Møte i Kommunestyret den 21.06.2018

Vedtak

Innkalling og saksliste er godkjent

Behandling

Ingen merknader, samrøystes.

Vedtak

Møteprotokollen er godkjent

Behandling

Ingen merknader, samrøystes.

Vedtak

Meldinga vert teke til orientering.

Behandling

L.Brunborg-Ap stilde spørsmål ved habilitet som styremedlem i KIM . Kommunestyret gjorde samrøystes vedtak om at L.Brunborg er inhabil i denne saka.

Mangler vedlegg -revisjonsrapport 2017 -, dette vert lagt ved kommunestyret sin protokoll.

Kontrollutvalet sitt framlegg vart samrøystes vedteke.

Vedtak

Kommunestyret ser det som viktig at rapporten sine tilrådingar vert følgt opp av formannskapet ved ordførar. Kommunestyret ber kontrollutvalet følgje opp at tiltak i rapporten vert sett i verk.

Behandling

L.Brunborg-Ap stilde spørsmål ved habilitet som styremedlem i KIM . Kommunestyret gjorde samrøystes vedtak om at L.Brunborg er inhabil i denne saka.

Deloitte orienterte om saka.

Kontrollutvalet sitt framlegg vart samrøystes vedteke.

Vedtak

Kommunestyret sluttar seg til revisjonen sine konklusjonar og tilrådingar i Forvaltningsrapport – Lindås kommune Informasjonstryggleik , Nov. 2017.

Kommunestyret ber rådmannen følgje opp forvaltningsrapporten gjennom eit felles prosjekt i samarbeid med kommunane, som skal inn i Alver kommune, og i samsvar med framlagt prosjektmandat.

Innan 1. november 2018 vert rådmannen beden om å kome med ei tilbakemelding til kommunestyret om status for gjennomføring av delmål og fasar i prosjektet.

Behandling

Deloitte orienterte.

Kontrollutvalet sitt framlegg vart samrøystes vedteke.

Vedtak

Lindås kommune gir uttale i samsvar med vurderingane gitt i saksutgreiinga

Ein bed om at kommunane vert meir involvert i prosessen vidare.

Behandling

Innstillinga frå levekårsutvalet vart samrøystes vedteke.

Vedtak

-Lindås kommune gir uttale i samsvar med vurderingane gitt i saksutgreiinga
-Trafikk og uønska hendingar på E-39 mot Bergen, gjer oss sårbare med omsyn til ambulansetransport.-Fører avtalene Helse Bergen har med drosjenæringa til auka press på ambulansane?

Behandling

Levekårsutvalet sitt framlegg vart samrøystes vedteke.

Vedtak

1. Kommunestyret godkjenner Lindås kommune sin årsrekneskap for 2017

2. Det rekneskapsmessige mindreforbruket i 2017 på 14 065 512 kr vert disponert ved å finansiere deler av den udekka investeringsrekneskapen. Resten av den udekka innvesteringsrekneskapen, kr 5 713 652 føres opp til inndekking i 2018 og vert finansiert i samband med 2. tertialrapport.

Behandling

Innstillinga frå formannskapet vart samrøystes vedteke.

Vedtak

Kommunestyret tek årsmeldinga for 2017 til orientering

Behandling

Innstillinga frå formannskapet vart samrøystes vedteke.

Vedtak

Kommunestyret tek finansrapport for 2017 til orientering.

Behandling

Innstillinga frå formannskapet vart samrøystes vedteke.

Vedtak

Verbalpunkt - Investering

Eikanger skule - nybygg :

Rådmannen må leggja fram prosjektmandat med korrigert kostnadsramme for ny Eikanger skule før endeleg vedtak av budsjett/økonomiplan i desember.

Lindås gravplass :

Lindås Kyrkjelege fellesråd jobbar med eit prosjekt for å avklare behov for utbygging av gravplass på Lindås. Dette prosjektet skal avklare ulike utbyggingsalternativ med kostnadsramme. Anbefalt utbyggingsalternativ med kostnadar vil bli lagt inn i justert økonomiplan i løpet av hausten 2018.

Ballbane i Alversund :

Det må vurderast om eksisterande ballbane ved Alversund skule kan utvidast til 11’ar bane. Det må også vurderast om eksisternde ballbinge kan reetablerast ved ny skule.

Verbalpunkt – drift :

Innsparing i 2022 – Læringssenteret

Læringssenteret får nye og tilpassa lokale i Knarvik barneskule, som blir tatt i bruk i 2019. Samarbeidspartia ønskjer å vidareføra læringssenteret her, i tråd med tidlegare vedtak.

Innsparing i 2022 – Sjukeheimsplassar

Sjukeheimsplassar er ein del av det samla omsorgstilbodet i kommunen, kor også omsorgsbustad, omsorgsteknologi og andre heimetenester utgjer «omsorgstrappa».

Dimensjonering av dei ulike tenestene må tilpassast reelle behov. Tiltaket i rådmannen sitt framlegg må vurderast nærare.

Behandling

Økonomisjef Janne Sund orienterte.

Det vart ettersendt to uttaler til økonomiplanen:

• UTTALE 1 FRÅ NSF v/Elisabeth Øye Halle ANG NEDTREKK I HELSESTASJON

• UTTALE 2 Notat fra Arbeidsmiljøgruppemøte 9.mai 2018 ved Mette Haukaas, Sigrunn Feste og Krisitine Husebø Vaular

Det vart røysta over om framlegga skulle røystast over punktvis eller heile framlegget.

Det vart vedteke mot 11 røyster (H, Frp, Uavh og J.Herland-Sp og H.Reigstad-Sp) at heile framlegga vert røysta over samla.

Forslag til vedtak frå Lindås Høgre ved K.Vågstøl:

Økonomiplan 2019 – 2022 vert vedteke i samsvar med framlegg til vedtak frå Rådmannen med følgjande endringar:

Endringer på investeringsbudsjettet:

Post 1 Investering i administrasjonsbygg reduseres med kr 1 mill. pr. år (2019 – 2022).

Sum reduksjon kr 4 mill. i perioden.

Post 12 Hall Ostereidet, prosjektkostnad kr 50 mill., vert tatt inn i budsjettet med kr 15 mill. i 2019 og kr 35 mill. i 2020.

Post 13 Ny barnehage Lindås, prosjektkostnad kr 65 mill., vert tatt ut av budsjettet. Sum reduksjon kr 20 mill. i 2022.

Post 30 Offentlige pålegg, reduseres med kr 2 mill. pr. år (2019 – 2022). Sum reduksjon

kr 8 mill. perioden.

Nye poster:

Ny Eikanger skule, prosjektkostnad kr 121 mill, vert tatt inn i budsjettet med kr 1 mill. i 2019, kr 90 mill. i 2020 og kr 30 mill. i 2021.

Regional symjehall, prosjektkostnad kr 100 mill. vert tatt inn i budsjettet med kr 10 mill. i 2022.

Endringer på drift:

Uspesifisert innsparing økes med kr 3 mill. fra 2019 og kr 2 mill. fra 2020.

Kapitaltilskudd til privat barnehage Lindås vert tatt inn i budsjettet med kr 3 mill. frå 2021.

Verbalpkt.:

1. Rådmannen må leggja fram prosjektmandat med korrigert kostnadsramme for ny Eikanger skule før endelig vedtak av budsjett/økonomiplan i desember.

2. Barnehage Lindås – Vi ber Rådmannen setja i gang prosess med å få oversikt over interessentar som ønskjer å byggja og drifta privat barnehage på Lindås.

3. Seim gard – Når tilbudet på Seim gard vert avvikla må alternativ opplæringsarena verta forsøkt etablert.

4. Læringssenteret – Drift av læringssenteret må oppretthaldast.

5. Fotballbane Alversund – Det må gjerast ei utgreiing mht. mulig lokalisering av ei 11 `ar bane i Alversund, vurdering av tomtealternativ og kostnad.

Framlegget fekk 4 røyster og fall (K.Vågstøl-H, I.Fjeldsbø-H, O.Steinsland-H og T.Larsen-H)

Forslag til vedtak fra FRP og uavhengige ved B.Vatnøy: :

Økonomiplan 2019-2022 vert vedteke i samsvar med framlegg til vedtak fra Rådmannen med følgjande endringar:

Endring i investeringsbudsjettet:

Post 1 – Investeringer i administrasjonsbygg reduserers med 1 mill pr år, reduksjon 4 mill.

Post 2 – Alversund planering av basseng tomt + 1 mill

Post 2- Alversund 11 bane – planering og klargjøring at fullskala fotballbane + 10 mill

Post – 5 Eikanger skule 121 millioner, med prosjek oppstart i 2019

Post – 8 Reduksjon Investeringer skulebygg fra 5 til 3 millioner – 10 mill i perioden

Post – 12 Ostereidet hall 50 mill prosjekt oppstart 2019

Post – 13 Ny barnehage Lindås vert tatt ut av budsjettet. Sum reduksjon 20 mill i 2022

Post – 30 Offentlige pålegg reduserer med 2 mill pr år, - 8 mill i perioden.

Verbalpunk:

1. Barnehage Lindås – Rådmannen skal setja i gang prosess med å få oversikt over interessar som ønskjer å byggja privat barnehage på Lindås

2. Læringssenteret – Drift av læringssenteret må opprettholdes.

3. Alversund fotballbane – Det må lagest ei ordning som er tilnærma massebalanse, det skal lages universell tilkomst til bane gjennom tur vei.

4. Helsesøster og jordmor tjenesten skal ligge under helsetjenesta, for å sikre primær helsetjeneste for alle barn. Ikkje nedtrekk på 500.000,- for 2019.

5. Rådmannen skal på første kommunestyre møte over sommeren komme med en sak og en oversikt over de 10 mest trafikkfarlige skulevegne i Lindås, og rådmannens forslag til løysing av disse.

Framlegget fekk 4 røyster og fall (B.Vatnøy-Frp, N.Øvreås-Frp, Ø.Moldeklev-Frp og A.Dyngen-Uavh.)

Verbalpunkt - FELLES:

Lindås gravplass :

Lindås Kyrkjelege fellesråd jobbar med eit prosjekt for å avklare behov for utbygging av gravplass på Lindås. Dette prosjektet skal avklare ulike utbyggingsalternativ med kostnadsramme. Anbefalt utbyggingsalternativ med kostnadar vil bli lagt inn i justert økonomiplan i løpet av hausten 2018.

Framlegget vart samrøystes vedteke.

Innstillinga frå formannskapet vart lagt fram med endring. Verbalpunkt Lindås gravplass går ut og vart lagt fram som fellesframlegg.

Framlegget vart vedteke mot 9 røyster (4 H, 3 FRP og 2 Uavh.)

Vedtak

1. Kommunestyret tek økonomirapport pr. 1. kvartal 2018 til orientering.

2. Det vert føreteke budsjettjusteringar for 2018 slik det går fram av tabell 1 (sentrale postar).

3. Det vert føreteke budsjettjusteringar for 2018 slik det går fram av tabell 2 (tenesteområda).

4. Det vert føreteke budsjettjusteringar på investeringsprosjekta for 2018 slik det går fram av investeringsoversikt som synar mindre/ meirforbruk, jmf. punkt 6.1.

5. Finansrapport, kapittel 8 vert tatt til orientering.

Behandling

Innstillinga frå formannskapet vart samrøystes vedteke.

Vedtak

Kommunestyret vedtek tiltaksdel for næring og utvikling 2018 – 2019

Behandling

Innstillinga frå formannskapet vart samrøystes vedteke.

Vedtak

I medhald av plan- og bygningslova § 12-12, vedtek kommunestyret å godkjenne reguleringsplan E39 Mundalsberget bomstasjon, plan-id 1263-201801, på følgjande vilkår:

1. Føresegner datert 07.03.2018 og plankart datert 07.03.2018 vert lagt til grunn.

2. Før reguleringsplanen vert kunngjort godkjent, skal feilfritt plankart ligge føre i gjeldande SOSI-standard for Lindås kommune.

Behandling

A.Valle-SP stiller spørsmål ved habilitet, dette gjeld svoger som grunneigar. Kommunestyret gjorde samrøystes vedtak om at Anna Valle er habil i denne saka.

Innstillinga frå plan- og miljøutvalet vart vedteke mot 3 røyster (B.Vatnøy-Frp, Ø.Moldeklev-Frp og N.Øvreås-Frp)

Vedtak

I medhald av plan- og bygningslova § 12-12, vedtek Kommunestyret reguleringsplan for Åsgard småbåthamn, plan-ID: 1263-201502 med følgjande tillegg:

1. Plankart datert 06.11.2017 og føresegner datert 01.06.2018 vert lagt til grunn.

2. Før reguleringsplanen vert kunngjort godkjent, skal feilfritt plankart ligge føre i gjeldande SOSI-standard for Lindås kommune.

Behandling

Innstillinga frå plan og miljøutvalet vart samrøystes vedteke.

Vedtak

I medhald av plan- og bygningslova § 12-12, vedtek kommunestyret å godkjenne reguleringsplan for Hillesvågen bustadområde, plan-id 1263-201409, på følgjande vilkår:

1. Føresegner datert 03.05.2018 og plankart datert 13.04.2018 vert lagt til grunn.

2. Før reguleringsplanen vert kunngjort godkjent, skal feilfritt plankart ligge føre i gjeldande SOSI-standard for Lindås kommune.

Behandling

K.Vågstøl-H stilde spørsmål om habilitet, kunde er part i saka, kommunestyret gjorde vedtak, mot 1 røyst B.Vatnøy om at K.Vågstøl er inhabil i denne saka.

Innstillinga frå plan og miljøutvalet vart samrøystes vedteke.

Vedtak

I medhald av plan- og bygningslova § 12-12, vedtek kommunestyret å godkjenne reguleringsplan Keilen Vest, plan-id 1263-201105, på følgjande vilkår:

1. Føresegner datert 23.05.2018 og plankart datert 23.05.2018 vert lagt til grunn.

2. Før reguleringsplanen vert kunngjort godkjent, skal feilfritt plankart ligge føre i gjeldande SOSI-standard for Lindås kommune.

3. Tillegg til føresegnene § 0.3.3: Gangvegar inn til leikeareala skal vera ferdig opparbeidd samtidig med leikeareala.

Behandling

Innstillinga frå plan- og miljøutvalet vart samrøystes vedteke.

Vedtak

1. Lindås kommune støtter avvikling av aksjeselskapet Sambandet Vest AS.Prosjektet Sambandet Vest blir organisert vidare som eit samarbeid mellom kommunane Askøy, Austrheim, Lindås, Meland og Radøy.

2. Det blir valt 1 politisk representant frå kvar kommune som utgjør styringsgruppa. Denne styringsgruppa kan etablere arbeidsgrupper og referansegrupper etter behov. Meland kommune tar administrasjonen av prosjektet videre i ein 10% stilling. Kostnad blir dekka med 1/5 frå kvar av kommunene. For 2018 utgjør det kr 10.000,-.

3. Politisk representant til styringsgruppa for Lindås kommune er ordførar med varaordførar som vara.

4. Lindås kommune set av kr 10.000 til å dekke kostnadar med administrasjon i 2018. Midlane blir dekka av disposisjonsfondet.

Behandling

Framlegg frå valnemnda pkt 3 ordførar med varaordførar som vara.

Innstillinga frå formannskapet med tillegg frå valnemnda vart samrøystes vedteke.

Vedtak

1. Lindås kommune ser persontransport/kollektivtransport som eit fylkeskommunalt ansvar.

2. Lindås kommune vil bidra til at båtruta i indre Osterfjorden vert oppretthalden.

Sidan Hordaland fylkeskommune har stor kompetanse på kjøp av transporttenester og sidan denne ruta omfattar fleire kommunar, meiner Lindås kommune at fylkeskommunen må gå inn som transportkjøpar

Dei aktuelle kommunane og Hordaland fylkeskommune må i fellesskap avklara behov, frekvens og kostnadsdeling.

Behandling

Innstillinga frå formannskapet vart samrøystes vedteke.

Vedtak

• Lindås kommune godkjenner brannordning og samarbeidsavtale for etablering av Nordhordland brann og redning (NHBR).

• Kostnadar for deltaking i samarbeidet blir handtert i prosessen med økonomiplan og budsjett hausten 2018.

Behandling

Innstillinga frå formannskapet vart vedteke mot 9 røyster (Frp, H og UAVH)

Vedtak

Meldinga er teke til orientering.

Interpellasjonar:

Til interpellasjon nr. 1 - Framlegg frå Ap, Krf, Sp og V ved A.Hetlebakke-Krf:

Kommunestyret ber rådmannen leggja fram ei orientering om heile tilbodet for tenesta aktivitetsbasert avlasting. Orienteringa må gjevast i 1.møte i levekårsutvalet til haustyen 28.08.2018.

Framlegget vart samrøystes vedteke.

Interpellasjonar:

Nr. 1 frå Ingrid Fjeldsbø Høgre

I ti år har dei same fire-fem unge gutane samlast i musikkgjengen kvar måndag.

Musikkgjengen er ein del av aktivitetsbasert avlasting i Lindås kommune.

Musikkgjengen har fleire føremål: Det er eit avlastingstilbod for foreldre, eit tilrettelagd kulturtilbod til dei unge og ein fritidsarena for sosial fellesskap og vennskap mellom dei unge.

Litt om lovverket som ligg til grunn for musikkgjengen

Heimel for musikkgjengen finn me både i helse- og omsorgstenestelova, i pasient- og brukarrettslova, og i kulturlova. Avlasting er ein kompensasjon for det meirarbeidet det inneber å ha barn og unge i familien som krev meir enn det som er ei «normal omsorgsbyrde». Kriteritet for å få avlastning er «særleg tyngjande omsorgsarbeid» og tildeling av tenesta er basert på fagleg skjønn jfr. retningsliner for omsorgslønn, 1-42 (1998 ). Avlasting skal hindre utmatting hjå omsorgsgjevar og gje dei pårørande naudsynt og regelmessig ferie og fritid. Omfanget av hjelp skal vera på eit forsvarleg nivå (Sosialdepartementet 1992). Kommunen har etter Helse og omsorgstenestelova § 4-1, plikt til å tilby forsvarlege helse- og omsorgstenester. Tenesta er basert på fagleg skjønn jfr. retningsliner for omsorgslønn, 1-42 (1998 ). Sjølv om kommunen kan velja hjelpeform, har brukar i følgje Pasient og brukarrettslova § 3-1, rett til å medverka ved gjennomføring av helse- og omsorgstenester. Tenestetilbodet skal etter lova så langt som råd er, utformast i samarbeid med den einskilde. I avlasting er både foreldre som får avlasting, og den unge som er på avlasting, brukarar og begge, ha rett til å delta i utforming av eige tenestetilbod.

Kulturlova har til føremål, jfr § 1, å fastleggja offentlege styresmakters ansvar for å fremja og leggja til rette for eit breitt spekter av kulturverksemd, slik at alle kan få høve til å delta i kulturaktivitetar og oppleva eit mangfald av kulturuttrykk. Med andre ord har kommunen plikt til å syta for at alle kan delta i kulturaktivitetar. Det gjeld også personer med nedsett funksjonsevne.

Til saman utgjer dette grunnlaget for musikkgjengen, som er eit unikt samarbeid mellom eining for funksjonshemma og kulturskulen i Lindås. Kulturskulen stiller med musikkterapeut, medan eining for funksjonshemma syter for tilrettelegging og miljøarbeidar.

Innhaldet i musikkgjengen

Musikkgjengen er utforma etter dei unge gutar og foreldras behov. Tilbodet som utgjer 3, 5 time kvar måndag inneheldt følgjande: Dei unge vert henta heime, på skule eller i tilrettelagd arbeid og køyrt til lokala til kulturskulen på Ostereidet. Her vert det song, gitarspel, leik, kvelds og bandøving, før dei unge vert køyrt heimatt. Foreldre opplever måndagane som gode stunder der dei unge kjem heimatt glade og nøgde etter ei god fritidsoppleving.

Musikkterapeutiske prinsipp vert nytta for å utvikla samspel, turtaking og sosial kompetanse. Musikkgjengen har vore brubyggjar til ordinært kulturliv og at dei unge har fått eit ordinært kulturskuletilbod. Utan denne brubygginga og samspelet mellom musikkterapeut og kulturskulelærar om den enkelte, hadde det ikkje vore mogeleg å få til.

Foreldra og familie har vore invitert på musikkgjengen sine konsertar og desse er i særklasse og må berre opplevast.

Idegrunnlaget og nasjonal merksemd

Aktivitetsbasert avlasting, musikkgjengen inkludert, er tufta på god kartlegging, eit ressursperspektiv, eit innhald med ekte fritid for dei unge, på fellesskap og skreddarsaum og tilpassing for den enkelte unge og deira familie. I tillegg til dette, er avlasting for barn og unge også ein viktig arena for inkludering, mangfald og god fritid.

Eg er kjend med at aktivitetsbasert avlasting har fått stor merksemd på nasjonalt nivå, og stor merksemd av Helsedirektoratet. Aktivitetsbasert avlasting og musikkgjengen har vore presentert på nasjonale konferansar, og i Helsedirektoratet sine hefter for gode tenester. Denne måten å organisera avlasting på har spreidd seg til andre kommunar. I dag har fem andre kommunar som Sandnes, Osterøy, Stjørdal, Bergen og Bydel Gamle Oslo lært av Lindås og etablert liknande avlastingsmodell. Aktivitetsbasert avlasting har vore bevisst på at ekte fritid skal vere det viktigaste innhaldet. Ekte fritid krev at kommunen gjev god kvalitet. Unge med nedsett funksjonsevne treng, slik som alle unge, fritid prega av flyt og gode opplevingar i fellesskap med andre. Dei treng å oppleva spenning, samhald, risiko, humor og fellesskap

Kva kjenneteiknar dei unge i musikkgjengen

Dei unge som er med i musikkgjengen, har få om nokon andre avlastingstilbod, kultur eller fritidstilbod. Dei er avhengig av tilrettelegging for å fungere sosialt og på fritidsarenaen – og oppfyller lovens krav for å ha rett på tenester etter helse- og omsorgsteneste lova.

Musikkgjengen og støttekontakt har for nokre av dei vore det einaste tilbodet dei har hatt, medan avlasting på døgnbasis lett kunne ha vore alternativet. Døgntilbod er ein langt meir kostnadskrevjande tilbod, enn eit tre og ein halvtimes opplegg i musikkgjengen kvar veke.

Korleis opplever dei unge musikkgjengen

Desse unge ropar ikkje høgt om det dei har eller får, og er ikkje ei pressgruppe som ringjer sine folkevalde for å seie si meining. Desse tre døma kan teikna ei bilete av kva musikkgjengen betyr for dei.

• Den unge la oss kalla han Per, vaknar om morgonen og spør mor « Kva for dag er det i dag?». Mor svara « Det er måndag». Per seier « Det er måndag, det er min dag i dag, det er musikkgjengen».

• «Ole» kjem til musikkgjengen etter sumarferien og seier « Eg har savnet dokkar i hele sommar».

• Ei anna mor seier at musikkgjengen er sjølve livet for guten sin, og ho skjønar ikkje korleis det skal vera mogeleg å finne noko anna alternativ som er like godt for han som den.

Slike tilbakemeldingar har gjort at fagfolk knytt til musikkgjengen har sagt at når og om desse unge flyttar i bufellesskap så må dei framleis kunne ha eit tilbod i musikkgjengen - fordi tilbodet betyr så mykje for dei det gjeldt. Tilbodet kan då lovheimlast som støttekontakttilbod (i gruppe), som også er ei lovpålagt teneste. Støttekontakt skal bidra til ei meiningsfull fritid. Det er nett meiningsfull fritid musikkgjengen er for desse unge. Med ei slik ordning kan dei på lik line med andre betale eigendel i kulturskulen, men altså motta hjelp i form av tilrettelegging av fritida via musikkgjengen.

Ordførar, det er krevjande å byggje opp tilbod som er så gode som musikkgjengen i Lindås, men lett å leggje dei ned. Det vert eit stort tap for Lindås sine unge funksjonshemma om dette tilbodet forsvinn. Det må vere råd å supplere musikkgjengen med nye medlemmer om nokon står i kø for å få eit tilbod. Dette tilbodet har me som kommune ikkje råd å miste.

Mine spørsmål er:

• Kva er den faglege grunngjevinga for å leggje ned musikkgjengen?

• I kva grad har foreldre som treng tilbodet, og dei unge som har tilbodet, vorte ivaretatt med dei partsrettar dei har etter gjeldande lovverk?

• Kva alternative tilbod vil dei som er der i dag, få om musikkgjengen vert lagt ned?

SVAR FRÅ ORDFØRAR:

Spørsmål

1.       Kva er den faglege grunngjevinga for å leggje ned musikkgjengen?

2.       I kva grad har foreldre som treng tilbodet, og dei unge som har tilbodet, vorte ivaretatt   med dei partsrettar dei har etter gjeldande lovverk?

3.       Kva alternative tilbod vil dei som er der i dag, få om musikkgjengen vert lagt ned?

Svar:

På heimesida til kommunen står det i tenesteskildringa om avlasting:  « For barn og unge, der avlasting i Kvasten avlastingsbustad ikkje er rett avlastingsform, kan vi gi tilbod om aktivitetsbasert avlasting i grupper. Denne tenesta består av ulike aktivitetar, til dømes helgeturar og fritidsaktivitetar på ettermiddag og kveld.» Formålet med aktivitetsbasert avlasting er å gi avlasting til føresette med særleg tyngande omsorgsoppgåver. Målet med avlastinga er ikkje å ta i vare eit kulturtilbod til barn/unge.  Helse - og omsorgsteneste har ikkje som  formål å ta i vare kulturtilbod, jf. formålsparagrafen i helse- og omsorgstjenesteloven § 1-1. I utforminga av avlastingstilbodet vert det lagt vekt på at tilbodet skal vere motiverande og opplevast positivt av brukargruppene.

Svar på spm. 1:

Kommunen har hatt og skal framleis ha aktivitetsbasert avlasting som tilbod, men kva grupper/tilbod som inngår i aktivitetsbasert avlasting vil endre seg over tid; ut i frå behov, ønskje, etterspørsel, kva som er ressursmessig fornuftig osv. Musikkgruppa er eit av fleire gruppetilbod. Helse og omsorg har så lenge aktivitetsbasert avlasting har vore eit tilbod i kommunen (frå 2008), føreteke nødvendige endringar i dei ulike gruppetilboda ut frå behov og ønsker.  Musikkgruppa er planlagt avslutta i samband med skuleferien 2018, dels pga. brukarane sin alder, bortfall av deltakarar over tid, forventa  låg etterspørsel framover/musikkgruppe er lite egna tilbod til nye kjente brukarar som kjem til, samt at brukarane kan nyttiggjere seg andre avlastingstilbod. Om det i framtida igjen vert aktuelt å opprette ei musikkgruppe som aktivitetsbasert avlasting, så kan dette bli aktuelt.  Økonomiske innsparingar er ikkje årsaka til at musikkgruppa er planlagt nedlagt.

Svar på spm. 2 og 3:

Pårørande /brukarar har fått munnleg informasjon om at musikkgruppa er planlagt avslutta, og at det vil bli eit anna avlastingstilbod i staden frå hausten av 2018.  Det er  ikkje tatt stilling til korleis avlasting skal organiserast framover for dei som er i musikkgruppa.  Pårørande/brukarar som har avlastingsvedtak kor det står at aktivitetsbasert avlasting vil vere i form av deltaking i musikkgruppe, vil få varsel om endring av vedtaket med frist til å uttale seg, før endringsvedtak vert laga. Alle partrettar etter forvaltningsloven vil bli tatt i vare.

NR. 2. frå Ingrid Fjeldsbø Høgre

Lærlingar/ rekruttering

Lindås kommune er ein av dei største lærebedriftene i regionen, spesielt innan helsefag. I 2016 vedtok eit samrøystes kommunestyre å auka antallet med 10 lærlinger.

Lindås Høgre er svært glad for at me kan tilby ungdommane våre eit antall læreplasser og sjølvsagt er dette også viktig for kommunen med hensyn på rekruttering.

I det siste har Lindås Høgre motteke meldingar frå bekymra nyutdanna lærlinger og også foreldre som fortel om at dei ikkje får tilbud om jobb i Lindås kommune etter endt læretid. Det er sjølvsagt ikkje slik at ein har automatisk rett på stilling når ein har vore lærling i ei bedrift, men på den andre sida er det ei utfordring at lærlingene «våre» heller vert rekruttert til andre kommunar, både i offentleg og privat sektor.

Spørsmål

1. Kor mange lærlingar kan Lindås kommune ha, jfr vedtak i KO 2?

2. Kor mange lærlingar er i lærlingeløpet pr i dag?

3. I kva fag er Lindås kommune godkjent som lærebedrift?

4. Og korleis er lærlingene fordelt på desse faga?

5. Kor mange lærlingar har fått tilbod om jobb, både heiltid og deltid, etter endt læretid dei siste to åra?

6. Kor mange har ikkje fått tilbud om jobb etter endt læretid dei to siste åra?

7. Kva tiltak kan gjerast for å kunna tilby fleire nyutdanna lærlingar jobb i Lindås kommune?

SVAR FRÅ ORDFØRAR:

Som ein stor arbeidsgjevar innan fleire tenesteområde har Lindås kommune eit kontinuerleg behov for faglært personale. På bakgrunn av nasjonale prognosar har ein sett at det største behovet vil vere innan helse- og omsorgsektoren. Vi har derfor satsa særskild på å heve kompetansen innan helsearbeiderfaget, både gjennom læreplassar, TAF-elevar og gjennom å tilrettelegge for at ufaglærte assistentar får høve til å formalisere/oppgradere sin fagkompetanse.

Som medlemsbedrift i Nordhordland Opplæringskontor har vi hatt god hjelp til rekruttering og oppfølging av lærlingane våre.

Svar på interpellasjon frå Ingrid Fjeldsbø (Høgre):

1. Kor mange lærlingar kan Lindås kommune ha, jfr vedtak i KO 2?

   Ihht. vedtak 11/16 i kommunestyret kunne talet på lærlingar aukast frå 15 (inkl. TAF-elevar) til 25.

2. Kor mange lærlingar er i lærlingeløpet pr i dag?

   Vi har i dag 25 lærlingar (inkl. TAF-elevar) i Lindås kommune.

3. I kva fag er Lindås kommune godkjent som lærebedrift?

   Lindås kommune er godkjend lærebedrift i følgjande fag:

   • Helsefagarbeidarfaget

   • Barne- og ungdomsarbeidarfaget

   • Kontor- og administrasjonsfaget

   • Feiarfaget

   • Institusjonskokkefaget

4. Og korleis er lærlingene fordelt på desse faga?

   Fordeling av lærlingar:

   • Helsefagarbeidar: 16 (inkl. 4 TAF)

   • Barne- og ungdomsarbeidar: 6

   • Kontor- og administrasjon: 2

   • Feiar: 1

5. Kor mange lærlingar har fått tilbod om jobb, både heiltid og deltid, etter endt læretid dei siste to åra?

   Dei aller fleste har fått tilbod om stilling i Lindås kommune etter læretida. Av dei som har fullført læretida si i Lindås kommune dei to siste åra er 12 av 16 lærlingar tilsett/eller har vore tilsett i fagarbeidarstillingar etter læretida. 5 av desse i 100% stillingar. Både faste stillingar og vikariat.

6. Kor mange har ikkje fått tilbud om jobb etter endt læretid dei to siste åra?

   Av dei fire som ikkje har vore tilsett som fagarbeidar etter endt læretid kjenner ein ikkje til kvifor dei ikkje har fått tilsetting i stilling.

7. Kva tiltak kan gjerast for å kunna tilby fleire nyutdanna lærlingar jobb i Lindås kommune?

Med ein situasjon der dei aller fleste får tilbod om stilling etter endt læreløp har ein ikkje sett etter særskilde tiltak for å tilby nyutdanna fagarbeidarar jobb i kommunen. Rett nok er ikkje alle stillingar på 100% og ofte startar ein opp i eit vikariat (eller ein kombinasjon mellom fast stilling og vikariat). Då det er eit mål å tilsetje i så store stillingsprosentar som råd, er det høve til å auke opp stillinga si til ønska storleik over tid.

Behandling

Status Alver kommune ved rådmann Ørjan Raknes Forthun

Rådmannen sitt framlegg vart samrøystes vedteke.

Vedtak

Arbeidet med å få til ei utviding av IKT Nordhordland med fleire kommunar bør starte så raskt som mogleg. Lindås kommune er positiv til å at hovudprosjektet som skal koma med konkrete forslag til utviding vert starta opp.

Dersom Gulen er klar for å gå inn i samarbeidet før hovudprosjektet er ferdigstilt, så er Lindås kommune positiv til det.

Behandling

Rådmannen sitt framlegg vart vedteke mot 1 røyst (Ø.Moldeklev-Frp)

Vedtak

Lindås kommune sel gbnr 137/344 til Nordhordland bibelsenter.

Behandling

Tittel- skal vera Nordhordland bibelsenter

M.Knudsen-Krf stilde spørsmål om habilitet. Spørsmålet vart sendt kommuneadvokaten i forkant av møtet. Spørsmål og svar er lagt ved protokollen. Kommunestyret gjorde samrøystes vedtek om at repr.M.Knudsen-Krf er habil i denne saka.

Framlegg frå S.Hauge-Ap:

Tillegg til innstillinga frå formannskapet:

Salget skjer på vilkår av at administrasjonen innarbeider eit punkt i salgskontrakten om tilbakekjøps klausul for takst til Lindås kommune hvis arealet blir solgt eller brukt til annet formål enn skule/grøntområde/friområde.

Framlegget fekk 7 røyster og fall

Framlegg frå P.Jøsendal-Sv:

Rådmannen sitt framlegg til vedtak.

Framlegget fekk 9 røyster og fall

Framlegg frå H/KRF/FRP ved T.Larsen-H:

Lindås kommune sel gbnr 137/344 til Nordhordland Bibelsenter for 6 millioner kroner.

Framlegget vart vedteke med 16 røyster. A.Valle-Sp, S.Toft-V, L.Sleire-KRF, B.Risøy-Krf, V.Wergeland-Krf, A.K.Angelskår-Krf, S.Kjeka-Krf, M.Knudsen-Krf, A.Hetlebakke-Krf, O.L.Mjøs, O.Steinsland-H, K.Vågstøl-H, I.Fjeldsbø-H, T.Larsen-H, A.Dyngen-Uavh., A.Høgquist-Uavh., N.Øvreås-Frp.