Čoahkkin Kommunestyret 03.03.2016

Vedtak

Innkalling og saksliste er godkjent

Behandling

Det vart sett opp ei ekstrasak i møtet, sak 19/16 Innbyggarhøyring-kommunereform (Austrheim, Fedje, Gulen, Lindås, Masfjorden, Meland, Modalen og Radøy).

Rådmannen sitt framlegg vart samrøystes vedteke.

Vedtak

Møteprotokollen frå 04.02.2016 er godkjent

Behandling

Det låg ved feil protokoll til innkallinga. Protokollen som skal godkjennast er frå 04.02.2016. Dette vart utsendt i ettertid.

Rådmannen sitt framlegg vart samrøystes vedteke.

Vedtak

Meldinga er teke til orientering

Behandling

Innstillinga frå kontrollutvalet vart samrøystes vedteke.

Vedtak

1. Kommunestyret godkjenner revidert byggeprogram slik det ligg føre.

2. Ny revidert ramme vert 186,7 mill kr. Dette vert lagt inn i økonomiplanarbeidet våren 2016.

3. Formannskapet bed rådmannen greie ut lokalisering av tilbodet for brukarar, over grunnskulealder, av LOAS (Jmf KIM, LOAS og dagsenter)

4. Kommunestyret bed om utgreiingav kostnader ved oppgradering av dagens areal på noverande LOAS.

Behandling

Fellesframlegg:

Innstillinga frå formannskapet med følgjande endring og tillegg: Endring i pkt.3: Vaksne brukarar vert endra til brukarar over grunnskulealder.

Nytt punkt: 4.Kommunestyret bed om utgreiing av kostnader ved oppgradering av dagens areal på noverande LOAS.

Fellesframlegget vart samrøystes vedteke.

Vedtak

Formannskapet vedtek eit driftstilskot til Senter mot Incest og seksuelle overgrep (SMISO) Hordaland på kr 4,- pr. innbyggar for 2016 og for 2017

For 2016 vert pengane henta frå disposisjonsfondet, i 2017 vert det lagt inn i budsjettet.

Behandling

Innstillinga frå formannskapet vart samrøystes vedteke.

Vedtak

1. Kommunestyret gjer rådmannen mynde til å budsjettjustere inntekter og utgifter i samband med auka til busetting av flyktningar i 2016. Budsjettjusteringane skal ikkje gje negativ resultateffekt.

2. Kommunestyret gjer rådmannen mynde til å budsjettjustere inntekter og utgifter i samband med oppretting av asylmottak, og ved endring av tal busette på flyktningemottak. Budsjettjusteringane skal ikkje gje negativ resultateffekt.

3. Rådmannen skal innarbeide punkt om mynde til å gjere endringar i samband med busetting av flyktningar og endringar i tal flyktningar i asylmottak i rulleringa av økonomireglementet i 2016.

Behandling

Innstillinga frå formannskapet vart samrøystes vedteke.

Vedtak

Administrasjonen får høve til å auke talet på lærlingar med inntil 10 lærlingar frå 15 til 25 for skuleåret 2016/2017. Auka kostnad på inntil kr. 300.000,- for 2016 vert finansiert gjennom disposisjonsfondet.

Framtidig strategi for lærlingar vert lagt fram i samband med økonomiplanen 2017 – 2020.

Lindås kommune stiller seg positive til å ta imot lærlingar innanfor fleire tekniske fagområder i samarbeid med næringslivet.

Lindås kommune anmodar Nordhordland opplæringskontortil åvera koordinator for dette arbeidet.

Behandling

M.E.Sandvik-H var ugild og deltok difor ikkje under handsaming av denne saka.

Framlegg frå K.Vågstøl-H:

Endring i siste setning i innstillinga fråformannskapet:

Lindås kommune anmodar Nordhordland opplæringskontorvera koordinator for dette arbeidet.

Innstillinga frå formannskapet med endring i siste setning vart samrøystes vedteke.

Vedtak

1. Formannskapet godkjenner satsane for 2016.

2. Formannskapet bed om ei ny vurdering av satser for 2017 og at fellesrådet kjem attende til dette i samband med budsjettet for 2017.

3. Satsane må innarbeidast i gebyr og betalingssatsar for Lindås kommune.

Behandling

Innstillinga frå formannskapet vart samrøystes vedteke.

Vedtak

1. Nordhordland Utviklingsselskap IKS gjennomfører ei samordna innbyggjarundersøking for dei kommunane i Nordhordland som skal ha dette. Lindås deltek i dette.

2. Innbyggjarundersøkinga vert gjennomført i april/mai. Resultatet vert offentleggjort 24. mai.

3. Formannskapet, som styringsgruppe for kommunereforma, godkjenner endeleg opplegg før undersøkinga vert gjennomført.

Behandling

Rådmannen sitt framlegg vart samrøtes vedteke.

Vedtak

Prosjektmandat for «Politisk styringsstruktur og reglement» vert vedteke med følgjande endring:

Prosjektgruppa får deltaking av 5 kommunestyrerepresentantar, med 3 medlemmer frå posisjon og 2 frå opposisjon.

Leiar Dag Hugaas med vara Nina Bognøy

Medlem Odd Leif Mjøs med vara Sveinung Toft

Medlem Anna K.Valle med vara Jarle Vassdal

Nestleiar Bjarte Vatnøy med vara Gro Anita Høgquist

Medlem May-Eva Sandvik med vara Karl Vågstøl

Behandling

Valnemnda sin innstilling til deltakarar i prosjektgruppa:

Medlem Dag Hugaas med vara Nina Bognøy

Medlem Odd Leif Mjøs med vara Sveinung Toft

Medlem Anna K.Valle med vara Jarle Vassdal

Medlem Bjarte Vatnøy med vara Gro Anita Høgquist

Medlem May-Eva Sandvik med vara Karl Vågstøl

Leiar: Dag Hugaas

Nestleiar: Bjarte Vatnøy

Innstillinga frå formannskapet med framlegget frå valnemnda vart samrøystes vedteke.

Vedtak

Bjørn Dyrkolbotn vert ikkje gjeve fritak frå politiske verv så lenge han er busett i Lindås kommune. Jfr.vallova §14.

Behandling

Innstilling frå valnemnda:

Bjørn Dyrkolbotn vert ikkje gjeve fritak frå politiske verv så lenge han er busett i Lindås kommune. Jfr.vallova §14.

Innstillinga frå valnemnda vart samrøystes vedteke.

Vedtak

Representant til råd for menneske med nedsett fuksjonsevne er vald:Marit Haukeland (SAFO)

Behandling

Innstilling frå valnemnda:

Representant til råd for menneske med nedsett fuksjonsevne vert vald:Marit Haukeland (SAFO)

Innstillinga frå valnemnda vart samrøystes vedteke.

Vedtak

1. Ordførar Astrid Aarhus Byrknes får innvilga permisjon som omsøkt(fråog med 5.april til fredag 17. Juni 2016)

2. For same periode vert Leif Hosøy Sleire vald som varaordførar.

3. I denne perioden vert Anne Karin Angelskår Eknes fast medlem i kommunestyret og i levekårsutvalet. Vetlemøy Wergeland flyttar frå levekårsutvalet til formannskapet .

4. Formannskapet og levekårsutvalet vert i denne perioden samansett slik:

Følgjande endringar i Levekårsutvalet i perioden :

Medlem KRF Anne Karin Angelskår Eknes vara KRF: 1. Irene M.Bjørnevoll, 2. Atle Berland, 3. Odd Leif Mjøs, 4. Malin Knudsen.

Følgjande endringar i formannskapet i perioden :

Medlem KRF Vetlemøy Wergeland, vara KRF: 1. Asle Hetlebakke, 2. Sæbjørg Hageberg Kjeka, 3. Bent Risøy, 4. Dag Henning Valdersnes, 5. Malin Knudsen, 6. Anne Karin Angelskår Eknes.

Behandling

Ordførar Astrid Aarhus Byrknes var ugild og deltok difor ikkje i handsaming av denne saka.

Innstilling frå valnemnda:

1. Ordførar Astrid Aarhus Byrknes får innvilga permisjon som omsøkt (fråog med 5.april til fredag 17. Juni 2016)

2. For same periode vert Leif Hosøy Sleire vald som varaordførar.

3. I denne perioden vert Anne Karin Angelskår Eknes fast medlem i kommunestyret og i levekårsutvalet. Vetlemøy Wergeland flyttar frå levekårsutvalet til formannskapet .

4. Formannskapet og levekårsutvalet vert i denne perioden samansett slik:

Følgjande endringar i Levekårsutvalet i perioden :

Medlem KRF Anne Karin Angelskår Eknes vara KRF: 1. Irene M.Bjørnevoll, 2. Atle Berland, 3. Odd Leif Mjøs, 4. Malin Knudsen.

Følgjande endringar i formannskapet i perioden :

Medlem KRF Vetlemøy Wergeland, vara KRF: 1. Asle Hetlebakke, 2. Sæbjørg Hageberg Kjeka, 3. Bent Risøy, 4. Dag Henning Valdersnes, 5. Malin Knudsen, 6. Anne Karin Angelskår Eknes.

Innstillinga frå valnemnda vart samrøystes vedteke.

Vedtak

Meldinga vert teke til orientering.

Interpellasjon frå Ingrid Fjeldsbø-H:

Interpellasjon om ansettelse, lønn i Lindås Kommune

Det har nyleg vore personalsamling for tilsette i Lindås Kommune som var særs 

vellukka . Mange kollegaer samla seg til god informasjon ,fellesskap, god mat og underholdning . Det kom fin tilbakemelding frå arrangementet .

Interpellasjonen i dag er spørsmål rundt det som skjer mellom desse årlege arrangementa. Det er spørsmål rundt dei ansatte og deira vilkår, løn, vidareutdanning og evt. plikttid, utlysing av stillingar, nyansetting.

Spørsmål 1: 

Korleis ivaretek Lindås Kommune dei ansatte for å få dei til å vere i kommunen? Det gjeld spesielt løn for  dei med høgare kompetanse og vidareutdanning. Er det slik at det er lettare å få betre løn dersom du kjem "utanfrå" kommunen. ?

Spørsmål 2:

Lindås kommune stør ein del ansatte med vidareutdanning.

Er Lindås kommune flink til å halda på dei som har fått vidareutdanning , har dei pliktår med å vere i kommunen eit antal år etter ferdig  vidareutdanning? Det vere seg eksempelvis lærarar, rektorar, spesialsjukepleiarar, osb. , eller er det fritt for å ta vidareutdanning med hjelp frå kommunen, for så å få seg gode stillingar i andre kommunar . Er Lindås kommune med på å støtte ansatte med  vidareutdanning som andre kommunar nyt godt av?

Spørsmål 3:

Må ein koma frå andre stillingar (evt. frå andre kommunar) for å få m.a høgare løn og gå "forbi" ein som kanskje har stått i same stilling i eksempelvis fleire år og nådd " eit tak"?

Er Lindås Kommune flink til å halda på godt kvalifiserte ansatte?

Spørsmål 4:

Blir alle stillingar som blir oppretta  og andre ledige stillingar i Lindås Kommune lyst ut? Det vere seg interne eller eksterne stillingar, prosjektstillingar etc.? Får alle høve til å søkje på slike stillingar? Evt. kva stillingar blir ikkje lyst ut til alle og kvifor ikkje?

Spørsmål 5: 

Det heiter seg lik løn for likt arbeid. Korleis blir dette praktisert i Lindås Kommune?

Er det lønnsmessige forskjellar i Lindås vs. Bergen og andre kommunar.? Om det er forskjellar, korleis løyser ein det ved ei eventuell kommunesamanslåing?

Svar frå ordførar:

Generelt:

Lindås kommune må i alle spørsmåla nedanfor ta omsyn til lovverk, sentralt vetekne avtaler og lokale planar. Konkret gjeld dette i hovudsak Arbeidsmiljølova, Hovudtariffavtalen, Arbeidsgjevarpolitisk plan og Lønspolitisk plan. Dette gir føreseielege rammer for alle parter knytt til løn og andre arbeidsvilkår og tilhøve ved tilsettingar.

Frå lønspolitisk plan:

«Lønnspolitikken i Lindås kommune har som mål:

• å rekruttere og behalde kvalifiserte leiarar og medarbeidarar

• å fremja eit positivt arbeidsmiljø

• å sikre samanheng mellom lønn og innhaldet i stillinga, kompetanse og innsats

• å sikre like høve til lønnsutvikling for kvinner og menn

• å sikre tilpassing til den eksterne lønnsmarknaden

• å motivere til kompetanseutvikling

• å stimulere eldre arbeidstakarar til å stå i arbeidet»

Frå lønspolitisk plan:

«I lønnsfastsetting ved tilsetting eller gjennom lokale drøftingar og forhandlingar skal det alltid vurderast følgjande moment:

1. Rette opp uønskt lønnsmessig ulikskap

2. Endringar i medarbeidaren sitt ansvar og oppgåver

3. Relevant kompetanse

4. Rekruttere/behalde

5. Utjamning av lønnsforskjellar mellom kjønna

6. Tilsette sin innsats og utføring av arbeidet»

Spørsmål 1: 

Korleis ivaretek Lindås Kommune dei ansatte for å få dei til å vere i kommunen? Det gjeld spesielt løn for  dei med høgare kompetanse og vidareutdanning. Er det slik at det er lettare å få betre løn dersom du kjem "utanfrå" kommunen. ?

Svar:

Som vist til i innleiinga er «relevant kompetanse» eit av hovudkriteria ved lønsfastsetjing. Det syner seg også at det er viktig at arbeidsgjevar greier å tilpasse oppgåver til den kompetansen som arbeidstakar til ein kvar tid tileignar seg. Tilsette som føler at dei ikkje får nytta kompetansen dei sit på vil fort søkje seg mot andre stillingar internt eller eksternt.

Frå lønspolitisk plan:

«Marknadstilpassing:

Kommunen må i gitte situasjonar vere førebudd på å tilby lønn utover det lønnsnivå som grunnlønnsplassering, kompetanse m.v. gir grunnlag for. Dette for å møte konkurranse frå andre arbeidsgjevarar som t.d. private firma, andre kommunar, fylkeskommunar eller staten. Dette kallar vi marknadstilpassing av lønn. Dette elementet er delvis basert på stilling og kompetanse, men det vil også i noko grad ligge eit element av individuell vurdering til grunn.»

Dette vil i nokre høve kunne bli tolka som om at det er lettare å kome utanfrå. Det er viktig at kriteriet skal brukast både ved rekruttere/behalde og ved årleg lønnsfastsetjing.

Spørsmål 2:

Lindås kommune stør ein del ansatte med vidareutdanning.

Er Lindås kommune flink til å halda på dei som har fått vidareutdanning , har dei pliktår med å vere i kommunen eit antal år etter ferdig  vidareutdanning? Det vere seg eksempelvis lærarar, rektorar, spesialsjukepleiarar, osb. , eller er det fritt for å ta vidareutdanning med hjelp frå kommunen, for så å få seg gode stillingar i andre kommunar . Er Lindås kommune med på å støtte ansatte med  vidareutdanning som andre kommunar nyt godt av?

Svar:

Finansieringa av vidareutdanning har skjedd gjennom eit spleiselag der både fylkesmannen, kommunen og den enkelte medarbeidar bidrar. Lindås kommune har dei siste åra ikkje lagt inn bindingstid etter endt utdanning. Når ein tidlegare nytta slik bindingstid var det ein føresetnad at kommunen sine kostnader svarte til minst tre månadslønner.

Våre medarbeidarar forsvinn ikkje etter avslutta vidareutdanning:

• Eit godt døme på dette er lærarar som har delteke i vidareutdanning frå 2012 t.o.m. 2015: Av 29 lærarar som har tatt 30 studiepoeng i denne tida er alle framleis tilsett i Lindås kommune.

• Eit anna døme er Rektorskulen og tilsvarande studieopplegg: Her har 16 skuleleiarar (rektor/inspektør/einingsleiar) tatt til på studiet. Av desse har 15 gjennomført studiet. Tre har slutta i Lindås kommune etterpå, men for to av desse er oppseiingane knytt til omorganiseringa av oppvekstsektoren der talet på einingsleiarar vart redusert.

Spørsmål 3:

Må ein koma frå andre stillingar (evt. frå andre kommunar) for å få m.a høgare løn og gå "forbi" ein som kanskje har stått i same stilling i eksempelvis fleire år og nådd " eit tak"?

Er Lindås Kommune flink til å halda på godt kvalifiserte ansatte?

Svar:

Kriteria i lønnspolitisk plan gjeld likt for dei som står i ein stilling som for dei som vert rekruttert inn i ei stilling, internt eller eksternt.

Marknadstilpassinga vist til i spørsmål 1 kan få ulikt utslag avhengig av mellom anna konjekturane i næringslivet. No er vi inne i ei periode der søkjarar frå næringslivet kan vere viljuge til å gå vesentleg ned i lønn for å få ein stilling i kommunen. Tidlegare måtte Lindås kommune tilby nokre nytilsette høgare løn for å sikre rekrutteringa. Det vert søkt tilpassa lønsnivået i kommunen slik dette er omtala i lønspolitisk plan under «Rette opp uønskt lønnsmessig ulikskap».

Lønspolitisk plan legg ikkje opp til at det skal vere eit gitt tak for løna til våre tilsette.

Lindås kommune søkjer å halde på godt kvalifiserte tilsette gjennom tiltak som det er lagt til rette for i Arbeidsgjevarpolitisk plan og Lønspolitisk plan.

Spørsmål 4:

Blir alle stillingar som blir oppretta  og andre ledige stillingar i Lindås Kommune lyst ut? Det vere seg interne eller eksterne stillingar, prosjektstillingar etc.? Får alle høve til å søkje på slike stillingar? Evt. kva stillingar blir ikkje lyst ut til alle og kvifor ikkje?

Svar:

Ut over opplæringslova sitt krav om offentleg utlysing av undervisningsstillingar fins det ingen krav i lov eller avtaleverk om at ein ledig stilling må lysast offentleg. Hovudregelen er likevel at dette blir gjort i faste stillingar som er større enn 10 timar pr. veke (27%). Dette er teke inn i vårt lokale tilsettingsreglement.

Når ein stilling er lyst offentleg har alle høve til å søkje på den.

Det fins nokre unntak frå hovudregelen. Desse unntaka er t.d. der ein nyttar den ledige stillingsheimelen til langtidsjukemelde som treng annan arbeidssituasjon, retrettstilling eller til interne overføringar som følgje av omorganisering eller overtal ved ein tenestestad. I korte vikariat kan det også rekrutterast inn internt eller eksternt utan lysing.

Nokre få stillingar i kommunen krev spesielle personlege eigenskapar i tillegg til god og høg fagleg kompetanse. Nokre gonger vert ein tidleg i ei tilsettingsprosess kjent med interne eller eksterne kandidatar som ein etter grundige vurderingar og gjennom samtalar med kandidaten, fin å vere særskilt godt kvalifisert. I slike tilfelle kan ei gå til tilsetting utan utlysning.

Før ein tar stilling til lysingsmåte og vidare tilsettingsprosess, vert alle forhold ved tilsettinga drøfta med tillitsvalde.

Spørsmål 5: 

Det heiter seg lik løn for likt arbeid. Korleis blir dette praktisert i Lindås Kommune?

Er det lønnsmessige forskjellar i Lindås vs. Bergen og andre kommunar.? Om det er forskjellar, korleis løyser ein det ved ei eventuell kommunesamanslåing?

Svar:

Det er forskjellar i løn mellom kommunane. Bergen kommune eit høgare lønnsnivå for sine skuleleiarar enn Lindås kommune. Likevel kan vi ikkje sei at denne forskjellen har «tappa» oss for skuleleiarar.

I forhold til nabokommunane våre elles, er det ikkje store lønnsforskjellar.

Fram mot ei kommunesamanslåing er harmonisering av lønn ein av veldig mange utfordringar. Like viktig er ei felles forståing av stillingsinnhald i det som vert oppfatta som «like» stillingar. Prosjektarbeidet mot ei ny kommune startar seinast opp hausten 2017. Ei fellesnemnd utgått av kommunestyra vil leie dette arbeidet. Det vil bli knytt eit trepartssamarbeid knytt til fellesnemnda.

Behandling

Rådmannen sitt framlegg vart samrøystes vedteke.

Vedtak

1. Kommunestyret legg «Forhandlingsutvalet til Austrheim, Fedje, Gulen, Lindås, Masfjorden, Meland, Modalen og Radøy sitt framlegg til intensjonsavtale for ny kommune» – datert 1. mars 2015 ut på høring. Høringsperioden vert sett til frå 7. mars til 30. april.

2. Kommunestyret vil i høringsperioden gjennomføre eit folkemøte. Administrasjonen får fullmakt til å planelegge den praktiske gjennomføringa av dette.

3. Innbyggjarundersøkinga vedteken i sak 13/16 skal omfatte begge intensjonsavtalene.

Behandling

Rådmannen sitt framlegg vart samrøystes vedteke.