Møte i Kommunestyret den 12.05.2016

Innstillinga frå Formannskapet vart samrøystes vedteke.

Formannskapet si innstilling vart samrøystes vedteke.

Innstillinga frå Formannskapet vert samrøystes vedteke.

1. Kommunestyret tek finansrapport for 2015 til orientering

Meldinga er teke til orientering.

Det var 2 interpellasjonar, ein frå Bjarte Vatnøy - Frp og ein frå Karl Vågstøl - H.

Framlegg frå Ståle Hauge-Ap:

Interpellasjonen frå Bjarte Vatnøy-Frp vert utsatt til neste kommunestyremøte. Det vises til reglementet til Lindås kommune, der intensjonen er at forslagsstiller kan svare og følge opp spørsmål. Samrøystes vedteke.

Interpellasjon frå Karl Vågstøl - H:

Knarvik områdeplan vart vedtatt i Kommunestyremøte 18.06.2015 (sak 59/ 15).

Det er ein omfattande plan som har som mål å leggja til rette for at Knarvik skal utviklast med bymessige strukturar og kvalitetar. Med planen ønskjer ein at Knarvik skal ha god tilrettelegging for handel og service, ein god kollektivdekning , effektive parkeringsløysingar og gode byrom for aktivitet og sosialt samvære.

Utvikling av planen og trafikksituasjonen i Knarvik har medført at det i mange år har vore byggestopp i området.

Statens Vegvesen innførte byggestopp i Knarvik i 2006 på grunn av problem med trafikksituasjonen i området. Situasjonen var spesielt problematisk på sørsida av RV 39.

For å utvikla området generelt og Knarvik Senter spesielt tok Knarvik Senter initiativet til å følgja opp vegvesenets sitt krav om rundkøyring. I samarbeid mellom Knarvik Senter og Lindås Kommune vart rundkøyringa finansiert med forskotering på kr 5 mill. frå Lindås Kommune og kr 10 mill. frå Knarvik Senter. Disse midlane vart tilbakebetalt 31. mars i 2016.

I tillegg fulgte det rekkefølgekrav frå Lindås Kommune ved bygging av rundkøyringa. Disse bestod i ny kommunevei frå rundkøyringa mot rådhuset samt oppgradering av Bruvegen og deler av Kvassnesvegen. Disse rekkefølgekrava vart utført av Knarvik Senter aleine.

Resultatet av disse investeringane som er gjort av Knarvik Senter er at Statens Vegvesen har akseptert at det kan byggjast 30.000 kvm. nybygg. Dette er og tatt med i områdeplanen i

«Føresegner om rekkjefølge» pkt. 3.2.2, der det fremgår at det kan gjevast løyve til tiltak for inntil 30.000 kvm. nybygg før oval rundkøyring (inklusiv veg 4a og veg 6) er ferdigstilt.

Utgangspunktet for Knarvik Senter sin investering her var at dei skulle kunna byggja ut med

10.000 kvm. utan nye rekkefølgekrav . Dette har imidlertid ikkje vorte ein del av den vedtatte Områdeplanen.

Spørsmål 1:

Det er nødvendig at Lindås Kommune er ein forutsigbar samarbeidspartnar og samfunnsbyggjar. Vil Lindås Kommune ta initiativ til at Knarvik Senter får byggja l0.000 kvm. nybygg utan nye rekkefølgekrav?

Når dei aktuelle 30.000 kvm . er brukt, vi l vidare utbygging I bruksløyve vera avhengig av at oval rundkøyring og dei to nedkøyringane frå o_SKV4a og o_SKV6 er ferdig opparbeidd.

Dette framgår av tabell under pkt. 3 i «Føresegner om rekkjefølge ».

Spørsmål 2:

Kva er framdriftsplanen for å få oval rundkøyring og dei to nedkøyringane frå o_ SKV4a og o_SKV6 på plass?

Spørsmål 3:

Fleire av dei aktuelle utbyggjarane synes å ha ei relativt negativ haldning til Områdeplanen. Kva initiativ vil Lindås Kommune ta overfor utbyggjarane for å koma i dialog med disse og gjennom det få innspel og skapa felles forståelse I løysingar på dei utfordringane som næringslivet opplever knytt ti l Områdeplanen?

Spørsmål 4:

Er det aktuelt å etablera eit eige utbyggingsselskap for å ivareta utbygging av den overordna infrastruktur , eller eventuelt korleis er det tenkt organisert og finansiert?

Svar frå ordførar:

Innleiing:
Områdeplan for Knarvik sentrum blei vedtatt 18. juni 2015, og det var plan- og miljøutvalet som var styringsgruppe for sjølve planarbeidet. I same kommunestyremøte 18. juni 2015 blei det også vedtatt ein strategi for kommunen sin rolle i realisering av områdeplanen (sak 60/15). I bestillinga frå kommunestyret blei det lagt inn at administrasjonen skulle jobbe vidare med utbyggingsavtalar, prosjektering av vegar/anlegg og finansiering/organisering av parkeringsanlegg. Denne bestillinga blei konkretisert gjennom eit prosjektmandat i formannskapsmøte 3. september 2015 (sak 62/15). Formannskapet er styringsgruppe for dette arbeidet. Det er viktig at spørsmål og problemstillingar rundt kommunen sin gjennomføringsstrategi blir kanalisert gjennom det etablerte prosjektet og via styringsgruppa. Det er planlagt eit styringsgruppemøte i samband med strategisamlinga til formannskapet 30. – 31. mai. Då er det planlagt ei statusorientering og drøfting av sentrale problemstillingar knytt til realisering av områdeplanen.

Svar spørsmål 1:
I vedtatt områdeplan er det lagt inn ein generell moglegheit i heile planområdet for å byggje ut 30.000 kvm, før oval rundskjøring med sidevegar må vere ferdigstilt. Det regionale helsehuset er inkludert i dette talet. I planprosessen var det ein diskusjon knytt til totalt utbyggingsareal før det kom inn rekkjefølgjekrav. Då områdeplanen var til første gongs ettersyn i 2012, låg det inne ein muligheit for å byggje ut 10.000 kvm konkretisert til enkeltområder, mellom anna til Knarvik senter, før oval rundkjøring blei bygd. I det vidare arbeidet med områdeplanen blei dette endra og det blei lagt inn ein generell muligheit for 30.000 kvm for heile planområdet. Spørsmål knytt til 10.000 kvm var også eit tema i Knarvik senter sin klage til vedtaket på områdeplanen. Klagesaka blei handsama i plan- og miljø utvalet, kommunestyret og Fylkesmannen, og ingen av desse instansane tok klagen til følgje.

Svar spørsmål 2:
I gjennomføringsstrategien som blei vedtatt 18.06.15 blei det lagt inn følgjande punkt i vedtaket: «Kommunestyret ber rådmannen starte arbeidet med prosjektering av hovud- og fellesanlegg som er nødvendig for å starte utbygging i området».

Oval rundkjøring med sidevegar (o_SKV4a og o_SKV6) er eit hovudanlegg og kommunen er no i konkret dialog med Statens Vegvesen for å starte planlegging og prosjektering av desse anlegga. Framdriftsplanen for å få desse anlegga bygd vil vere avhengig av mange faktorar, mellom anna av finansiering. Her vil truleg vedtak om Nordhordlandspakken vere avgjerande. I styringsgruppemøtet 31. mai vil ein kome med meir informasjon om prosessane rundt prosjektering av hovud- og fellesanlegg.

Svar spørsmål 3:
Områdeplanen blei vedtatt i juni 2015 og planen skal danne grunnlaget for ei byutvikling dei neste 20 – 30 åra. I sjølve planprosessen var det mange diskusjonar om kva løysingar og krav som blei lagt inn i planen, og det er heilt naturleg i slike prosessar. Etter at planen blei vedtatt har kommunen hatt uformelle og formelle samtalar med mange av grunneigarane og utbyggjarane i Knarvik, og det er mange av dei som ser store muligheiter i den planen som er vedtatt. Frå kommunen si side blir det no jobba med grunnlagsdokumentasjon som skal bidra til utbygging i Knarvik, mellom anna grunnlaget for utbyggingsavtalar. I dette arbeidet vil ein ha dialog med dei enkelte grunneigarane og utbyggjarane. I tillegg er det planlagt eit felles grunneigarmøte før sommaren for å synleggjere muligheitene i planen og det arbeidet som kommunen har sett i verk for å realisere planen.

Svar til spørsmål 4:
I realiseringa av Knarvik-planen må kommunen spele ei aktiv rolle, både i planlegging og i konkret utbygging. Kva for verkemiddel og verktøy kommunen vil nytte for å realisere utbygging av infrastruktur og andre tiltak, må ein ta med vidare i diskusjonen om kva gjennomføringsstrategi kommunen skal ha. Det er naturlig at eit slikt spørsmål blir tatt opp via styringsgruppa i prosjektet.