Čoahkkin Kommunestyret 18.06.2015

Vedtak

Innkalling og saksliste er godkjent

Behandling

Sak 59/15, 60/15 og 56/15 vart handsama etter sak 54/15. Det er tre interpellasjoner i dette møtet. Ingen merknader, samrøystes.

Vedtak

Møteprotokollen er godkjent

Behandling

Ingen merknader, samrøystes.

Vedtak

Kommunestyretsluttarsegtilrevisjonensinekonklusjonarogforslagtiltiltak.Kommunestyretberomatrådmannkjemmedtilbakemeldingtilkommunestyretinnaneitidsfristsomkommunestyretsetter.

Skriftlegeretningslinerog rutinarerviktigåfåpåplass,ogkontrollutvaletforeslåratdettekunneverteitfastpunktiårsmeldingatilkommunen.

Behandling

Saka vert sett opp i KO møtet i september med tilbakemelding frå rådmann om kva som er gjort / tiltak.

Kontrollutvalet sitt framlegg vart samrøystes vedteke.

Vedtak

Lindås kommune vil ta ansvaret for busetting av flyktningar.

i 4-års planen for busetting av flyktningar for perioden 2016-2019, vil kommunen auka busettinga av flyktningar, slik det går fram av brevet frå statsråden. I planen vil Lindås kommune vidareutvikle flyktningsarbeidet, gjerne i samarbeid med nabokommunane og i samsvar med introduksjonsprogrammet for flyktningar. Lindås kommune vil vere ein god og aktiv mottakskommune som ønskjer velkomen nye medborgarar som blir busett ut frå det auka behovet Stortinget har gjort vedtak om. Lindås kommune vil i 2015 ta imot inntil 11 ekstra flyktningar.

Behandling

Framlegg frå gruppeleiarane frå Krf, Ap, V, Sp og H:

Lindås kommune vil ta ansvaret for busetting av flyktningar.

i 4-års planen for busetting av flyktningar for perioden 2016-2019, vil kommunen auka busettinga av flyktningar, slik det går fram av brevet frå statsråden. I planen vil Lindås kommune vidareutvikle flyktningsarbeidet, gjerne i samarbeid med nabokommunane og i samsvar med introduksjonsprogrammet for flyktningar. Lindås kommune vil vere ein god og aktiv mottakskommune som ønskjer velkomen nye medborgarar som blir busett ut frå det auka behovet Stortinget har gjort vedtak om. Lindås kommune vil i 2015 ta imot inntil 11 ekstra flyktningar.

Framlegget vart vedteke mot 5 røyster (Frp)

Framlegg frå B.Vatnøy-Frp:

Lindås kommune aukar ikkje opp med fleire flyktningar i denne omgang. Dette grunna usikkerhet rundt bustader og arbeidsmarknad.

Framlegget fekk 5 røyster (alle Frp) og fall

Vedtak

Lindås kommune sluttar seg til at:

• arealramma for Region Nordhordland Helsehus vert auka til inntil 12000 m2. Regionen vil då få eit best mogeleg framtidsretta bygg når det står ferdig i 2018 og vera med å sikra nødvendig areal for framtidsretta tenester for innbyggjarane.

• selskapsavtalen §7-4 vert endra og at høgaste ramme for selskapet sitt samla låneopptak vert sett til 450 millionar kroner.

• selskapsavtalen §5-1 vert endra til «Styret består av 5 medlemmer» og § 5-4 til «Kvart styremedlem har ei røyst. Styret kan ta avgjerder når minst tre av medlemene er til stades».

Behandling

Styreleiar i Region Nordhordland Helsehus IKS, Håkon Matre, orienterte i saka.

Framlegg frå B.Vatnøy-Frp:

Lindås kommune ynskjer å halde på opprinneleg plan med 8 000 m2. Dersom det blir behov for auke av Helse Bergen sine areal, då blir tenkte leigetakarar som ikkje er helserelaterte ute.

- ramma blir på 300 mill.i total kost

- selskapsavtale 8.5-1 blir som innstilling

- som rådmannen sitt tredje punkt.

Framlegget fekk 6 røyster og fall.

Formannskapet sin innstilling vart vedteke mot 6 røyster FRP og I.Hindenes-Uavh.

Vedtak

1. Lindås kommune løyser inn tomt på 2,6 da som del av gbnr 108/55/1. Med kvadratmeterpris på 80 kr vert dette ein kostnad på 208.000 kr

2. Pengane vert å taka frå disposisjonsfondet.

Behandling

Innstillinga frå formannskapet vart samrøystes vedteke.

Vedtak

1. Lindås kommune gir si tilslutning til Strategisk næringsplan for Bergensregionen 2015-2020 inklusive tiltak for 2015-2016. Kommunen vil søka å innarbeida planelementa i eigne kommunale planer der relevant.

2. Lindås kommune anbefaler at følgende elementer legges til som tilleggsuttalelse til planutkastet:

1. Strategisk næringsplan for Bergensregionen (2015-2020) må sjåast i samanheng med interkommunal nærings- og samfunnsplan for Nordhordland (under arbeid)

2. Strategisk næringsplan for Bergensregionen (2015-2020) må sjåast i samanheng med eksisterande næringsplan for Lindås og Austrheim kommunar (2011-2020)

1. Lindås kommune vil følgje opp følgjande under videreføringa i eigen handlingsplan:

1. Organisasjonsmodell til kommunal næringsutvikling i Lindås kommune vert bestemd ila sommar/haust 2015, og evnt. implementert frå 31.12.2015. Type oppfølging frå Lindås kommune vert bestemd i dette tidsrommet.

Behandling

Rådmannen sitt framlegg vart samrøystes vedteke.

Vedtak

I medhald av plan- og bygningslova§12-12, vedtek kommunestyret områdeplan for Knarvik sentrum med følgjande endringar i plandokumenta:

• I føresegna §1.4. som gjeld omtalen av felt BAA, vert følgjande tekst teke ut: «K + 48, 4 etasjer».

• Tillegg til føresegna §4.17.1 vert lagt inn: «Det skal leggjast til rette for mellombels varelevering over o_ST1 i samsvar med § 4.7.1.»

• Pilane for avkøyrsle vert teke ut av plankartet for å få eit eintydig planmateriale. Som erstatning vert det lagt inn i føresegna, §2.4.1, at også avkøyrsle skal visast i utomhusplan. Vidare vert det lagt inn i føresegna om parkering § 1.8.1 at det kan leggjast til rette for avkøyrsle for ambulanse frå o_BOP1.

• Føresegna § 3.2.1. vert endra til følgjande: «Ramper langs E39 for tilkomst til parkeringsanlegg i vertikalnivå 1 må minimum vere «sikra» før det kan gjevast løyve til tiltak i felta BS1-BS6 og i felta BS9-BS12.»

• Tillegg vert lagt inn i føresegn §3.2.2. slik at den vert som følgjer: «Føresegna om rekkefølgje gjeld. Det kan gjevast løyve til tiltak for inntil 30 000 m2 nybygg før oval rundkøyring (inklusiv veg 4a og veg 6) er ferdigstilt.»

• I plankartet, vertikalnivå 1, vert arealet o_BOP1 og o_BOP2 endra til arealføremål parkering. Parkeringsarealet vert og utvida til grensa for naboeigedom i vest.

• I føresegna §1.8.3 vert følgjande setning lagt inn: «Der det teknisk let seg gjera, kan parkeringsanlegg koplast saman under veg, gaterom, m.m.

• Føresegn §4.5.4 vert endra til følgjande: «Ein etasje under bakkenivå (vertikalnivå 1) kan nyttast i samsvar med arealføremål for feltet i vertikalnivå 2.»

Behandling

I plan- og miljøutvalet 10.06.2015 var Ingrid Fjeldsbø (H) ugild i denne saka og deltok difor ikkje under handsaminga.

Bjarte Vatnøy er ugild i denne saka, Oddvar Øvreås møtte som vara i denne saka.

Framlegg Ø.Moldeklev-Frp:

Saka vert utsett og sendt tilbake til plan- og miljøutvalet for viare bearbeiding av økonomiske konsekvenser for utbygging av Knarvik.

Framlegget fekk 2 røyster og fall (Ø.Moldeklev-Frp og G.Husdal-Frp)

Innstillinga frå plan- og miljøutvalet vart vedteke mot 2 røyster (Ø.Moldeklev-Frp og G.Husdal-Frp).

Vedtak

1. Kommunestyret sluttar seg til anbefalingane som ligg i notatet om plangjennomføring

2. Kommunestyret ber rådmannen om å starte arbeidet med utbyggingsavtaler i området, og anskaffe ressursar med nødvendig kompetanse. I tillegg må det opprettast eit forhandlingsutval som skal følgje prosessane med utbyggingsavtalar. Kommunestyret ber rådmannen kome attende med ei politisk sak/prosjektmandat som gjeld for alle prosessar knytt til utbyggingsavtalar.

3. Kommunestyret ber rådmannen starte arbeidet med prosjektering av hovud- og fellesanlegg som er nødvendig for å starte utbygging i området.

4. Kommunestyret ber rådmannen omå gjennomføre ei utgreiing knytt til organisering, drift og finansiering av planlagt parkeringsanlegg.

5. Kostnadar med punkt 2, 3 og 4 i vedtaket blir i første omgang dekka av infrastrukturfondet. Andre budsjettmessige konsekvensar av plangjennomføringa blir innarbeidd i kommunen sin økonomiplan.   

Behandling

Bjarte Vatnøy og Ingrid Fjeldsbø var ugild og deltok ikkje i denne saka. Oddvar Øvreås møtte for Bjarte Vatnøy i saka.

Innstillinga frå formannskapet vart vedteke mot 1 røyst (Ø.Moldeklev-Frp)

Vedtak

I medhald av plan- og bygningslova § 12-14, godkjenner kommunestyret framlegg til mindre endring av reguleringsplan Knarvik Terrasse, plan-ID 1263-200203, på følgjande vilkår:

• Føresegner datert 27.05.2015 vert lagt til grunn.

• Plankart skal oppdaterast med BRA i staden for TU.

• Før planen vert kunngjort godkjend skal feilfritt plankart ligge føre i gjeldande SOSI-standard for kommunen.

Behandling

Innstillinga frå plan- og miløutvalet vart samrøystes vedteke.

Vedtak

1. Dei negative konsekvensane framstår som større enn dei positive virkningane. Lindås kommune ynskjer ikkje å støtte forslaget.

2.Lindås kommune ynskjer ikkje at det skal vera opp til den enkelte kommune å avgjera om butikkane skal ha søndagsope eller ikkje.

Behandling

Framlegg frå B.Vatnøy-Frp:

Lindås kommune støttar framlegget om endring i helligdagsloven.

Framlegget fekk 3 røyster og fall (Ø.Moldeklev-Frp, B.Vatnøy-Frp og H.Rydland-H)

Framlegg frå A. Hetlebakke-Krf:

Punkt 1 som innstillinga frå levekårsutvalet

Punkt 2 Lindås kommune ynskjer ikkje at det skal vera opp til den enkelte kommune å avgjera om butikkane skal ha søndagsope eller ikkje.

Punkt 2 vart samrøystes vedteke.

Innstillinga frå levekårsutvalet vart vedteke mot 3 røyster (Moldeklev-Frp, Vatnøy-Frp og H.Rydland-H)

Vedtak

1. Gjeldande bygdebok- og kulturminnefondet endrar namn til «Lindås kulturminnefond»

2. Kulturminnefondet skal ha eit tydeleg føremål knytt til kulturminner, der bygdebøker kan vere eitt av satsingsområda.

3. Kulturminnefondet skal vere eit verkemiddel for å realisere mål og tiltak i kulturminneplanen.

4. Kulturminnefondet vert eit søknadsfond med levekårsutvalet som fondsstyre. Renter og avkastning skal verta tilbakeført til fondet. I samband med dei årlege budsjettprosessane må ein vurdere å tilføre midlar til fondet.

5. Rådmannen får fullmakt til å søkja Stiftelsestilsynet om å få oppløyse Samlelegat for Lindås kommune. Midlane på kr 550.000 (+ avkastning 2015) skal tilførast kulturminnefondet.

6. Nye retningsliner for «Lindås kulturminnefond» vil kome som ei eiga sak i første levekårsutvalet etter sommaren 2015.

Behandling

Protokollen frå levekårsutvalet endrast fra Asle Hindenes til Asle Hetlebakke.

Innstillinga frå levekårsutvalet vart samrøystes vedteke.

Vedtak

Lindås kommunestyret godkjenner kommunedelplanfor skule 2914-18, i samsvar med plan og bygningslova § 11-15, jamfør § 11-4,med fylgjande endring:

Lindås kommune startar opp prosjekt med mål om å byggje ny, felles skule for Kløvheim og Eikanger. Rådmannen legg fram framlegg til prosjektmandat i løpet av første kvartal 2016.

Behandling

Tillegg til rådmannen sitt framlegg til vedtak:

Kommunedelplan for skule blir vedteke i samsvar med plan og bygningslova § 11-15, jamfør § 11-4.

Innstillinga frå formannskapet med henvisning til pbl vart samrøystes vedteke.

Vedtak

Saka med orientering vert utsett til neste kommunetyremøte.

Behandling

Framlegg om at saka med orientering vert utsett til neste kommunetyremøte.

Framlegget vart samrøystes vedteke.

Vedtak

FISKESET blir vedteken som offisiell gardsnamform.

Vegadresse vert endra frå Fisksetvegen til FISKESET

Behandling

Innstillinga frå plan- og miljøutvalet vart samrøystes vedteke.

Vedtak

Kommunestyret vedtar kommunikasjonsstrategi 2015 – 2018, med tiltaksdel for 2015-2016.

Behandling

Rett tittel til 2015 - 2018.

Innstillinga frå formannskapet vart samrøystes vedteke.

Vedtak

1. Tilleggsavtale nr 1 til avtale 4600003214 mellom Statoil og Lindås kommune av år 2000 vedr industrivassforsyninga på Mongstad, vert godkjent.

2. Tilleggsavtale nr 1 mellom Statoil Petroleum AS og Lindås kommune knytta til drikkevassforsyning til Statoil Petroleums baseverksemd på Mongstad, vert godkjent.

Behandling

Innstillinga frå formannskapet vart samrøystes vedteke.

Vedtak

1. Lindås kommune vedtar at Bergen og Omland hamnevesen (BOH) blir oppløyst

2. Lindås kommune ønskjer ikkje å vidareføre si hamneverksemd i Bergen Hamn IKS (BH IKS)

3. Lindås kommune vil gjere krav på proveny ved oppløysing av BOH, og vil gjennomføre ein eigen oppgjersprosess knytt til dette.

Behandling

Ass.rådmann Hogne Haugsdal orienterte til saka.

Rådmannen sitt framlegg vart samrøystes vedteke.

Vedtak

1. Kommunestyret godkjenner at kommunane Lindås og Fjell går saman om å skipa selskapet Fjordhamn Vest IKS slik saksførelegget gjer greie for.

2. Kommunestyret legg til grunn at selskapet vert skipa i medhald av Lov om interkommunale selskaper av 29.januar 1999 og godkjenner selskapsavtalen/ vedtektene slik dei no ligg føre.

3. Kommunestyret godkjenner at Fjordhamn Vest IKS får høve til å ta opp lån innanfor ei øvre ramme på 50 mill.kroner. Kommunestyret er budd til å gje garanti for låneopptaka i samsvar med selskapsavtalen. Det er ein føresetnad for låneopptak at rente- og avdragskostnader vert dekka innanfor årsbudsjettet.

4. Kommunestyret stiller ein selskapskapital på kr 1 mill. kroner til rådvelde for det nye selskapet.

5. Kommunestyret er open for at andre kommunar kan verta med i det nye selskapet.

Behandling

Rådmannen sitt framlegg vart samrøystes vedteke.

Vedtak

1. Kommunestyret tek økonomirapport pr. 1. kvartal 2015 til orientering.

1. Det vert føreteke budsjettjusteringar for 2015 slik det går fram av tabell 1 (sentrale postar).

1. Det vert føreteke budsjettjusteringar for 2015 slik det går fram av tabell 2 (tenesteområda).

1. Rådmannen får fullmakt til å gjera endringar i interne disponeringar for 2015 slik som skissert i kapittel 2.8, disposisjonsfond.

1. Rådmannen får fullmakt til å gjera tekniske justeringar mellom tenesteområda for 2015 slik som skissert i kapittel 3.7.

2. Vedrørande Knarvikmila og søknad om dekning av utgifter til ferdiggjering av veg justerast til sum søknad kr. 135 920,- Midlane vert å taka frå disposisjonsfondet.

Behandling

Innstillinga frå formannskapet vart samrøystes vedteke.

Vedtak

Kommunestyret tar orienteringa om økonomiplanarbeidet til orientering.

Behandling

Innstillinga frå formannskapet vart samrøystes vedteke.

Vedtak

Strategisk kompetanseplan for Lindås kommune vert tatt til orientering.

Behandling

Innstillinga frå formannskapet vart samrøystes vedteke.

Vedtak

Kommunestyret tek evalueringa av «Politisk styringsstruktur og reglement for Lindås kommune» til etterretning. Evalueringa vert stilt til rådvelde for nytt kommunestyret etter valet hausten 2015.

Behandling

Innstillinga frå formannskapet vert samrøystes vedteke.

Vedtak

Utkast til «Politisk styringsstruktur og reglement», med dei endringar som er gjort greie for i saka, vert gjort gjeldande for Lindås kommune.

Behandling

Innstillinga frå formannskapet vart samrøystes vedteke.

Vedtak

Meldinga vert teke til orientering.

Behandling

Rådmann Ørjan Raknes Forthun orienterte om kommunereforma

Rådmannen sitt framlegg vart samrøystes vedteke.

Det var tre interpellasjoner til møtet

1. Lindås Arbeidarparti v/ Ståle Juvik Hauge

2. Høgre v/ May-Eva Sandvik

3. Lindås Arbeidarparti v/ Nina Bognøy