Møte i Formannskapet den 17.10.2023

Vedtak

Møteinnkalling og sakliste vert godkjent.

Samrøystes vedteke.

Vedtak

Møtebok frå sist møte vert godkjent.

Samrøystes vedteke.

Vedtak

Delegerte saker vert tekne til orientering.

Samrøystes.

Vedtak

Formannskapet tek saka til vitande. Formannskapet ber kommunedirektøren kome med ei oversikt over kva for kostnadskutt som er gjennomført i 2023. Formannskapet ber om at kostnadskutta vert lagt fram i kommunestyremøtet 26.10.2023. Innsparingar skal arbeidast inn i budsjett for 2024 og tal og konkrete konsekvensar av innsparingar skal kome fram i budsjettet.

Samrøystes vedteke.

Behandling

Kommunedirektøren infomerte om det nye organisasjonskartet som ligg ved saka.

Vedtak

Formannskapet vedtok pott for lokale lønnsforhandlingar i kapittel 3 og 5 for 2023. Potten som formanskapet har gitt til å forhandla med er unnateke offentlegheit fram til formannskapet har godkjent lønnsforhandlingane for kapittel 3 og 5. Forhandlingane vert behandla i ekstraordinert formannskapsmøte 31.10. 2023.

Behandling

Ordførar Stian Herøy (H) sette fram forslag om at møtet vart lukka under behandlinga av pott til lokale lønnsforhandlingar i kapittel 3 og 5 for 2023. Møtet vart lukka etter Kommunelova § 11-5 b.

Vedtak

Fedje kommune gjer endeleg vedtak for sin del av Interkommunal plan for sjøareal i Region Nordhordland, planid 2021003. Unnateke frå vedtaket er akvakulturområde med motsegn ved Hjeltevarden , som vert oversend til Kommunal- og distriktsdepartementet for endeleg avgjerd.

Oppdaterte plandokument som planskildring, plankart, føresegner, konsekvensutgreiing og kunnskapsgrunnlag er lagt ved i saka (03.10.2023) Grunngjeving for vedtaket er vist i saksutgreiinga.

Vedtaket har heimel i plan- og bygningslova §§ 9-3 og 11-15.

Samrøystes vedtek.

Vedtak

Det vart ikkje fatta vedtak under eventuelt.

Behandling

Spørsmål til formannskapet 17.10.23. frå Kamilla B Karlsen (Ap)

1.Kor stort er disposisjonsfondet pr. dags dato? 

Svar frå ordførar Stian Herøy (H) :

Disposisjonsfondet er pr 17.10.23 på kr 7 850 000,-. Det er budsjettert med å nytta kr 1 500 000,- av det i 2023.

2. I Kommuestyret i sak 048/23 sa kommunedirektøren at Fylkeskommunen ikkje hadde lov til å gje underskotsgaranti til ulike prosjekt. Korleis kan kommunedirektøren gje same type garanti frå Fedje kommune? Gjelder ikkje det same lovverket for både kommunen og fylkeskommunen? 

Svar frå ordførar Stian Herøy (H):

Fedje næringsråd tok initiativet til å etablere ei prøverute frå Bergen til Fedje med Rødne AS som aktør/samarbeidspart. Fedje kommune føl med dette opp den nye reiselivsplanen som legg opp til å få større fokus på Fedje som reisemål. I samband med dette var Fedje næringsråd og Fedje kommune v/kommunedirektøren i møte med Bård Sandal, avdelingsdirektør for avdeling for næring, plan og innovasjon i Vestland fylkeskommune.

I e post frå Bård Sandal til Fedje næringsråd den 9 august (med kopi til kommunedirektøren) visar Bård Sandal til føljande:

«Eg må formelt vente på vårt administrative vedtaket før eg kan seie ja til å delta som «samarbeidspartner». Etter ei runde med juridisk her så er eg orientert om at Kommunelova no set avgrensingar med tanke på å gje garanti i samband med næringsverksemd. Så vi må gjere ei meir grundig vurdering. Eit alternativ for støtte er at det kan skje gjennom å tildele eit tilskot, etterskotsvis ut frå rekneskap og eventuelt underskot. Og så må vi i forhold til det og gå inn å ev. finne ei løysing med tanke på ev. statsstøtteproblematikk. Men det kan la seg løyse. Så derfor må eg be om at å definere oss inn som samarbeidspartner må settast på vent til vi har gjort vår vurdering.

Dette då til foreløpig informasjon.

Vh Bård

Bård Sandal

avdelingsdirektør

avdeling for næring, plan og innovasjon

Kommunedirektøren er klar over at kommunelova set avgrensingar med tanke på å gje garanti i samband med næringsverksemd. Fedje kommune ynskjer å støtte opp under ny næringsverksemd/reiselivsatsing som Fedje næringsråd tek initiativ til. Når Rødne bruker omgrepet «underskotsgaranti» så vil Fedje kommune gjere det same som Vestland fylkeskommune gjer, og definere kommunen inn som samarbeidspartnar og tildele eit tilskot, etterskotsvis ut frå rekneskap og eit eventuelt underskot.

Satsinga skal evaluerast (og har vært evaluert etter kvar av dei tre turane som har vært gjennomført). Vedlagt er skriv frå Fedje næringsråd.

På tidspunkt for vedtak for å gi støtte var ikkje kommunedirektøren klar over at det ikkje var lagt opp til generelle turar til Fedje, men ein tur som er bestilt på førehand og betalt på førehand («pakketert»).

Samstundes ber me om ein orientering rundt desse sakene: 

1. Tilsettingar og oppseiingar i Fedje kommune sidan august 2023. 

Svar frå ordførar Stian Herøy (H):

Tilsettingar:

Rektor Fedje Skule (1/8)

Lærar (1/8)

Lærar (1/10)

Fagarbeidar skule (1.8)

Fagarbeidar skule (1.9)

Vikar bibliotek (1/9)

Kommunalsjef HR og forvaltning ( 15/09)

Kommunalsjef Samfunnsutvikling (1/10)

Økonomirådgjevar (1/10

Vikarar barnehage (100+80%) (1/10)

Ny kommuneoverlege frå 01/01-24

Vidareføring av vikariat i 100% i Flyktningtenesta

Oppseiingar:

Lege – ei oppseiing  - utlysing med søknadsfrist 8/11

Sjukheim – ein fagarbeidar – utlysing kjem

Lærar (frå 1.8)

Lærar (frå 1/10)

2. Flyktningsituasjonen i kommunen. Kva rører seg no? 

Svar frå ordførar Stian Herøy (H):

Mottak i Fedje kommune:

I 2022: 24,  kor 3 har returnert

I 2023 har me tatt i mot 8 personar

Vi har totalt tatt imot 32, 29 av dei er bosatt per dags dato

Det kjem no ca. 1200 asylsøkarar kvar veke. Sidan juni er det ei auke i asylsøkjarar med over 50% kvar veke. Det har vært ei jevn auke frå august og belegg i mottak har derfor også økt i et raskt tempo. Belegget mottaka har økt med nesten 6 000 beboere siden juni. På tross av at kommunar buset i raskt tempo har UDI behov for å auke kapasitet på mottak. Det er planlagt å opprette inntil 3000 plasser i akuttinnkvarteringer fordelt over heile landet.

Fedje kommune har ikkje fått førespurnad frå IMDI etter sommaren. I går kom den fyrste førespurnaden på to personar. Denne er ikkje handsama

Fokus frå regjeringa er no å få flyktningane i arbeid. Fedje kommune har intensivert norskundervisninga. Vi har no fire personar som er ferdig i introprogrammet. Den eine har fått jobb (100% vikariat fram til jul). Viss dei ikkje får introstønad må dei over på sosialstønad om dei ikkje får jobb. Det er difor særs viktig å få flyktningane i jobb i fht kommunen sin økonomiske situasjon. Mange av flyktningane har midlertidige jobbar i ulike private verksemder på Fedje

Fedje kommune har i samarbeid med NAV laga jobbsøkjarkurs for flyktningane. Oppstart 6.11.23 og varer i 6 veker. Dette har NAV svært gode resultat med.  Flyktningtenesta vil arrangere møte med lokale arbeidsgjevarar (inkludert kommunale leiarar med personalansvar) for å sjå om det er mogleg å få til noko med lønstilskot frå NAV.

Grunna auke i tal flyktningar og oppmoding frå regjeringa og vedtak om å auke tal flyktningar i 2023 til inntil 15 personar har kommunedirektøren utvida eit vikariat i 100% i eit år til. I tillegg er avtale med leiar av språkkafeen utvida med eit år (skuleåret 23/24).

Vi har ei utfordring med bustad, men fyrste prioritet no er å skaffe arbeid til flyktningane