Čoahkkin Plan- og miljøutvalet 14.12.2016

Vedtak

Innkalling og saksliste er godkjent

Behandling

Endring rekkefølge saksliste: 149, 150, 151, 160, 154, 161, 152, 153, 159, 155, 156, 157, 158.

Ellers ingen merknader, samrøystes.

Vedtak

Møteprotokoll frå møte 23.11.2016 er godkjent.

Behandling

Ingen merknader. Samrøystes.

Vedtak

Med heimel i plan- og bygningslova §§ 19-2 vert det ikkje gjeve dispensasjon frå LNF-føremålet i Kommunedelplan for Lindåsosane, Lygra og Lurefjorden tilfrådeling av bustadtomt på gbnr 58/7. Søknaden vert avslått.

Grunngjevinga for vedtaket går fram av saksutgreiinga.

Behandling

Framlegget frå Frp og H fekk 4 røyster (Frp, H) og fall.

Rådmannen sitt framlegg vart vedteke med 6 røyster (Krf, Sp, Ap)

Vedtak

I medhald av plan- og bygningslova § 12-10, vedtek Plan- og miljøutvalet å legge reguleringsplanen for Nappevika småbåtanlegg, gbnr. 129/4 m.fl., med plan-ID 1263-201505, ut til offentleg ettersyn på vilkår av at følgjande først vert endra av planfremjar:

1. Føresegn § 3.1.3 vert endra frå «Om mogleg skal det etablerast trinnfri overgang mellom BBS2 og BSB1» til «Det skal etablerast trinnfri overgang mellom BBS2 og BSB1, og flytebrygga skal ha trinnfri utforming innanfor BBS2.»

1. Det vert lagt inn i føresegnene at det skal settast av minimum 1 parkeringsplass for rørslehemma på parkeringsplassen f_SPP.

1. Under § 3.2 i føresegnene vert areal for avfallshandtering fjerna frå område BBS2, og flytta inn under område f_SPP og § 4.4. Det vert også lagt inn i føresegnene at avfallsbil til ein kvar tid skal kunne snu inne på f_SPP. Det må verte vurdert, og eventuelt gjennomført, ei utviding av f_SPP som ein følgje av dette.

1. Under § 3.2. skal det leggast inn ei føresegn som seier at kaiområdet til ein kvar tid skal vere fri for objekt som ikkje er omtalt i føresegnene, då kaien har funksjon som snuplass for bilar.

1. Det vert lagt inn ei ny føresegn: «Flytebrygge og/eller bølgjedempar skal ikkje plasserast nærare kai og båtslipp, i område BBS2, og naust, i område BUN, enn 20 meter parallelt ut frå kaien og naustet i sørvestleg retning.»

1. Det vert lagt inn ei ny føresegn: «Flytebrygga skal ha maksimalt eitt kontaktpunkt for ilandstigning til BBS2. Dette punktet skal vere i tråd med kontaktpunktet som er vist i illustrasjonsplanen.»

1. Under rekkefølgjekrav vert det lagt inn ei ny føresegn:

«Når parkeringsplassen på gbnr. 129/5, som ligg i reguleringsplanen «Nappane G.nr. 129 B.nr. 5» med plan-ID 1263-19012007 vert realisert, skal eventuell mellombels avkøyrsle frå o_SV1 til f_SPP stengast. Arealet mellom vegkanten på o_SV1 og parkeringsplassen f_SPP skal jorddekkast og såast til.»

1. Avkøyrsle til parkeringsplass og frisiktsoner i den gjeldande reguleringsplanen «Nappane G.nr. 129 B.nr. 5», med plan-ID 1263-19012007, skal leggast inn i plankartet.

1. Det vert lagt inn ei ny føresegn: «Søknad om avkøyrsle til parkeringsplass f_SPP skal godkjennast av vegmynde i kommunen. Alle pilar i plankartet skal fjernast.»

1. Namnet på planen vert i alle dokument endra frå Nappane småbåtanlegg til Nappevika småbåtanlegg (jf. referatet frå oppstartsmøtet).

1. Plankartet skal oppdaterast med eit kartgrunnlag som viser alle eksisterande bygningar.

…………………………

Behandling

Rådmannen sitt framlegg minus punkt 1 vart samrøystes vedteke.

Framlegg frå Thomas Larsen-H fekk 5 røyster og fall (H, Frp, S.H.Kjeka-Krf)

Rådmannen sitt framlegg vart vedteke med utvalsleiar si dobbeltrøyst, 6 røyster (Ap, Sp, M.Knudsen-Krf, B. Risøy-Krf)

Vedtak

Plan- og miljøutvalet har vurdert forslag til planprogram for arealdenen av kommuneplanen 2016-2028. Lindås kommune ynskjer dialog med Masfjorden kommune i prosessen knytt til arealbruk i sjø,særleg med tanke på utarbeiding av felles aquakulturplan for indre delar av Fensfjorden i samarbeid med fylkesmannen.

Behandling

Framlegg frå Krf, Ap v/S. H. Kjeka-Krf:

Som rådmannen + særleg med tanke på utarbeiding av felles aquakulturplan for indre delar av Fensfjorden i samarbeid med fylkesmannen.

Rådmannen sitt framlegg med tillegg vart samrøystes vedteke.

Behandling

Fellesframlegget vart vedteke med 9 røyster (K. H. Wergeland-Frp, H, Ap, Sp, Krf)

Rådmannen sitt framlegg fekk 1 røyst og fall (Ø.Moldeklev-Frp)

Vedtak

I medhald av plan- og bygningslova § 12-10, vedtek plan- og miljøutvalet å leggje reguleringsplan for Hillesvåg bustadområde, plan-id 1263-201409, ut til høyring og offentleg ettersyn på følgjande vilkår:

1. Tillegg til § 1.1: Murar over 1,5 meter skal terrasserast og terrasse bør plantast til.

2. Byggegrense mot sjø for gbnr 196/31 og 56 vert justert til å følgje eksisterande terrengmurar og byggliv på bnr 31 og eksisterande terrengmurar på bnr 56.

3. BYA for BF1 og BF2 vert sett til 20 %. Bruksareal for bustader skal ikkje overstige 400 m2.

4. Tillegg til § 1.3: Bygningane innanfor BK bør ha same takform, for å gi området eit samla uttrykk.

5. Tllegg til § 1.6: Områda skal opparbeidast med trinnfri tilkomst og minst halvparten av området skal opparbeidast med universell utforming.

6. § 1.5 må skrivast om og vise til kommuneplanen i høve utforming av naust. Byggegrense for naustet går i føremålsgrensa.

7. Tillegg til § 1.2.2: legge inn totalt antal bueiningar for BF1 og BF2.

8. Omriss av planlagt bebyggelse vert teke ut av plankartet og byggegrenser justeres noko for å ta høgd for justering av bygg. Føresegn § 0.2 utgår.

9. Eksisterande bygg som er på 196/21 må visast og merkast med at det skal rivast.

Behandling

Rådmannen sitt framlegg fekk 0 røyster og fall.

Framlegga vart røysta over punkt for punkt.

Framlegg frå H,Sp og Frp pkt 1 vart sett opp mot Ap,Krf sitt framlegg pkt. 1.

Framlegget frå H,Sp og Frp fekk 5 røyster og fall.

Framlegget frå Ap, Krf vart vedteke med utvalsleiar si dobbeltrøyst, 6 røyster, (Ap, Krf)

Rådmannen sitt framlegg punkt 2 og 3 vart samrøystes vedteke.

Begge framlegga hadde same punkt 4. Samrøystes vedteke.

Rådmannen sitt framlegg punkt 5 til 9 vart samrøystes vedteke.

Vedtak

I medhald av plan- og bygningslova § 12-12, vedtek kommunestyret å godkjenne reguleringsplan for Bjørnestø småbåthamn, plan-id 1263-201401, på følgjande vilkår:

1. Føresegner datert 03.12.2016 og plankart datert 21.03.2016 vert lagt til grunn.

2. Før reguleringsplanen vert kunngjort godkjent, skal feilfritt plankart ligge føre i gjeldande SOSI-standard for Lindås kommune.

…………………………

Behandling

Framlegget frå Frp fekk 2 røyster (Frp) og fall.

Rådmannen sitt framlegg vart samrøystes vedteke.

Vedtak

Meldinga vert teke til orientering.

Behandling

Rådmannen sitt framlegg vart samrøystes vedteke.

Vedtak

Lindås kommune sitt vedtak datert 30.09.2016 vert oppretthaldt. Klagen vert ikkje teke til fylgje. Som grunngjeving for vedtaket vert det vist til saksutgreiinga og vurderinga.

Behandling

Ettersendt sak "Klage på avslag på søknad om dispensasjon II - gbnr 137/259 Alver" vart handsama i møte.

Rådmannen sitt framlegg vart vedteke med 6 røyster (Ap, Krf, Sp)

Framlegget frå H og Frp fekk 4 røyster og fall (H, Frp)

Vedtak

Jfr. Pbl §17-4, blir framlegg til utbyggingsavtale mellom Sommero Panorama AS og Lindås kommune lagt ut til høyring og offentleg ettersyn.

Behandling

Ettersendt sak "Framlegg til utbyggingsavtale Kubbaleitet ID 1263-201215, offentleg ettersyn" vart handsama i møte.

M.Knudsen-Krf sa seg ugild grunna at familien har eigedomar i området, og deltok difor ikkje i handsaming av denne saka.

Rådmannen sitt framlegg vart samrøystes vedteke.