Møte i Kommunestyret den 20.02.2017

Behandling

Det vart gjort framlegg om Janne-Judith Kvamsdal Sandnes og Frode Langhelle til å skrive under møteboka.

Framlegg til vedtak vart samrøystes vedteke.

Vedtak

Møtebok frå kommunestyret 13.12.16 vert godkjend.

Behandling

Framlegg til vedtak vart samrøystes vedteke.

Behandling

Ordførar Karstein Totland (H) orienterte kort og saka vart drøfta.

Framlegg til vedtak frå formannskapet vart samrøystes vedteke.

Vedtak

Kommunestyret godkjenner Selskapsavtale for IKA Hordaland IKS, gjeldende fra 1.1.2017.

Behandling

Ordførar Karstein Totland (H) orienterte kort og saka vart drøfta.

Jon Hope (KrF) stilte spørsmål om kva fordelingsnøkkel som var nytta for å kome fram til kostnadane for kvar kommune. Rådmannen la då fram slik fordelingsnøkkel:

Framlegg til vedtak vart samrøystes vedteke.

Behandling

Ordførar Karstein Totland (H) orienterte kort og saka vart drøfta.

Framlegg til vedtak frå formannskapet vart samrøystes vedteke.

Vedtak

Saka vart sendt tilbake til rådmannen for vidare utgreiing.

Behandling

Ordførar Karstein Totland (H) orienterte kort og saka vart drøfta.

Oppvekstleiar Alf Strand møtte til denne saka.

John Torsvik (H) stiller spørsmål om han er inhabil i saka sidan han er leiar i Idrettsrådet. Det vart samrøystes vedteke at Torsvik er habil i denne saka.

Geir Egil Haugsvær (Sp) sette fram følgjande framlegg til vedtak:

Sp ønskjer å utsette handsaminga av finansieringa av idrettskulen til neste kommunestyremøte.

Grunngjeving:

• Rådmann og idrettsrådet bør gå i ein tett dialog for å koma med eit framlegg til tilråding for vidare drift av idrettsskulen ved dei 3 skulekrinsane i god tid før neste kommunestyremøte.

• I saksframlegg til neste møte må det leggast fram eit detaljert kulturbudsjettet for 2017. Kommunestyret må få sette seg grundigt inn i kvar post i budsjettet for å ta gode avgjerder på kostnadskutt for overføringar til vidare drift av idrettskulen. Det var dette kommunestyret bad rådmannen utgreie til dette møtet.

Framlegg til vedtak frå Sp vart samrøystes vedteke.

Saka vart sendt til bake til rådmannen for vidare utgreiing.

Behandling

Framlegg til vedtak vart samrøystes vedteke.

Behandling

Grunngjevne spørsmål:

Spørsmål til ordføraren frå Masfjorden Kristeleg Folkeparti.

Oksygenmangel trugar livet i Masfjorden. Dette kunne me lesa i avisa Nordhordland onsdag 15.februar 2017. Og vidare stod det: Når oksygennivået no nærmar seg eit nivå der det meste av alt levande liv i djupet er truga, hastar det med å sette i verk tiltak.

Dette var ei sjokkerande melding å få for alle som er opptekne av eit livskraftig miljø. Etter det ein forstår, har situasjonen forverra seg over tid, utan at kommunen har vorte informert. Spørsmåla vår til ordføraren vert då: Korleis vil Masfjorden kommune fylgja opp opplysningane om dei låge oksygenverdiane i fjorden? Korleis kan me sikra at Masfjorden kommune vert fortløpande orientert om utviklinga i saka?

Ordførar svara at kommunen skal ha møte med Fylkesmannen i Hordaland i morgon med dette som tema og han vil følge saka tett framover. Det og aktuelt å utarbeide ein felles plan for opprett for kommunane Lindås og Masfjorden.

Spørsmål frå Hildegunn Bjånes, vara i Arbeidarpartiet

I Masfjorden kommune har me eit vedtak på at ungdom som har fått førarkort og deltatt på haldningsskapande kurs i regi av kommunen kan få 3000 kr. Når skal neste kurs haldast, veit det er mange som venter på dette?

Oppvekstleiar Alf Strand svara at kommunen prøver å få tak i føredragshaldar for å halde kurs i vår.

Spørsmål frå Bjørn Egil Nordland, Arbeidarpartiet

viser til grunngjeve spørsmål frå desembermøte om status på parkeringsplass utafor barnehagen på Matre.

Ordførar svara at det er ein pågåande prosess. Kommunen har mellom anna vore vore i kontakt med BKK, men dei vil ikkje bare selge berre ein liten del av messetomta når dei ønskjer å selge heile tomta.

Referatsaker:

1. Skatt t.om. november måned

2. Skatt 2016

3. Inneklimakartlegging i Indre Masfjorden barnehage

4. Informasjon om samanslåing av Nordhordland tingrett og Bergen tingrett til ein domstol

5. Regionreform - vedtak på fylketinget i Hordaland

6. Årsregnskap 2016 for Masfjorden kommune

Orientering frå ordførar:

• Ordførar orienterte om konsekvensane av politireforma og bad om fullmakt frå kommunestyret til å klage på prosessen som politireforma vart gjennomført etter. Eit samla kommunestyre gav ordførar denne fullmakta.

• Ordførar orientere om at regjeringa har sendt ut eit forslag på høyring der dei ønskjer å likestille vannscooter med båt. Høyringsfrist er 23.mars

Wenche Dåe, medlem i kontrollutvalet, orienterte om innhaldet i årsmeldinga til kontrollutvalet.