Čoahkkin Plan- og miljøutvalet 19.05.2015

Vedtak

Ingen merknader.

Behandling

Ingen merknader.

Samrøystes.

Vedtak

Møteprotokollen frå møte 29.04.2015 er vedteke.

Behandling

Møteprotokollen frå møte 29.04.2015 vert samrøystes vedteke.

Vedtak

Plan- og miljøutvalet har vært på synfaring på staden. Etter orienteringar på staden, gjennomgang av saksframstilling og øvrige dokumenter i saka finn Plan- og miljøutvalet grunn til å gje klagar medhald.

Plan- og miljøutvalet gjev klagar medhald.

Behandling

Utvalet var på synfaring før møtet tok til.

Ståle Juvik Hauge-H stilte spørsmål om han var ugild i handsaming av denne saka, men utvalet konkluderte med at han ikkje var ugild.

Fellesframlegg:

Plan- og miljøutvalet har vært på synfaring på staden. Etter orienteringar på staden, gjennomgang av saksframstilling og øvrige dokumenter i saka finn Plan- og miljøutvalet grunn til å gje klagar medhald.

Plan- og miljøutvalet gjev klagar medhald.

Fellesframlegget vart samrøystes vedteke.

Vedtak

Plan- og miljøutvalet vil på synfaring før neste møte i PMU, der dei som har fått nabovarsel også får melding om synfaringa.

Behandling

Kåre Romarheim-Krf var ugild i handsaming av denne saka grunna eigarinteresser i tomten. Sæbjørg Hageberg Kjeka-Krf gjekk inn for han.

Framlegg frå Alf Angelskår-Krf:

Plan- og miljøutvalet vil på synfaring før neste møte i PMU, der dei som har fått nabovarsel også får melding om synfaringa.

Framlegget frå Alf Angelskår-Krf vart vedteke med 6 røyster (Kjetil Melvær-Frp, Halvard Rydland-H, Ingrid Fjeldsbø-H, Jan Erik Hope-H, Sæbjørg H. Kjeka-Krf, Alf Angelskår-Krf).

Vedtak

Søknad om reduksjon av gebyr vert avslått med heimel i gebyrregulativet § A.4.

Behandling

Rådmannen sitt framlegg vart samrøystes vedteke.

Vedtak

Klagen avvises som for sent innkommet, jf. forvaltningsloven § 33 annet ledd, tredje punktum.

Behandling

Framlegg frå Halvard Rydland-H:

Klagen er for seint innkomen, men med bakgrunn i at vanleg praksis med informasjon til partane ifm byggeforbodet i Knarvik sentrum ikkje er fulgt i denne saka, vil Plan- og miljøutvalet realitetsvurdere og behandle klagen i neste plan- og miljøutvalsmøte.

Framlegget frå Halvard Rydland-H fekk 4 røyster og fall (Kjetil Melvær-Frp, Ståle Hauge-Ap, Halvard Rydland-H, Ingrid Fjeldsbø-H).

Rådmannen sitt framlegg vart vedteke med 5 røyster (Kjetil Gjerstad-Sp, Jan Erik Hope-H, Kåre Romarheim-Krf, Alf Angerskår-Krf, Leidulf Brunborg-Ap).

Vedtak

Plan- og miljøutvalet opprettheld sitt vedtak om å gi avslag på søknad om dispesasjon frå kommuneplanens arealdel i sjø, jf sak 031/15 i møte den 04.03.2015. Saka vert sendt til Fylkesmannen i Hordaland for endeleg avgjerd.

Behandling

Rådmannen sitt framlegg vart samrøystes vedteke.

Vedtak

I medhald av plan- og bygningslova § 12-10, vedtek plan- og miljøutvalet å leggje framlegg til reguleringsendring av Mangerbua 2 ut på høyring og offentleg ettersyn, på følgjande vilkår:

1. Planmaterialet må utarbeidast på nynorsk, minimum plankart og føresegner.

2. Endra § 4.2: I området skal det etablerast terrassert blokkbusetnad, med parkeringskjellar.

3. Tillegg til § 4.2, tredje avsnitt: Det kan etablerast inntil 12 bueiningar innanfor området.

4. Nytt avsnitt i § 4.2: Kvar bueining skal ha eit privat uteopphaldsareal i form av balkong/terrasse på minimum 8 m2. Det kan etablerast takterrasse innanfor BB. Område f_NL er uteopphaldsareal for BB.

5. Tillegg til § 4.2: Det skal etablerast minimum 1,5 parkeringsplassar per bueining. Minimum 5 % av plassane skal tilpassast rørslehemma. Det skal leggjast til rette for lading av køyrety i parkeringshuset.

6. Ny § 1.4: Byggegrenser: Der det ikkje er vist byggegrense, går byggegrensa i føremålsgrensa. Utanfor viste byggegrenser vert det ikkje lov å etablere murar, parkering, opplag og liknande.

7. Tillegg til § 4.1, tredje avsnitt: Terrasse og balkong vert rekna med i uteopphaldsarealet.

8. Tillegg til § 4.5: Minimum 100 m2 av området skal planerast i ei høgd som sikrar at leikearealet kan nast med ei stigningsgrad på 1:20.

9. Tillegg til § 4.5: Det skal setjast av areal til, eller etablerast kyststi gjennom området.

10. Tillegg til § 9.4: Stien skal gå på sørsiden av B2, B3 og BB.

11. Ny § 10.4: Før det vert gjeve bruksløyve eller ferdigattest til nye bueiningar innanfor B1-B3 skal leikeareal f_L1 vere ferdig opparbeidd.

12. Ny § 10.5: Før det vert gjeve bruksløyve eller ferdigattest til nye bueiningar innanfor B5 skal leikeareal f_L2 vere ferdig opparbeidd.

13. Endre § 1.3: Tar vekk «Unntak frå plan og reguleringbestemmelser kan, der særlige grunner taler for det, tillates av kommunen»

14. Endre § 3.1 første setning: «Byggverk og anlegg (t.d. murer, parkering, m.m.) skal plasseres innenfor de regulerte byggegrenser.

15. Endre § 3.2 - Terrenghandsaming: Første avsnitt utgår. Følgjande vert lagt til: Bruk av støttemurar, skjeringar og fyllingar skal avgrensast. Der terrenget tilseier det skal bygningane byggast med underetasje. Det skal ikkje settast opp murar høgare enn 1,5 meter utan at dei vert terrassert. Terrasse/avsats skal ha minimum djupne på 1,5 meter. Kvar avsats skal beplantast for å dempe fjernverknaden av muren.

16. Fjerne § 3.3.

17. Endre § 3.4: «Innenfor planområdet kan oppføres…»

18. Endre § 4: Siste setning utgår. Følgjande vert lagt til: Søknad om avkøyrsle skal godkjennast av vegmynde.

19. Tillegg til § 4, tredje avsnitt: MUA skal opparbeidast i høve kvalitetskrav satt i kommuneplanen og skal dokumenterast ved søknad.

…………………………

Behandling

Rådmannen sitt framlegg vart samrøystes vedteke.

Vedtak

Kommunedelplan for Lindåsosane, Lygra og Lurefjorden (2011 – 2023)- planforslag med foreslåtte endringar datert 07.05.15 og KU-vedlegg, vert med heimel i plan- og bygningslova § 11-14, sendt på avgrensa høyring knytt til endringar gjort i plankart og føresegner.

Føresegnene § 4.19 - siste setning. Tillegg: uttale etter kulturminnelova.

Nytt punkt i dei generelle føresegnene: Eksisterande dokumentert lovlege bygg og anlegg i planområdet vert erstatta med tilsvarande bygg og anlegg med same funksjon og storleik.

Behandling

Fellesframlegg:

Tillegg til rådmannen sitt framlegg:

Føresegnene § 4.19 - siste setning. Tillegg: uttale etter kulturminnelova.

Fellesframlegget vart samrøystes vedteke.

Fellesframlegg v/Ståle Hauge-Ap:

Tillegg til rådmannen sitt framlegg:

Nytt punkt i dei generelle føresegnene:

Eksisterande dokumentert lovlege bygg og anlegg i planområdet vert erstatta med tilsvarande bygg og anlegg med same funksjon og storleik.

Fellesframlegget v/Ståle Hauge-AP vart samrøystes vedteke.

Vedtak

Uttale i plan- og miljøutvalet - 19.05.2015:

Plan- og miljøutvalet syner til framlegg til planprogram for Midtmarka på Flatøy. Utvalet ser det som positivt at det vert gjort eit grundig analyse- og planarbeid i høve etablering av større byggjeområde i Midtmarka og Rotemyra. Det er viktig at kommunane i Nordhordland gjennom arealpolitikken legg til rette for vidare utvikling av regionen, særleg i høve til Bergensområdet. Sentrale grep vil vera å styrkja lokalsentra, kommunesentra og regionsenteret. Utvalet ser såleis positivt på at eit av utviklingsmåla gjennom tiltaket er «å styrkja og vidareutvikla regionsenteret Knarvik, og leggja til rette for ei utvikling av aksen Frekhaug – Flatøy – Knarvik».

Ei styrking av busetnad og næringsliv i nabokommunane til Lindås vil også vera med på å styrkja regionsenteret og særleg då grunnlaget for private og offentlege tenester som er meint å dekka eit større omland.

I tillegg til arbeidet med områdeplan for Knarvik sentrum står Lindås kommune framfor oppstart av arbeidet med kommunedelplan for Knarvik – Alversund. Det er også starta opp områdeplan for Lonene i Knarvik, der det vert lagt til rette for eit stor utbygging.

Samla vil planane i Lindås og Meland opna for ei potensiell stor utbygging og påfølgjande folkeauke. Dette gjev store mogelegheiter for vår region.

Utvalet vil likevel peika på at det er viktig at ei framtidig utvikling av Midtmarka vert sett i samanheng med tettstadane Frekhaug, Alversund og Knarvik. Fleirtalet av innbyggjarane i Meland og Lindås vil bu innanfor dette relativt geografisk avgrensa området. Gjennom overordna planarbeid vert det viktig å sjå på kva som er fornuftig fordeling av arealføremål, funksjonar og tenester. I alt planarbeid må tilrettelegging for mjuke trafikantar mellom desse tettstadane vera sentralt.

Utvalet ynskjer at Lindås kommune og Meland kommune tar opp igjen dialogen rundt høyspentlinja frå Juvikstølen over Hagelsundet og gjennom planområdet til Håøy. I spørsmålet om siluett, ber ein om at ein vurderer å oppretthalde grøn siluett mot Hagelsundet (Indre Farlei).

Behandling

Fellesframlegg:

Tillegg til rådmannen sitt framlegg:

Utvalet ynskjer at Lindås kommune og Meland kommune tar opp igjen dialogen rundt høyspentlinja frå Juvikstølen over Hagelsundet og gjennom planområdet til Håøy. I spørsmålet om siluett, ber ein om at ein vurderer å oppretthalde grøn siluett mot Hagelsundet (Indre Farlei).

Rådmannen sitt framlegg med tillegg vart samrøystes vedteke.

Vedtak

Uttale i plan- og miljøutvalet - 19.05.2015:

Lindås kommune ser ikke nødvendigheten av oppstart på arbeidet med verneplanen for Lurefjorden og Lindåsosane.

Lindås kommune vil påpeike at sikring av slike områder er godt ivaretatt av allerede eksisterande lover, forskrifter og planprosesser.

Lindås kommune vil ikke at områder i Lindås skal innlemmes i verneområdet.

Behandling

Fellesframlegg:

Lindås kommune ser ikke nødvendigheten av oppstart på arbeidet med verneplanen for Lurefjorden og Lindåsosane.

Lindås kommune vil påpeike at sikring av slike områder er godt ivaretatt av allerede eksisterande lover, forskrifter og planprosesser.

Lindås kommune vil ikke at områder i Lindås skal innlemmes i verneområdet.

Fellesframlegget vart samrøystes vedteke.