Møte i Formannskapet den 24.11.2016

Vedtak

Innkalling og saksliste er godkjent

Behandling

Ingen merknader, samrøystes.

Vedtak

Møteprotokollen er godkjent

Behandling

Ingen merknader, samrøystes.

Vedtak

Tillegg til rådmannen sitt framlegg

• Lokasjon 17 i samanheng med lokasjon 5

• Lokasjon 15 ii samanheng med eksisterande skuleareal Eikanger

I tillegg bed ein om at rådmannen ser etter aktuell tomt mellom Høyland og Eikanger Øvre.

Formannskapet bed om at sak 136/16 kjem tilbake til formannskapet i februar 2017 og innanfor same kriterier.

Behandling

Eigedomssjef Therese U.Braseth orienterte i saka

Fellesframlegg:

Tillegg til rådmannen sitt framlegg

• Lokasjon 17 i samanheng med lokasjon 5

• Lokasjon 15 ii samanheng med eksisterande skuleareal Eikanger

I tillegg bed ein om at rådmannen ser etter aktuell tomt mellom Høyland og Eikanger Øvre.

Formannskapet bed om at sak 136/16 kjem tilbake til formannskapet i februar 2017 og innanfor same kriterier.

Rådmannen sitt framlegg med tillegg vart samrøystes vedteke.

Vedtak

Rådmannen sitt framlegg til vedtak

1. Lindås kommune sel Oterdalen 39 A, to leiligheter i Stallanemarka, Strandvegen 50A, 52A, 56A og 60B.

2. Salsinntektene i samband med sal av dei kommunale bustadene setjast av påinvesteringsfond og nyttast til bygging/ kjøp av egna bustader.

Behandling

Fellesframlegg lagt fram av S.Toft-V:

Som rådmannen sitt framlegg med endring i pkt.1. Nedre Alver 28 går ut.

Framlegget vart samrøystes vedteke.

Vedtak

Politisk styringsstruktur og reglement for Lindås kommune vert vedteke slik det ligg føre.

Behandling

Arbeidsgruppa sitt framlegg vart samrøystes vedteke.

Vedtak

• Lindås kommune godkjenner intensjonsavtalen om å delta i prosjekta «Etablerersenteret» og «Invest in Region Bergen».

• Kostnad for Lindås kommune er 109 249 kr og midlane blir henta frå disposisjonsfondet.

Behandling

Næringssjef Øystein Sørhaug orienterte i saka.

Rådmannen sitt framlegg vart samrøystes vedteke.

Vedtak

• Formannskapet vedtar å gi driftsstøtte til Industriutvikling Vest i perioden 2017 – 2021 med 150.000kr årleg, herunder totalt 750.000kr i denne perioden.

• Midlane blir henta frå næringsfondet

Behandling

Rådmannen sitt framlegg vart samrøystes vedteke.

Vedtak

• Lindås kommune støtter forslaget om å etablere Nordhordland som ei tenesteeining med to tenestestader, Masfjorden (Hosteland) og Nordhordland (Knarvik)

• Lindås kommune meiner at Nordhordland skal vere ei eiga geografiske driftseininga, slik alternativ 2 frå politimeisteren legg opp til.

Behandling

Framlegg rådmannen sitt framlegg med følgjande endring:

Punkt 1 : Endring driftseining vert endra til tenesteeining.

Framlegget vart samrøystes vedteke.

Vedtak

Formannskapet sluttar seg til intensjonsavtale for samanslåing av Sogn og Fjordane, Hordaland og Rogaland.

Administrasjonsspråket i den nye Vestlandsregionen bør vera nynorsk.

Ansvaret for den offentlege tannhelsetenesta kan leggjast til primærkommune.

Behandling

Fellesframlegg:

Formannskapet sluttar seg til intensjonsavtale for samanslåing av Sogn og Fjordane, Hordaland og Rogaland.

Framlegget vart samrøystes vedteke.

Administrasjonsspråket i den nye Vestlandsregionen bør vera nynorsk.

Framlegget vart vedteke med 10 røyster, mot 1 røyst (B.Vatnøy-Frp)

Ansvaret for den offentlege tannhelsetenesta kan leggjast til primærkommune.

Framlegget vart samrøystes vedteke.

Vedtak

Kommunestyret vedtar retningsliner for tildeling av bustader i Hordasmibakken (Gnr. 137 bnr. 779) og prosedyre for loddtrekning, slik dei ligg føre i saka.

Behandling

Rådmannen sitt framlegg vart samrøystes vedteke.

Vedtak

• I medhald av kommunelova kap. 5 (interkommunalt samarbeid) og hamne- og farvannslova §10, vert ansvar og mynde etter Lov om hamner og farvatn av 17.04.2009 og føresegner gitt i medhald av lova, delegert til Bergen og Omland Havnevesen (BOH).

• Delegeringa gjeld frå 01.01.17 og fram til Bergen og omland havnevesen (BOH) er formelt avvikla.

Behandling

Rådmannen sitt framlegg vart samrøystes vedteke.

Vedtak

• Kommunestyret vedtar gebyr- og betalingssatsar for 2017 slik det ligg føre i saka.

• Endringane gjeld frå 01.01.2017

Behandling

Endring i gebyrheftet:

4. Festeavgifter og andre avgifter gravplassforvaltning

Feste av kistegrav,

Festeperioden for kistegraver er fom 2017 på 5 år. (jfr vedtak i fellesrådet sak 84/16)

Rådmannen sitt framlegg med endring vart samrøystes vedteke.

Vedtak

1. Investeringsbudsjettet for 2017 er basert på forventa framdrift på tidlegare vedtekne prosjekt i tillegg til nokre mindre nye prosjekt og rammer. Ut frå framdriftsplanen tar Lindås kommune opp 115 225 000 kr i lån på generelle investeringar i 2017 og 122 000 000 kr i lån på sjølvkostområdet (vann og avløp). Låna har flytande

rente og 30 års nedbetalingstid.

2. Økonomiplan for 2017-2020 og årsbudsjett for 2017 blir vedteke. Årsbudsjettet for 2017 blir vedteke på sum netto driftsrammer for dei seks tenesteområda, jf. eigen tabell.

3. Rådmannen får fullmakt til å fordele sentralt avsett lønsauke og sentralt budsjettert innsparing til tenesteområda.

4. I medhald av eigedomsskattelova, §§ 2 og 3 bokstav c), skal det for skatteåret 2017 skrivast ut igedomsskatt på verk og bruk. Eigedomsskattesatsen er 7 promille (jf. esktl. §11). Eigedomsskatten skal betalast i to terminar. Ved taksering og utskriving av eigedomsskatt bruker kommunen vedtekter for taksering av eigedomsskatt gjeldande frå 1.1.2013.

5. Formannskapet får fullmakt til å avgjera einskildsaker om skattefritak og nedsetting- /ettergjeving.

6. Det vert gjeve ei ramme på 950 000 kr til kontrollutvalet.

7. Det skal overførast 2 000 000 kr frå generelt disposisjonsfond til fond for nærmiljø og friluftsanlegg.

8. a. Det vert gjeve eit driftstilskot til Lindås kyrkjelege fellesråd på 11 000 000 kr.

b.

9. Skatteøre vert sett lik maksimal sats i samsvar med Stortinget sitt vedtak om kommunalt skatteøre.

10. Godtgjersle til ordførar blir sett til 1 097 383 kr og til varaordførar 438 953 kr for 2017.

Det vert overført 500 000 kr frå disposisjonsfondet til bygdebokfondet. Midlane skal gå til bygdebok for Alversund sokn, under same vilkår som i sak 136/15: «Dei vert utbetalt når det foreligg ei justert finansieringsplan og framdriftsplan som tek høgde for totalramma på tilskotet frå Lindås kommune».

Behandling

Økonomisjef Janne Sund orienterte.

Framlegg frå K.Vågstøl-H:

Frie disponible inntekter:

Forslag 1 : Eigedomsskatt. Frå 2018 redusera eigedomsskatten med 0,5 promille, heilårseffekt 2018/2019/2020/ med ca. kr 11,5 mill.

Drift, tenesteområda:

Forslag 2 : Samfunnsutvikling og kommunalteknikk (tenesteområde 6). Frå 2018 konkurranseutsetting av reinhald, sentralkjøkken, vedlikehald på veg og bygningsmasse, samla reduksjon kostnader på kr 6 mill, vidareføres i 2019 og 2020.

Forslag 3 : Pleie og omsorg (tenesteområde 4). Ein større del av uspesifisert innsparing PLO taes i første del av perioden, dvs. reduksjon kostnader kr 2 mill. i 2017 og kr 1 mill. i 2018. I tillegg ein reduksjon kostnader med kr 1 mill. fordelt på sjukeheimstenester og heimetenester som eit resultat av innsparing mhp. Omsorgsteknologi for 2018, 2019 og 2020.

Forslag 4 : Helse og sosial (tenesteoråde 5).Frå 2017, reduksjon kostnader ved å auka uspesifisert innsparing med kr 500.000, vidareføres i 2018, 2019 og 2020.

Forslag 5 : Frå 2017, reduksjon kostnader vedk. innkjøpsavtaler / ny innkjøpsstrategi med 2%, kr 2 millioner i 2017, vidareføres i 2018, 2019 og 2020.

Forslag 6 : Forstudie badeanlegg / kulturhus aukast med kr 300.000 til kr 500.000 i 2017. Badeanlegg prioriterest først.

Investeringar:

Forslag 7 : Post 16 i investeringsbudsjettet. Investering i ny Kolås barnehage reduseres med kr 30 mill. i 2020.

Forslag 8 : Post 27 i investeringsbudsjettet. Sum veg aukast fra kr 17 mill. til kr 20 mill. pr. år i 2017 og 2018, og frå kr 15,3 mill. til kr 20 mill. pr. år i 2019 og 2020.

Framlegget fekk 1 røyst K.Vågstøl-H og fall

Framlegg frå Ap, Krf, Sp og V:

Punkt 8

Nytt punkt B (tillegg til rådmannen sitt framlegg):

Når det gjeld vedlikehald av kyrkjebygg vert det å koma tilbake til i eiga sak i februar/mars 2017.

Det vert overført 500 000 kr frå disposisjonsfondet til bygdebokfondet. Midlane skal gå til bygdebok for Alversund sokn, under same vilkår som i sak 136/15: «Dei vert utbetalt når det foreligg ei justert finansieringsplan og framdriftsplan som tek høgde for totalramma på tilskotet frå Lindås kommune».

Framlegget vart vedteke mot 3 røyster (H og FRP)

Framlegg frå B.Vatnøy-Frp:

Endringar i forhold til rådmannen sitt framlegg

Framlegget fekk 2 røyster (N.Øvreås-Frp og B.Vatnøy-Frp) og fall

Vedtak

Meldinga vart teke til orientering.

Formannskapet ynskjer ikke å anke Gulating lagmannsrett sin dom avsagt 24. oktober 2016 i sak 16-014379ASD-GULA/AVD2»  

Behandling

• Orientering om brannsamarbeid Bergensalliansen

• Helsehus

• Førebuande fellesnemnd

• Nytt bygg - Knarvik

  Formannskapet ynskjer å ha møta her i tida framover, dette så lenge det ikkje er undervisning desse dagane.

- Dom Gulating lagmannsrett avsagt 24. oktober 2016

Rådmannen sitt framlegg:

«Formannskapet i Lindås kommune gir rådmannen fullmakt til å anvende rettsmidler mot Gulating lagmannsrett sin dom avsagt 24. oktober 2016 i sak 16-014379ASD-GULA/AVD2»  

Fellesframlegg:

Formannskapet ynskjer ikke å anke Gulating lagmannsrett sin dom avsagt 24. oktober 2016 i sak 16-014379ASD-GULA/AVD2»  

Framlegget var samrøystes.

Det vert ikkje KO møte 8.desember, men det vert ekstra fo møte denne dagen møtet starter kl. 12:00 i same bygg som i dag.

Møtet 15.desember starter kl 09:00 på Strilatun.