Møte i Kommunestyret den 21.05.2015

Vedtak

Innkalling og saksliste er godkjent

Behandling

Sak 048/15 skal ikkje handsamast i dette møte, saka vert sett opp til handsaming i kommunestyret 18.juni 2015.

Ingen merknader.

Vedtak

Møteprotokollen er godkjent

Behandling

Ingen merknader, samrøystes.

Vedtak

Lindås kommune sluttar seg til justeringane i Nordhordlandspakken, slik dei er skissert i høyringsbrev frå Statens Vegvesen datert 10.04.15.

Behandling

May-Eva Sandvik var ugild i denne saka og deltok ikkje under handsaminga. Jan-Erik Hope vart vald som saksordførar for saka. Det vart innførd taletid på 3 min.

Framlegg frå B.Vatnøy-Frp:

Lindås kommune avvisar saka då dette skulle vore oppe som sak - Nordhordlandspakke -nytt framlegg, og ikkje som høyringssak.

Framlegget fekk 7 røyster og fall (alle Frp, I.Hindenes-Uavh. og S.Hauge-Ap).

Rådmannen sitt framlegg vart vedteke mot 7 røyster (alle Frp, I.Hindenes-Uavh. og S.Hauge-Ap)

Vedtak

Meldinga er teke til orientering.

Behandling

Ingen merknader, samrøystes.

Vedtak

Kommunestyret sluttar seg til revisjonen sine konklusjoner og forslag til tiltak.

Behandling

Deloitte orienterte i starten av saka.

Kontrollutvalet sitt framlegg vart samrøystes vedteke.

Vedtak

Lindås kommune godtek tilbodet frå Deloitte AS med grunngjeving i at dei kom best ut under vurderinga av tildelingskriteria.

Behandling

Kontrollutvalet sitt framlegg vart samrøystes vedteke.

Vedtak

1. Kommunestyret vel å gå vidare med alternativ B, nybygg på ny tomt

2. Det vert utarbeidd eit prosjektmandat til neste formannskapsmøte og arbeidet med forprosjektet startar.

3. Kostnadar med planlegging og prosjektering blir i første fase henta frå investeringsmidlar «rehabilitering av Alversund skule». Ny investeringsramme for ny Alversund skule blir handsama i budsjettprosessen.

4. Det blir starta reguleringsarbeid for området med ny skule.

5. Idrettsplanen må snarast få ei mindre rullering for å innlema fotballbane, hall og symjehall i kommuneplan for idrett, friluftsliv og nærmiljø, slik at desse kan opprettast som eigne prosjekt og få tippemidlar.

Behandling

Rolf Nesheim var ugild i denne saka, då familien eig den aktuelle tomta, og deltok difor ikkje i handsaming av saka.

Innstillinga frå formannskapet vart samrøystes vedteke.

Vedtak

1. Lindås kommune gjev ein kommunal garanti, der Lindås kommune forpliktar seg til å skaffe kjøparar til 14 bustadar i prosjekt Hordasmibakken.

2. Garantien gjeld for 14 bustadar med ein snittpris på kr 2.125.000, totalt kr 29.610.000,-

3. Det er ein føresetnad for garantien at det vert nytta grunnlån frå Husbanken, og / eller kommunalt startlån og tilskot, etter gjeldande kriteria, som finansiering.

4. Det ein føresetnad for garantien at Lindås Tomteselskap AS forpliktar seg til å kjøpe minst inntil sju bustadar, viss ikkje kommunen klarar å finna kjøparar til alle dei 14 bustadane.

Behandling

Avtale dat. 21.05.2015 vart utdelt i møtet.

Innstillinga frå formannskapet vart samrøystes vedteke.

Vedtak

1. Kommunestyret godkjenner Lindås kommune sin årsrekneskap for 2014

2. Tilskotssatsen til dekking av driftskostnadar pr. heiltidsplass for ordinære barnehagar, små born, blir for 2014 fastsett til 171 995 kr. Tilskotssatsen til dekking av driftskostandar pr heiltidsplass for ordinære barnehagar, store born, vert fastsett til 82 572kr

Behandling

Innstillinga frå formannskapet vart samrøystes vedteke.

Vedtak

Kommunestyret tek årsmeldinga for 2014 til orientering

Behandling

Innstillinga frå formannskapet vart samrøystes vedteke.

Vedtak

Kommunestyret tek finansrapport for 2014 til orientering

Behandling

Innstillinga frå formannskapet vart samrøystes vedteke.

Vedtak

Kommunestyret godkjenner prosjektmandatet for prosjektet helsehus – innhald Lindås kommune

Behandling

Framlegg om tilleggspunkt frå K.Gjerstad-Sp:

1. Representant frå verneombodstenesta skal delta i prosjektgruppa jf.AML § 4-2, 3 ledd og § 6-2, 4 ledd.

2. Prosjekt skal følgas opp gjennom AMU evt.gjennom underutval av AMU jf. AML § 7-2, 2 ledd bokstav c&d.

Framlegget fekk 3 røyster og fall (K.Gjerstad, I.Askeland og J.Hellestveit alle SP)

Innstillinga frå formannskapet vart samrøystes vedteke.

Vedtak

Samarbeidsavtale mellom Lindås kommune og private barnehagar vert vedteken slik den ligg føre. Arbeidet med å underteikne avtalen vert starta opp innan kort tid.

Behandling

Astrid N.Sylta var ugild og deltok ikkje i handsaming av denne saka.

Endring i rådmannen sitt framlegg pkt. 4.4 og 4.5.

Innstillinga frå levekårsutvalet vart samrøystes vedteke.

Vedtak

Kulturplan for 2010-2020 vert vedteke med nye tiltak slik det kjem fram i rådmannens framlegg.

Behandling

Innstillinga frå levekårsutvalet vart samrøystes vedteke.

Vedtak

Kommunekomiteen for TV-aksjonen 2015:

Ordførar Astrid Aarhus Byrknes

Frivillegsentralen

Ressurspersonar komiteen meiner er naudsynt å ta med.

Behandling

Framlegg om tillegg:

Ressurspersonar komiteen meiner er naudsynt å ta med.

Rådmannen sitt framlegg med tillegg vart samrøystes vedteke.

Vedtak

Meldinga er teke til orientering.

Interpellasjon frå Lindås senterparti v/ Ingeborg Askeland

Interpellasjonen gjeld eit areal på gbr,!88/5 Gjervik ytre, like ved E39. Dette arealet ligg etter kommunen sin arealplan i eit LNF-område. Tidlegare eigar fekk løyve til mellombels bruk av arealet som lagringsplass for stein- og fyllmassar på det vilkåret at arealet vart tilbakeført til jordbruksareal innan 01.03.2012. Viser til sak 89/ 10 og 147/11 i plan og miljø-utvalet. Tilbakeføring er ikkje skjedd, og arealet ligg som eit sår i kulturlandskapet. Arealet er selt vidare og det vart søkt om å få setja opp ein lagerhall. Plan- og miljøutvalet gav i Sak 131/13 dispensasjon til å setja opp ein mellombels hall på visse vilkår. Løyvet vart gitt delegert sak datert 29.10.2013 med ytterlegare vilkår. Eitt av vilkåra er at hallen skal fjernast og arealet tilbakeførast til landbruksareal innan 31.08.2015.

Oppfølgjing av vilkåra har vore etterspurt av naboar. Det går ikkje fram av postlistene at bruksløyve er sendt til tiltakshavar. Frå postlistene finn ein at tiltakshavar har søkt om dispensasjon frå kravet om tilbakeføring. For eitt år sidan opplyste kommunen at saka var i prosess.

På bakgrunn av dette ber Senterpartiet om ei utgreiing om prosessen omkring dette arealet og lagerhallen. Vi ønskjer m.a. svar på følgjande spørsmål:

Når vart ferdigattest, evt. mellombels bruksløyve gjeve? Jf. pkt 8 i delegert løyvebrev.

• I vedtak av landbrukssjefen av 7.10.2013 vert det sett som vilkår at det skal vera ein plan for tilbakeføring til jordbruksareal for arealet utanom hallen. Denne skal vera godkjend før hallen vert sett opp.

• Når vart denne planen godkjend?
  
  Korleis er denne planen følgd opp?
  

• Kva har kommunen svara tiltakshavar på spørsmålet om dispensasjon frå kravet om tilbakeføring til jordbruksareal?
  

• Kva vert gjort for å sikra gjennomføring av vilkår nr. 7 i løyvet, som seier at hallen skal vera fjerna og heile tomta skal tilbakeførast til landbruksareal innan 31.08.2015?
  

Svar frå ordførar:

Når vart ferdigattest, evt. mellombels bruksløyve gjeve? Jf. pkt 8 i delegert løyvebrev.
Svar: Sidan hallen er eit mellombels lager er det ikkje vidareført krav om bruksløyve/ferdigattest.

• I vedtak av landbrukssjefen av 7.10.2013 vert det sett som vilkår at det skal vera ein plan for tilbakeføring til jordbruksareal for arealet utanom hallen. Denne skal vera godkjend før hallen vert sett opp.

Når vart denne planen godkjend?
Svar: Tiltakshavar har sendt inn sin plan i brev av 13.03.2014 til Landbrukskontoret. I sitt brev har tiltakshavar mellom anna bedt kommunen om å fråfalle kravet om tilbakeføring til landbruksareal. Landbrukssjefen har i brev av 03.07.14 gitt tilbakemelding om at vilkåra gjeld, jorda må tilbakeførast og arealet skal vera klart for såing for grasproduksjon våren 2015.

Korleis er denne planen følgd opp?
Svar: Det har ikkje vore konkret oppfølging av planen etter at brevet av 03.07.14 blei sendt. Tiltakshavar har ved fleire høve vore i kontakt med Landbrukssjefen. Både ved besøk på kontoret og telefonisk. Kvar gong har han vorte minna på tidsfristen for gjennomføring av planen.

• Kva har kommunen svara tiltakshavar på spørsmålet om dispensasjon frå kravet om tilbakeføring til jordbruksareal?
  Svar: Viser til svar på det andre spørsmålet. Landbrukssjefen har i brev av 03.07.14 gitt tilbakemelding om at vilkåra gjeld, jorda må tilbakeførast og arealet skal vera klart for såing for grasproduksjon våren 2015.

• Kva vert gjort for å sikra gjennomføring av vilkår nr. 7 i løyvet, som seier at hallen skal vera fjerna og heile tomta skal tilbakeførast til landbruksareal innan 31.08.2015?
  Svar: Byggesak vil følgje opp vedtaket om fjerning av den mellombelse hallen i samsvar med fristen som er satt til 31.08.2015.

Behandling

Rådmann Ørjan R.Forthun orienterte:

• oppfølging vedtak

Rådmannen sitt framlegg vart samrøystes vedteke.