Møte i Formannskapet den 13.04.2021

Vedtak

Møteinnkalling og sakliste vert godkjent.

Samrøystes vedteke.

Vedtak

Møtebok frå sist møte vert godkjent.

Samørystes vedteke.

Vedtak

Referatsaker vert tekne til orientering.

Samrøystes vedteke.

Behandling

Rådmannen orienterte om følgjande:
- oppseiing av fastlegeavtale og kommunelegestillinga. Kjøp av praksis er ikkje avklart.
- kommunen har fått søkt om og fått 3-årig tilskot til å styrke helsesjukepleiartenesta for barn og unge frå juni.

Kamilla Karlsen hadde spørsmål til oppfølging RS 18/21.15. Rådmannen v/ helse- og omsorgssjef skulle sjå på saka før kommunestyremøtet.

Vedtak

Delegerte saker vert tekne til orientering.

Samrøystes vedteke.

Vedtak

Delegerte saker vert tekne til orientering.

Samrøystes vedteke.

Vedtak

Kommunestyret presiserer at det i vedtak 099/20 vert skriven ut eigedomskatt i Fedje kommune for 2021 jf. eigedomsskattelova § 3, c) berre på kraftanlegg, vindkraft, kraftnettet og anlegg omfatta av særskattereglane for petroleum. Skattesats: 7 promille.

Inn mot budsjettbehandlinga i 2022 vert denne saka teke opp att.

Samrøystes vedteke.

Behandling

Kamilla Karlsen opplyste at ho eig ein liten del i Feddie Distillery. Det same gjeld kona til ordførar Stian Herøy. Begge eig mindre enn 5 %. Formannskapet vurderte at dette ikkje kunne gje grunnlag for å vere inhabil i saka.

Tilleggsforslaget frå Kamilla Karlsen (Ap) vart samrøystes vedteke.

Vedtak

Midlane vert lyst ut med fire vekers søknadsfrist i samsvar med dei kriteriane som kjem fram i saksutgreiinga, med unntak av følgjande: "Insolvent" vert stryke i kriteria. Når søknadsfristen er ute, vert saka utgreidd og lagt fram for endeleg vedtak i Fedje formannskap.

Samrøystes vedteke.

Behandling

Delar av rådmannen sitt framlegg har blitt vekke i innstillinga. Vedtaksframlegget er følgjande:

Midlane vert lyst ut med fire vekers søknadsfrist i samsvar med dei kriteriane som kjem fram i saksutgreiinga. Når søknadsfristen er ute vert saka utgreidd og lagt fram for endeleg vedtak i Fedje formannskap / Fedje kommunestyre.

Felles endringsframlegg:
- "Insolvent" vert stryke i kriteria.
- Formannskapet avgjer saka.

Vedtak

Fedje kommune tek opp gjeldsbrevlån på kr 1.000.000,- i Husbanken for vidare utlån etter Husbankens regler for Startlån.

Rådmannen gis fullmakt til å ta opp lånet og godkjennelånevilkåra innanfor godkjente lånerammer.

Samrøystes vedteke.

Vedtak

Formannskapet ber rådmannen sluttføre forhandlingane om kjøp av praksis i tråd med dei drøftingane som vart gjort i møtet, og kome med oppdatert informasjon til kommunestyret i saka.

Samrøystes vedteke.

Behandling

Ordførar reiste framlegg om å lukke saka etter kommunelova § 11-5 3.ledd, på bakgrunn av offentleglova § 23 (det offentlege sin forhandlingsposisjon). Samrøystes vedteke.
Saka vart behandla i lukka møte i eigen kanal til sist på saklista.

Felles vedtaksframlegg:
Formannskapet ber rådmannen sluttføre forhandlingane om kjøp av praksis i tråd med dei drøftingane som vart gjort i møtet, og kome med oppdatert informasjon til kommunestyret i saka.

Vedtak

Planan med bygging av ØHD-rom vert gjennomført som skildra i saksutgreiinga. Kostnaden på 450.000,- kr + mva vert finansiert over disposisjonsfondet.

Samrøystes vedteke.

Vedtak

Punkt nummer 5 i bustad- og tildelingsreglement vert endra til teksten under:
5. Reglar for sal av kommunale bustader:
Sal av kommunal bustad bør ikkje medføra at nokon vert pressa ut av bustader dei bur i.

Det er ønskjeleg å selja ein bustad pr år i snitt dei neste tre åra.

I første omgang skal kun bustader som er eldre enn 15 år vurderast for sal.

Leigetakarar som har budd i same kommunal bustad i meir enn ti år skal først få tilbod om kjøp av bustaden dei bur i. Dei får tilbod om kjøp til ein fast vedteken pris som samsvarar med nyleg halden takst.

Etter at tilbod til leigetakarar som har budd i kommunal bustad i meir enn ti år er vurdert, vert inntil tre andre ledige kommunale bustader lagt ut for sal. Bustadane skal seljast til høgaste bod. Ingen bustader vert seld under 95% av nyleg halden takst.

Kommunen tek kvar førespurnad om kjøp av bustad som ei enkeltsak, og vurderer salet utifrå normene over.

Samrøystes vedteke.

Vedtak

Fedje kommune ynskjer ein vidare dialog med innbyggjarane rundt desse spørsmål for å kunne si noko om kva desse anser som viktigst for å auka livskvalitet. Fedje kommune ynskjer vidare at svar på desse spørsmål vert tatt med i vidare arbeid med kommunale planarbeid.

Fedje kommune er einig i satsingsområdane og ynskjer at desse vert vidare utvikla i pleie og omsorgsplanen og andre planar.

Formannskapet ber om at saka kjem opp som gruppearbeid i kommunestyret i junimøtet.

Samrøystes vedteke.

Behandling

Felles endringsframlegg:

3.avsnitt vert endra til: Formannskapet ber om at saka kjem opp som gruppearbeid i kommunestyret i junimøtet.

Vedtak

Kommunestyret tek saka til orientering.

Samrøystes vedteke.

Vedtak

Den andre setninga under punkt 9 i retningsliner for ambulerande skjenkeløyve og løyve for enkelthøve i Fedje kommune vert oppdatert til følgjande: Gebyr for utviding av det faste skjenkeløyvet er kr. 800 frå og med 23.04.2021.

Samrøystes vedteke.

Vedtak

Handlingsplan i kulturminneplanen vert vedteken slik den føreligg no.

Samrøystes vedteke.

Vedtak

Fedje kommune godkjenner nye satsar for stell av grav og for reservasjon av grav som Fedje sokneråd / fellesråd tilrådde i møte 1/12-20. Nye satsar gjeld frå 1/1-21.

Samrøystes vedteke.

Vedtak

Fedje kommune vert ikkje med i samarbeidet «Digi Vestland» ved dette høvet.

Samrøystes vedteke.

Vedtak

Ordførar vert vald til leiar av valstyret i Fedje kommune og varaordførar til nestleiar, i inneverande valperiode.

Samrøystes vedteke.

Behandling

Framlegg til vedtak Kamilla Karlsen (Ap):
Ordførar vert vald til leiar av valstyret i Fedje kommune og varaordførar til nestleiar, i inneverande valperiode.

Vedtak

Valstyret vedtek å velje eige røystestyre. Sekretæren legg fram forslag til røystestyre og røystemottakarar, på møtet i formannskapet 08.06.2021

Tidlegrøysting finn stad etter avtale, i lokala til Fellestenester i Kalvedalen 1. Kvardager 0900-1500 frå 1.juli til 9.august.
Førehandsrøysting vert i lokala til Fellestenester i Kalvedalen 1. Kvardagar 0900-1500. I tillegg to siste mogelege laurdagar før valet, opningstid 11-13.

Det vert røysting på institusjon på Fedje sjukeheim onsdag eller torsdag siste veke før valet – kl. 10-12. Sekretær fastsett dag etter avtale med pleie og omsorg.

Valtinget vert i Fedje fleirbrukshall. Opningstid kl. 10-20. Tre skift med 4 personar på kvart. Oppteljingsstad: Fedje fleirbrukshall. Oppteljinga vert strima.
Valstyret sin sekræter får fullmakt til å avgjere evt søknader om å røyste heime og sette frist for når slik søknad må kome inn.

Søknad om innføring i manntal: Kurante saker vert delegert til valstyret sin sekretær for å løpande kunne oppdatere manntalet og sende melding til den det gjeld.
Godkjenning av førehandsrøystegjeving: Kurante saker vert delegert til valstyret sitt sekretariat/forhåndsrøystemottakarar for å løpande kunne oppdatere manntalet.
Alle kunngjeringar vert delegert til sekretær valstyret.
Utlegging av manntal vert delegert til sekretariat for valstyret.

Samrøystes vedteke.

Vedtak

Ingen vedtak under eventuelt.

Behandling

Kamilla Karlsen (Ap) stilte spørsmål om korleis rutinane til kommunal kriseleiing er knytt til informasjon til innbyggjarane i endringar i nasjonale reglar og lokale tiltak. Ordførar orienterte om saka.