Čoahkkin Plan- og miljøutvalet 21.11.2018

Vedtak

Innkalling og saksliste er godkjent.

Behandling

Endring saksliste: Sak 133, 134, 135, 136, 147, 148, 137, 138, 139, 140, 141, 142, 143, 144, 145, 146.

Endring møtestart for ordinært møte til kl.12.00

Ellers ingen merknader, samrøystes.

Vedtak

Møteprotokoll frå møte - 17.10.2018 er godkjent.

Behandling

Møteprotokoll frå møte - 17.10.2018 vert godkjent, samrøystes.

Vedtak

Meldinga vert teke til orientering.

Behandling

Ingen merknader, samrøystes.

Vedtak

PMU tar ikkje klagen frå Fylkesmannen til følgje, og gir løyve til opparbeiding av tilkomstveg til fritidsbustad til gnr./bnr 100/13. PMU gir dispensasjon frå kommuneplanen sin arealdel til tiltak i LNF-område og dispensasjon frå §5.5 i kommuneplanen.

Vegen skal etablerast utan vegskulder utan store terrenginngrep og utan at tiltakshavar skiljer vegen frå beiteområde med gjerder. Tiltakshavar skal setje opp tenleg skilje mot den kommunale vegen som f.eks. grind eller ferist.

PMU har vore på synfaring på omsøkt tiltak 21.11.2018.

Det er smått med parkeringsplassar i den kommunale vegen. Dette er ein smal veg med mellom anna skulebusstrafikk til og frå Vabø. I samband med transport og parkering i samband med fritidsbustaden vil det vera ein stor føremon med opparbeiding av omsøkt tilkomstveg, og på den måten få bilar bort frå vegskuldra. Dette vil vera ei føremon for tryggleiken til alle typar trafikantar på den kommunale vegen.

Utvalet ser tydeleg i saka og på synfaringa at landbruket har store føremoner med å få betra tilkomst til drift av beiteområdet. Det er begynnande attgroing i beiteområdet, og vi ser at areal som går med til etablering av veg vil kunna erstattast av reetablering av beitemark ved mogeleg tilkomst med moderne landbruksutstyr. Uttale frå gardbrukaren som nyttar området er at det er gunstig å leggje ein veg midt over området, slik som omsøkt, då han får lettare tilkomst til større delar av beiteområdet. Det er også sendt epost til tiltakshavar om at areal som går med til opparbeiding av veg kan verte erstatta av utviding av beiteområde i nordenden av beiteområdet. Området er ikkje vesentleg brukt av andre enn gardbrukar og tiltakshavar, og veg vil ikkje vere til ulempe for nokon av dei involverte. Summen av areal til beitemark vert, ut frå informasjon i saka, i sum ikkje redusert i området.

Når vegen vert opparbeida med minimalt med terrenginngrep utan vegskuldre vil den ikkje vere eit skilje for dyra på innmarksbeitet. Dyra kan fritt bevega seg over vegen til og frå begge sidene av beitet. Tiltakshavar er tydeleg på at dei ikkje ynskjer å setje opp gjerde langs tilkomstvegen.

Landbrukssjefen i kommunen har i brev av 28.02.2018 ingen innvendingar til vegbygginga i og med at den kan nyttast til landbruksdrift på begge sidene av vegen.

Det synes paradoksalt at ein veg som mest truleg ville kunne vorte opparbeida som landbruksveg dersom det er dette det hadde vorte søkt om, får nei når det vert søkt om som tilkomstveg til fritidsbustad. Landbruket får med dette tiltaket ein veg som har positiv verknad for drift av landbruket utan kostnadar for gardbrukaren. Tiltaket er drøfta på individuelt grunnlag og skaper dermed ikkje automatisk presedens for eventuelle søknadar om tilkomstvegar til andre fritidsbustadar i kommunen.

Etablering av den omsøkte tilkomstvegen er positiv for
- tilkomst til vedlikehald og drift av landbruksarealet også i forhold til klimautvikling.
- trafikktryggleig med parkering andre stadar enn i vegskuldra på den kommunale vegen.
- det vil vere god dyrevelferd, godt for dyr å forflytta seg og å opphalda seg på veg.

Utvalet ser ingen ulemper med opparbeiding av den omsøkte tilkomstvegen.

Ut frå ei samla vurdering ser PMU at omsynet bak planen og føresegnene til planen ikkje er vesentleg sett til side og at føremonane med tiltaket er klårt større enn ulempene med ikkje å etablere denne vegen.

Behandling

Utvalet var på synfaring før møtet tok til.

Framlegg frå Ap, Sp, Krf v/H. Brunborg-Ap:

PMU tar ikkje klagen frå Fylkesmannen til følgje, og gir løyve til opparbeiding av tilkomstveg til fritidsbustad til gnr./bnr 100/13. PMU gir dispensasjon frå kommuneplanen sin arealdel til tiltak i LNF-område og dispensasjon frå §5.5 i kommuneplanen.

Vegen skal etablerast utan vegskulder utan store terrenginngrep og utan at tiltakshavar skiljer vegen frå beiteområde med gjerder. Tiltakshavar skal setje opp tenleg skilje mot den kommunale vegen som f.eks. grind eller ferist.

PMU har vore på synfaring på omsøkt tiltak 21.11.2018.

Det er smått med parkeringsplassar i den kommunale vegen. Dette er ein smal veg med mellom anna skulebusstrafikk til og frå Vabø. I samband med transport og parkering i samband med fritidsbustaden vil det vera ein stor føremon med opparbeiding av omsøkt tilkomstveg, og på den måten få bilar bort frå vegskuldra. Dette vil vera ei føremon for tryggleiken til alle typar trafikantar på den kommunale vegen.

Utvalet ser tydeleg i saka og på synfaringa at landbruket har store føremoner med å få betra tilkomst til drift av beiteområdet. Det er begynnande attgroing i beiteområdet, og vi ser at areal som går med til etablering av veg vil kunna erstattast av reetablering av beitemark ved mogeleg tilkomst med moderne landbruksutstyr. Uttale frå gardbrukaren som nyttar området er at det er gunstig å leggje ein veg midt over området, slik som omsøkt, då han får lettare tilkomst til større delar av beiteområdet. Det er også sendt epost til tiltakshavar om at areal som går med til opparbeiding av veg kan verte erstatta av utviding av beiteområde i nordenden av beiteområdet. Området er ikkje vesentleg brukt av andre enn gardbrukar og tiltakshavar, og veg vil ikkje vere til ulempe for nokon av dei involverte. Summen av areal til beitemark vert, ut frå informasjon i saka, i sum ikkje redusert i området.

Når vegen vert opparbeida med minimalt med terrenginngrep utan vegskuldre vil den ikkje vere eit skilje for dyra på innmarksbeitet. Dyra kan fritt bevega seg over vegen til og frå begge sidene av beitet. Tiltakshavar er tydeleg på at dei ikkje ynskjer å setje opp gjerde langs tilkomstvegen.

Landbrukssjefen i kommunen har i brev av 28.02.2018 ingen innvendingar til vegbygginga i og med at den kan nyttast til landbruksdrift på begge sidene av vegen.

Det synes paradoksalt at ein veg som mest truleg ville kunne vorte opparbeida som landbruksveg dersom det er dette det hadde vorte søkt om, får nei når det vert søkt om som tilkomstveg til fritidsbustad. Landbruket får med dette tiltaket ein veg som har positiv verknad for drift av landbruket utan kostnadar for gardbrukaren. Tiltaket er drøfta på individuelt grunnlag og skaper dermed ikkje automatisk presedens for eventuelle søknadar om tilkomstvegar til andre fritidsbustadar i kommunen.

Etablering av den omsøkte tilkomstvegen er positiv for
- tilkomst til vedlikehald og drift av landbruksarealet også i forhold til klimautvikling.
- trafikktryggleig med parkering andre stadar enn i vegskuldra på den kommunale vegen.
- det vil vere god dyrevelferd, godt for dyr å forflytta seg og å opphalda seg på veg.

Utvalet ser ingen ulemper med opparbeiding av den omsøkte tilkomstvegen.

Ut frå ei samla vurdering ser PMU at omsynet bak planen og føresegnene til planen ikkje er vesentleg sett til side og at føremonane med tiltaket er klårt større enn ulempene med ikkje å etablere denne vegen.

Framlegget vart samrøystes vedteke.

Vedtak

Med heimel i plan- og bygningslova § 19-2 vert det gjeve dispensasjon frå plankravet i føresegn 1.1 i kommuneplanen sin arealdel for oppføring av tilbygg.

Med heimel i plan- og bygningslova § 20-1, jf. pbl § 20-3 vert det gjeve løyve i eitt trinn for oppføring av tilbygg til næringsbygg på følgjande vilkår:

1. Tiltaket skal plasserast som vist i situasjonsplan datert 21.08.2018 med heimel i pbl. § 29-4, jf. SAK § 6-3.

   1. Faktisk plassering av tiltaket må vere målt inn, og koordinatar sendt kommunen.

Før det vert gjeve ferdigattest/mellombels bruksløyve for tiltaket skal følgjande ligge føre:

1. Faktisk plassering av tiltaket må vere målt inn, og koordinatar sendt kommunen.

Bortfall av løyve

Om byggearbeidet ikkje er sett i gang innan 3 år etter at løyvet er gitt, eller vert innstilt i lengre tid enn 2 år, fell løyvet bort, jf. pbl. § 21-9. Dette gjeld også dispensasjonsløyvet.

Behandling

Rådmannen sitt framlegg vart samrøystes vedteke.

Vedtak

Med heimel i plan- og bygningslova § 19-2 vert det gjeve dispensasjon frå pbl § 11-6 (arealbruken i sjø og LNF på land i kommunedelplanen) og pbl § 1-8 (byggegrensa mot sjø) for forlenging av flytebrygge på følgjande vilkår:

• Dispensasjonen omfattar utviding av flytebrygge i 24 m lengde med utliggarar på 12 m på begge sider.

Sjå vurderinga i saksutgreiinga for grunngjeving av vedtaket.

Før arbeidet kan settast igang, må det ligga føre løyve til tiltak etter plan- og bygningslova § 20-1, jf. pbl § 20-3 og etter havne- og farvasslova.

Dersom arbeidet ikkje er sett i gang innan 3 år etter at dispensasjon er gjeve, fell løyvet bort,
jf. Pbl § 21-9.

Behandling

Rådmannen sitt framlegg vart samrøystes vedteke.

Vedtak

Med heimel i plan- og bygningslova § 19-2 vert det gjeve dispensasjon frå plankravet og byggegrensa mot fylkesveg 57 i kommuneplanen sin arealdel, jf. pbl § 11-6, for oppføring av standplassbygg på gbnr 104/60.

Sjå vurderinga i saksutgreiinga for grunngjeving av vedtaket.

Før det kan settast igang bygging, må det ligga føre løyve til tiltak etter plan- og bygningslova § 20-1, jf. pbl § 20-3.

Bortfall av løyve

Om byggearbeidet ikkje er sett i gang innan 3 år etter at dispensasjon er gitt, fell løyvet bort, jf. pbl. § 21-9.

Behandling

Rådmannen sitt framlegg vart samrøystes vedteke.

Vedtak

Med heimel i plan- og bygningslova § 19-2 vert det gjeve dispensasjon frå LNF-føremålet i kommuneplanen sin arealdel jf. pbl § 11-6 for frådeling av tomt med bustadhus og garasje.

Sjå vurderinga i saksutgreiinga for grunngjeving av vedtaket.

Før deling kan gjennomførast, må det ligga føre løyve til tiltak etter plan- og bygningslova § 20-1, jf. pbl § 20-3 og løyve etter jordlova.

Bortfall av løyve

Om deling ikkje er godkjent og gjennomført innan 3 år etter at vedtak om dispensasjon er gjeve, fell løyvet bort, jf. pbl. § 21-9.

Behandling

Rådmannen sitt framlegg vart samrøystes vedteke.

Vedtak

Med heimel i plan- og bygningslova § 19-2 vert det gjeve dispensasjon frå LNF-føremålet i kommunedelplanen og plankravet i kommuneplanen ( jf. pbl § 11-6) og byggeforbodet i strandsona i pbl § 1-8 for etablering av vassleidning i samsvar med søknad motteken 06.07.2018.

Med heimel i plan- og bygningslova § 20-1, jf. pbl § 20-3 vert det gjeve rammeløyve for etablering av vassleidning i samsvar med søknad motteken 06.07.2018, på følgjande vilkår:

1. Gjennomføringa av tiltaket skal planleggast og utførast på ein slik måte at det vert teke omsyn til fauna og flora langs trasèen.

2. Arbeidet skal leggast opp slik at ein unngår inngrep i /varig skade på kulturlandskapstrekk som steingardar, eldre vegar/stiar, bakkemurar hustufter m. m. Ved tvil skal kulturstyresmaktene kontaktast.

3. Tiltaket skal plasserast som vist i situasjonsplanar mottekne 06.07.2018, med heimel i pbl. § 29-4.

4. Dersom Statens vegvesen krev det, skal det liggja føre godkjent graveløyve og godkjent skilt- og sikringsplan plan før arbeidet nær fv 565 tek til.

5. Dersom det det ved graving kjem fram funn som kan vera automatisk freda kulturminne, skal arbeid på denne staden stoppast og Hordaland fylkeskommune varslast.

Før det vert gjeve ferdigattest/mellombels bruksløyve for tiltaket skal følgande ligge føre:

• Faktisk plassering av tiltaket må vere målt inn, og koordinatar sendt kommunen.

Bortfall av løyve

Om byggearbeidet ikkje er sett i gang innan 3 år etter at løyvet er gitt, eller vert innstilt i lengre tid enn 2 år, fell løyvet bort, jf. pbl. § 21-9. Dette gjeld også dispensasjonsløyvet.

Behandling

Rådmannen sitt framlegg vart samrøystes vedteke.

Vedtak

Med heimel i plan- og bygningslova § 19-2 vert det gjeve dispensasjon frå arealbruken i sjø og på land og plankravet i kommuneplanen sin arealdel (jf. pbl § 11-6 ) og frå byggeforbodet i strandsona i pbl § 1-8 for etablering av flytekai og parkeringsplass. Dispensasjonen gjeld:

 Flytekai 15,7 x 2,7 m med utriggarar på eine sida

 Parkeringsplass

Sjå vurderinga i saksutgreiinga for grunngjeving av vedtaket.

Før arbeidet kan settast igang, må det ligga føre løyve til tiltak etter plan- og bygningslova § 20-1, jf. pbl § 20-3 og etter hamnelova.

Dersom arbeidet ikkje er sett i gang innan 3 år etter at dispensasjon er gjeve, fell løyvet bort, jf. Pbl § 21-9.

Behandling

Rådmannen sitt framlegg vart samrøystes vedteke.

Vedtak

Med heimel i plan- og bygningslova § 19-2 vert det gjeve dispensasjon frå pbl § 11-6 (rettsverknad av kommuneplanen sin arealdel) og pbl § 1-8 for etablering av felles vass- og avløpsleidningar i samsvar med søknad motteken 06.07.2018.

Med heimel i plan- og bygningslova § 20-1, jf. pbl § 20-3 vert det gjeve løyve i eitt trinn for etablering av felles VA-anlegg på strekninga Myr – Høyland, på følgjande vilkår:

1. Tiltaket skal plasserast som vist i situasjonsplan motteken 06.07.2018, med heimel i pbl. § 29-4, jf. SAK § 6-3.

2. Ved skogrydding og graving nær Eikangervassdraget, må hogst og fjerning av naturleg kantvegetasjon for framføring av grøftegate, anleggsveg mv. avgrensast til eit minimum, jf. Vassressurslova § 11 og uttale frå Fylkesmannen.

3. Arbeidet må utførast på ein måte som sikrar at anlegget vert etablert utan risiko for uheldig avrenning/ tilslamming, jf. lakse- og innlandsfisklova § 7.

1. Tiltaket skal plasserast som vist i situasjonsplanar motteken 06.07.2018, som viser hovudleidningar og stikkleidningar fram til den enkelte eigedom.

2. Tiltaket skal knytast til offentleg VA-anlegg i samsvar med planar godkjende av Lindås kommune ved teknisk drift, jf. brev av 14.06.2018 med tilsegn om tilskot og overtaking av hovudanlegg.

3. Arbeidet skal utførast i tett samarbeid med teknisk drift.

4. Det skal liggja føre godkjend graveløyve frå Statens vegvesen og godkjent skilt- og sikringsplan plan før arbeidet nær/gjennom fv 397 tek til.

5. Dersom det det ved graving kjem fram funn som kan vera automatisk freda kulturminne, skal arbeid på denne staden stoppast og Hordaland fylkeskommune varslast.

6. Arbeidet skal leggast opp slik at ein unngår inngrep i /varig skade på kulturlandskapstrekk som steingardar, eldre vegar/stiar, bakkemurar hustufter m m. Ved tvil skal kulturstyresmaktene kontaktast.

Før det vert gjeve ferdigattest/mellombels bruksløyve for tiltaket skal følgande ligge føre:

1. Godkjent ferdigmelding på utført anlegg og tilkopling til offentleg VA anlegg

2. Faktisk plassering av tiltaket må vere målt inn, og koordinatar sendt kommunen.

Bortfall av løyve

Om byggearbeidet ikkje er sett i gang innan 3 år etter at løyvet er gitt, eller vert innstilt i lengre tid enn 2 år, fell løyvet bort, jf. pbl. § 21-9. Dette gjeld også dispensasjonsløyvet.

Behandling

Rådmannen sitt framlegg vart samrøystes vedteke.

Vedtak

Med heimel i plan- og bygningslova § 19-2 vert det gjeve dispensasjon frå føresegn 5.15 i kommuneplanen sin arealdel for oppføring av uthus.

Med heimel i plan- og bygningslova § 20-1, jf. pbl § 20-3 vert det gjeve løyve i eitt trinn for oppføring av uthus på følgjande vilkår:

• Tiltaket skal plasserast som vist i situasjonsplan motteken 04.06.2018, med heimel i pbl. § 29-4, jf. SAK § 6-3.

Før det vert gjeve ferdigattest/mellombels bruksløyve for tiltaket skal følgjande ligge føre:

• Faktisk plassering av tiltaket må vere målt inn, og innmålingsdata sendt kommunen.

Bortfall av løyve

Om byggearbeidet ikkje er sett i gang innan 3 år etter at løyvet er gitt, eller vert innstilt i lengre tid enn 2 år, fell løyvet bort, jf. pbl. § 21-9. Dette gjeld også dispensasjonsløyvet.

Behandling

Rådmannen sitt framlegg vart samrøystes vedteke.

Vedtak

Med heimel i plan- og bygningslova (pbl.) § 19-2, jf. § 11-6 (rettsverknad av kommuneplanen), vert det gjeve dispensasjon for riving av eksisterande fritidsbustad og oppføring av ny einebustad på gbnr 132/30. Vedtaket er fatta på vilkår av at:

• einebustaden har ei bueining utan sekundærhusvære.

• einebustaden skal koplast til offentleg vatn- og avløp i tråd med uttale frå vatn- og avløpsavdelinga datert 23.06.2017.

• einebustaden skal nytte ny avkøyrsel frå Fjellsendevegen.

• privatrettslege høve må vere dokumentert før sjølve byggjesaka.

• einebustaden held seg innanfor føresegnene i KPA punkt 5.14.

Dispensasjonen omfattar også etablering av tilhøyrande stikkleidningar for vatn og avløp, intern veg, ny avkøyrsel og parkeringsareal.

Grunngjeving for vedtaket går fram av saksutgreiinga.

Bortfall av løyve

Om byggearbeidet ikkje er omsøkt og godkjent innan 3 år etter at vedtak om dispensasjon er gitt, fell løyvet bort, jf. pbl. § 21-9.

Behandling

Rådmannen sitt framlegg vart samrøystes vedteke.

Vedtak

Saka vert utsett og utvalet ønsker ei synfaring i neste møte.

Behandling

Framlegg frå H. Brunborg-Ap:

Saka vert utsett og utvalet ønsker ei synfaring i neste møte.

Vedtak

Saka vert utsett og utvalet ønsker ei synfaring i neste møte.

Behandling

Framlegg frå M. Knudsen-Krf:

Saka vert utsett og utvalet ønsker ei synfaring i neste møte.

Framlegget vart samrøystes vedteke.

Vedtak

I medhald av plan- og bygningslova § 12-12, jf. § 1-9, tek Plan- og miljøutvalet ikkje til følgje klagen på reguleringsplan for Åsgard småbåthamn, med planID 1263-201502, frå Frode H. Mikkelsen på vegne av eigarane av gbnr. 22/19.

Saka vert sendt til Fylkesmannen for endeleg avgjerd, jf. fvl. § 33.

Behandling

Rådmannen sitt framlegg vart samrøystes vedteke.