Møteinnkalling og sakliste vert godkjent. Samrøystes vedteke.
Møtebok frå sist møte vert godkjent. Samrøystes vedteke.
Referatsaker vert tekne til orientering, med følgjande tillegg:
I sak om avslag på etablering av akvakulturanlegg v/Hjeltevarden: Fedje formannskap reagerer på Kystverket sin handlingsmåte i denne saka.
Samrøystes vedteke.
Ordførar kom med forslag til tilleggstekst.
Delegerte saker vert tekne til orientering. Samrøystes vedteke.
Elin Øien møtte for Fagforbundet. Utdanningsforbundet hadde meldt forfall.
Saka vert teke til orientering. Samrøystes vedteke.
Terje Storemark meldte seg ugild. Ottar Tangen møtte som vara.
Dei som kjøpar tomt i bustadfeltet Torvhaugane får eit tilskot dersom følgjande vilkår er oppfylt :
Søkjar må vera registrert busett på Fedje.
Søkjar må vera yngre enn 35 år på det tidspunkt kjøpekontrakt med kommunen vert underskrive.
Dersom søkjaren er eit par, kan ein av søkjarane vera eldre enn 35 år.
Om søkjaren er eldre enn 35 år, får søkjaren likevel tilskot dersom han/ho har barn eller har forsørgeransvar for barn som er yngre enn 16 år på på det tidspunkt kjøpekontrakt med kommunen vert underskrive.
Dei som oppfyller vilkåra for tilskot må betala same pris som andre for tomta, men 50% av kjøpesummen vert sett av på eigen konto i kommunerekneskapen. Kjøpesummen er summen slik denne står på skøytet på tomta. Summen vert utbetalt som eit tilskot til kjøpar i 5 like delar. Første utbetaling vert eit år etter at skøytet er tinglyst og tomta betalt. Andre utbetaling vert to år etter at skøytet er tinglyst osb. Kommunen får rentene på tilskot som ikkje er utbetalt.
Ved andre utbetaling av tilskot må igangsettingsløyve til å bygga bustad på tomta vera godkjent av kommunen. Ved tredje og seinare utbetaling av tilskot, må søkjar bu i bustad på tomta for å få tilskot. Dersom eit av desse vilkåra ikkje vert oppfylt, vert tilskotet likevel utbetalt når vilkåret er oppfylt. Dersom søkjar ikkje bur i bustad på tomta 4 år ettar at skøytet er tinglyst og tomta betalt, fell heile tilskotet bort og kommunen vil krevja utbetalt tilskot attende.
Mottakar av tilskot må vera registrert busett på Fedje på utbetalingstidspunkt.
Dersom bustaden vert selt, fell ikkje utbetalt tilskot bort. Kommunen krev ikkje at utbetalt tilskot vert betalt attende til kommunen dersom bustaden vert selt. Som salstidspunkt gjeld tinglysingsdato for skøyte på ny eigar.
Samrøystes vedteke.
Fedje kommune sel tomter og båtplassar i bustadfeltet Torvhaugane på følgjande vilkår : Tomter :
Kjøpar betalar 30,- kr pr m2 for råtomt.
Kjøpar betalar tilknytningsavgift for vatn og kloakk etter dei reglar som gjeld på tidspunkt for kjøp.
Kjøpar betalar 656.000,- kr for opparbeiding av veg, vatn og kloakk. Summen vert justert i samsvar med konsumprisindeksen ved sal etter 1. januar 2016. Grunnlag : indekstal for januar 2016.
Kjøpar betalar gebyr for tinglysing av skøyte. Fedje kommune betalar for oppmåling.
Kommunen vil selja tomta med rett til å kjøpa ho attende dersom sjølve tomta ikkje er teken i bruk to år etter at kjøpekontrakten er underskriven. Kjøpesummen er då den same som kommunen selde for.
Om ei tomt vert delt i to, vert prisen 50%.
Båtplassar :
Saman med tomt følgjer det med rett til ein plass i flytebrygge med maks bredde lik 3,0 meter.
Kjøpar betalar 20.000,- kr pr meter breidde for denne retten.
Kjøpar betalar for brygga når den er ferdig opparbeidd.
Om kjøpar ikkje vil betala og ta i bruk retten sin når når brygga er ferdig opparbeidd, vert kjøpesummen justert i samsvar med konsumprisindeksen fram til overtakingstidspunkt.
Kjøpar kan ikkje selja retten til plass i flytebrygga utan å selja hustomta.
Kjøpar betalar sin del av kostnadene med vedlikehald/drift. Er det til dømes 10 plassar i brygga, betalar kjøpar 1/10-del av vedlikehaldet uavhengig av kor mange plassar Fedje kommune eig av dei 10.
Kjøper er forplikta til å vera medlem i eit sameige for brygga.
Formannskapet fastset ny pris for plass i flytebrygge når kostnadene med bygging av bryggeanlegget er kjent.
Salsprinsipp:
Felles annonsering/utlegging av tomtefelt i Torvhaugane. Loddtrekning om fleire er intressert i same tomt. Etter første utlysing, gjeld prinsippet “først til mølla”.
Samrøystes vedteke.
Fedje kommune overtar eit nøkkelferdig bygg til avtalt pris.
Bygget tilfredsstiller alle byggtekniske krav + krav frå Husbanken.
Bygget står innflyttingsklart til sommaren 2017.
FK godkjenner finansieringsplanen slik han ligg føre.
Finansieringsbehov14.5 mill. kroner.
Finansieringsplan:
Tilskot Husbanken 5.8 mill.
Lån i Husbanken – inntil 8.7 mill.
Avdragstid: 30 år.
Rente : f. t. 2.7 %
Prosjektet vert innarbeidd i neste års kommunebudsjett og økonomiplan.
Terje Storemark meldte seg ugild. Ottar Tangen møtte som vara.
Feil i sakstittel må verte endra: Tittel skal vere "Tilbod om overtaking av Fedje Senter AS" (og ikkje Fedje Handel AS).
Teikningar vart utlevert i møtet.
Protokolltilføying frå Ottar Tangen/Frp: Fedje Frp hadde sett at bygget hadde vorte nytta på ein annan måte! Ingen votering.
Det vert gjort følgjande endringar i Omstillingsprogrammet for Fedje, fase II 2015-2016: Noverande tiltak 3 (studietur med tema reiseliv) vert tatt ut av programmet. Inn kjem tiltak for omstilling skildra i søknad frå Fedje mekaniske industrier (FMI), datert 7. september 2015. Det inneber FMI vert tildelt kr. 200 000 i omstillingsmidlar, med atterhald om at Hordaland fylkeskommune godkjenner endringane i Omstillingsprogrammet. Ved endeleg godkjenning vert støtte utbetalt etterskotvis etter dokumenterte kostnadar knytt til nemnte tiltak. Samrøystes vedteke.
Hilde Koppen meldte seg ugild. Ingen vara.
Fedje kommune gjev kr. 10 000,- i stønad til TV-aksjonen 2015 som går til Regnskogsfondet.
Midlane skal hentast frå konto: 14700.1000.1003
Samrøystes vedteke.
Søknadsprosessen går sin gang. Kommunen vil kome attende til saka når tilsegnsbrevet frå FM ligg føre. Samrøystes vedteke.
Ingen votering.
Politiker | Parti | Medlemstype | E-Post |
---|---|---|---|
Kristin Handeland | Ordførar | kristin.handeland@fedje.kommune.no | |
Roy-Asle Tungland | Kristeleg Folkeparti | Varaordførar | rat@online.no |
Hilde Koppen | Arbeiderpartiet | Medlem | hilde.koppen@bube.no |
Terje Storemark | Høgre | Medlem | terje.storemark@fedje.kommune.no |
Per Opsahl | Varamedlem | per-opsa@online.no | |
Ottar Tangen | Framstegspartiet | Varamedlem | tangotta@online.no |
Grete Herøy | grete.heroy@fedje.kommune.no | ||
Øyvind Tolleshaug | oyvind.tolleshaug@fedje.kommune.no | ||
Paul Gunnar Gullaksen (Ikke møtt) | Høgre | Medlem | paulgullaksen@yahoo.no |
HTV Fagforbundet (Ikke møtt) | Arbeidstakarrepresentant | ||
HTV Utdanningsforbundet (Ikke møtt) | Arbeidstakarrepresentant | ||
HTV Delta (Ikke møtt) | Arbeidstakarrepresentant |