Møte i Kommunestyret den 13.09.2018

Vedtak

Innkalling og saksliste er godkjent

Behandling

Sak 64/18 vart handsama etter sak 059/18, sak 68/18 vart handsama etter sak 66/18. Ellers ingen merknader, samrøystes.

Vedtak

Møteprotokollen er godkjent

Behandling

Ingen merknader, samrøystes.

Vedtak

Lindås kommune gir uttale i samsvar med vurderingane gitt i saksutgreiinga

Behandling

Innstillinga frå levekårsutvalet vart samrøystes vedteke.

Vedtak

I medhald av plan- og bygningslova § 12-12, vedtek kommunestyret å godkjenne reguleringsplan for Risøy hyttefelt, plan-id 1263-201604, på følgjande vilkår:

1. Føresegner datert 19.08.2018 og plankart datert 14.05.2018 vert lagt til grunn.

2. Før reguleringsplanen vert kunngjort godkjent, skal feilfritt plankart ligge føre i gjeldande SOSI-standard for Lindås kommune.

Behandling

Bernt Risøy-Krf silte spørsmål habilitet som grunneigar i området, kommunestyret gjorde samrøystes vedtak om at B.Risøy er inhabil i denne saka.

Innstillinga frå plan- og miljøutvalet vart samrøystes vedteke

Vedtak

1. Kommunestyret vedtar forprosjekt for ny Alversund skule og fleirbrukshall slik det ligg føre i saka.

2. Kommunestyret vedtar å auke investeringsramma frå 280 millionar kroner til 290 millionar kroner for prosjektet.

3. Kommunestyret ynskjer ei vurdering i høve til om ein kan få inn eit sanserom i andre etasje. Dette i tillegg til sanserommet i tredje etasje.

Behandling

Prosjektleiar I.M. Jordal orienterte til saka.

Innstillinga frå formannskapet vart samrøystes vedteke.

Vedtak

1. Lindås kommune godkjenner utbyggingsavtale dat. 6.6.2018 med Region Nordhordland Helsehus IKS

2. Ordfører signerer avtalen på vegne av Lindås kommune

Behandling

Orientering om Helsehuset ved Rune Heradstveit NUI.

Det vart stilt spørsmål om habilitet frå B.Vatnøy-Frp som medeigar i nabotomt, kommunestyret gjorde vedtak, mot 1 røyst (Ø.Moldeklev-Frp) om at B.Vatnøy er inhabil i denne saka.

Det vart stilt spørsmål ved habilitet frå I.Fjeldsbø-H som medeigar i reklamehuset, kommunestyret gjorde samrøystes vedtak om at I.Fjeldsbø er habil i denne saka.

Innstillinga frå formannskapet vart samrøystes vedteke.

Vedtak

• Kommunestyret gir rådmannen fullmakt til å forhandla fram avtale med Romarheim AS om å etablere veg på kommunal eigedom, gnr./ bnr. 137/13, i Galteråsen.  Romarheim AS er aleine ansvarleg for å søke om nødvendige godkjenningar for å etablere vegen.

• Avtalen skal handtere følgjande:

  • Kostnader knytt til etablering av veg og eventuell seinare flytting av veg før den er overtatt av kommunen.

  • Kostnader knytt til tilbakeføring av areal som ikkje lengre skal nyttas som veg etter ei eventuell flytting.

  • Alle ansvarshøve knytt til vegen, eks drift, vedlikehald, vegstandard og trafikksikring, inkludert bruk av andre enn kommunen og Romarheim AS.

  • Kommunestyret gjev formannskapet fullmakt til å godkjenne den framforhandle avtalen så snart denne ligg føre.

Behandling

Det vart stilt spørsmål ved habilitet for K.Vågstøl-H (kundeforhold) kommunestyret gjorde samrøystes vedtak om at K.Vågstøl er inhabil i denne saka. Anne Julie Hetland møtte som vara i denne saka.

Det var stilt spørsmål ved H.Reigstad-Sp sin habilitet, kommunestyret gjorde samrøystes vedtak om at H.Reigstad er habil i denne saka.

Framlegg til justert vedtak ved ordførar A.Byrknes-Krf:

• Kommunestyret gir rådmannen fullmakt til å forhandla fram avtale med Romarheim AS om å etablere veg på kommunal eigedom, gnr./ bnr. 137/13, i Galteråsen.  Romarheim AS er aleine ansvarleg for å søke om nødvendige godkjenningar for å etablere vegen.

• Avtalen skal handtere følgjande:

  • Kostnader knytt til etablering av veg og eventuell seinare flytting av veg før den er overtatt av kommunen.

  • Kostnader knytt til tilbakeføring av areal som ikkje lengre skal nyttas som veg etter ei eventuell flytting.

  • Alle ansvarshøve knytt til vegen, eks drift, vedlikehald, vegstandard og trafikksikring, inkludert bruk av andre enn kommunen og Romarheim AS.

  • Kommunestyret gjev formannskapet fullmakt til å godkjenne den framforhandle avtalen så snart denne ligg føre.

Justert framlegg vart samrøystes vedteke.

Vedtak

Lindås kommune syner til invitasjon om innspel til nasjonal ramme for vindkraft.

Med grunn i det forventa endringane i klima og den påverknaden dette vil ha vår framtidige samfunnsutvikling vil Lindås kommune trekkje fram følgjande:

• I eit berekraftig perspektiv bør framtidig energiproduksjon endrast til å verte meir miljøvenleg og berekraftig. Vindkraft på land kan vere ein del av meir miljøvenleg energiproduksjon

• I ressurskrevjande perspektiv veit me at alle typar anlegg for energiproduskjon i ei eller anna form er ressurskrevjande. Det båndlegg ma. store areal, fører med seg inngrep i omgjevnadane våre og kan ha konsekvensar i høve til mangfald. Anlegg og infrastruktur for vindkraft krev store arealinngrep og vert markant i landskapsbilete

• Tidspunkt for det «Grøne skifte» fører med seg diskusjonen om balansegangen mellom «det gamle og eit nytt» energiregime som har gått føre i fleire år. Det er eit tema som har modnast og tida for å gjere endå meir aktive skritt er moglegvis komen

• Det er stort sannsyn for at mange i det vidare og i enda større grad vert utfordra knytt til spørsmålet om vern og bruk av naturmangfoldet kring oss

• Som for mange av dei andre kartlagte analyseområda er det store interesser knytt til særleg rekreasjon og friluftsliv i analyseområde 18, men og bustad og næring

• Lindås kommune sin gjennomgang av faglege og samfunnsmessige tema syner at me har både ansvar, interesser og muligheter på ulike vis

• Me er interessert i å få ta del i arbeidet med premissane/vilkåra for det vidare arbeidet og korleis desse vert vekta.

• I eit berekraftig perspektiv må framtidig energiproduksjon endrast til å verte meir miljøvenleg og berekraftig. Lindås kommune meiner at alternativet til industriområde for vindkraft i fjella våre er havområda i vest. Miljøulempene her er mindre. Vindkraft i havet vårt kan vere ein del av meir miljøvenleg energiproduksjon, og må vera med i det vidare arbeidet til nasjonal ramme for vindkraft. Også i høve til elektrifisering av olje- og gassektoren vår er det fornuftig med vindmølleanlegg til havs på Vestlandet.
  
  Vindmølleanlegg på land vil i fjellområda i og omkring Stølsheimen ha svært uheldige konsekvensar i høve til naturmangfald, friluftsliv og det opne fjellandskapet her. Anlegg og infrastruktur for vindkraft her krev store arealinngrep, og inngrepa vil verta markante og skjemmande landskapsbilete i fjellheimen vår i Nordhordland. Me veit og at nokre av dei mest fremheva verdiane med å vere i Noreg er opplevinga av urørt natur, vidt utsyn og stillhet. Alle desse tre verdiane vert utfordra når det gjeld anlegg for vindkraft.
  
  Det er store interesser knytt til særleg biologisk mangfald, reiseliv, rekreasjon og friluftsliv i analyseområde 18. Fjellområda Eggjane, Blåfjellet og område nord og aust for Dyrkolbotn, dvs. store fjellområde på begge sider av Romarheimsdalen/Dyrkolbotn, er i bruk heile året. Det er leirskuledrift i området, fjellstove, DNT-hytter, turstier, skianlegg, turløyper, hytteområde og populære utfartsområde både til ski og til fots. Det er og gode fiskevatn her som og vert mykje bruk.
  
  Område 18 inneheldt areal som er det siste området i ein korridor mellom sjøen og Stølsheimen. All bygging av vindmøller i området eller i nærleiken vil endra området for all framtid. Sjølv med konsesjonar i 25 år med tilbakeføringsklausular vil urørte område vera uopprettelig endra for framtidige generasjoner. Lindås kommune meiner at vindkraftindustri ikkje høyrer heime i denne unike fjellheimen her som må sjåast på som eit samanhengande høgfjellplatå vest i Stølsheimen. Desse fjellområda må tilhøyra ålmenta som friluftsliv- og rekreasjonsområde framover. Våre verdifulle frilufts- og rekreasjonsområde i dette storslåtte høgfjellplatået må ikkje øydeleggjast av vindmølleanlegg og fleire kraftleidningar og anleggsvegar. Desse områda må brukast til rekreasjon, reiseliv, landbruk og sjåast i samanheng med landskapsvern og vern gjennom bruk.
  
  Miljødirektoratet har i dag ikkje full oversikt over dei mest verdifulle friluftslivsområda i ein nasjonal samanheng. Det er ikkje gjennomført ein fullstendig kommunal eller regional friluftslivskartlegging i området. Området inneheldt kulturminnemiljø (stølar og liknande) og turområde utan tilrettelegging, og er ein av få samanhengande naturområde med urørt preg i regionen.
  
  Vi ber NVE om å vektleggje desse nemnde regionale interessene. Vår faglege vurdering er at analyseområde 18 grunna regionalt viktige verdiar, ikkje høver i kategorien «mest egnet» i «Nasjonal ramme for vindkraft» på land».
  
  -Lindås kommune meiner at analyseområde 18 må trekkast ut av det vidare arbeidet med nasjonal ramme for vindkraft.

Behandling

Innstillinga frå plan- og miljøutvalet vart vedteke mot 2 røyster (N.Øvreås FRP og B.Vatnøy-Frp)

Vedtak

Leif Erik Gullanger er medlem i valnemnda og 2.vara for venstre i fellesnemnda.

Kontrollutvalet frå 13.09.2018ver:

Behandling

Innstilling frå valnemnda vart lagt fram i møtet.

Leif Erik Gullanger går inn i verva til Peder Jøsendal

Kontrollutvalet frå 13.09.2018 vert:

Innstillinga frå valnemnda vart samrøystes vedteke.

Vedtak

Meldinga vert teke til orientering

Det var ei interpellasjon i møte. S.Hauge-Ap deltok ikkje under interpellasjonen då han er sakshandsamar på dette området.

Interpellasjon frå I.Fjeldsbø-H:

Tilfluktsrom

Den viktigaste oppgåva til myndighetene er å ivareta sikkerheita til innbyggjarane mot livtruande hendingar. Eit av dei viktigaste tiltaka er tilfluktsrom.

Dersom samfunnet opplever dei mest alvorlege katastrofer, først og fremst krig, men også naturkatastrofe, kan det å finna dekning i eit tilfluktsrom vera med og redda liv.

Innbyggjarane har også rett på beskyttelse ifølge Geneve-koinvensjonane.

Tilfluktsrommet vert enten eigd av kommunane eller private huseigarar. Lindås Kommune eig dei offentlege tilfluktsromma i dei som er i kommunale bygg. Det er kommunen si oppgåve å byggje, utstyre og vedlikehalde tilfluktsromma, og å sørge for at dei vert klargjort for bruk i ein beredskapsituasjon.

Kravet til tilfluktsrom er at dei skal vera operative minumum 72 timar etter erklært unntakstilstand.

I Stortingsmelding 17 (2001-2002) blei det vedtatt midlertidig stans av tilfluktsrom, men det var også vedtatt at eksisterande tilfluktsrom SKAL vedlikehaldast. Dette er gjentatt i St.melding 39(2003-2004) om Samfunnsikkerhet og sivil-militært samarbeid.

Siste utredning som blei gjort om dette var i 2017, i forbindelse med Konseptutredning for Sivilforsvaret og anbefalingar frå Forsvarets forskningsinstitutt, er at ordninga må styrkjast.

Spørsmål:

1. Kor mange tilfluktsrom har Lindås Kommune?

2. Kor ligg tilfluktsromma?

3. Kva er kapasiteten på desse, og er det i samsvar med krava sett i forhold til innbyggjartal?

4. Er standaren på tilfluktsromma ihht lov?

5. Kan desse tilfluktsromma gjerast klar innan 72 timar, og har Lindås Kommune ein plan for det?

6. Har Lindås Kommune ein plan for allle tilfluktsromma i ein beredskapssituasjon?

Svar frå ordførar:

Bygging, drift og vedlikehald av tilfluktsrom er regulert i Lov om kommunal beredskapsplikt, sivile beskyttelsestiltak og Sivilforsvaret (sivilbeskyttelsesloven), tilhøyrande forskrifter og utarbeidde instrukser.

Bygging, drift og vedlikehald av tilfluktsrom er eit «spleiselag» mellom det offentlege og private aktørar.

Tilfluktsromma som er i Lindås kommune var bygd under eit trusselbilde som var mellom 1948 og 1995 og støtter beredskapen mot dei hendingane som var i det trusselbildet .

Dagens trusselbilde er annleis, og regjering og storting har ikkje så langt kome med endringar i bruk eller bygging av tilfluktsrom i forhold til trusselbildet som er no.

Som interlpelanten skriv i interpellasjonen;

I Stortingsmelding 17 (2001-2002) blei det vedtatt midlertidig stans av tilfluktsrom, men det var også vedtatt at eksisterande tilfluktsrom SKAL vedlikehaldast. Dette er gjentatt i St.melding 39(2003-2004) om Samfunnsikkerhet og sivil-militært samarbeid.

Lindås kommune er 1 av 11 kommunar i Hordaland fylkje som vart pålagt plikt til å byggja tilfluktsrom i forskrift om tilfluktsrom og vidareført i forskrift av 1995.

Lindås kommune har halde seg til stortingsmeldinga når det gjeld bygging av tilfluktsrom. Når det kjem til vedlikehald har ikkje Lindås kommune satt av øyremerka midlar til spesifikt vedlikehald av «tekniske system» som er spesialisert i forhold til funksjon som tilfluktsrom. Ørvig vedlikehald og kontroll er følgt opp innafor for dei vedlikehaldssystema og med dei midlane som er tildelt i budsjetta til eigedom.

Forskrift om tilfluktsrom 1995-03-15-254 § 36; seier :» Ved planlegging og bygging av tilfluktsrom skal det legges vekt på at rommene kan gis en hensiktsmessig utnyttelse i fred «.

Dette gir kommunen og andre eigarar full anledning til å utnytte tilfluktsrom i fredstid, under føresetnad av at romma sin beskyttande evne ikkje vert reduserast og at det kan klargjerast som tilfluktsrom i løpet av 72 timer i ein beredskapssituasjon.

Det er eigar sitt ansvar å byggje, utstyre og vedlikehalde tilfluktsromma, samt å sjå til at romma vert klargjorde for bruk i ein beredskapssituasjon.

Lindås kommune bruker eigne tilfluktsrom til «fredsformål» og prøver å oppfylla intensjonen i §36, men har ikkje ein oversikt om dette er gjennomført i heile sin breidde.

Tilfluktsromma er fordelt på tre kategoriar og eigarforhold; 1.privat 2. kommunale og 3. offentlege.

Privat tilfluktsrom er tenkt for dei som er tilsett, oppheldt eller har sitt døgn opphald der (busett) og er på staden/bygget i ei hending eller beredskapssituasjon. Døme på slike stader kan være kjøpesenter, større bedrifter og bustadblokker over ein vis størrelse.

Kommunale rom ligg i hovudsak i skule- og administrative bygg. Desse er tiltenkt personar

( tilsette og elevar) som oppheldt seg i byggja ved ei hending eller beredskapssituasjon.

Offentleg tilfluktsrom er for dei som ikkje har eit tilfluktsrom der dei oppheld seg.

Så til antalet, og tala er oppgitt etter Sivilforsvaret sine opplysingar.

Spørsmål:

1. Kor mange tilfluktsrom har Lindås Kommune?

Det er pr.d.d i Sivilforsvarets sin dokumentasjon registrert totalt 47 tilfluktsrom i Lindås kommune.

Desse er fordelt slik;

31 Private

15 kommunale

1 rom er til offentleg bruk

1. Kor ligg tilfluktsromma?

Tilfluktsromma ligg speidd i heile kommunen, i offentlege- og private bygg som skular, burettslag, bedrifter. Det er ikkje ønskelig frå Sivilforsvaret side eller administrasjon å offentleggjere plassringa. Plasseringa er ikkje unnateke offentleg innsyn, men av beredskapsmessig hensyn ynskjer ein ikkje dette.

Interpellanten og andre kan ved å hendvenda seg til administrasjon få innsyn i plasseringa.

1. Kva er kapasiteten på desse, og er det i samsvar med krava sett i forhold til innbyggjartal?

Kapasiteten i Lindås kommune er 6084 plasser utrekna etter standarmål. Dette gjev ei dekning på 38,5 % i kommunen.

Det er ikkje spesifikke krav til kapasitet, men krav til bygging av tilfluktsrom etter bygningens bruk, beskaffenthet og storleik i tidsrommet FØR Stortingsmelding 17 (2001-2002) kom.

1. Er standaren på tilfluktsromma ihht lov?

Krava til «standard» på tilfluktsrom er knytt til gjeldane forskrift på byggetidspunktet. Forskrifta er etablert i 1948, med endringar i 1966 -1976-82, 1995, og nokon mindre endringar i tekniske løysingar sidan 1995..

Dei tilfluktsromma som Lindås kommune har ansvaret for, er bygd etter den standaren som var gjeldande på bygge tidspunkt.

1. Kan desse tilfluktsromma gjerast klar innan 72 timar, og har Lindås Kommune ein plan for det?

Forskrift om tilfluktsrom set krav om mogleg bruk i fredstid, med tidsfrist 72 timar ved varsla unntakstilstand.

Det er utarbeid instruks av Direktoratet for samfunnstryggleik og beredskap i 2010, der 72 timer kravet er omtala. Om denne instruksen er implementert i planverk som eigarar av tilfluktsromma kan ha er usikkert og Lindås kommune har ikkje oversikt over dette.

1. Har Lindås Kommune ein plan for alle tilfluktsromma i ein beredskapssituasjon?

Private har ansvar for eigen plan.

Sivilforsvaret har ansvar for å bemanne offentlege tilfluktsrom.

Lindås kommune har ikkje ein eigen samordna plan for bruk av tilfluktsrom.

Behandling

Orientering ved rådmann Ørjan Raknes Forthun om Alver kommune.

Rådmannen sitt framlegg til vedtak vart samrøystes vedteke.

Vedtak

Lindås kommune søkar Husbanken om 12 000 000 kr i ekstramidlar til Startlån i 2018.

Behandling

Rådmannen sitt framlegg vart samrøystes vedteke.