Møte i Kommunestyret den 06.04.2017

Vedtak

Innkalling og saksliste er godkjent.

Behandling

Ingen merknader, samrøystes.

Vedtak

Møteprotokoll frå møte - 09.03.2017 er godkjent.

Behandling

Møteprotokoll frå møte - 09.03.2017 vart godkjent, samrøystes.

Vedtak

Meldinga er teke til orientering.

Behandling

Meldinga vert teke til orientering. samrøystes.

Vedtak

I medhald av plan- og bygningslova § 12-12, vedtek kommunestyret å godkjenne reguleringsplan Alver næringsområde, plan-id 1263-201206, på følgjande vilkår:

1. Føresegner datert 03.03.2017 og plankart datert 13.09.2016 vert lagt til grunn.

2. Før reguleringsplanen vert kunngjort godkjent, skal feilfritt plankart ligge føre i gjeldande SOSI-standard for Lindås kommune.

3. Ny føresegn 4.1.4: f_SKV1 og f_SKV3 skal vere opne for ålmenn ferdsle.

4. Byggjegrensa vert utvida/justert på plankaret slik at den får same breidde (15 meter) fram til plangrensa i forlenging av f SKV2.

5. Tillegg til §2.1.1 i føresegnene:
   Arealet i forlenging av f SKV2 må ikkje disponerast slik at det kan hindra framtidig vegframføring.

Behandling

K. Vågstøl-H sa seg inhabil gunna kundeforhold til grunneigar. Kommunestyret vedtok samrøystes at representanten var inhabil og han deltok difor ikkje under handsaming av denne saka.

B. Vatnøy-Frp bad kommunestyret vurdere hans habilitet grunna at grunneigar tidlegare har vore leigetaker hos familien og om mogeleg slektskap i familien. Kommunestyret vedtok samrøystes at representanten var habil i handsaming av denne saka.

Orientering til saka v/arealplanleggar Christian H. Reinshol

Framlegg frå S. Toft-V:

Tillegg til innstilling frå Plan- og miljøutvalet:

• Byggjegrensa vert utvida/justert på plankartet slik at den får same breidde (15 meter) fram til plangrensa i forlenging av f SKV2.

• Tillegg til §2.1.1 i føresegnene:
  Arealet i forlenging av f SKV2 må ikkje disponerast slik at det kan hindra framtidig vegframføring.

Innstillinga frå Plan- og miljøutvalet vart samrøystes vedteke.

Framlegget frå S. Toft-V vart vedteke med 24 røyster, mot 5 røyster (Frp)

Vedtak

Lindås kommune har følgjande hovudkommentarar til planforslaget til Regional transportplan (RTP) for Hordaland 2018 – 2029, - sjå elles vurderinga i saka:

1. RTP må ha større tyngde som innspelsdokument til Nasjonal transportplan når det gjeld ny E39 gjennom nordre Åsane.

2. RTP må i samarbeid med Staten ta på seg ansvar for å framskunde utviklinga av ein framtidsretta kollektivtransport på fjordsystemet i Bergensområdet.

3. RTP må sterkare definere punktutbetringsopplegget på fylkesvegane for å få til enkle og avgrensa lokale løysingar, for å auka trafikktryggleiken.

4. RTP må sterkare omtale og prioritere eit innfartsparkeringsopplegg som bygger opp under eit framtidig kollektivtilbod til og frå distrikta utanfor kommunesentra.

5. RTP må ta større omsyn til forskjell mellom distrikt og by/tettbygd strøk, til dømes under «overordna mål» kor vekst i persontransport skal skje ved kollektivtrafikk, sykkel og gange i Bergensområdet. Vekst i kommunar med mykje distrikt og lange avstandar vil ikkje kunne skje kun med etablering av gang- og sykkelvegar.

6. Strekninga Lunde - Årås på Fv 565 og strekninga Vågseidet - Eikangervåg Fv399 og 396 og 397 må leggjast inn som veg på det overordna fylkesvegnettet i punkt 5.5.2 i RTP, - med bakgrunn i kriteria i punkt 5.5.1. i planprogrammet.

7. Ein mogeleg samlokalisering av E39 og Fv 57 gjennom regionsenteret Knarvik må innarbeidast i planen.

8. Lindås kommune vil ha støtte for å gjera om Fv57 Knarvik - Mongstad til riksveg. Grunngjeving er at på denne vegen er det stor trafikk i samband med industrien i Mongstadområdet.

9. Ein ønskjer å styrke universell tilkomst til kollektivtilbod og helsefremjande samfunnsplanlegging.

10. Viser til Regional Transportplan 2013-2024 – Handlingsprogram 2015-2017, der Tverrsambandet (Sambandet Vest) er omtala. Prosjektet vil gje eit nytt samband mellom Øygarden/Askøy og Nordhordland. Det vil også kunne avlaste Bergen sentrum for gjennomgangstrafikk. Eit interkommunalt selskap Sambandet Vest AS arbeider for å få realisert prosjektet med bompengar og fylkeskommunale midlar.

I pågåande kommunesamanslåingsprosess mellom Radøy, Meland og Lindås, er dei tre kommunane tildelt midlar frå Kommunal- og moderniseringsdepartementet som skal målrettast mot infrastrukturtiltak som kan binda dei tre kommunane tettare saman. Ytterligare midlar vert omsøkt, og midlane skal nyttast til planprosessar knytt til Sambandet Vest AS, og då med samanbinding av Radøy og Meland spesielt.

Sambandet Vest vert ein viktig omkjøringsveg og eit viktig trafikksikringsprosjekt. Vegen representerer eit alternativ til Hagelsundsbrua, og vert ein del av eit framtidig ringvegprosjekt i Nordhordland.

Ein ønskjer difor at Sambandet Vest vert tatt med i RTP Hordaland 2018 – 2029

Ein ber også fylkeskommunen merka seg at Radøy kommune har fatta positivt vedtak for oppstart av naudsynte planprosessar knytt til samanbinding av Meland og Radøy. Meland kommunestyre har i samband med igangsetting av arbeidet med planprogram for rullering av kommuneplan sin arealdel peika ut Sambandet Vest AS sitt val av vegløysningar over Meland som eit av dei prioriterte tiltaka.

Behandling

Merknad: Uttalen frå kommunestyret må språkvaskast før utsending.

Innstillinga frå formannskapet punkt 1-9 vart samrøystes vedteke.

Punkt 10 vart vedteke med 27 røyster, mot S.Toft-V, C. Taule-MDG, P. Jøsendal-SV.

Vedtak

Kommunestyret vedtek «Kommunedelplan for trafikksikring 2017-2020»

Prioriterte tiltak å arbeide med er:

1. Fv. 404, Kvamsbrekka

2. Fv. 401, Kleivane-Seim

3. Fv. 394, Lindsdalen - knaus/kryss tiltak 5

4. Fv. 394, Lindsdalen, Ostereidet

Tiltaka er ført i tabell tiltak mellom 10 og 50.

Behandling

Innstillinga frå formannskapet vart samrøystes vedteke.

Vedtak

1. Kommunestyret vedtek at følgjande lokasjonar skal arbeidast vidare med:

• -4-Liavatnet

• -5.Revhaugen, alternativ A.

• 22.-Myråsen,med alternativt areal sørover til og med gbnr 212/1 inkludert i vurderinga.

2. Rekkefølgjekrav knytt til alternativ 1, Fylingsnes, skal utgreiast, og vidare arbeid med denne lokasjonen vert vurdert etter utgreiinga.

3. I utgreiingsfasen må det vere god dialog med Statens Vegvesen.

4. Det skal leggjast til rette for synfaring på dei ulike lokasjonane som vert utgreia før endeleg tomt blir vedteken.

Behandling

Orientering til saka v/prosjektleiar Inger Marie Jordal

Fellesframlegg v/A. Hetlebakke-Krf:

1. Kommunestyret vedtek at følgjande lokasjonar skal arbeidast vidare med:

• -4-Liavatnet

• -5.Revhaugen, alternativ A.

• 22.-Myråsen,med alternativt areal sørover til og med gbnr 212/1 inkludert i vurderinga.

2. Rekkefølgjekrav knytt til alternativ 1, Fylingsnes, skal utgreiast, og vidare arbeid med denne lokasjonen vert vurdert etter utgreiinga.

3. I utgreiingsfasen må det vere god dialog med Statens Vegvesen.

4. Det skal leggjast til rette for synfaring på dei ulike lokasjonane som vert utgreia før endeleg tomt blir vedteken.

Fellesframlegget vart samrøystes vedteke.

Vedtak

• ​KF delegering blir tatt i bruk som plattform for delegering i Lindås kommune. Det er ein føresetnad at delegering frå kommunestyret til andre politiske fora og til rådmannen spesifisert i dokumentet ikkje er endra. 

• Ved endringar i lovverk og føresegner som ikkje betyr prinsippielle endringar etter kommunelova, har rådmannen fullmakt til å implementere endringar som kjem i systemet frå Kommuneforlaget. Prinsipielle endringar i delegering vert lagt fram for kommunestyret som eiga sak.

• Kommunestyret vedtar at saksområdet utbyggingsavtalar blir delegert til formannskapet. I tillegg får formannskapet delegert mynde av kommunestyret til å avgjerd om kunngjering av utbyggingsavtalar. Denne delegeringa blir lagt inn i politisk styringsstruktur og reglement som blei vedtatt i sak 138/16.

Behandling

Orientering til saka v/rådgjevar Ole Jacob Aarland

Innstillinga frå formannskapet vart samrøystes vedteke.

Vedtak

Kommunestyret løyver kr. 252.150,- til kjøp av friidrettsutstyr. Midlane skal nyttast som omsøkt. Kommunene skal stå som eigar.

Midlane vert løyvd frå disposisjonsfondet.

Behandling

Formannskapet sitt framlegg vart samrøystes vedteke.

Vedtak

Saka vert utsett til neste kommunestyremøte.

Behandling

Framlegg frå valnemnda:

Saka vert utsett til neste kommunestyremøte.

Samrøystes vedteke

Vedtak

Meldinga er teke til orientering.

Behandling

Orientering om namegruppa ved leiar Nina Bognøy-Ap, nedsett av førebuande fellesnemnd. Endeleg navn på den nye kommunen skal vera klart den 05. mai. Oppfordring frå ordførar: Facebookside "ein kommune", lik og del den.

Meldinga vert teke til orientering, samrøystes.