Møte i Kommunestyret den 24.09.2015

Vedtak

Innkalling og saksliste er godkjent

Behandling

I tillegg til sakslisten er det 3 interpellasjonar.

Sak 80/15 vert handsama etter sak 78/15, sak 93/15 0g 94/15 vert handsama etter sak 81/15.

Ellers ingen merknader, samrøystes.

Vedtak

Møteprotokollen er godkjent

Behandling

Ingen merknader, samrøystes.

Vedtak

Kommunestyret finn ikkje grunnlag for å endra eller oppheva vedtak i K-sak 59/15. Saka vert sendt Fylkesmannen for avgjerd, jf. fvl §33.

Behandling

Bjarte Vatnøy og Kåre Romarheim er ugild i denne saka og deltok difor ikkje under handsaminga.

Innstillinga frå plan- og miljøutvalet vart vedteke mot 2 røyster (Ø.Moldeklev-Frp og G.Husdal-Frp)

Vedtak

I medhald av plan- og bygningslova § 12-12, godkjenner Kommunestyret detaljregulering for Kjevikdalen fyllplass, utviding, PlanID 1263-201306, på føljande vikår:

1. Ny føresegn 1.6 «Universell utforming. Prinsipp for universell utforming skal leggas til grunn for planlegging, prosjektering og gjennomføring av alle nye tiltak. Det skal leggjast særskilt vekt på at publikumsdelen av anlegget skal være tilgjengelig for ulike grupper med funksjonsnedsetjingar.Ved søknad om tiltak skal det dokumenteras korleis universell utforming vert løyst. Det kan gjerast unntak for kravet om universell utforming der terrengforhold eller eksisterande veg/anlegg ikkje gjer det mogeleg med ei hensiktsmessig gjennomføring.»

2. Det skal etablerast dråpeøy i tilkomstvegen f_SV1 til planområdet, dette skal visast i plankartet.

3. Føresegner revidert 09.06.2015 og plankart revidert 09.06.2015 vert lagt til grunn

4. Før reguleringsplanen vert kunngjort godkjent, skal feilfritt plankart liggje føre i gjeldande SOSI-standard for Lindås kommune.

Behandling

Innstillinga frå plan- og miljøutvalet vart samrøystes vedteke.

Vedtak

Kommunestyret, med heimel i plan- og bygningslova §11-15 fyrste ledd, vedtek kommunedelplan for Lindåsosane, Lygra og Lurefjorden slik den ligg føre etter 2.gongs avgrensa høyring og med dei endringane som er foreslått i saksframlegget. Det vert vist til vedlagt merkandsgjennomgang og saksframlegg for grunngjeving.

Behandling

Avdelingsleiar Arnold Matre orienterte til saka.

Innstillinga frå plan- og miljøutvalet vart samrøystes vedteke.

Vedtak

Meldinga er teke til orientering.

Behandling

Framlegget vart samrøystes vedteke.

Vedtak

Kommunestyret i Lindås kommune opprettheld eige vedtak av 21. mai 2015i sak 036/15.

Saka vert send Fylkesmannen i Hordaland for lovlegkontroll, jf. kommuneloven §59 nr. 2.

Behandling

Framlegg frå B.Vatnøy-Frp:

Kommunestyret opphever vedtak av 21.mai 2015 sak 036/15.

Framlegget fekk 8 røyster og fall (B.Vatnøy-Frp, N.Øvreås-Frp, Ø.Moldeklev-Frp, A.Høgquist-Frp, G.Husdal-Frp, I.Hindenes-Uavh, H.Rydland-H, S.Hauge-Ap)

Rådmannen sitt framlegg vart vedteke møt 8 røyster.

Vedtak

1. Kommunestyret godkjenner endeleg ramme på kr 38.575.000 inkl mvafor prosjektet i høve til alternativ 2 full utbygging.

1. Administrasjonen inngår kontrakt med J. H Nævdal yrkesbygg AS og startar bygginga av Storstova.

Behandling

Framlegg frå H.Rydland-H:

Kommunestyret opprettheld vedteken kostnadsramme på 28 mill.NOK for bygging av Storstova på Leiknes. Administrasjonen vert beden om å gjere nødvendige endringar på føretaket for å koma innanfor vedteken kostnadsramme. Dette må gjerast i tett samarbeid med pre-kvalifiserte entrepenørar.

Framlegget fekk 2 røyster og fall (H.Rydland-H og I.Hindenes-Uavh.)

Innstillinga frå formannskapet vart vedteke mot 2 røyster.

Vedtak

1. Lindås kommune gjev ein kommunal garanti, der Lindås kommune står inne for kjøp og oppgjer av inntil 14 bustadar i prosjektet Hordasmibakken (Gnr. 137 bnr. 779), med ei totalramme på kr 32 mill. Lindås kommune har rett og plikt til å peike ut kjøparar til dei 14 bustadane.

2. På bakgrunn av punkt 1 blir det utarbeida ei inneståelseserklæring som skal vere ein del av konkurransegrunnlaget når prosjektet blir lyst på ut i marknaden (Vedlegg 1)

3. Dersom prosjektet blir innvilga grunnlån frå Husbanken, forpliktar Lindås Tomteselskap å kjøpe inntil 14 av bustadane, jfr punkt 1 i avtale mellom Lindås Tomteselskap og Lindås kommune (vedlegg 2)

4. Dersom prosjektet ikkje blir innvilga grunnlån frå Husbanken, forpliktar Lindås Tomteselskap å kjøpe inntil 7 av bustadane, jfr punkt 2 i avtale mellom Lindås Tomteselskap og Lindås kommune (vedlegg 2)

5. Viss kommunen og Tomteselskapet ikkje finn kjøparar til bustadane, står dei fritt til å selje eller leige ut på den opne marknaden.

6. Bustadane blir truleg ikkje innflyttingsklar før i 2017. Den kommunale kostnaden på kr 32 mill med prosjektet blir ført som investeringskostnad i 2017.

Behandling

Framlegg frå B.Vatnøy-Frp:

Saka vert utsett, rådmannen kjem tilbake med saka når Lindås kommune sine leiligheter kan synleggjerast og identifiserast med nummer, storleik og plassering.

Framlegget fekk 11 røyster og fall (B.Vatnøy-Frp, Ø.Moldeklev-Frp, N.Øvreås-Frp, A.Høgquist-Frp, G.Husdal-Frp, I.Hindenes-Uavh., K.Fagna-Uavh., H.Rydland-H, K.Østrem-H, O.Steinsland-H, ME.Sandvik-H).

Innstillinga frå formannskapet vart vedteke mot 1 røyst (Ø.Moldeklev-Frp)

Vedtak

1. Prosjektet med næringssamarbeid med Austrheim kommune blir avslutta 31.12.2015.

2. Det blir etablert ei fast 100 % stilling som næringssjef i Lindås kommune frå 01.01.2016

3. Kostnaden med stillinga blir tatt med i budsjettprosessen for 2016

Behandling

Innstillinga frå formannskapet vart samrøystes vedteke.

Vedtak

1.Formannskapet meiner at Lindås kommune skal vidareføre den gode praksisen som er utvikla på grunnlag av den gamle AML og vera restriktiv i bruk av midlertidige tilsettingar.

2. Arbeidsgjevar skal minst ein gong pr.år drøfte bruken av midlertidige tilsettingar.

3. Desse punkta må innarbeidast i arbeidsgjevars styringsdokument og leggjast fram til neste møte i administrasjonsutvalet.

Behandling

Framlegg frå R.Nesheim-V:

Tillegg til innstillinga frå formannskapet:

For avtalar som er onngått etter 1.7.15 legg kommunen til grunn at retten til å opparbeida rett til fast stilling etter samanhengande tilsettingar er 3 år.

Dette punktet vert sendt til administrasjonsutvalet.

Framlegget vart vedteke mot 2 røyster (H.Rydland-H og L.Sleire-KRF)

Innstillinga frå formannskapet vart samrøyster vedteke.

Vedtak

Kommunestyret vedtar felles regional IKT-strategi 2015 – 2018 som kommunen sin eigen IKT-strategi for den gjeldande perioden.

Behandling

Innstillinga frå formannskapet vart samrøystes vedteke.

Vedtak

1. Kommunestyret bed rådmannen leggja fram ei sak om hamneorganisering, kor Lindås kommune organiserer hamnedrifta.

2. Kommunestyret ønskjer å etablere eit hamneselskap der ein opnar for deltaking frå Fjell og andre kommunar.

Behandling

Felles framlegg til vedtak:

1. Kommunestyret bed rådmannen leggja fram ei sak om hamneorganisering, kor Lindås kommune organiserer hamnedrifta.

2. Kommunestyret ønskjer å etablere eit hamneselskap der ein opnar for deltaking frå Fjell og andre kommunar.

Framlegget vart samrøystes vedteke.

Rådmannen sitt framlegg fekk ingen røyster og fall.

Vedtak

1. Kommunestyret tar rapporten «Mulig samarbeidsmodell for fremtidens brann- og redningstjeneste i bergensregionen», utarbeida av Bergensalliansen, til orientering.

1. Kommunestyret er positiv til å delta i vidare utgreiing om framtidig samarbeid mellom brann- og redningstenestene i Bergensregionen. Det vidare utgreiingsarbeidet må vurdere særskilt kva oppgåver som er aktuelt for samarbeid, organisasjonsform og økonomiske konsekvensar for dei enkelte kommunane.

2. Når utgreiingsarbeidet er ferdig, ber kommunestyret om ei ny sak for å ta endeleg avgjerd om deltaking i eit tettare samarbeid innan brann- og redningstenesta i Bergensregionen.

Behandling

Innstillinga frå formannskapet vart samrøystes vedteke.

Vedtak

Lindås kommune løyver kr. 2,- pr. innbyggjar – runda av til kr. 30.000,-.

Pengane vert å ta frå konto 11205.151.1000 og skal innbetalast til konto 8380.08.09005.

Behandling

Rådmannen sitt framlegg vart samrøystes vedteke.

Vedtak

Meldinga vert teke til orientering

Kommunestyret bed rådmannen utgreie om det er mogleg å etablere dagtilbod for demente på Såta bu- og servicesenter samtidig som ein beheld tilbodet ved Alversund dagsenter. Kommunestyret ønskjer at dette vert ein del av budsjettarbeidet. Det vert ikkje gjort endringar i dagtilbodet for demente før budsjett for 2016 er vedteke.

Framlegg til vedtak til interpellasjonen frå B.Brunborg:

Interpellasjonen vert sent vidare til formannskapet

Presisering av budsjett vedtak frå 11.12.2014. Den økte rammen som er gjeve via statsbudsjettet for å styreke helsestasjonsarbeidet og skulehelsetenesta, skal nyttast til å auka helsesøsterressursen i Lindås kommune.

Framlegget vart vedteke mot 1 røyst (Ø.Moldeklev-Frp)

Interpellasjon frå Lindås FRP v/ Gudmund Husdal

Ordførar.

På kommunen sine nettsider kan ein etter litt leiting finna fram til informasjon om Seniorsenteret.

Her står det følgjande opplysningar datert november 2013:

«-Seniorsenteret et eit aktivitetstilbod og ein møteplass for alle seniorar i Lindås kommune.

Seniorsenteret er ei eigen avdeling i sjukeheimstenesta. Tilbodet vert gjeve på Ostereidet, Lindås og i Knarvik.

Det vert lagd til rette for ei rekkje aktivitetar – til dømes helsetrim, bingo, song og musikk, seniordans, seniortreff, foredrag, senioruniversitet, data- og mobilkurs, festar og turar.»

Som ein ser er det ei lang rekke av gode tiltak og spennande aktivitetar.

Seniorsenteret er i følge teksten over eit tilbod til alle seniorar i Lindås Kommune..

Spørsmål:

1. Kva er kriteriet for å verta rekna som ein senior i Lindås Kommune?

2. Meiner Lindås kommune at informasjonen ut til seniorgruppa er god nok, og at den når fram til dei som den er meint for?

3. Vil Lindås kommune endre på dagens praksis slik at kundegruppa seniorar, seniorens famile og andre får ein enkel tilgang til oppdatert informasjon om aktiviteten på kommunens seniorsentrer?

Forslag til endring:

1. I samarbeid med heimehjelptenesta kan programmet på seniorsenteret distribuerast ut til dei som mottar heimehjelp.

2. Oppdatere kommunen si nettside og Facebookside med informasjon om seniorsentrene.

Uansett informasjonsmetode så er det viktigaste at informasjonen når dei det gjeldt.

Svar frå ordførar:

1. Kva er kriteriet for å verta rekna som ein senior i Lindås Kommune?
   Svar: Lindås kommune har ingen definisjon på kva det vil seie å vere senior. Kommunen har mange aktivitetstilbod som er retta mot ulike målgrupper og det må vere opp til kvar enkelt å vurdere kva for tilbod ein ønskjer å vere med på.

2. Meiner Lindås kommune at informasjonen ut til seniorgruppa er god nok, og at den når fram til dei som den er meint for?
   Svar: Lindås kommune informerer om dei ulike aktivitetstilboda i etablerte informasjonskanalar, anten gjennom informasjonssider i lokalavisene eller på internett/facebook. Dei konkrete samlingane på seniorsenteret vert informert om på kommunen sine informasjonssider i lokalavisene. Det er ikkje gjort noko undersøking om informasjonen om seniortilboda når ut til alle innafor den aktuelle målgruppa. Kva kanalar dei ulike målgruppene i kommunen brukar, er i stadig endring. Vi må utvikle oss i takt med innbyggjarane våre, og gjere vårt beste for å nå dei der dei er.
   

3. Vil Lindås kommune endre på dagens praksis slik at kundegruppa seniorar, seniorens famile og andre får ein enkel tilgang til oppdatert informasjon om aktiviteten på kommunens seniorsentrer?
   Svar: Kommunen har ein kommunikasjonsstrategi som seier at vi skal ut med rett informasjon til rett målgruppe til rett tid. Det betyr også at vi må nå ut med rett informasjon om aktivitetstilbodet til seniorgruppa. Kommunen vil sjå på informasjonsrutinar og kanalar knytt til seniorsenteret, og vurdere om ein brukar rette kanalar ut mot dei som er aktuell for å nytte tilbodet. Forslaget om å bruke heimetenesta til distribusjon av informasjon er godt. Vi kan også vurdere å bruke andre tenester som informasjonskanal for å enklare nå ut til aktuelle målgrupper.

Interpellasjon frå Lindås AP v/ Bjørn Brunborg:

I flere år har det vært et stort og viktig fokus på tidlig innsats for barn som har det vanskelig, og på forebyggende arbeid i kommunene. Den sittende regjering har også tatt et ansvar for denne satsingen ved målrettet å øke ressursen til helsestasjon og skolehelsetjeneste. Denne tjenesten er en svært viktig faktor i kommunens forebyggende innsats og til hjelp for barn og familier som har det vanskelig. Dersom en ikke når frem med hjelp tidlig er det med stor risiko for at barns vansker blir en stor kostnad både økonomisk og i menneskelig lidelse.

Siste tiden har fokuset på tidlig innsats blitt enda sterkere, da flere rapporter og forskning viser at dette har en stor samfunnsøkonomisk gevinst.

Med bakgrunn i dette gjorde Lindås kommunestyre følgende enstemmige vedtak i budsjett møte 11.12.2014:

Gjennom statsbudsjetet 2015 har Lindås kommune fått auka ramme meint til å styrkje helsestasjonen og skuletjenesta. - KO ber rådmannen følgje opp dette.

I ettertid kan en se at dette vedtaket kan være for utydelig.

Kan ordfører bekrefte at administrasjonen har forstått vedtaket slik det ble formidlet fra talerstolen i budsjettmøtet; at den økte rammen som er gitt via statsbudsjettet for å styrke helsestasjonsarbeidet og skolehelsetjenesten, skal benyttes til å øke helsesøsterressursen i Lindås kommune.

Svar frå ordførar:

Rådmannen gav ei orientering kring denne saka då formannskapet var samla i Ulvik. Her vart stoda i Lindås kommune vedkomande lege, jordmor, fysioterapeut og helsesøster opp mot rettleiande normtal (som ikkje er eit krav, men rettleiing) frå Helsedirektoratet presentert. Oversynet viser at Lindås kommune kjem relativt godt ut når det det gjeld helsestasjon, ungdomsskulane og vidaregåande skular medan det er ein differanse i høve til rettleiande nivå og faktisk nivå når det gjeld barneskulane når det gjeld helsesøster.

Rådmannen har lagt inn ei stilling til førebygging frå haust 2016 i framlegg til budsjett, og ønskjer at arbeidet med kvalitetsprosjektet for oppvekstsektoren skal definere kvar denne stillinga skal plasserast.

Interpellasjon frå Lindås SP v/ I.Askeland:

Sak 65/15 Tilstandsrapport for grunnskulen i Lindås, utsett i møtet 18.09.2015

Ordførar

Tilstandsrapporten for grunnskulen i Lindås var sett opp som sak 65/15 kommunestyret 18.06.2015, men vart utsett. Saka er ikkje på kartet i dag, eg vil derfor stilla nokre spørsmål.

Bakgrunn:

Tilstandsrapporten gir oss eit bilete av eit skuleverk som er i god utvikling, med etter kvart gode system for planlegging, oppfølging og evaluering av arbeidet. Det er mykje å gle seg over når det gjeld aktivitetane i skulane, særleg er eg glad for at ein er på rett veg når det gjeld mobbing.

Men tala i rapporten viser likevel ting som gir grunn til stor uro og bekymring.

Det første er tilhøvet mellom spesialundervisning og ordinær undervisning, det andre er at elevane viser lågare meistring enn forventa. Vi har for mange elevar som meistrar lite og for få som meistrar godt.

Tala viser stor auke i talet på elevar som får spesialundervisning.

Det er no nær 13 % av elevane som får spesialundervisning, det er alarmerande høgt tal. Det normale burde vera ca 5 - 6 % etter mi meining.

Det er og påfallande at det blir meir spesialundervisning di eldre elevane blir. På 10. trinn får kvar 5. elev spesialundervisning.

Vi bruker meir enn 20 % av timeressursane til spesialundervisning.

Dette er ei urovekkjande utvikling. Eg har sett slik utvikling før, nå vi har hatt nedskjeringar, men aldri så høge tal som dette.

Det er viktig å understreka at problemet er ikkje spesialundervisninga i seg sjølv, men fordelinga av ressursar mellom spesialundervisning og til ordinær undervisning. Utviklinga tyder på det er for lite ressursar totalt. Det er for lite ressursar dei ca 1700 andre elevane, dei som ikkje har lovfesta rett til spesialundervisning, men likevel har lovfesta rett på tilpassa opplæring. Det er her nedskjeringane har kome dei siste åra. Når det blir mindre ressursar til vanlege hjelpetiltak innan ordinær undervisning, fell mange elevar gjennom og problemet må løysast med spesialundervisning, noko som er ei kostbar løysing. Eg trur at grunnen til låg meistring hos elevane, og til auken i talet på elevar som treng spesialundervisning, er at totaltimetalet no er for lågt.

Men dette er så viktig spørsmål, at her må vi vita, ikkje berre tru. Derfor vil eg spørja:

Spørsmål:

1.Når kjem saka opp att i kommunestyret?

2. Vil det då liggja ved ei utgreiing som

a) forklarer den store auken i behovet for spesialundervisning?

b) forklarer kva konsekvensar nedskjeringane i timetal dei siste to åra har hatt for arbeidet med tilpassa opplæring i skulen?

c) peikar på kva som kan gjerast for å snu den uheldige utviklinga tilstandsrapporten viser?

Svar frå ordførar:

1. Saka kjem opp i kommunestyret den 26.november. Her vil ein gå gjennom hovudmomenta samt leggje opp til dialog kring innhaldet i rapporten.

2. Utviklinga i høve til spesialundervisninga er eitt av punkta som kjem opp i møtet. Prioriteringar i høve til tiltak for å styrkje den ordinære opplæringa og redusere spesialundervisninga er det arbeidd med ei tid. Vidare vil ein gjennom arbeidet med kvalitetsrapport for oppvekst fastsetje satsingsområde for sektoren.

Behandling

Meldingane vart teke til orientering, men Alversund dagsenter vart tatt opp utanom.

Framlegg frå A.Hetlebakke-Krf:

Kommunestyret bed rådmannen utgreie om det er mogleg å etablere dagtilbod for demente på Såta bu- og servicesenter samtidig som ein beheld tilbodet ved Alversund dagsenter. Kommunestyret ønskjer at dette vert ein del av budsjettarbeidet. Det vert ikkje gjort endringar i dagtilbodet for demente før budsjett for 2016 er vedteke.

Framlegget vart samrøystes vedteke.

Vedtak

Lindås kommune tek endringane i miljømåla for vassførekomstane i kommunen til orientering. Kommunen kan ikkje sjå at kunnskapsgrunnlaget dei ulike tiltaka for vassførekomstane er basert på, er styrka sidan 1. gangs høyring. Lindås kommune vil halde fast på at det må utarbeidast eit betre kostnadsoverslag for dei enkelte tiltaka før den regionale planen vert vedteken. Handlingsprogrammet bør få fram behov for auka ressursar i kommunane knytt til gjennomføring av tiltak og implementering av den regionale planen i verksemdene.

Lindås kommune viser elles til sin uttale til 1. gangs høyring og fastheld dei momenta som vart sett fram der.

Behandling

Innstillinga frå plan- og miljøutvalet vart samrøystes vedteke.

Vedtak

Lindås kommune støttar dei overordna måla i framlegg til regional areal- og transportplan for Bergensregionen. Det er stor semje om at ein monaleg større del av transportarbeidet må dreiast over til kollektiv transport, samt at prosentandelen som går eller syklar må aukast. Ein viktig strategi her vert å følgja opp prinsippa om fortetting som ligg til grunn for m.a den nyleg vedtekne regionale plan for attraktive senter i Hordaland.

Lindås kommune vil understreka at Regional areal- og transportplan for Bergensregionen må vera til for å styrka bydelssentra og dei regionale sentra, og ikkje for å verta nytta mot einskildplanar kring i dei einskilde kommunane. Dette ansvaret må vera å verta løyst gjennom opne kommunale planprosessar som før.

Lindås kommune m.fl vil difor peika på at store deler av kommunane i Nordhordland består av mindre bygdesamfunn med lite nyetableringar. Planframlegget må ikkje verta nytta som heimel for stogga utbygging/utvikling i desse bygdene. Det er viktig at desse bygdene og får eit kollektivtilbod til lokalsenter og regionsenter.

Utbetring av E39 nordover og Fv 57 mot Mongstad er særs viktige infrastrukturtiltak. Dette gjeld særleg i høve kollektivsatsing og næringsutvikling. Dette bør komma tydelegare fram i plandokumenta.

I endeleg planutkast bør det vera tydelegare kva status plandokumentet skal ha. Politikken i planen er stort sett formulert som retningslinjer (ikkje juridisk bindande), men har formuleringar som i for sterk grad kan overstyra den kommunale arealpolitikken dersom den vert nytta som grunnlag for uttalar/motsegn.

Det vert forøvrig synt til saksutgreiinga til administrasjonen.

• Planen må ikkje overstyra overordna kommunale planar for næringsutvikling , bustadbygging og arealutvikling.

• Høyringsuttale vert vedteke under føresetnad om at planen ikkje vert juridisk bindande.

Behandling

I saksutgreiinga mangler Lindås kommune i planområdet som vert omfatta, ny tekst:

Planområdet omfattar kommunane Bergen, Radøy, Meland, Lindås, Askøy, Fjell, Øygarden, Sund, Osterøy, Vaksdal, Samnanger og Os. Planen har ein planperioden på 12 år (2016 – 2027).

Fellesframlegg

Tillegg til rådmannen sitt framlegg til vedtak:

• Planen må ikkje overstyra overordna kommunale planar for næringsutvikling , bustadbygging og arealutvikling.

• Høyringsuttale vert vedteke under føresetnad om at planen ikkje vert juridisk bindande.

Innstillinga frå plan- og miljøutvalet med tillegg vart samrøystes vedteke.