Møte i Kommunestyret den 08.01.2015

Vedtak

Innkalling og saksliste er godkjent

Behandling

Det vart innførd taletid på 3 minutter.

Ellers ingen merknader. Samrøystes.

Vedtak

Møteprotokollen frå 11.12.2014 er godkjent

Behandling

Ingen merknader. Samrøystes.

Behandling

Vedlegga til saken, avtalane, vart utdelt i møtet.

Framlegg frå N.Bognøy-Ap:

Saka vart sendt attende. Kommunestyret bed om at saka vert handsama av levekårsutvalet før endeleg avgjerd i kommunestyret.

Framlegget fekk 13 røyster og fall.

Rådmannen sitt framlegg vart samrøystes vedteke.

Vedtak

Lindås kommune sluttar seg til Fylkestinget sitt vedtak frå 10.12.14 om bompengesøknad for Nordhordlandspakken.

Behandling

May-Eva Sandvik var ugild, som styremedlem i Nordhordlandspakken AS, og deltok difor ikkje under handsaming av saka. Hilde Kvingedal møtte som vara til saka.

Leif Hosøy Sleire vart vald som sette-varaordførar i denne saka.

Utdelt i møtet:

Presisering av vedtak i fylkestingen datert 08.01.2015 frå fylkesrådmann

Uttale til fylkestingets vedtak-Nordhordlandspakken datert 16.12.2014 frå Statens vegvesen (var og utsendt på e-post)

Helge Hopen og fylkesrådmann Rune Haugsdal orienterte til saka.

Protokolltilførsel AP, H, KRF, V, SP:

Lindås kommune har gjort sitt vedtak 08.01.2015 i sak 004/15 i forståing av at tunell Knarvik-Isdal vert prioritert i første revisjon av Nordhordlandspakka, uavhengig av prosjektet Nyborgtunellen jmf.brev frå fylkesrådmannen dat.08.01.2015.

Framlegg frå B.Vatnøy-Frp:

Lindås kommune utset saka om Nordhordlandspakken.

Det skal haldast ei folkerøysting i samband med kommunevalet i september 2015.

Kostnader stipulert til kr. 50 000,- vert tatt frå disposisjonsfondet.

Saka vert handsama i kommunestyret så snart som mogleg etter resultat er klart.

Framlegget fekk 4 røyster (alle FRP) og fall.

Framlegg frå S.Hauge-Ap:

Lindås kommune sluttar seg til fylkestinget sitt vedtak frå 10.12.2014 om bompengesøknad for Nordhordland under forutsetning av:

1. at planleggingen av Isdal-Knarvik tunellen vert prosjekt nummer ein.

2. ved første revisjon skal fullfinansiering av Isdal-Knarvik vera hovudprosjekt (prioritet ein).

3. arbeidet med revisjon av "Nordhordlandspakken" skal startast opp i 2015.

Framlegget fekk 3 røyster og fall (H.Kvingedal-H, H.Rydland-H og S.Hauge-Ap)

Framlegg frå B.Vatnøy-Frp:

Lindås kommune sluttar seg ikkje til fylkestinget sitt vedtak frå 10.12.2014.

Nordhordlandspakken AS vert lagt ned og vegprosjektet vert oversendt Statens vegvesen og fylke, og bed dei gjennomføra vegprosjekta utan bomfinansiering.

Framlegget fekk 7 røyster og fall (B.Vatnøy-Frp, N.Øvreås-Frp, Ø.Moldeklev-Frp, K.Melvær-Frp, I.Hindenes-H, H.Rydland-H, H.Kvingedal-H).

Rådmannen sitt framlegg vart vedteke mot 8 røyster (B.Vatnøy-Frp, N.Øvreås-Frp, Ø.Moldeklev-Frp, K.Melvær-Frp, I.Hindenes-H, H.Rydland-H, H.Kvingedal-H, S.Hauge-Ap).