Møte i Formannskapet den 16.02.2016

Vedtak

Innkalling og sakliste vert godkjend

Behandling

Framlegg til vedtak vart samrøystes vedteke.

Vedtak

Møtebok frå formannskapet 19.01.16 vert godkjend.

Behandling

Framlegg til vedtak vart samrøystes vedteke.

Vedtak

Masfjorden kommune tek klagen frå Engesund Fiskeoppdrett til følgje, og gjev i medhald av plan- og bygningslova sin § 19-2 dispensasjon for å utvida AK11 ca. 170 meter i sørvestleg retning som omsøkt.

Grunngjevinga for å gje dispensasjon i medhald av § 19-2 er at fordelane etter ei samla vurdering er klart større enn ulempene. Det er fordi ei utviding som omsøkt ikkje vil medføra uheldige konsekvensar for natur, fiske, ferdsel eller friluftslivet i området. For å underbyggja dette vil ein vise til følgjande fakta:

• Brev frå Fiskeridirektoratet som skriv at ei utviding av anlegget lenger ut frå land ikkje vil få vesentlege konsekvensar for utøving av fiske, og at det ikkje er registrert særskilt fiskeområde her.
  

• Rapporen frå Rådgivande Biologer som skriv at ei utviding ikkje vil medføre negative verknader for naturmiljøet eller for andre samfunnsinteresser, og at korkje førekomstar av raudlisteartar, prioriterte naturtypar eller det generelle artsmangfaldet vil bli meir påverka ved ei utviding frå land. Anlegget har i dag generelt liten verknad på botntilhøva under anlegget.
  

• Ei utviding ut frå land vil ikkje påverka strandsona innanfor. Eit utvida og større anlegg vil kunna medføra betre fiskevelferd og difor kunna redusere faren for spreiing av fiskesjukdomar til miljøet.
  

• Ei utviding som omsøkt vil i liten grad koma i konflikt med båtferdsel i sjøområdet rundt, sidan all småbåttrafikk kan gå på innsida langs land som før, og hovudleia innover Masfjorden vert ikkje berørt.

• I tillegg vil ein dispensasjon for omsøkt utviding kunna opna for at det kan etablerast ein grøn konsesjon på denne staden, og det kan medføra at eksisterande anlegg også kan drivast på ein miljøvenleg og framtidsretta måte. Ved å gje dispensasjon legg ein og grunnlaget for det grøne skiftet som er naudsynt for å oppretthalda vekst og sysselsetting i Nordhordland.

Behandling

Ordførar Karstein Totland orienterte om saka.

Saka vart drøfta.

Frode Langhelle, H, la fram nytt framlegg til vedtak:

Masfjorden kommune tek klagen frå Engesund Fiskeoppdrett til følgje, og gjev i medhald av plan- og bygningslova sin § 19-2 dispensasjon for å utvida AK11 ca. 170 meter i sørvestleg retning som omsøkt.

Grunngjevinga for å gje dispensasjon i medhald av § 19-2 er at fordelane etter ei samla vurdering er klart større enn ulempene. Det er fordi ei utviding som omsøkt ikkje vil medføra uheldige konsekvensar for natur, fiske, ferdsel eller frilutslivet i området. For å underbyggja dette vil ein vise til følgjande fakta:

• Brev frå Fiskeridirektoratet som skriv at ei utviding av anlegget lenger ut frå land ikkje vil få vesentlege konsekvensar for utøving av fiske, og at det ikkje er registrert særskilt fiskeområde her.

• Rapporen frå Rådgivande Biologer som skriv at ei utviding ikkje vil medføre negative verknader for naturmiljøet eller for andre samfunnsinteresser, og at korkje førekomstar av raudlisteartar, prioriterte naturtypar eller det generelle artsmangfaldet vil bli meir påverka ved ei utviding frå land. Anlegget har i dag generelt liten verknad på botntilhøva under anlegget.

• Ei utviding ut frå land vil ikkje påverka strandsona innanfor. Eit utvida og større anlegg vil kunna medføra betre fiskevelferd og difor kunna redusere faren for spreiing av fiskesjukdomar til miljøet.

• Ei utviding som omsøkt vil i liten grad koma i konflikt med båtferdsel i sjøområdet rundt, sidan all småbåttrafikk kan gå på innsida langs land som før, og hovudleia innover Masfjorden vert ikkje berørt.

• I tillegg vil ein dispensasjon for omsøkt utviding kunna opna for at det kan etablerast ein grøn konsesjon på denne staden, og det kan medføra at eksisterande anlegg også kan drivast på ein miljøvenleg og framtidsretta måte. Ved å gje dispensasjon legg ein og grunnlaget for det grøne skiftet som er naudsynt for å oppretthalda vekst og sysselsetting i Nordhordland.

Røysting:

Framlegg til vedtak frå rådmannen og framlegg frå Høgre vart røysta mot kvarandre.

Framlegg til vedtak frå Høgre vart vedteke med 4 mot 1 røyst (Ap).

Vedtak

Framlegg til vedtak:

I medhald av pbl §19-2 vert søknaden om å dispensera inntil 5 år frå føremålet bruk og vern av sjø og vassdrag med tilhøyrande strandsone i arealdelen til kommuneplanen, om å utvida AK 6 med 10 ha, ikkje godkjend.

Grunngjeving

AK 6 ved Laberget vart godkjend i samband med handsaminga av gjeldande kommuneplan. Dersom ein no utvidar området utan brei informasjon til medverknad, for å etablere eit større oppdrettsanlegg, er det ikkje i samsvar med plan- og bygningslova, jfr pbl § 11-17.

Heimel:

Plan – og bygningslova §19-2

Kommuneplanen 2012-2024

Behandling

Grethe Adoff frå Norsk Sjømatsenter AS informerte om Samproduksjon tare og laks.

Ordførar Karstein Totland orienterte om saka.

Saka vart drøfta.

Frode Langhelle, H, la fram nytt framlegg til vedtak:

I medhald av pbl §19-2 vert søknaden frå Engesund Fiskeoppdrett om å dispensera i inntil 5 år frå føremålet bruk og vern av sjø og vassdrag med tilhøyrande strandsone i arealdelen til kommunedelplanen, som gjeld utviding av AK6 ved Ladberget med 10 ha godkjend.

Dispensasjonen vert gjeve på vilkår om at området skal ryddast og tilbakeførast til fritt sjøområde innan 16.02.2021 om rullering/planlagd revisjon av kommuneplanen sin arealdel ikkje medfører at arealkategorien vert endra til akvakultur.

Grunngjevinga for å gje dispensasjon i medhald av § 19-2 er at fordelane etter ei samla vurdering er større enn ulempene. Omsøkt utviding sørover vil ikkje medføra særlege konsekvensar for natur, fiske, ferdsel eller friluftslivet i området. For å underbyggja dette vil ein vise til følgjande fakta:

• Ei utviding som omsøkt vil i liten grad koma i konflikt med båtferdsel i sjøområdet rundt, sidan småbåttrafikken kan gå på innsida langs land som før, og båttrafikken innover Fensfjorden vert ikkje berørt. Det vert her vist til brev frå Kystverket av 06.01.2016.

• Utvidinga vil ikkje verta vesentleg til hinder for fiske, og det er ikkje registrert særskilde fiskeinteresser i sjøområdet der tareproduksjonen er planlagt. Det vert vist til brev frå Fiskeridirektoratet.

• Anlegget vil ikkje påverka kjende raudlisteartar, prioriterte naturtypar eller det generelle artsmangfaldet i området.

• Omsøkt utviding vil kunna opna for at det kan etablerast ein FOU-konsesjon for ei framtidsretta og miljøvenleg tareproduksjon på denne staden. Ved å gje dispensasjon for eit FOU-prosjekt legg ein difor til rette for å utvikla ei ny maritim næring på Vestlandet.

• Sidan søknaden om dispensasjon vert tidsavgrensa til inntil 5 år , vert tiltaket sett på som reversibelt. I samband med seinare rullering/revisjon av kommuneplanen sin arealdel skal bruken av området vurderast særskilt.

Røysting:

Framlegg til vedtak frå rådmannen og framlegg frå Høgre vart røysta mot kvarandre.

Framlegg til vedtak frå rådmannen vart vedteke med 3 (Sp, KrF, Ap) mot 2 røyst (H).

Vedtak

Folkehelseoversikt vert tatt til vitring.

Behandling

Ordførar Karstein Totland orienterte om saka.

Saka vart drøfta.

Røysting:

Framlegg til vedtak frå rådmannen vart samrøystes vedteke.

Behandling

Ordførar Karstein Totland orienterte om saka.

Røysting:

Framlegg til vedtak frå rådmannen vart samrøystes vedteke.

Behandling

Ordførar Karstein Totland orienterte om saka.

Røysting:

Framlegg til vedtak frå rådmannen vart samrøystes vedteke.

Vedtak

Reguleringsplan for utviding av Giljane bustadfelt vert godkjent i medhald av plan- og bygningslova sin § 12-12.

Det vert vist til plankart dagsett 13.11.2015 og føresegner dagsett 29.01.2016.

Behandling

Ordførar Karstein Totland orienterte om saka.

Saka vart drøfta.

Røysting:

Framlegg til vedtak frå rådmannen vart samrøystes vedteke.

Behandling

Ordførar Karstein Totland orienterte om saka.

Saka vart drøfta.

Røysting:

Framlegg til vedtak frå rådmannen vart samrøystes vedteke.

Vedtak

Planstrategi for Masfjorden kommune 2016-2020 vert lagt ut til høyring.

Behandling

Ordførar Karstein Totland gjekk kort gjennom saka.

Ass. rådmann Sveinung Toft orienterte om saka.

Saka vart drøfta.

Framlegg til vedtak frå formannskapet:

Planstrategi for Masfjorden kommune 2016-2020 vert lagt ut til høyring.

Røysting:

Framlegg til vedtak frå formannskapet vart samrøystes vedteke.

Behandling

Ordførar Karstein Totland orienterte om saka.

Røysting:

Framlegg til vedtak frå rådmannen vart samrøystes vedteke.

Behandling

Rådmann Svein Helge Hofslundsengen orienterte om saka.

Røysting:

Framlegg til vedtak frå rådmannen vart samrøystes vedteke.

Vedtak

Masfjorden kommune sin faste representant i det overordna samarbeidsutval for Nordhordland vert Helga Ellingsen, og vara repr.Elin Eikemo.

Behandling

Ordførar Karstein Totland orienterte om saka.

Saka vart drøfta.

Rådmann Svein Helge Hofslundsengen la fram nytt framlegg til vedtak:

Masfjorden kommune sin faste representant i det overordna samarbeidsutval for Nordhordland vert Helga Ellingsen, og vara repr. Elin Eikemo.

Røysting:

Nytt framlegg til vedtak frå rådmannen vart samrøystes vedteke.

Vedtak

Referatsaker vert tekne til orientering

Behandling

Referatsaker:
1, Godkjenning av Sandnes skule 2, Inneklimakartlegging ved Sandnes skule 3, Protokoll Nordhordlandsting 1-2016, 28. januar. 4, Spørsmål om arbeidsgjevaravgift og ulike soner og kommunesamanslåing 5, Spørsmål om forslag til nytt inntektssystem og kommunesamanslåing 6, Vedr. ny klinikkstrukturplan for tannhelsetenesta i Hordaland 2015 – 2030.

7, Protokoll - Teknisk utval - 26.01.2016

Vedtak

Masfjorden kommune inngår medlemsbedriftsavtale med Gulen og Masfjorden næringshage.

Behandling

Ordførar Karstein Totland orienterte om saka.

Røysting:

Framlegg til vedtak frå rådmannen vart samrøystes vedteke.

Vedtak

1. Det vert halde rådgjevande folkeavrøysting i spørsmålet om Masfjorden skal slå seg saman med andre kommunar.

2. Folkeavrøystinga vert halden måndag 23. mai 2016.

3. Valstyret/rådmannen får ansvar for den praktiske gjennomføringa av folkeavrøystinga.

4. Røysteretten føl vilkåra for røysterett ved fylkestingsval og kommunestyreval (vallova § 2-2, (1) og (2). I tillegg har alle som fyller 16 år i løpet av valåret (født i 2000) røysterett så langt dei fyller dei andre vilkåra. Skjæringsdato for borgarar frå anna nordisk land vert sett til 01.01.2016. For å kunne gi røyst må veljaren vere innført i manntalet i Masfjorden kommune.

5. Det skal innhentast manntal som inneheld alle med røysterett pr. 01.01.2016.

6. Det vert delegert til valstyre/rådmann å syte for utsending av valkort og utlegging av manntall i samsvar med vallova § 2-6 og handsame krav om retting i samsvar med vallova §§ 2-7 og 2-8.

7. Valstyret vert delegert mynde til å avgjere endelig utforming av røystesetlar.

8. Det skal leggjast til rette for å førehandsrøyste i perioden 9.05.2016 til 20.05.2016. Førehandsrøystinga følgjer reglane i vallova så lagt det er praktisk mogleg. Rådmannen oppnemner røystemottakarar og legg til rette for førehandsrøysting

9. Valstyret vert delegert fullmakt til å utarbeide prosedyre for postrøysting i same periode som det er opna for førehandsrøysting.

10. Valstyret avgjer kor røystegjevinga på valdagen skal føregå, fastset tider for røystinga og oppnemner røystestyrer.

11. Reglane i kapittel 10 i vallova om godkjenning av røystesetlar, oppteljing og protokoll vert lagt til grunn så langt det er relevant.

12. Valstyret utarbeidar prosedyre for å handsame eventuell klage på røystinga, under dette avklare eksternt klageorgan.

Behandling

Rådmann Svein Helge Hofslundsengen orienterte om saka.

Saka vart drøfta.

Røysting:

Framlegg til vedtak frå rådmannen vart samrøystes vedteke.