Utval: | Kommunestyret |
---|---|
Dato: | 26.11.2015 12:00 - 18:30 |
Møtestad: | Knarvik sjukeheim |
Status: | Møtet er ferdig protokollert |
Sakskart: | , |
Møteprotokoll: |
Innkalling og saksliste er godkjent
Ingen merknader, samrøystes.
Møteprotokollane frå 24.09.2015, 15.10.2015 og 22.10.2015 er godkjent
Ingen merknader, samrøystes.
I medhald av plan- og bygningslova § 12-14, godkjenner kommunestyret reguleringsendring for Mangerbua 2, del av gnr 137, plan-ID 1263-200817, på følgjande vilkår:
Reviderte føresegner datert 02.11.2015 og plankart datert 22.06.2015 vert lagt til grunn.
Før planen vert kunngjort godkjent, skal feilfritt plankart liggje føre i gjeldande SOSI-standard for Lindås kommune.
Endringar som vist i skriv frå Proess, datert 06.11.2015, vert teke inn i planmaterialet. Planmaterialet skal oppdaterast før det vert lagt fram for kommunestyret for endeleg godkjenning.
Datoer på plankart og føresegner vert oppdatert i rådmannen sitt framlegg.
Område f_NL vert omregulert til opparbeida leikeplass og møteplass for bebuarane i området. Likeplass f_NL må opparbeidast før det vert gjeve bruksløyve eller ferdigattest for B5 og BB.
Karl Våstøl er ugild i denne saka og deltok av den grunn ikkje, Henning Fyllingsnes møtte som vara.
Framlegg frå I.Fjeldsbø-H:
Punkt 5 går ut
Framlegget fekk 5 røyster og fall (alle H og MDG).
Innstillinga punkt 1-4 vart samrøystes vedteke
Punkt 5 i innstillinga frå plan- og miljøutvalet vart vedteke mot 5 røyster.
1. Kommunestyret godkjenner byggeprogrammet slik det ligg føre.
2. Kommunestyret bed prosjektet vurdera behov for tilleggsareal som lager/bod til skulen og frivillige lag.
Ass.rådmann Hogne Haugsdal og eigedomssjef Therese Braseth orienterte til saka.
Framlegg frå Ø.Moldeklev-Frp:
Kommunestyret bed rådmannen koma tilbake til kommunestyret med byggeprogram for Knarvik barneskule med 450 elevar.
Framlegget fekk 5 røyster (alle FRP)
Framlegg frå M.E.Sandvik-H:
Tilleggspunkt til rådmannen sitt framlegg:
pkt. 3 Kommunestyret ber rådmannen leggje fram ei sak om symjehall og terapibasseng i Knarvik, med fokus på plassering og økonomi (investering/drift).
Framlegget fekk 4 røyster og fall (alle H)
Framlegg om tillegg frå S.Toft-V:
Behov for større hallkapasitet må vurderast i byggjeprogrammet.
Framlegget fekk 11 røyster og fall.
Lindås kommune har følgjande uttale til høyringsnotatet «Rett til opphold i sykehjem eller tilsvarende bolig særskilt tilrettelagt for heldøgns tjenester – kriterier og ventelister»:
Forslaget omfattar i hovudsak eldre. Yngre tenestemottakarar er ikkje nemnd eller vurdert i det heile. Yngre tenestemottakarar kan ofte ha eit omfang av heildøgns tenester langt utover det ein sjukeheimsbebuar har. Framlegget inneber difor ei klar forskjellsbehandling av eldre og yngre tenestemottakarar. Det er ikkje nødvendigvis slik at pasient- og brukarrettigheiter som i utgongspunktet sett frå ei gruppe pasientars/brukars perspektiv blir oppfatta som sterke, bidreg til eit godt, forsvarleg og likeverdig tenestetilbod for kommunens pasientar og brukarar samla sett. Ei rettigheit til eit bestemt kommunalt tenestetilbod bidreg ikkje nødvendigvis til ein best og mest effektiv bruk av kommunens ressursar.
Framlegget inneber ei plikt for kommunane til å utarbeide kriterier for tildeling av langtidsopphald. Plikten omfattar pasientar/brukarar som med forsvarleg hjelp kan bu heime i påvente av plass. Dette er pasientar/brukarar som etter dagens regelverk ikkje har rett til vedtak om tildeling av langtidsplass. Vedtaket betyr ikkje at vedkomande blir tildelt plass på vedtakstidspunket. Kommunen må gjere nytt vedtak når konkret plass blir tildelt. Regjeringa peikar på at kommunane alltid må vurdere kven som har størst behov for langtidsplass. Det kan ikkje setjast frister som undergrev prinsippet om at den som treng plassen mest, har fortrinnsrett. For kommunane vil dette bety ekstraarbeid og ytterlegare byråkratisering, utan nødvendigvis realitetsendring for pasientane/brukarane i forhold til dagens regelverk.
Kommunane har tilpassa seg samhandlingsreformens utfordringar ved m.a. å auke andelen av korttidsplassar. Denne auken har skjedd på bekostning av langtidsplassar. Høyringsnotatet fokusering på rett til langtidsplass også for dei som får forsvarleg hjelp heime i påvente av plass, kan føre til auka forventningar til langtidsplassar i befolkninga og hos pasientar/brukarar – utan nødvendigvis realitetsendring for pasientane/brukarane i forhold til dagens praksis. For kommunane vil dette kunne innebere auka utfordringar i eit landskap av pressa kommuneøkonomi og intensjonen med å få mest mogeleg nytte ut av kvar krone som blir brukt i helse- og omsorgstenesta.
…………………………
Innstillinga frå levekårsutvalet vart samrøystes vedteke.
Lindås kommune prioriterer dei aktuelle søknadane om spelemidlar for 2016 slik:
Ordinære anlegg:
Prioritet 1: Alversund kunstgrasbane
Prioritet 2: Eikanger Idrettslag, rehabilitering skianlegg Gamlesætra
Prioritet 3: Eikanger Idrettslag, skileikanlegg Gamlesætra
Prioritet 4: Lindås skyttarlag, skytebane
Prioritet 5: Lindås Idrettspark kunstgrasbane med lysanlegg (ny søknad)
Prioritet 6: Lindås Idrettspark delanlegg friidrett (ny søknad)
Prioritet 7: Knarvik Idrettspark, rehabilitering friidrettsanlegg (ny søknad)
Prioritet 8: Storstova Leknes (ny søknad)
Prioritet 9: Fleirbrukshall Alversund (ny søknad)
Nærmiljøanlegg:
Prioritet 1: Lindås Idrettspark nærmiljøanlegg (ny søknad)
Innstillinga frå levekårsutvalet vart samrøystes vedteke.
Lindås kommune sluttar seg til regionrådet sin uttale til planprogram RTP, ds.24.11.2015, med fylgjande tillegg:
2.2.2. verknad plan: ordet "motsegn" vert endra til "merknad".
5.1.1. Overordna fylkesvegnett
Nytt punkt under: utgreiingsbehov
Utgreie muligheiter og konsekvensar ved mogleg omlegging av E39 gjennom Knarvik sentrum med trasse til Isdalstø og ny akse til Gjervik/Eikanger området. Også med tanke på regionsenter utvikling av Knarvik.
5.1.5. Tunnelar
Nytt punkt under: utgreiingsbehov
utgreie/kartlegge behov for opprusting av tunnelar, på strekninga Knarvik-Mongstad FV 57, til ein standard som tilfredstillar tunnelar på Europa/riksvegsnettet. For å forbereda endring av FV57 til Riksveg.
5.2. Pendlerrutebuss på tilpassast nærings- og bustadsområder i regionen.
- utgreie behov for natt/helgetilbod i sentrumsnære områder i regionssentra i samarbeid med kommunane.
- ringbussordningar i regionssentra.
Fellesframlegg:
Lindås kommune sluttar seg til regionrådet sin uttale til planprogram RTP, ds.24.11.2015, med fylgjande tillegg:
2.2.2. verknad plan: ordet "motsegn" vert endra til "merknad".
5.1.1. Overordna fylkesvegnett
Nytt punkt under: utgreiingsbehov
Utgreie muligheiter og konsekvensar ved mogleg omlegging av E39 gjennom Knarvik sentrum med trasse til Isdalstø og ny akse til Gjervik/Eikanger området. Også med tanke på regionsenter utvikling av Knarvik.
5.1.5. Tunnelar
Nytt punkt under: utgreiingsbehov
utgreie/kartlegge behov for opprusting av tunnelar, på strekninga Knarvik-Mongstad FV 57, til ein standard som tilfredstillar tunnelar på Europa/riksvegsnettet. For å forbereda endring av FV57 til Riksveg.
5.2. Pendlerrutebuss på tilpassast nærings- og bustadsområder i regionen.
- utgreie behov for natt/helgetilbod i sentrumsnære områder i regionssentra i samarbeid med kommunane.
- ringbussordningar i regionssentra.
Framlegget vart samrøystes vedteke.
Vedtak:
Kommunestyret tek økonomirapport pr. 2. tertial 2015 til orientering.
Det vert føreteke budsjettjusteringar for 2015 slik det går fram av tabell 1 (sentrale postar).
Det vert føreteke budsjettjusteringar for 2015 slik det går fram av tabell 2 (tenesteområda).
Rådmannen får fullmakt til å gjera endringar i interne disponeringar for 2015 slik som skissert i kapittel 2.8.
Rådmannen får fullmakt til å gjere tekniske justeringar slik det går fram av punkt 3.7.
Det vert føreteke budsjettjusteringar for 2015 slik det går fram av investeringsoversikt som synar mindre/ meirforbruk, jmf. punkt 6.1.
Rådmannen får fullmakt til å setje av inntekt frå sal av bustad på investeringsfond, slik det går fram av punkt 6.1.
Rådmannen tek opp 18 060 000 kr i startlån for 2015, slik det går fram av punkt 6.1.
Tidligare ubrukte lånemidlar skal finansiera årets investeringar. Prosjekta dei ubrukte midlane er lånt opp til, skal dermed finansierast gjennom nytt låneopptak i dei åra dei vert prioritert gjennomført. Prosjekta skal fremgå av investeringsbudsjettet i det aktuelle året.
Økonomisjef Janne Sund orienterte til saka.
Innstillinga frå formannskapet vart samrøystes vedteke.
Melding om kvalitet og tilstand i grunnskulen i Lindås 2014-2015 er teken til orientering.
Kommunalsjef Kristin Moe orienterte til saka.
Innstillinga frå levekårsutvalet vart samrøystes vedteke.
Den faste politiske representant til samarbeidsutval for skule og barnehage skal kome frå kommunestyret inkludert vara til kommunestyret.
Framlegg frå A.Hetlebakke-Krf:
Den faste politisk representant til samarbeidsutval for skule og barnehage skal kome frå kommunestyret. Dette for å sikre samanheng mellom politikk og administrasjon.
Framlegget fekk 13 røyster og fall.
Framlegg fra N.Bognøy-Ap:
Den faste politiske representant til utval for skule og barnehage skal kome frå kommunestyret inkludert vara til kommunestyret.
Framlegget vart vedteke mot 13 røyster.
Leidulv Brunborg vert attvald som leiar i takstnemnda for eigedomsskatt.
Innstilling frå valnemnda:
Leidulv Brunborg vert attvald som leiar i takstnemnda for eigedomsskatt.
Innstillinga vart samrøystes.
Unni A.Sæbø er leiar i klagenemnda.
Innstilling frå valnemnda:
Unni A.Sæbø er vald som leiar i klagenemnda.
Innstillinga vart samrøystes vedteke.
Medlem:
Vendla Urdal (etter framlegg frå Osterfjorden pensjonistlag )
Alf Sætran (Lindås pensjonistlag)
Magnhild Haugen (Seim pensjonistlag)
Terje Fjellanger (Lindås pensjonistlag)
Vara:
Kirsten Fjellanger(Lindås pensjonistlag)
Mary Gjøsæter (Lindås pensjonistlag)
Eldbjørg Valle (Seim pensjonistlag)
Rune Seim
Innstilling frå valnemnda:
Medlem:
Vendla Urdal (etter framlegg frå Osterfjorden pensjonistlag )
Alf Sætran (Lindås pensjonistlag)
Magnhild Haugen (Seim pensjonistlag)
Terje Fjellanger (Lindås pensjonistlag)
Vara:
Kirsten Fjellanger(Lindås pensjonistlag)
Mary Gjøsæter (Lindås pensjonistlag)
Eldbjørg Valle (Seim pensjonistlag)
Rune Seim
Framlegget vart samrøystes vedteke.
Medlem:
Øystein Moldeklev (framlegg frå SAFO)
Terje Olav Olsen (mental helse Lindås)
Bente Orlen Westervik (revmatikerforeningen i Lindås , FFO)
Vara:
Astri Aarhus Rolland (LHL Lindås, FFO)
Erling Jacobsen (Bergen døvesenter, FFO)
RMNF får fullmakt til å konstituere nestleiar sjølv.
Innstilling frå valnemnda:
Medlem:
Øystein Moldeklev (framlegg frå SAFO)
Terje Olav Olsen (mental helse Lindås)
Bente Orlen Westervik (revmatikerforeningen i Lindås , FFO)
Vara:
Astri Aarhus Rolland (LHL Lindås, FFO)
Erling Jacobsen (Bergen døvesenter, FFO)
RMNF får fullmakt til å konstituere nestleiar sjølv.
Framlegget vart samrøystes vedteke.
Meldinga vert teke til orientering
INTERPELLASJON OM ASYLKRISA – frå May-Eva Sandvik-H
Norge har i haust opplevd ein formidable auke i asylanter og spesielt den siste månaden har situasjon vorte uoversikteleg og krevjande.
Nyleg fekk alle landets kommunar eit brev frå Statsminister Erna Solbeg om krisa knytta til asylmottakssystemet, datert 16.11.2015. Brevet var ma også underteikna Marit Helgesen frå KS. I brevet kjem det fram at det kvar dag kjem ca 350 personar som treng ein stad å bu, og at startlege myndigheter er heilt avhengig av eit godt samarbeid med kommunane for å løyse oppgåva. Alle kommunar må vere budd på at det kan verta innkvartert asylsøkjarar på kort varsel, heiter det i brevet. I tillegg til private mottak, inneheld brevet også ei sterk oppfordring til kommunane om å opprette asylmottak og være driftsoperatør. «Vi oppfordrer hvert enkelt kommune til å gjøre sitt ytterste for å kunne imøtekomme den konkrete anmodningen frå Integrerings- og mangfoldsdirektoratet (IMDI)» sitat slutt.
I juni vedtok Lindås kommune å ta imot 11 flyktningar i tillegg til tidlagre vedtak. I den samanheng uttalte ordførar at, sitat; «Her er det plass til feire flyktningar» jfr avisa Dagen 7. mai 2015, og vidare i same artikkel «sjølvsagt skal me ta i mot fleire». I lag med også andre parti har varaordførar Nina Bognøy uttalt seg positivt til å ta i mot fleire flyktningar og eg vil tru at dette også gjeld asylsøkarar. Frå media både sentralt og lokalt les ein om usemje knytta til strategisk løysningar på asykrisa. Denne interpellasjonen handlar ikkje om ein politisk debatt om argument «for eller mot», men det faktum at landet no er i krise og treng hjelp frå kommunane.
I media vert det også lest at Lindås kommune skal laga ein handlingsplan for mottak av flyktningar, med politisk handsaming i januar.
Brevet frå statsministeren gjeld asylmottak og det er bedt om at kommunane handlar raskt. Sitat « den enkelte kommune er bedt om å fatte vedtak om bosetting for neste år innen årets utgang».
Kva strategiar har Lindås kommune for å være driftsoperatør for asylmottak?
Har Lindås kommune lokalar som kan nyttast til dette formålet?
I media les ein om at det i andre kommunar vert nytta til dømes idrettshallar til nemnde formål, det dette aktuelt i Lindås kommune?
I tilfelle det vert oppretta offentlege mottak, kan ein antyda kor mange asylsøkjarar kan me ta i mot?
Er det oppretta kontakt med frivillige lag og organisasjonar i kommunen om eit samarbeid?
Det er frå media (ordførar) komme fram at det er mange familiar som ynskjer å huse både flyktningar og asylantar. Korleis går ein fram for å få dette til?
FO vart i haust informert om mulig asylmottak på Lune Huler på Vågseidet. Er Lindås kommune kjent med om mottaket vert realisert?
Dersom det vert privat mottak på Lune Huler og i tillegg mulighet for offentlege mottak, kva strategiar har kommunen for lovpålagte oppgåver innan til dømes helse og oppvekst?
Og til slutt vedk flyktningar: Er det pr dd ledige kommunale bustader?
Svar frå ordførar:
Innleiing:
Europa og Norge har for tida store utfordringar knytt til auke i talet på flykningar og asylsøkjarar. Alle kommunane i Norge er blitt oppmoda av styresmaktene til å ta eit ekstra ansvar for å ta imot dei som kjem til landet, og situasjonen er prekær. I den offentlege debatten blir det brukt mange ulike begrep i forhold til dei behova som har oppstått. Det blir mellom anna snakka om akuttmottak, varige asylmottak og busetting av flyktningar. Det er viktig at vi har ei felles forståing av desse begrepa før vi svarar på dei konkrete spørsmåla i interpellasjonen.
Lindås kommune har tatt på seg eit ansvar for å busetje flyktningar som har fått varig opphald i landet, altså der asylsøknad er ferdig handsama. For å sikre ei god busetting og integrering av desse flyktningane, skal kommunen utarbeide ein konkret handlingsplan. Prosjektmandat for denne planen kjem til politisk handsaming i desember. Det er også kome ei oppmoding frå Fylkesmannen, datert 20.11.15, om å busetje fleire flyktningar i perioden 2016 – 2019, enn det kommunen allereie har gjort vedtak om. Denne oppmodinga vil bli tatt med i arbeidet med handlingsplanen.
Når det gjeld den krevjande situasjonen med den store straumen av asylsøkjarar, er det andre løysingar styremaktene har bedt kommunane om. Lindås kommune har fått konkret førespurnad frå Fylkesmannen om kommunen har lokalar for store akuttmottak. Det vil seie lokalar som kan ta inntil 1000 personar og der opphaldet varar ein kort periode. Kommunen har meldt tilbake at ein ikkje har eigne bygg til dette føremålet, men at det kanskje står ledige industribygg som kan tilpassast. Eit anna behov er varige asylmottak for mindreårige, slik det er tenkt på Lune Huler. Dette er mottak for mindreårige som ventar på handsaminga av asylsøknaden. Det er UDI som har ansvar for slike mottak og dei lyser ut anbod til aktuelle driftsselskap og huseigarar. Kontraktane er på 3 år med opsjon på 3 år til. Det er også mulig for kommunen å drive slike mottak, slik UDI har oppfordra kommunane gjennom eit brev datert 17.11.15. Dette brevet er sendt ut til kommunestyret.
Kommunen har tatt på seg ei aktiv rolle knytt til busetting av flyktningar som har fått varig opphald. Skal kommunen ta på seg ei aktiv rolle utover dette, til dømes med drift av asylmottak, må det avklarast gjennom ein politisk prosess. Det blir lagt opp til ein gjennomgang og orientering i formannskapsmøtet 3. desember.
Kva strategiar har Lindås kommune for å være driftsoperatør for asylmottak?
Svar: Lindås kommune har mottatt eit brev frå UDI med oppmoding til å drive mottak i offentleg regi. Kommunen har foreløpig ikkje tatt stilling til å om ein skal ta på seg ei slik rolle, dette må avklarast gjennom ein politisk prosess.
Har Lindås kommune lokalar som kan nyttast til dette formålet?
Svar: Det er ikkje gjort noko konkret vurdering om Lindås har eigna lokalar som kan nyttast til asylmottak.
I media les ein om at det i andre kommunar vert nytta til dømes idrettshallar til nemnde formål, det dette aktuelt i Lindås kommune?
Svar: I tilbakemelding til Fylkesmannen har administrasjonen meldt at det ikkje vil vere aktuelt å bruke Nordhordlandshallen og Lindåshallen til akuttmottak, då dei er i kontinuerlig bruk til fritidsaktiviteter og aktivtetar i skulen. Utover det har ikkje kommunen bygningsmasse som kan vere aktuelt for eit stort akuttmottak.
I tilfelle det vert oppretta offentlege mottak, kan ein antyda kor mange asylsøkjarar kan me ta i mot?
Svar: Det er ikkje kommunen som vurderer kor mange asylsøkjarar eit mottak kan ta. I tillegg kjem det an på kva type mottak det er snakk om og kor store lokalar ein har til disposisjon.
Er det oppretta kontakt med frivillige lag og organisasjonar i kommunen om eit samarbeid?
Svar: I arbeidet med busetting av flyktningar vil samarbeid med frivillige lag og organisasjonar vere viktig, noko ein også legg opp til gjennom handlingsplanen som blir laga. Mange lag og organisasjonar har tatt kontakt med ønskje om å vere med på integreringsarbeidet. Det er til dømes innleia samarbeid med Røde Kors og NBK om å etablere nye måtar for integrering og inkludering. Det er også på gong fleire nye tiltak som «språkkafe» og «lån ein innbyggar» på biblioteket, samt «Røde Kors Ut på Tur i Nordhordland».
Det er frå media (ordførar) komme fram at det er mange familiar som ynskjer å huse både flyktningar og asylantar. Korleis går ein fram for å få dette til?
Svar: Gjennom handlingsplanen for busetting av flyktningar vil det vere ei eiga arbeidsgruppe som skal jobbe med sjølve bustadsituasjonen. Det er naturlig å adressere innspel frå innbyggjarar via dette planarbeidet. Det er mange som har meldt si interesse og det er tatt hand av bustadkontor og NAV.
FO vart i haust informert om mulig asylmottak på Lune Huler på Vågseidet. Er Lindås kommune kjent med om mottaket vert realisert?
Svar: Lune Huler og Norsk Mottaksdrift AS har sendt inn eit anbod til UDI om drift av varig mottak for mindreårige. Anbodet er til handsaming i UDI. Kommunen har ikkje mottatt tilbakemelding frå UDI om prosessen.
Dersom det vert privat mottak på Lune Huler og i tillegg mulighet for offentlege mottak, kva strategiar har kommunen for lovpålagte oppgåver innan til dømes helse og oppvekst?
Svar: Gjennom handlingsplanen for busetting av flyktningar er det lagt opp til å etablere tverrfaglege grupper som skal ivareta alle oppgåver innafor til dømes helse og oppvekst. Viss det blir oppretta ulike asylmottak, vil kommunen også ha eit ansvar for å levere ulike tenester. Fagområda i kommunen er i gang med å vurdere situasjonen og konsekvensane for tenesteproduksjonen. Om det blir aktuelt med asylmottak vil kommunen ha tett dialog med mottaket.
Og til slutt vedk flyktningar: Er det pr dd ledige kommunale bustader?
Svar: Ja, det er ledige kommunale bustadar som kan nyttast til flyktningar. I tillegg får kommunen mange tilbod frå privatpersonar om leige.
Rådmannen sitt framlegg vart samrøystes vedteke.
Kommunestyret vedtar den politiske møteplanen for 2016 slik den ligg føre.
Rådmannen sitt framlegg vart samrøystes vedteke.
SU Alversund skule
Medlem: Astrid Rongevær
Varamedlem: Marianne S.Skauge
SU Eikanger skule
Medlem: Malin Knudsen
Varamedlem: Henning Fyllingsnes
SU Knarvik barneskule
Medlem: Mette M.Træland
Varamedlem: Sæbjørg H.Kjeka
SU Knarvik ungdomsskule
Medlem: Leif H.Sleire
Varamedlem: Dan Olsen
SU Kløvheim skule
Medlem: Marielle Bjørnevoll
Varamedlem: Martin Alling
SU Lindås barneskule
Medlem: Leif Erik Gullanger
Varamedlem: Jørgen Herland
SU Lindås ungdomsskule
Medlem: Olav Steinsland
Varamedlem: Kjetil Melvær
SU Leiknes skule
Medlem: Dag Henning Valdersnes
Varamedlem: Andreas Dyngen
SU Myking skule
Medlem: vetlemøy Wergeland
Varamedlem: Irene Hodneland
SU Ostereidet barneskule
Medlem: Anita Bakken
Varamedlem: Oddvar Øvreås
SU Ostereidet ungdomsskule
Medlem: Nina Stabell Øvreås
Varamedlem: Laila Bjørge
SU Seim skule
Medlem: Ingeborg Myksvoll
Varamedlem: Odd Leif Mjøs
SU Haugen barnehage
Medlem: Asle Hetlebakke
Varamedlem: Nina Bognøy
SU Juvikstølen barnehage
Medlem: Leidulv Brunborg
Varamedlem: Thomas Larsen
SU Kolås barnehage
Medlem: Stina V.Mongstad
Varamedlem: Bent Risøy
Innstillinga frå valnemnda vart samrøystes vedteke.
Politikar | Parti | Medlemstype | E-Post |
---|---|---|---|
Astrid Aarhus Byrknes | Kristeleg Folkeparti | Ordførar | ordf@lindas.kommune.no |
Nina Bognøy | Arbeiderpartiet | Varaordførar | nina-ys@online.no |
Stina Cook-Mongstad | Arbeiderpartiet | Medlem | stina@blir.me |
Dag Hugaas | Arbeiderpartiet | Medlem | d.hugaas@online.no |
Ståle Juvik Hauge | Arbeiderpartiet | Medlem | stale.hauge@lindas.kommune.no |
Hogne Brunborg | Arbeiderpartiet | Medlem | hogne.brunborg@gmail.com |
Leidulv Brunborg | Arbeiderpartiet | Medlem | leidulv.brunborg@online.no |
Andreas Dyngen | Fremskrittspartiet | Medlem | andreas@dyngen.net |
Gro Anita Høgquist | Fremskrittspartiet | Medlem | anitalogg@gmail.com |
Øystein Reidar Moldeklev | Fremskrittspartiet | Medlem | buheim@outlook.com |
May Eva Sandvik | Høgre | Medlem | may.eva.sandvik@lindas.kommune.no |
Karl Vågstøl | Høgre | Medlem | karl@activrevisjon.no |
Ingrid J.Fjeldsbø | Høgre | Medlem | i-fjelds@frisurf.no |
Asle Hetlebakke | Kristeleg Folkeparti | Medlem | a-hetleb@online.no |
Leif Hosøy Sleire | Kristeleg Folkeparti | Medlem | leif.sleire@gmail.com |
Odd Leif Mjøs | Kristeleg Folkeparti | Medlem | odd.leif.mjos@gmail.com |
Bent Risøy | Kristeleg Folkeparti | Medlem | berisoey@gmail.com |
Vetlemøy Wergeland | Kristeleg Folkeparti | Medlem | vetlemoy@gmail.com |
Sæbjørg Hageberg Kjeka | Kristeleg Folkeparti | Medlem | sebkjek@gmail.com |
Malin Helene Andvik | Kristeleg Folkeparti | Medlem | malin.h.knudsen@gmail.com |
Dag Henning Valdersnes | Kristeleg Folkeparti | Medlem | dagval@hfk.no |
Anita Bakken | Miljøpartiet De Grønne | Medlem | anitabakken1@gmail.com |
Anna K.Valle | Senterpartiet | Medlem | jakvalle@online.no |
Jarle Vassdal | Senterpartiet | Medlem | jarl-vas@online.no |
Ingeborg Myksvoll | Senterpartiet | Medlem | klompenv@online.no |
Jørgen Herland | Senterpartiet | Medlem | joer-he@online.no |
Peder Jøsendal | Sosialistisk Venstreparti | Medlem | pederjosendal@icloud.com |
Sveinung Toft | Venstre | Medlem | sveinung.toft@masfjorden.kommune.no |
Dan Olsen | Fremskrittspartiet | Varamedlem | hrdanolsen@hotmail.com |
Martin Alling | Fremskrittspartiet | Varamedlem | martin@alling.no |
Thomas Larsen | Høgre | Varamedlem | thomas.hogre@outlook.com |
Christian H. Reinshol | Christian.Reinshol@lindas.kommune.no | ||
Janne Sund | Janne.Sund@lindas.kommune.no | ||
Kristin Moe | Kristin.Moe@alver.kommune.no | ||
Arne Eikefet | Arne.Eikefet@lindas.kommune.no | ||
Therese Urdahl Braseth | Therese.Braseth@lindas.kommune.no | ||
Terje Sætre | Terje.Saetre@lindas.kommune.no | ||
Hogne Haugsdal | Hogne.Haugsdal@lindas.kommune.no | ||
Nina Stabell Øvreås (Ikke møtt) | Fremskrittspartiet | Medlem | Nina.Ovreas@lindas.kommune.no |
Bjarte Vatnøy (Ikke møtt) | Fremskrittspartiet | Medlem | bjarte@vatnoy.no |
Olav Magnus Steinsland (Ikke møtt) | Høgre | Medlem | olav.m.steinsland@bkkfiber.no |
Portaltest (Ikke møtt) | Uavhengig | Medlem | oja@online.no |