Møte i Formannskapet den 13.09.2022

Vedtak

Møteinnkalling og sakliste vert godkjent.

Samrøystes vedteke.

Vedtak

Møtebok frå sist møte vert godkjent.

Samrøystes vedteke.

Vedtak

Referatsaker vert tekne til orientering.

Samrøystes.

Vedtak

Delegerte saker vert tekne til orientering.

Samrøystes vedteke.

Vedtak

Formannskapet avviser klage på pendlartilskot. Søknad kom for seint inn.

Samrøystes vedtek.

Vedtak

Fedje formannskap tildeler Fedje Idrettslag kr. 7 000 til fiskefestivalen som vart halde 7. juni.

Samrøystes vedteke.

Behandling

Kamilla B. Karlsen ber formannskapet vurdera gildskapen sin, at mannen hennar Martin Karlsen er medlem i Fedje idrettslg sitt styre. Kamilla B Karlsen forlot møte umder handsaminga av gildskapen sin. Formannskapet vetok at Kamilla B Karlsen ikkje er ugild i saka. Samrøystes vedteke.

Vedtak

Formannskapet løyver 60 000,- til å pusse opp dei gamle lokalene til kulturskulen og etablere kommunal ungdomsklubb. Kostnadane ligg ikkje inne i budsjett for 2022. Kommunedirektøren ber difor om at utgiftene dekkast av fond.

Samrøystes vedteke.

Vedtak

Fedje kommune søkjer om å bli med i pilotprosjekt Bygdevekstavtale. Kommunestyret gir kommunedirektøren i oppdrag å arbeide fram ein fullstendig søknad frå Fedje kommune åleine eller i fellesskap med andre øykommunar.

Samrøystes vedteke.

Vedtak

Landsbykafeen As får skjenkeløyve for lokale i 1. etg. Muren 4, Pernille, frå 01.10.2022 til 30.09.2024.

Løyve har fyljande skjenketider:

Måndag – laurdag kl. 0800 – 0200. Sundag og helgedagar klokka 1200 -0200. Skjenketid for alkoholgruppe III er klokka 1300 til 0200 alle dagar.

Skjenkestaden skal ha fast meny eller à la carte-meny.

Styrar for løyvet er Andreas Hagen, avløysar er Sue Janne Alsaker.

Samrøystes vedteke.

Vedtak

Kommunedirektøren ber formannskapet om økonomiske rammer for forhandlingane i kap.3 og kap.5. Summen kommunedirektøren har fått frå formannskapet er unnateke offentligheit fram til forhandlingane er ferdig - og godtkjent i formannskapet. Sjølve handsaminga av saka vart lukka etter offentlegheitslova  § 23, 1.ledd.

Samrøystes vedteke.

Behandling

Ordførar Stian Herøy fremja forslag om at møtet skulle lukkast etter §offentlegheitslova  § 23, 1.ledd.

Samrøystes vedteke.

Vedtak

Fedje kommune sluttar seg til framlegg til revidert Overordna samarbeidsavtale og Tenesteavtale 1 – overordna føringar for samarbeidsstrukturar og samarbeidsformer i helsefellesskapet.

Samrøystes vedteke

Vedtak

Det vert ikkje fatta vedtak under eventuelt.

Behandling

Spørsmål frå Kamilla B. Karlsen, AP

Ein kan lesa at det ikkje skal tilsettast nokon i den 100% faste økonomimedarbeidarstillinga som vart lysa ut før sommaren. Kva er bakgrunnen for dette? Korleis skal kommunen klare å løyse alle oppgåvene som ligg under økonomi?

Svar frå Ordførar Stian Herøy H

Det var tre søkjarar og ingen som hadde  relevant kompetanse og/eller erfaring. Vi vil løyse det ved å kjøpe inn tenester hjå VISMA til mellom anna kjøyring av løn. Det vil bli tatt kontakt med nabokommune for å kunne kjøpe tenester av dei.

Spørsmål frå Kamilla B. Karlsen, AP

Drop in er eit godt etablert tilbod i Fedje kommune som ligg under psykisk helse. Dette er kanskje det einaste tilbodet kommunen har for born frå 4. til 7.klasse. Med så mange potensielle brukarar av tilbodet, kvifor har ikkje dette starta opp att etter sommarferien? Kva er bakgrunnen for at akkurat dette tilbodet har vorte kutta?

Svar frå Ordførar Stian Herøy H

Grunnen til at det ikkje vart starta opp att i haust er at vi ikkje har hatt bemanning til dette. 20% tilhøyrande fysioterapeut stillinga ligg under psykisk helse, og me har tidlegare brukt nokre av desse timane til fysio på drop-in. Sidan det ikkje har vert tilsett i stillinga etter sommaren har me ikkje hatt denne ressursen. Det er og bestemt at nytilsett fysio som skal vere vikar i 1 år, ikkje skal vere i psykisk helse. Me har sett på andre løysningar for å klare å starte opp tilbodet att. Vi vil bruke noko av den ressursen som vi tok frå servicekontoret til ungdomsklubben (40%) til å starte opp  Drop in frå

Klokka 12.45-15.15  frå neste tysdag 20.09.22.

Kommunedirektør Berit Rystad orienterte om fyljande saker:

• Utgift for Forskarfabrikken i sommar

• Prolongering av opsjonsavtale

• Auke budsjett barnehage

• SIVA søknad

• Regional plan for sjøareal

• Vedtak fyrst?

• Informasjon om personal tilhøva i administrasjonen, møtet var lukka under informasjonen.