Møte i XFørebuande fellesnemnd - ny kommune den 15.05.2017

Vedtak

Innkalling og saksliste er godkjent

Behandling

Framlegget vart samrøystes vedteke.

Vedtak

Møteprotokollen er godkjent

Behandling

Framlegget vart samrøystes vedteke.

Vedtak

Kommunestyret vedtek Alver kommune som namnet på den nye kommunen.

Behandling

Representanten Sveinung Toft, Lindås, fremma følgjande forslag på vegne av seg sjølv og Anna K Valle, Lindås:

«Kommunestyret vedtek Knarvik kommune som namnet på den nye kommunen.»

Representanten Karl Vågstøl, Lindås, fremma følgjande forslag:

«Kommunestyret vedtek Nordhordland kommune som namnet på den nye kommunen.»

Leiar for førebuande fellesnemnd fremma forslag om prøverøysting. Det vart røysta over forslaga einskildvis.

Nordhordland kommune fekk 6 røyster. (3 Lindås, 2 Meland og 1 Radøy)

Knarvik kommune fekk 6 røyster. (5 Lindås og 1 Radøy)

Alver kommune fekk 14 røyster. Mot 7 stemmer (1 Meland, 5 Lindås og 1 Radøy)

Etter prøverøystinga vart framlegg om «Nordhordland kommune» trekt.

Det låg føre to framlegg ved endeleg avrøysting:

1. «Kommunestyret vedtek Knarvik kommune som namnet på den nye kommunen.»

2. «Kommunestyret vedtek Alver kommune som namnet på den nye kommunen.»

Desse forslaga vart satt opp mot kvarande.

Alver kommune vart vedteke mot 6 røyster (5 Lindås og 1 Radøy).

Vedtak

1. Førebuande fellesnemnd gir ordførarane og varaordførarane i dei tre kommunane fullmakt til å utarbeide ei skildring av stillinga som prosjektansvarleg/rådmann i den nye kommunen. Denne vert nytta i prosessen med avklaring av rettskrav til stillinga.

2. Koordinerande tillitsvalt deltar i utarbeidinga av stillingsskildringa.

3. Førebuande fellesnemnd får tilbakemelding etter at prosessen med avklaring av rettskrav til stillinga er gjennomført.

Behandling

Leiar for førebuande fellesnemnd fremja følgjande framlegg til eit nytt punkt 3.

Førebuande fellesnemnd får tilbakemelding etter at prosessen med avklaring av rettskrav til stillinga er gjennomført.

Framlegg og nytt punkt 3 vart samrøystes vedteke.

Vedtak

1. Førebuande fellesnemnd søkjer Kommunal- og moderniseringsdepartementet om 5 millionar kroner til vidare arbeid med regulering av Sambandet Vest.

2. Ordførarane får i fellesskap fullmakt til å utforme og signere den konkrete søknaden.

Behandling

Sveinung Toft fremma følgjande forslag til nytt punkt en:

«Førebuande fellesnemnd søkjer Kommunal- og moderniseringsdepartementet om 5 millionar kronar til utvikling av digitale tenester til innbyggjarane.»

Forlaget fall mot to røyster. (1 Meland og 1 Lindås).

Vedtak

1. Førebuande fellesnemnd vel som medlemmer i arbeidsgruppa for gjennomføring av eit seminar om næringsutvikling hausten 2017:

   a. Karl Vågstøl, Lindås

   b. Øyvind Bratshaug, Meland

   c. Kenneth Murberg, Radøy

   d. Karina Garnes Reigstad, Meland

2. Arbeidsgruppa fungerer fram til seminaret er gjennomført.

3. Arbeidsgruppa får administrativ støtte frå Lindås kommune

Behandling

Tilråding frå valnemnda:

a. Karl Vågstøl, Lindås

b. Øyvind Bratshaug, Meland

c. Kenneth Murberg, Radøy

Kenneth Murberg, Radøy, fremma forslag om nytt medlem i arbeidsgruppa:

d. Karina Garnes Reigstad, Meland

Tilrådinga med tillegg vart samrøystes vedteke.

Vedtak

Meldinga er teke til orientering.

Behandling

Framlegget vart samrøystes vedteke.