Čoahkkin Kommunestyret 16.06.2016

Vedtak

Meldinga vert teke til orientering.

Behandling

Innstillinga frå kontrollutvalet vart samrøystes vedteke.

Vedtak

Alkoholpolitisk plan 2016 – 2020 for Lindås kommune blir vedteken.

Behandling

Formannskapet si innstilling vart samrøystes vedteke.

Vedtak

I medhald av plan- og bygningslova § 12-12, godkjenner kommunestyret reguleringsplan for Bergåsstranda naustområde, plan-id 1263-201403, med følgjande tillegg:

1. Føresegner datert 24.05.2016 og plankart datert 24.05.2016 vert lagt til grunn.

2. Før planen vert kunngjort godkjent, skal plankart ligge føre med gjeldande SOSI-standard for Lindås kommune.

Behandling

Innstillinga frå plan- og miljøutvalet vart samrøystes vedteke.

Vedtak

I medhald av plan- og bygningslova § 12-12, godkjenner kommunestyret reguleringsplan for Keilen småbåthamn, gbnr 125/44, med følgjande tillegg:

1. Reviderte føresegner, datert 16.12.2015 og revidert plankart datert 13.11.2015 vert lagt til grunn.

2. Før planen vert kunngjort godkjent, skal plankart føreliggje med gjeldande SOSI-standard for Lindås kommune.

3. $ 4.3.3 vert fjerna frå føresegner.

Behandling

Innstillinga frå plan- og miljøutvalet vart samrøystes vedteke.

Vedtak

I medhald av plan-og bygningslova § 12-12, godkjenner kommunestyret reguleringsplan for Fv.404 Kvamme –Fossevatnet med PlanID 1263-201112 på følgande vilkår:

Behandling

Sveinung Toft-V var ugild som tidlegare sakshandsamar i saka, og deltok difor ikkje i handsaming av denne saka.

Orientering til saka v/plansjef Arnold Matre:

Innstillinga frå Plan- og miljøutvalet vart samrøystes vedteke.

Vedtak

Kommunestyret godkjenner reguleringsplan for Nilshøyen bustadfelt i medhald av plan- og bygningslova sin § 12-12 på følgjande vilkår.

1. Kotehøgda på plankartet skal endrast til 21 moh på tomt 11

2. Arealføremålsgrensa for BF6 vert endra 2 meter inn på f_VS2.

3. Plankart dagsett 13.04.2012 og føresegner dagsett 04.01.2013vert lagt til grunn.

Før planen vert kunngjort godkjent skal føresegner og plankart vera oppdatert i samsvar med vedtaket. Feilfritt plankart skal liggja føre i gjeldande SOSI-standard for Lindås kommune.

Behandling

Sveinung Toft-V var ugild som tidlegare som sakshandsamar i saka, og deltok difor ikkje i handsaming av denne saka.

Innstillinga frå Plan- og miljøutvalet vart samrøystes vedteke.

Vedtak

Rådmannen inngår avtale om makebyte med Lindås tomteselskap for å erverve tomt til ny Knarvik barneskule.

Behandling

Leidulv Brunborg-Ap var ugild, som styremedlem i Lindås Tomteselskap AS, deltok difor ikkje i handsaming av denne saka.

Innstillinga frå Formannskapet vart samrøystes vedteke.

Vedtak

1). Lindås kommune held fram samarbeidet med Bjørn West-museet.

2). Lindås kommune støttar Bjørn West-museet med kr. 20.000 i 2016. Kr. 15.000 av dette tilskotet vert henta frå disposisjonsfondet.

3). Lindås kommune støttar Bjørn West-museet med kr. 20.000 per år i perioden 2017-2020. Dette blir tatt med i arbeidet med økonomiplan for 2017-2020.

Behandling

Sveinung Toft-V var ugild og deltok difor ikkje under handsaming i denne saka.

Innstillinga frå Formannskapet vart samrøystes vedteke.

Vedtak

Lindås kommune sender uttale til Hordaland Fylkeskommune sin skulebruksplan som er på høyring. Kommunestyret gir i sitt høyringssvar uttale på kva for moment som må takast omsyn til i høve til vidaregåande opplæring i Nordhordland. Politisk nivå i Lindås kommune har handsama HFK sitt framlegg til rullert Skulebruksplan i Levekårsutvalet og i Kommunestyret, og ønskjer å kome med følgjande innspel:

1. Kommunestyret i Lindås vil peike på at det er eit stort behov for å samlokalisere Knarvik vidaregåande skule, og ber om at framdrifta med omsyn til dette blir framskunda.

2. Kommunestyret i Lindås erfarer at det har vore godt samarbeid med næringslivet i distriktet med omsyn til samarbeid om lærlingeplassar. Det vil vere feil å byggje ned tal studieplasssar i Nordhordland distrikt så lenge vi har høve til å tilby læreplassar her. Viser til at region Nordhordland har aukande elevtal i planperioden.Det er viktig at begge nærskulane i Nordhordland vært videreutvikla.

3. Kommunestyret i Lindås er overraska over at HFK vurderer å byggje ned studietilbodet i regionen, og vil argumentere sterkt for at HFK i staden vurderer å etablere fleire studietilbod i regionen. Studietilbodet Service og samferdsel ved Knarvik vgs bør oppretthaldast, og i tillegg er det eit stort ønskje om å få tilbakeført faget Kunst, design og arkitektur samt idrettsfag som studietilbod i regionen. Det er stort idrettsengasjement i regionen, med aktive idrettslag og Knarvikmila, for å nemne eit par interessentar. Med idrettsanlegga i regionen vil det vere mogleg å samarbeide med HFK om det å byggje opp eit studietilbod innafor Idrettsfag. Regionen har også behov for studietilbod retta mot Medier og kommunikasjon, Musikk, dans, drama , Vaksenopplæring og Innføringsklasser.

4. Kommunestyret i Lindås støttar HFK sine framlegg til kriterier om reisetid, og vurderer det som positivt at HFK ønskjer å leggje til rette for at elevar på Vg1 bør kunne bu heime samt ikkje ha meir enn 1 time reiseveg frå bustaden til skulen.

5. Kommunestyret i Lindås har forståing for at ein må koordinere tilbod og etterspørsel også innafor vidaregåande opplæring samt at det er kostbart å drive skular med ledige elevplassar. Vi kan likevel ikkje akseptere at studieplassar i distrikta blir avvikla grunna ledig kapasitet i sentrale strøk.

6. Kommunestyret i Lindås vil spele inn at frå hausten 2017 vil elevar i vidaregåande skule ha rett til å gå på nærskulen sin. Det vil i denne samanheng vere feil å avvikle nærskulen i Austrheim, då dette bryt med HFK sine eigne kriterier for reisetid. For dei elevane med lengst reiseveg til skulen, kan ei avvikling av Austrheim vgs føre til at dei får reisetid langt over 1 time kvar veg med buss eller i realiteten må busetje seg på hybel. Dette blir eit klart brot på HFK sin intensjon med omsyn til kriterier for reisetid. Opprusting/utbygging av Austrheim vidaregåande skule må vurderast snarast. Dersom det er aktuelt å byggje ny skule på Austrheim, bør det vurderast anna geografisk plassering nærare Mongstad/Fonnes.

Behandling

Fellesframlegg:

Innstillinga frå Formannskapet med følgjande endring og tillegg:

Lindås kommune sender uttale til Hordaland Fylkeskommune sin skulebruksplan som er på høyring. Kommunestyret gir i sitt høyringssvar uttale på kva for moment som må takast omsyn til i høve til vidaregåande opplæring i Nordhordland. Politisk nivå i Lindås kommune har handsama HFK sitt framlegg til rullert Skulebruksplan i Levekårsutvalet og i Kommunestyret, og ønskjer å kome med følgjande innspel:

1. Kommunestyret i Lindås vil peike på at det er eit stort behov for å samlokalisere Knarvik vidaregåande skule, og ber om at framdrifta med omsyn til dette blir framskunda.

2. Kommunestyret i Lindås erfarer at det har vore godt samarbeid med næringslivet i distriktet med omsyn til samarbeid om lærlingeplassar. Det vil vere feil å byggje ned tal studieplasssar i Nordhordland distrikt så lenge vi har høve til å tilby læreplassar her. Viser til at region Nordhordland har aukande elevtal i planperioden.Det er viktig at begge nærskulane i Nordhordland vært videreutvikla.

3. Kommunestyret i Lindås er overraska over at HFK vurderer å byggje ned studietilbodet i regionen, og vil argumentere sterkt for at HFK i staden vurderer å etablere fleire studietilbod i regionen. Studietilbodet Service og samferdsel ved Knarvik vgs bør oppretthaldast, og i tillegg er det eit stort ønskje om å få tilbakeført faget Kunst, design og arkitektur samt idrettsfag som studietilbod i regionen. Det er stort idrettsengasjement i regionen, med aktive idrettslag og Knarvikmila, for å nemne eit par interessentar. Med idrettsanlegga i regionen vil det vere mogleg å samarbeide med HFK om det å byggje opp eit studietilbod innafor Idrettsfag. Regionen har også behov for studietilbod retta mot Medier og kommunikasjon, Musikk, dans, drama , Vaksenopplæring og Innføringsklasser.

4. Kommunestyret i Lindås støttar HFK sine framlegg til kriterier om reisetid, og vurderer det som positivt at HFK ønskjer å leggje til rette for at elevar på Vg1 bør kunne bu heime samt ikkje ha meir enn 1 time reiseveg frå bustaden til skulen.

5. Kommunestyret i Lindås har forståing for at ein må koordinere tilbod og etterspørsel også innafor vidaregåande opplæring samt at det er kostbart å drive skular med ledige elevplassar. Vi kan likevel ikkje akseptere at studieplassar i distrikta blir avvikla grunna ledig kapasitet i sentrale strøk.

6. Kommunestyret i Lindås vil spele inn at frå hausten 2017 vil elevar i vidaregåande skule ha rett til å gå på nærskulen sin. Det vil i denne samanheng vere feil å avvikle nærskulen i Austrheim, då dette bryt med HFK sine eigne kriterier for reisetid. For dei elevane med lengst reiseveg til skulen, kan ei avvikling av Austrheim vgs føre til at dei får reisetid langt over 1 time kvar veg med buss eller i realiteten må busetje seg på hybel. Dette blir eit klart brot på HFK sin intensjon med omsyn til kriterier for reisetid. Opprusting/utbygging av Austrheim vidaregåande skule må vurderast snarast. Dersom det er aktuelt å byggje ny skule på Austrheim, bør det vurderast anna geografisk plassering nærare Mongstad/Fonnes.

Framlegget vart samrøystes vedteke.

Vedtak

• Lindås kommune støttar innhaldet i brevet til Regionrådet som vart sendt 13.mai som innspel til NTP 2018-2029 (sjå vedlagt brev frå Regionråde i Nordhordland)

• Ein vil presisera kor viktig det er for både Lindås kommune og heile Nordhordland at prosjektet E-39 Bergen Nord - Klauvaneset, Nordhordlandstunnelen vert teke inn i NTP for 2018.2029, og vert prioritert for oppstart i første fireårsperiode.

• Vidare vil ein undersytreka at prosjektet E 39 Eikefet-Romarheim bru også må koma inn i NTP, med oppstart i første fireårsperiode, og at denne strekninga har ferdig godkjent reguleringsplan.

• E-39 framtidsretta løysing for Knarvik sentrum må prioriterast inn i NTP. Løysinga bør innehalda tunnel frå Knarvik til Isdal som E-39 må gå i. Knarvik er regionsenteret i Nordhordland.

• Lindås kommune bed om at FV 57 frå Knarvik til Mongstad /Leirvåg kai vert omklassifisert til riksveg.

• E 39 strekning Sauvågen-Eikanger bru vert teke inn som eige prosjekt i NTP som trafikksikringstiltak.

Behandling

Framlegg frå S.Hauge-Ap:

Endring til Formannskapet si innstilling:

Endring i strekpunkt 4: Knarvik er regionsenteret i Nordhordland.

Framlegget vart samrøystes vedteke.

Vedtak

1. Kommunestyret tek økonomirapport pr. 1. kvartal 2016 til orientering.

2. Det vert føreteke budsjettjusteringar for 2016 slik det går fram av tabell 1 (sentrale postar).

3. Det vert føreteke budsjettjusteringar for 2016 slik det går fram av tabell 2 (tenesteområda).

4. Rådmannen får fullmakt til å gjera endringar i interne disponeringar for 2016 slik som skissert i kapittel 2.3

5. Rådmannen får fullmakt til å gjere tekniske justeringar slik det går fram av punkt 3.7

6. Det vert føreteke budsjettjusteringar på investeringsprosjekta for 2016 slik det går fram av investeringsoversikt som synar mindre/ meirforbruk. Finansieringa av investeringane vert endra slik det går fram av oversynet jamfør punkt 6.1.

7. Mva refusjon på investeringar vedrørande Lindås kyrkjeleg fellesråd for 2016 skal no ikkje refunderast til Lindås kommune, men behaldast av Lindås kyrkjeleg fellesråd.

Behandling

Innstillinga frå Formannskapet vart samrøystes vedteke.

Vedtak

1. Investeringsbudsjettet for 2017 blir vedteke i samsvar med oppsettet i eigen tabell. Rådmannen skal justere investeringsbudsjettet for 2017 i samsvar med forventa framdrift på prosjekta som pågår i 2016 når budsjettvedtaket for 2017 fattast av kommunestyret i desember 2016.

2. Økonomiplan for 2017-2020 og rammer for 2017 vert vedteke, jfr eigen tabell. Det endelege budsjettvedtaket for 2017 med korrekt ramme for ordinært rammetilskot og rammer for tenesteområda inkludert lønns – og prisstigning vert vedteken av kommunestyret i desember 2016.

3. Kommunestyret ber rådmannen utarbeide ein forstudie vedr. bygging av ny Kolås barnehage på Lindås. Forstudien skal primært avklare størrelse på ny barnehage og val av tomt. Forstudien bør også innehalde ei grov økonomisk vurdering av netto verknad av investeringa i driftsbudsjettet. Forstudien vert gjennomført hausten 2016. Det vert sett av kr. 500 000,- til forstudien. Dette vert finansiert frå disposisjonsfond.

4. Kommunestyret vedtek å legge inn ein oppstartsløyving knytt til ny barnehage på Lindås på 30 mnok i 2020.

5. Eikanger/Kløveheim skule, endring oppstart 20 mill.i 2019

Behandling

Framlegg frå FRP v/ Bjarte Vatnøy:

Rådmannen sitt framlegg med følgjande endring:

Endring investeringar

• Eikanger skule flytta til 2019

• Auking veg til 20 mill.årleg

• Knarvik barneskule med feirbrukshall 50 mill i 2020

• Ostereidet Idrettspark 10 mill.

Framlegget fekk 5 røyster og fall (Frp)

Framlegg frå Karl Vågstøl-H:

Rådmannen sitt framlegg med følgjande endring: Endring investeringar:

1. Ny skule Eikanger / Kløvheim, kr. 25 mill. flyttes fra 2020 til 2019.

2. Sum veg aukast til kr. 20 mill. pr. år.

3. Rehabilitering Ostereidet Idrettspark kr. 10 mill i 2019.

4. Fleirbrukshall i samband med ny Knarvik barneskule må vurderast når meir nøyaktige kostander ved dette prosjektet ligg føre.

5. Kommmunestyret ber rådmannen utarbeida eit forslag til plan som sikrar at kommunen betrar sin kapasitet på symjebasseng og ikkje svekker den når noverande Alversund barneskule vert erstatta av ny skule.

Framlegget fekk 3 røyster og fall (H)

Innstillinga frå Formannskapet vart vedteke med 22 røyster (Ap, Krf, Sp, V, MDG, Sv)

Vedtak

Kommunekomiteen i Lindås:

Leiar - Ordførar Astrid Aarhus Byrknes

Stig Krossøy Nordvik – Røde Kors Nordhordland

Per Ole Ekker - Frivillegsentralen

Behandling

Rådmannen sitt framlegg vart samrøystes vedteke.

Vedtak

Rebecca Fjeldsbø får eitt års permisjon frå verv som medlem i Lindås kontrollutval fom 01.06.2016.

Nytt medlem i kontrollutvalet i denne perioden vert Hege Kristine Mjelde

1. varamedlem – Kåre Mestad

2. varamedlem Sissel Bjørke

3. varamedlem Halvard Rydland

4. varamedlem Steinar Sneås Skauge

Behandling

Innstillinga frå valnemnda vart samrøystes vedteke.

Vedtak

Nord- og Midthordland jordskifterett 30 medlemmer. 15 kvinner og 15 menn

Nordhordland tingrett 50 medlemmer. 25 kvinner og 25 menn

Gulating Lagmannsrett 24 medlemmer. 12 kvinner og 12 menn

Skjønnsmedlemmer 10. Framlegget bør inneholde 20% fleir - 12 medlemmer

Forliksrådet

Behandling

Det vart røysta over meddommar-utvala kvar for seg:

Medlemmer til Nord- og Midthordland jordskifterett:

Samrøystes vedteke.

Medlemmer til Nordhordland tingrett:

Samrøystes vedteke.

Medlemmer til Lagmannsretten: Merknad: 24 medlemmer, 12 kvinner og 12 menn (feil i oppsett).

Framlegget med merknad vart samrøystes vedteke.

Skjønsmedlemmer:

Samrøystes vedteke.

Forliksrådet:

Samrøystes vedteke.

Vedtak

Meldinga er teke til orientering.

Interpellasjon frå Bjarte Vatnøy-FRP:

Etter kurs dagen i BRB den 5 April, der mange fra politisk og administrasjon deltok lærte vi at dette med utbyggingsavtaler er et relativt nytt verktøy, som det finner stor variasjon i bruk og størrelse. Det er i dag ingen klar mal å bruke.

Dette har ført til uønsket stopp av mange utbyggingar,  og etablering av nye arbeidsplassar. Og samtidig trenger vi gode planer, om samfunnet skal utviklast.
Det er viktig at vi har forståelse for at målet med planarbeidet ikkje er sjølve reguleringsplanen, men å bygge og skape utvikling.

Lindås kommune lider i dag av at man har flyttet mye av ansvaret for viktig samfunnsutbygging over på utviklingsprosjekt og utbygger. Dette blir ofte dobbelt feil, og resultatet mange stader er at det blir verken bygget sosial infrastruktur eller utvikling.

Det blir vedtatt dyre løysningar som sparkar bein under gjennomføring av planen. Det som skjer er at kostnadene blir så høge at det er konkurransevridane, og man bygger ut i andre kommunar.
Me såg døme på 2 identiske prosjekt i våre nabo kommunar, der reguleringsplanen gjorde slik at Kontor, butikk og bustader +- 10% dyrare avhengig i kor man valte å bygge. Me kan vel sjø litt det same mellom Lindås og Meland kommune.

Lindås kommune har vedtatt sin ambisjon om å være en attraktiv kommune å investere i, skape arbeidsplassar i og busette seg i.

Alle på kurset snakket om viktigheit av kommunanes dialog og konstruktiv dialog med næringslivet og utbyggar.

Mange av våre planer er sterke faglig, og plan og miljø utvalet har innstilt og kommunestyre vedtar innstillinga.

Men vi ser at desse planane som kan løyse fleire viktige samfunns utfordringar stopper opp. Kostnadane vi ligg i planane er ikkje realiserbare i utbyggingsavtaler. Tilbakemeldingar frå næringslivet og våre innbyggarar er at Lindås ofte blir oppfatta som ein litt vanskelig kommune å etablere seg i, for næring og potensielle skattebetalarar.

Har Lindås kommune vurdert å revidert sine politisk vedtatte retningslinjer av 11.06.2011, som Rådmannen skal følgje i utbyggingsavtaler.

Her står mellom anna ” Tiltak som utbyggjar kostar skal stå i eit rimeleg forhold til utbygginga sin art og omfang og kommunale bidrag til gjennomføring, jfr pbl § 64b, 3.ledd 2. og 3. pkt. (jfr. Retningslinene pkt.8 nedanfor).”

For mange utbyggarar føler dei nok at dette punktet ikkje bli møtt på god nok måte. Man føler at det er siste boliger inn i eit område, eller på ein vei som sitter igjen med regninga. Der kommunen kanskje tidligare ikkje har nytta denne typen avtale, blir dei som nå prøver å oppfylle intensjonen med ”Liv i alle bygder” tatt imot med ein stor ekstra kostnad, som sikrar at ingen ting skjer.

Det er nettopp dette punktet mange har tatt kontakt med meg, og ber oss politisk sjå nærare på. Derfor spør Lindås FrP Ordføraren om fyljande.

SPØRSMÅL:

1. Ordførar er du einig i at det er et mål for Lindås kommune å være attraktiv å etablerte seg i for næringsliv, utbyggar og tilflyttende skattebetalarar  ?

2. Er Ordførar einig i at fleire viktige planer har stoppet opp i Lindås, grunna av høye krav med høg økonomisk belastning i plan eller utbyggingsavtaler ?

3. Er Ordføraren einig i og vil ta initiativ til at snarast blir satt ned et politiske ad hoc utval fra Formannskapet som har det overordna ansvar for samfunnsutvikling og næringslivet ,med administrasjon som sekretær.

Med forslag til mandat:

* Å identifisere de planer og utbyggingar som har stoppet opp på bakgrunn av for store eller dyre krav.

* I dialog med utbyggar skal ein finna forslag til endringar i vedtatt planer og avtaler som må gjerast for å realisere desse planane i større grad.

* Sikre viktig samfunnsutvikling.

* Sikre meir like vilkår når ein skal byggja i Lindås.

* Utvalet skal rapportera tilbake til politiske organ, der dei formelle prosessane må gjennomførast for å sikre utvikling i kommunen.

* Det skal vurdere om det må gjerast naudsynte endringar i retningslinjer for utbyggingsavtaler i Lindås kommune, og i andre vedtatt politiske retningslinjer som kan ha betyding for plansaker og utbyggingsavtaler.

Svar frå ordførar:

Innleiing:

Det er plan- og bygningslova som set rammer for all kommunal arealplanlegging, og i lova er det sett krav til korleis planlegginga skal gjennomførast. Krava i ein arealplan blir i stor grad lagt inn i dei juridisk bindande føresegnene. Som planmynde skal kommunen i planprosessar ta omsyn til alle samfunnsinteresser og fremje berekraftig utvikling til det beste for den enkelte, samfunnet og framtidige generasjonar. Kommunen har også eit ansvar for å sikre medverknad for alle berørte interesser og styresmakter. Kommunen sitt ansvar er å sikre ei heilskapleg utbygging, og i dei fleste utbyggingsområder er det krav om at grunnleggjande infrastruktur må på plass før ein kan starte vidare utbygging av eit område. Desse rekkjefølgjekrava er tydeleg beskrive i plan- og bygningslova. Målet med rekkjefølgjekrav er å sikre ei fornuftig rekkjefølgje på opparbeiding av infrastruktur, og i mange tilfelle er dette tiltak som sikrar liv og helse, til dømes trafikktryggleik. Nokre av rekkjefølgjekrava er absolutte og heilt avgjerande for at ein plan i det heile skal bli vedtatt. Men det finns også eit politisk handlingsrom knytt kva krav ein kan setje i planen, og dette vil ofte handle om kor mykje ein ønskjer å styre utviklinga og kvalitetane i eit utbyggingsområde. Det er også mulig å gå inn med ein større kommunal økonomisk andel for å sikre gjennomføring og oppfylling av rekkjefølgjekrav, men dette vil vere ei politisk prioritering i dei ulike utbyggingsprosjekta. Diskusjon rundt rekkefølgjekrav og føresegner er ein del av sjølve planprosessen.

Gjennomføring av ein arealplan og utbygging av eit område er eit spleiselag mellom det offentlege og det private. For å sikre ei utbygging etter intensjonane i planane, er det mulig å utabeide ein utbyggingsavtale mellom kommunen og grunneigar/utbyggar. Dette blei lovfesta i 2006. Utbyggingsavtale er offentleg og heimla i plan- og bygningslova §17-2. Utbyggingsavtalen skal mellom anna beskrive kven som har ansvar for ulike tiltak og fordeling av kostnadar. Tiltak skal stå i rimelig forhold til utbygginga si art, omfang og kommunens bidrag. Sosial infrastruktur er ikkje lov å ha med i ein utbyggingsavtale. Utbyggingsavtalar er frivillige, men alternativet er ofte at utbyggjar må vente. Utbyggingsavtalane er eit verktøy for å oppfylle dei rekkjefølgjekrava som blei lagt inn i planprosessen.

I samband med utbygginga i Knarvik sentrum er det sett i verk eit arbeid med å sjå på dei overordna prinsippa for utbyggingsavtalar i Lindås kommune. Dette vil bli lagt fram som politisk sak over sommaren.

1. Ordførar er du einig i at det er et mål for Lindås kommune å være attraktiv å etablerte seg i for næringsliv, utbyggar og tilflyttende skattebetalarar  ?

Svar: Det har vore brei politisk semje i mange år om at Lindås kommune skal vere ein attraktiv kommune for næringsliv og busetting. Dette har kome tydeleg fram i overordna planverk og i konkrete strategiske satsingar. Mellom anna har kommunen hatt eit særleg fokus på å vidareutvikle Mongstad, i tillegg til å sikre tilstrekkelig næringsareal i sentrale delar av kommunen. Lindås har også gjennom ulike utviklingsnettverk og diverse samarbeid (regional og nasjonale) vore synleg og tydeleg på framheve dei kvalitetane som ligg i Lindås. I arbeidet med planstrategi og kommuneplan dei neste åra er det mulig å spisse desse målsettingane enno meir, i tillegg til å tydeliggjere kva rolle kommunen sjølv skal ha i utviklingsarbeidet.

2. Er Ordførar einig i at fleire viktige planer har stoppet opp i Lindås, grunna av høye krav med høg økonomisk belastning i plan eller utbyggingsavtaler ?
Svar: Det er mange faktorar som spelar inn for å sikre realisering av planar. Økonomisk belastning for utbyggar eller for kommunen kan vere ein faktor. Men overordna politiske prosessar, som kommunen ikkje har hand om, kan også spele inn. I mange tilfelle kan det vere krav om vegutbygging eller trafikksikringstiltak som krev fylkeskommunal eller nasjonal finansiering. Før dette er prioritert, vil det vere vanskelig å gjennomføre ein plan. Ein ser også at mange utbyggingsområder ikkje er modne, det vil seie at det ikkje er lagt til rette for noko infrastruktur, verken i sjølve utbyggingsområdet eller i områda rundt. I tillegg kan det vere liten etterspurnad i marknaden. Kva for planar som har stoppa opp i Lindås kjem ikkje tydeleg fram i spørsmålet til interpellanten. Som ordførar er eg sjølvsagt opptatt av at Lindås kommune har planar som er mulig å gjennomføre, og då må vi heile tida vurdere kva som skal til for å realisere dei.

3. Er Ordføraren einig i og vil ta initiativ til at snarast blir satt ned et politiske arbeidsgruppe fra Formannskapet som har det overordna ansvar for samfunnsutvikling og næringslivet ,med administrasjon som sekretær.

Forslag til mandat:

* Det skal vurdere om det må gjerast naudsynte endringar i retningslinjer for utbyggingsavtaler i Lindås kommune, og i andre vedtatt politiske retningslinjer som kan ha betyding for plansaker og utbyggingsavtaler. Dette for å sikre likskapsprinsippet og forutsigbarhet for utbyggere.

* Identifisere de planer og utbyggingar som har stoppet opp på bakgrunn av for store eller dyre krav.

* I dialog med utbyggar skal ein finna forslag til endringar i vedtatt planer og avtaler som må gjerast for å realisere desse planane i større grad.

* Sikre viktig samfunnsutvikling.

* Sikre meir like vilkår når ein skal byggja i Lindås.

* Utvalet skal rapportera tilbake til politiske organ, der dei formelle prosessane må gjennomførast for å sikre utvikling i kommunen.

* Det skal vurdere om det må gjerast naudsynte endringar i retningslinjer for utbyggingsavtaler i Lindås kommune, og i andre vedtatt politiske retningslinjer som kan ha betyding for plansaker og utbyggingsavtaler.

Svar: Lindås kommune blir styrt etter formannskapsmodellen og det er formannskapet som i dag har det overordna ansvaret for samfunns- og næringsutvikling. Det pågår to prosessar som skal seie noko korleis kommunen skal organisere det politiske arbeidet og det generelle utviklingsarbeidet i åra framover. I arbeidet med politisk styringsstruktur held ein på med ei vurdering knytt til dei politiske utvala. Om kommunen har behov for eit politisk ad hoc utval for samfunns- og næringsutvikling vil høyre heime i den diskusjonen. I tillegg er kommunen i gang med å revidere kommuneplanen sin samfunnsdel, og i denne planen kan ein vedta overordna prinsipp for planar og utbygging i kommunen. Om det er særlege utfordringar som gjeld Lindås kommune knytt til dette området, er det viktig å spele dette inn i det overordna planarbeidet med kommuneplanen.

Behandling

Orientering om statuttar for Nordhordland kompetanseregion (NKR) 2016-2010 v/rådgjevar Oddfrid Hole

Orientering om hamneorganisering v/ass.rådmann Hogne Haugsdal

Rådmannen sitt framlegg vart samrøystes vedteke.