Čoahkkin Kommunestyret 22.03.2018

Vedtak

Innkalling og saksliste er godkjent

Behandling

Ingen merknader, samrøystes

Vedtak

Møteprotokollen er godkjent.

Behandling

Ingen merknader, samrøystes.

Vedtak

Meldinga vert teke til orientering.

Behandling

Kontrollutvalet sitt framlegg vart samrøystes vedteke.

Vedtak

Kommunestyret sluttar seg til revisjonen sine konklusjonar og tilrådingar. Kommunestyret ber rådmannen følgje opp forvaltningsrapporten gjennom eit prosjekt i samarbeid med dei andre kommunane som skal inn i Alver kommune.

Innan 1. oktober 2018 vert rådmannen beden om å kome med ei tilbakemelding til kommunestyret om korleis tilrådingane i rapporten skal følgjast opp.

Behandling

Deloitte ved Marius Bergvik Aure orienterte om selskapskontrollen.

Kontrollutvalet sitt framlegg vart samrøystes vedteke.

Vedtak

Kommunestyret sluttar seg til kontrollutvalet si tilråding i saka.

Lindås kommune forlengar gjeldande avtale om revisjonsoppgåver med Deloitte AS ved å utløyse opsjonsavtale for perioden 01.07.18 til 30.06.19.

Rådmannen får fullmakt til å forhandle fram ei forlenging av avtalen med Deloitte AS om revisjonsarbeid for inntil eit år utover dette.

Behandling

Kontrollutvalet sitt framlegg vart samrøystes vedteke

Vedtak

I medhald av plan- og bygningslova § 11-13, godkjenner kommunestyret planprogram for kommuneplanen sin arealdel 2019-2031, revidert 12.03.2018 og med endring om at naturfare blir eit eige tema i program for konsekvensutgreiing.

1. (Vert lagt inn som nytt avsnitt under Generelt (s. 11) mellom Føresegner og Forholdet til gjeldande reguleringsplanar)

Forholdet til eksisterande byggeområde i kommuneplanen

I arbeidet med kommuneplanen sin arealdel vil kommunen vurdere om det er behov for å ta ut uregulerte og regulerte områder som er avsett til byggeformål (t.d. bustad, fritidsbustad, naust og næring).

Vurderingskriterier (ikkje uttømmande liste):

• Område/areal som ikkje er i tråd med overordna føringar for samordna bustad-, areal- og transportplanlegging,

• Område/areal som blir vurdert som mindre eigna grunna til dømes terrengtilhøve og tilkomst

• Område/areal som ikkje er utvikla sidan dei vart lagt inn i gjeldande kommuneplan

2. Kartlegge areal for å sikre havbruk på land og i sjø.

3. Nytt under bustadutvikling. Setning to fjernes, erstatte med:
- Auke arealutnyttinga i Knarvik, Alversund og dei definerte nærsentra Ostereidet og Lindås, og i nærleiken til skule, barnehage, arbeidsplass og fritids-og servicetilbod.
- Planen skal også leggje til rette for spreidd busetnad og mindre byggjefelt i heile kommunen.
Stryk avsnitt fire, setning tre under bustadutvikling. Erstatte med:
- Kommunen vil legge opp til ein utbyggingspolitikk i senterområdene som i størst mogleg grad reduserer behovet for bilbruk, og som gir grunnlag for sterkare satsing på kollektivtransport, sykkel og gange.

4. Overskrifta Byggeområde for naust, endres til "Byggeområde for naust og småbåthavner".

Behandling

Innstillinga frå plan- og miljøutvalet vart samrøystes vedteke.

Vedtak

• Lindås kommune betaler inn 91 035 kr i driftsmidlar for 2018 til Sambandet Vest AS, jfr vedtak frå styret i selskapet

• Driftsmidlane vert dekka av disposisjonsfondet.

Behandling

Framlegg frå S.Toft-V:

Lindås kommune melder seg ut av Sambandet vest AS.

Framlegget fekk 2 røyster og fall (P.Jøsendal-Sv og S.Toft-V)

Innstillinga frå formannskapet vart vedteke med 27 røyster.

Vedtak

• Lindås Kommune vedtar omorganisering av IKT Nordhordland til § 27 som eit interkommunalt samarbeid med eit felles styre og i samsvar med dei nye vedtektene som er vedlagt saka.

• Lindås kommune vedtar oppstart av konseptfase som skal utgreie spørsmålet om utviding av samarbeidet, i tråd med vedlagte prosjektmandat.

Behandling

Rådmann Ørjan Raknes Forthun orienterte.

Framlegg frå Ø.Moldeklev-Frp:

Lindås kommune vedtar ikke å være med i omorganieringen av IKT Nordhordland.

Lindås kommune vil, som en del av Alver kommune, bli så robust at en ikke trenger et større IKT samarbeid i Nordhordland.

Framlegget frå Ø.Moldeklev-Frp fekk 1 røyst og fall (Ø.Moldeklev-Frp)

Innstillinga frå formannskapet vart vedteke med 27 røyster.

Vedtak

Meldinga er teke til orientering.

Interpellasjon frå Alver FRP ved Nina Øvreås:

Innfør samboergaranti i Lindås kommune

Fremskrittspartiet mener det er en selvfølge at ektepar eller samboere skal få lov til å tilbringe hele livet sammen, også etter at en av dem får behov for plass på sykehjem.

Å få leve med sin ektefelle eller samboer også når man blir gammel og får store hjelpebehov betyr mye for livsgleden, trygghetsfølelsen og for å kunne være sjef i eget liv. Det er en trygghet de eldre i Lindås kommunefortjener. Det vil samtidig bidra til å forebygge ensomhet. Det må legges til rette for sterkere brukermedvirkning og man må forsøke å unngå alle tendenser til umyndiggjøring, også når behovet for hjelp og omsorg øker.

Selv om en samboergaranti kan medføre en ekstra beboer i avdelingen er det ikke å komme bort fra at ektefelle eller samboer også må sees som en ressurs. Samtidig er det ved innføring av en samboergaranti viktig å understreke at dette skal være en frivillig ordning for begge ektefellene eller samboerne. Viktig er det også at ektefellene får bo på samme rom om de ønsker.

Regjeringen v/helseministeren har offentlig oppfordret norske kommuner til å innføre en garanti når minst én av ektefellene har omsorgsbehov. Flere kommuner har gjort nettopp det.

Er det muligheter for at:

1. Ektepar eller samboere hvor begge har ønske om å bo sammen på sykehjem, skal få mulighet til det. Det skal gjelde selv om bare den ene har vedtak om langtidsplass. Den aktuelle ektefelle eller samboer som vil flytte inn på sykehjem må da søke korttidsopphold. Korttidsopphold innvilges med varighet så lenge ektefelle eller samboer med langtidsopphold har behov for langtidsopphold. Det kreves egenandel for ektefelle eller samboer uten vedtak om langtidsplass etter gjeldende satser for korttidsopphold.

2. Det kan utarbeides retningslinjer for betaling og praktisering av samboergarantien?

Svar frå ordførar:

Lindås kommune har retningslinjer med sambuargaranti for dei som fyller kriteria for omsorgsbustad pluss. I omsorgsbustad pluss har vi bustader tilrettelagt for ektepar/sambuarar.

Omsorgsbustad pluss er eit tilbod til dei som ikkje har behov for sjukeheimsplass, men likevel ikkje klarar å bu heime i eigen bustad. Dette er eit butilbod med bemanning heile døgnet.Søkar til omsorgsbustad pluss må ha eit omfattande behov for helse- og omsorgstenester gjennom døgnet på grunn av nedsett funksjonsevne, fysiske eller psykiske helseplager. Dersom ektefeller eller sambuarar søker om å bu saman i bustaden er det tilstrekkeleg at ein av søkarane fyller kriteria i retningslinja. Føresetnaden er at tildelt bustad er eigna for to personar. Når det bur to personar i bustaden medfører det eit tillegg i husleige for tida på kr. 500,- pr. månad. Dersom leigetakar døyr eller flyttar, vert ikkje leigeforholdet automatisk overført til attlevande/attbuande ektefelle/sambuar. Attlevande/attbuande ektefelle/sambuar som søkar om omsorgsbustad/omsorgsbustad pluss vert vurdert etter kriteria i retningslinja. (Retningslinjene ligg på Lindås kommune si heimeside)

Sjukeheimsplass ( korttidsplass/langtidsplass): Ektepar/sambuarar får tilbod om dobbeltrom i sjukeheim. Det er 4 dobble rom på Knarvik sjukeheim.

Pårørande/ektefelle/sambuar får alltid tilbod om å bu på sjukeheimen når pasienten er dårleg og alltid i siste fase av livet. Dette enten i same rom eller på eit «pårøranderom» om ønskjeleg.

Vi meiner det ikkje er hensiktsmessig og gi korttidsplass til personer/ektefeller som ikkje fyller kriteria for korttidsplass. Det vil gå på bekostning av andre som treng plass.Dei økonomiske rammene er i dag ikkje tilstades for å gi slik garanti i sjukeheim.

Interpellasjon frå Lindås Senterparti ved Anna K.Valle:

Den 10.august 2013 var det stor festivitas i og rundt Lindås-slusene. Lindås kommune og Stiftinga Kystsogevekene inviterte til opning av årets kystsogeveker og til opning av dei restaurerte Lindås sjøsluser.Bakgrunnen for opninga av slusene var at sluseportane - etter fleire års restaureringsarbeid –

no var på plass att. I programheftet for Kystsogevekene 2013 er hendinga karakterisert som ein «kystkulturell festdag».

Sidan august 2013 har lite skjedd med og rundt slusene, men i 2017 vart det skipa ein

interesseorganisasjon med namn : Lindås Slusene , som har følgjande føremål :

Lindås Slusene vil arbeide for å skape ny aktivitet rundt slusene og Lindås-osane ved å samarbeide

med eksisterende lag og bedrifter, samt kommuner, Hordaland Fylke og andre offentlige

instanser. (Brønnøysundregisteret). Styret for «Lindås Slusene» er personar med bakgrunn frå næringsliv, politikk og organisasjonsliv og dei er opptekne av å gjera sluseområdet tilgjengeleg for folk, samt å kunna visa korleis slusene fungerte og - på lenger sikt – få sluseanlegget i funksjonell stand for trafikk.

Både kulturhistorisk og i reiselivssamanheng er dette eit interessant og viktig anlegg.

Kystverket og Hordaland fylkeskommune viser stor interesse for sluseprosjektet, og bidreg både med

kunnskap og økonomiske midlar.Lindås kommune er ansvarleg for vedlikehaldet av slusene og har reguleringsmynde, og skal arbeidet koma vidare er det avgjerande at også kommunen er ein aktiv medspelar.

Lindås Senterparti ønskjer svar på følgjande spørsmål:

Har Lindås kommune ein plan for vedlikehaldet av slusene ?

Korleis kan Lindås kommune bidra til at sluseområdet kan utviklast, t.d. innafor reiseliv ?

Vil Lindås kommune t.d. ta kostnaden med å utarbeida reguleringsplan for området ?

Og kva kan eventuell tidsramme for eit reguleringsarbeid verta ?

Kor ligg det organisatoriske ansvaret i Lindås kommune for vedlikehald og utvikling av sluseanlegget ?

Svar frå ordførar:

Innleiing:

Lindås sjøsluser, bygd i 1908, er eit unikt og viktig kulturhistorisk anlegg for Lindås, og det er definert som eit kulturminne. Sjølve det tekniske anlegget blir i dag eigd av Kystverket og det er ein privat grunneigar. Frå gammalt av hadde Lindås kommune eit vedlikehald- og driftsansvar, men det er Kystverket som i dag har det formelle ansvaret for drift og vedlikehald. Lindås kommune har likevel dei siste åra vore opptatt av å ta eit ansvar for å bevare dette anlegget. Gjennom prosjektet «Den indre farleia» rundt år 2000 gav kommunen økonomisk støtte over fleire år for å sikre anlegget på best mulig måte. Lindås sjøsluser av eitt av prosjekta i den indre farleia.

Etter lengre tids restaureringsarbeid blei sjøslusene opna i 2013 i samband med Kystsogevekene. Finansiering av dette var eit spleiselag mellom kommune, Kystverket og Hordaland Fylkeskommune. Under opninga blei det avdekka utfordringar knytt til det å få opna og lukka slusene. Utfordringa var grus i slusekammeret. I etterkant av opninga har det vore dialog mellom aktørane for å prøve å finne gode løysingar på denne utfordringa. I starten av 2017 vedtok kommunestyret i Lindås å sette av kr 380.000 av vedlikehaldsmidlane til regjeringa, til å sjekke ut forholda på botn vedr. grus og til fendring av anlegget for å skape ei god sikring . Dette prosjektet er sett i gong.

For å avklare korleis ein skal vedlikehalde anlegget og utvikle området, har kommunen tatt initiativ til ein overordna dialog med Kystverket og Hordaland Fylkeskommune. Det er viktig å avklare ambisjonane og få på plass ei rolleavklaring på kven som gjer kva. Som ordførar ønskjer eg også å sette denne saka på dagsorden i budsjettprosessen i vår, slik at vi kan drøfte kva rolle kommunen kan ta og kva for kortsiktige og langsiktige tiltak det er mulig å prioritere. Vi vil også sjekke ut om det er muligheit for å gjennomføre midlertidige tiltak for sommarsesongen 2018.

Det er flott at interesseorganisasjonen Lindåsslusenes vener er etablert. Eg set stor pris på det engasjementet og har i møte med desse eldsjelene også sagt at vi ynskjer samarbeid. Det er viktig at det kjem fleire aktørar som ønskjer å utvikle slusene, og at det er frivillig krefter som engasjerer seg. Vi ønskjer dei velkommen og Lindås kommune vil ha tett dialog og eit godt samarbeid.

Så til spørsmåla:

Lindås Senterparti ønskjer svar på følgjande spørsmål:

Har Lindås kommune ein plan for vedlikehaldet av slusene ?

Svar: Kommunen har ikkje ein vedlikehaldsplan for slusene. Gjennom restaureringsprosjektet i forkant av 2013 blei det bestilt ein vedlikehaldsplan for sluseanlegget. Det er Dåfjorden verft som har oppdraget og planen er bestilt gjennom Kystverket som er eigar av anlegget. Det er ikkje kjent om denne vedlikehaldsplanen er ferdig, kommunen har ikkje motteke noko, men har etterspurd denne.

Korleis kan Lindås kommune bidra til at sluseområdet kan utviklast, t.d. innafor reiseliv ?

Svar: Før vi kan seie kva Lindås kommune kan bidra med, er det viktig å avklare roller og ansvar for det vidare arbeidet. Det er mange aktørar som er interessert å utvikle området vidare, men det er viktig å få på plass ein plan der aktørane forpliktar seg. Dette kan til dømes skje gjennom ein forvaltningsplan eller ein næringsplan. Lindås kommune er med i eit samarbeid med Bergen Reiselivslag og dei har vist interesse for å utvikle slusene til eit reiselivsmål noko vi applauderer.Når roller og ansvar er avklart, kan vi sjå på mogleheiter med å utarbeide ein intesjonsplan i fyrste omgang.

Vil Lindås kommune t.d. ta kostnaden med å utarbeida reguleringsplan for området ?

Svar: Lindås kommune er ikkje grunneigar for dette området og det er ikkje prioritert å utarbeide ein reguleringsplan for slusene i kommunen sin planstrategi. I kommunedelplan for Lurefjorden, Lygra og Lindåsosane er det definert kva for arealføremål det er i dette området.

Og kva kan eventuell tidsramme for eit reguleringsarbeid verta ?

Svar: Det er vanskelig å svare på ettersom det ikkje er prioritert å utarbeide ein slik plan.

Kor ligg det organisatoriske ansvaret i Lindås kommune for vedlikehald og utvikling av sluseanlegget ?

Svar: Lindås kommune har ikkje eit formelt ansvar for vedlikehald og utvikling av slusene, og har difor ikkje plassert eit ansvar inn i organisasjonen. Men tilsette frå Lindås kommune har deltatt i ulike utviklings- og restaureringsprosjekt opp gjennom åra.

Behandling

Orienteringar i møtet:

• Alver kommune ved rådmann Ørjan Raknes Forthun

• Aktuelle saker frå helseutvalet i regionrådet ved ordførar Astrid Aarhus Byrknes

Rådmannen sitt framlegg vart samrøystes vedteke.