vert godkjent.

Samrøystes vedteke.

Vedtak

Referatsaker vert tekne til orientering. Hanne Leah og Ståle svarer på den nasjonale spørjeundersøkinga.

Samrøystes vedteke.

Vedtak

Sindre Waage og Ståle Opsahl vert ungdomsrådet sine representantar i kommunestyret si arbeidsgruppe for ungdomsklubb.

Samrøystes vedteke.

Vedtak

Ståle Opsahl og Hanne Leah Rognsvåg vert Fedje ungdomsråd sine representantar på fylkesting for ungdom april 2021. Om det vert digital samling, er Ingard Kahrs, Ragnhild Kahrs og Sindre Waage interesserte i å vere observatører.

Samrøystes vedteke.

Vedtak

Ingen vedtak under ymse.

Behandling

Otto-Andre Nordby repeterte spørsmål frå sist møte: Kva skal til for at dei vil verte buande her - konkrete framlegg til større og mindre ting/tiltak ein kan gjere for å auke trivsel/fritid på Fedje.

Sindre Waage og Ragnhild Kahrs hadde snakka med sin klasse. Elles kom innspela frå medlemmane i ungdomsrådet:
- Viktig med mangfald av jobbar og fritidstilbod.
- Folk saknar allidrett, og generell idrettsaktivitet som handball, volleyball, utetreningspark.
- Rockeklubb for alle aldre, ikkje berre for dei 16-17 år og oppover.
- Nytt skur på fotballbana.
- Oftare bowling i hallen.
- Guttelag fotball for 7.-10.klasse.
- Aktivitetar på søndagar, gjerne bowling eller t.d. utespel på bana. Det siste kan ungdomsrådet eller kven som helst arrangere sjølv.

Sindre Waage spurte om status på ungdomsklubb. Arbeidsgruppe vert starta no.

Amalie Henden spurte om Ståle hadde snakka med ordførar om overføring av kr 10 000 til 2021. Ståle sa at ordførar sa han skulle sjå på det, men han reknar med at pengane ikkje er overført.

Kristin Aase spurte om det kunne vere ein ide med fotballtrening om sommaren og handballtrening om vinteren, for å samle fleire og få allsidig trening. Gutane syns det var ein god ide. Kristin tar med ideen til idrettslaget.

Otto-Andre Nordby spurte kva som er status i forhold til e-sport i idrettslaget.

Ståle Opsahl spurte om Fedje kommune er strengare enn andre kommunar i tolkinga av koronareglane. Otto-Andre sa at ungdomsrådet t.d. kan vende seg til kommunen og spørje om mogleg å få koronamidlar til ungdomskoordinator for å ha opne aktivitetar.