Čoahkkin Formannskapet 20.10.2021

Vedtak

Møteinnkalling og sakliste vert godkjent.

Samrøystes vedteke.

Vedtak

Møtebok frå sist møte vert godkjent.

Samrøystes vedteke.

Vedtak

Referatsaker vert tekne til orientering.

Samrøystes vedteke.

Behandling

Rådmannen orienterte munnleg om
- budsjettprosessen 2022 så langt
- søknad på stilling i Fitjar kommune

Vedtak

Delegerte saker vert tekne til orientering.

Samrøystes vedteke.

Vedtak

Delegerte saker vert tekne til orientering.

Samrøystes vedteke.

Vedtak

Kommunestyret tek 2. tertialrapporten 2021 til vitande.

Samrøystes vedteke.

Vedtak

Sjukeheimen får kr.350 000,- av fondsmidlar for å kunne gå til innkjøp av naudsynte møblar/inventar til brukarrelaterte rom, innreiing av ØHD-rommet og medisinrom/lab og møterom legar/pleie og omsorgsleiar.

Samrøystes vedteke.

Vedtak

Fedje kommune fortsett med å bruke plattforma «KF Delegering» for publisering, og arbeid med delegeringsreglementet.

Samrøystes vedteke.

Vedtak

Medlemmane i valstyret får møtegodgjering for dei gongane dei møter i samband med valarbeid.

Medlemmane i røystestyret får møtegodgjering for dei gongane dei møter i samband med valarbeid. Møtegodtgjersla vert sett til den godgjersla formannskapet får for kvart møte. For tida er møtegodtgjersla sett til 500,- kr for kvart møte.

Leiar for røystestyret får ei godtgjering på 3000,- kr. i tillegg til møtegodtgjersle.

Nestleiar for røystestyret får ei godtgjering på 1500,- kr i tillegg til møtegodtgjersle.

Valmedarbeidarar som har tapt arbeidsinntekt får dette godtgjort etter dei vedtaka kommunestyre har sett for tapt arbeidsinntekt.

Tilsette som tek del i valarbeidet, får løn og eventuelt overtid etter ordinere avtalar for løn. Ekstra godtgjering for tilsette som er valansvarleg i kommunen vert teke vekk.

Pensjonistar som tek del i valarbeidet som ikkje er medlemmar i røyste eller valstyret får pensjonistløn for dei timane dei er på valtinget og møtegodgjering når dei møter på opplæring.

Samrøystes vedteke.

Vedtak

Fedje kommune sluttar seg til innhald og føringar i «Felles satsingar for helse- og omsorgssektoren i Nordhordland 2021-2031», og forpliktar seg til å ta del i felles dialog og prosess om dei tema som planen omhandlar.

Fedje kommune sluttar seg til at kommunalsjefsgruppa for helse og omsorg i Nordhordland får i oppdrag koordinera og organisera oppføring av prioriterte område i planen.

Fedje kommune sluttar seg til at det vert utarbeid handlingsplanar for konkretisering av tiltak knytt til dei prioriterte områda, og at Rådmannsutvalet får mandat til å godkjenne tiltak i handlingsplan.

Fedje kommune legg til grunn at konkrete tiltak som forpliktar må forankrast i kommunen, og kommunen kan reservera seg mot å gå inn i konkret samarbeid sjølv om ein har slutta seg til planen.

Samrøystes vedteke.

Vedtak

Eli Gunnvor Grønsdal får tilbod om å kjøpa 168, bnr. 519 i samsvar med kjøpekontrakt som er vedlegg til saka.

Samrøystes vedteke.

Vedtak

Ny forskrift om innsamling og handsaming av hushaldningsavfall for deltakarkommunane i NGIR:

Forslag til ny lokal forskrift om innsamling og handsaming av hushaldningsavfall vert vedteke, men slik at Fedje kommune sjølv skal krevje inn renovasjonsgebyr frå eigedomar i kommunen for oppsamling, innsamling, transport og handsaming av hushaldsavfall.

Forskrifta gjeld frå den dato då den siste av deltakarkommunane i NGIR har vedteke forskrifta. Frå same tidspunkt vert FOR-2000-10-05-1706: Forskrift om innsamling av forbruksavfall, oppheva.

Forskrifta skal kunngjerast i Norsk Lovtidende når forskrifta er vedteken av alle deltakarkommunane i NGIR.

Forskrifta skal gjerast tilgjengeleg på kommunen si nettside samtidig med kunngjering i Norsk Lovtidende.

Delegasjon av mynde til NGIR:
Med heimel i LOV-1981-03-13-6: Lov om vern mot forurensninger og om avfall (forurensningsloven) § 83 får Nordhordland og Gulen Interkommunale Renovasjonsselskap IKS mynde til å treffa enkeltvedtak for å ivareta sine oppgåver etter forskrift om innsamling og handsaming av hushaldningsavfall.

Med heimel i LOV-1981-03-13-6: Lov om vern mot forurensninger og om avfall (forurensningsloven) § 83 får Nordhordland og Gulen Interkommunale Renovasjonsselskap IKS mynde til å behandla saker og treffa vedtak om dispensasjonar frå forskrift om innsamling og handsaming av hushaldningsavfall.

Med heimel i LOV-1981-03-13-6: Lov om vern mot forurensninger og om avfall (forurensningsloven) § 83 får Nordhordland og Gulen Interkommunale Renovasjonsselskap IKS mynde til å behandla saker og treffa vedtak om dispensasjonar frå plikten til å betala renovasjonsgebyr og til å vedta at ein eigedom er omfatta av tvungen renovasjon.

Med heimel i LOV-1981-03-13-6: Lov om vern mot forurensninger og om avfall (forurensningsloven) § 83 får Nordhordland og Gulen Interkommunale Renovasjonsselskap IKS mynde til å behandla saker og treffa vedtak om kontroll og pålegg om endringar knytt til oppsamlingseiningar, hentestader, leveringsstader, køyreveg, åtkomstveg, transportveg og oppstillingsplassar.

Samrøystes vedteke.

Vedtak

1.Fedje kommune vedtar at IKT Nordhordland kommunalt oppgåvefellesskap vert utvida med Aurland kommune.

2.Fedje kommune vedtar samarbeidsavtalen for IKT Nordhordland kommunalt oppgåvefellesskap slik den ligg føre.

Samrøystes vedteke.

Vedtak

Punkt nr. 3 del II i forskrift om sals, skjenke- og opningstider vert endra til:
Opningstider
Opningstida er ein halv time lengre enn skjenketida – dersom ikkje anna er bestemt.

Samrøystes vedteke.

Vedtak

Det vert sett ned ei arbeidsgruppe frå formannskapet samt to tillitsvalde til å styre ein eventuell prosess fram til tilsetjing av ny rådmann i Fedje kommune.Gruppa skal i kommunestyremøte snarast mogleg leggja fram ein plan for framdrift i saka. Det fell naturleg at ordføraren vert leiar for gruppa.

Samrøystes vedteke.

Vedtak

Kommunestyret vedtek budsjettendringane som dei ligg føre.

Samrøystes vedteke.

Vedtak

Formannskapet følgjer den lønnsutviklinga som har vore i kap. 4 i kommunal sektor på 2,8% i årslønnsvekst. Det utgjer +3,6 % pr. 01.05.2021, slik at ny lønn for rådmannen pr. 01.05.2021 vert 1 070 000 kr.

Samrøystes vedteke.

Behandling

Ordførar foreslo å lukke saka etter kommunelova § 11-5 3.ledd punkt a), på bakgrunn av personvernet. Samrøystes vedteke. Saka vart så behandla i lukka møte.

Vedtak

Ingen vedtak under eventuelt.

Behandling

Kamilla Karlsen (Ap) stilte spørsmål om kva som er grunnen til at Ungdomskaféen og Drop-in, altså tilbod innanfor psykisk helse for born og unge, følgjer skuleruta. 

Hans Erik Waage (Ap) stilte følgjande spørsmål: På Stormark (Morteviksvegen 13) står eit påbyrja hus som ikkje har blitt gjort ferdig. Har dette huset stått lenge nok til at vi kan ta tak i dette etterkvart? Ordførar svarte.