Utval: | Administrasjonsutvalet |
---|---|
Dato: | 07.06.2018 09:00 - 09:40 |
Møtestad: | Kantina, rådhuset |
Status: | Møtet er ferdig protokollert |
Sakskart: | |
Møteprotokoll: |
Innkalling og saksliste er godkjent
Ingen merknader, samrøystes.
Møteprotokollen er godkjent
Ingen merknader, samrøystes.
Økonomiplan 2019- 2022 er teke til orientering.
Økonomisjef Janne Sund orienterte.
Framlegg:
Økonomiplan 2019- 2022 vert teke til orientering.
Framlegget vart samrøystes vedteke.
Uttale til økonomiplanen frå Utdanningsforbundet Lindås
Rådmannen kjem med forslag til store kutt innan skule. Kommunalsjef Kristin Moe meiner at kutta er akseptable. Om ein har oversikta over alle relevante tal og faktorar, er det for Utdanningsforbundet Lindås ikkje mogleg å vere einig med kommunalsjefen.
Her er dei viktigaste tala:
Frå skuleåret 2015/16 til og med skuleåret 2018/19:
Lærarårsverka er kutta frå 214 til 197, ei nedgang på nesten 9%.
Elevtalet har auka frå 1920 til 1970 elevar, ei auke på 2,5%.
Sekretærstillingane i skulen vert kutta med 17% frå skuleåret 2017/18 til 2018/19.
Frå skuleåret 2015/16 til og med skuleåret 2020/21 med dei kutta som no er føreslått:
Lærarårsverka er kutta frå 214 til 187, ei samla nedgang på over 14%. I tillegg forsvinn dei spesialpedagogane som er på Læringssenteret når det skal leggjast ned.
Sekretærstillingane er redusert med 31%.
PPT er kutta med èitt årsverk, som utgjer eit kutt på over 10%.
Elevtalsprognosen med ei auke på 2-3% kvart år dei neste åra seier oss at elevtalet på desse fem åra aukar frå 1920 til 2050, ei auke på over 9%.
Lindås kommune har ein god Kvalitetsplan for oppvekst, som seier mykje om korleis kvaliteten skal vere i Lindåsskulane. Dei kutta som allereie er gjennomførte, og dei som no er foreslått, vil i praksis gjera det umogleg å nå måla i planen.
Det vi allereie opplever, er at mobbetala blant elevane går opp. Skulane opplever større og større utfordringar med krevjande elevåtferd. Sjukefråveret til dei tilsette i skulane, som tradisjonelt har vore lågt, er aukande. Færre og færre tilsette skal undervise, støtte, hjelpe og ha omsorg for fleire og fleire elevar. Spesialpedagogisk spisskompetanse forsvinn, noko som aukar utfordringane ytterlegare på den einskilde skule. Krevjande elevåtferd har gjort at kommunen dei siste åra har tilsett miljøterapeutar i skulane. Miljøterapeutane gjer ein fantastisk jobb både med dei mest krevjande og dei mest sårbare elevane. No skal det kuttast i dette tilbodet òg.
Det har i årevis vore sagt at skulane i Lindås kommune i økonomi og bemanning ligg over nivået for samanliknbare kommunar (same kommunegruppe). Desentralisert skulestruktur og naudsynt deling i nynorsk- og bokmålsklassar er to av årsakene til at dette tidlegare har vore tilfellet. Då vi gjekk inn i GSI-tala for skuleåret 2016/17, og samanlikna kvar einskild skule i Lindås kommune med tilsvarande skular (elevtal, skuletype) i andre kommunar, fann vi at Lindåsskulane låg under gjennomsnittleg ressursbruk. Ressursnivået var allereie då lågare enn til dømes i Meland og Radøy.
Lindås kommune som skuleeigar har stort fokus på læringsmiljø og læringsresultat. Utdanningsforbundet Lindås meiner at dei kutta som no er foreslått, uunngåeleg vil gå ut over miljøet og resultata, og vi vil oppleve nok ei auke i oppmeldingane til PPT når det ikkje er bemanning nok til å gje elevar som treng tilpassa undervisning det dei treng innanfor ordinær undervisning. Elevar og tilsette skal meir enn berre å overleva skuledagane, - dei skal læra og trivast òg.
Knarvik 7.juni 2018
Jarle Næss, HTV Utdanningsforbundet Lindås
Det var ingen meldingar til administrasjonsutvalet.
Det var ingen meldingar til administrasjonsutvalet.
Politikar | Parti | Medlemstype | E-Post |
---|---|---|---|
Astrid Aarhus Byrknes | Kristeleg Folkeparti | Utvalsleiar | ordf@lindas.kommune.no |
Bente Zakariassen | DELTA | Medlem | Bente.Zakariassen@lindas.kommune.no |
Liv Berit Haukås | Fagforbundet | Medlem | liv.berit.haukas@lindas.kommune.no |
Nina Stabell Øvreås | Fremskrittspartiet | Medlem | Nina.Ovreas@lindas.kommune.no |
Jarle Vassdal | Senterpartiet | Medlem | jarl-vas@online.no |
Jarle Næss | Utdanningsforbundet | Medlem | Jarle.Ness@lindas.kommune.no |
Nina Bognøy | Arbeiderpartiet | Varamedlem | nina-ys@online.no |
Hogne Haugsdal | Hogne.Haugsdal@lindas.kommune.no | ||
Janne Sund | Janne.Sund@lindas.kommune.no | ||
Dag Hugaas (Ikke møtt) | Arbeiderpartiet | Nestleiar | d.hugaas@online.no |