Møte i Kommunestyret den 21.09.2017

Behandling

Det vart gjort framlegg om Egil Kvingedal og Torill Torsvik Størkersen til å skrive under møteboka.

Framlegg til vedtak vart samrøystes vedteke.

Vedtak

Møtebok frå kommunestyret 22.06.17 vert godkjend med denne endringa:

- framsida må rettast når deg gjeld kven av representantane som var fråverande i starten av møte.

Behandling

Jon Hope (KrF) viste til vedtaka i sakene 028 og 029/2017 der framlegg til vedtak vart samrøystes (15 røyster) vedteke og spurte om det ikkje var vanleg å skrive kva parti / representantar som stemde for vedtaktet.

Rådmannen svara at ein skulle sjå på dette.

I etterkant av møtet har ein klargjort følgjande rutine:

ved røystingar som ikkje er samrøystes eller der eit eller fleire framlegg vert røysta opp mot kvarandre skal det gå fram av protokollen kva parti / representant som røysta for eller mot framlegget(a)

ved samrøystes vedtak der kommunestyret ikkje er fulltalege vil protokollen for saka vise tal representantar tilstade under røystinga mens framsida av protokollen vil vise kva representant(ar) som var fråverande under røystinga.

Framlegg til vedtak vart samrøystes vedteke.

Vedtak

Årsbudsjettet 2017 for Masfjorden kraftfond vert justert og vedtatt slik;

Behandling

Ordførar Karstein Totland (H) orienterte kort og saka vart drøfta.

Jon Hope (KrF) sette fram følgjande framlegg til vedtak:

ny post i budsjettet: Ungdomsråd kr 10 000

Sertifikatordninga auka får kr 10 000 til kr 30 000

Frie fondsmidlar minka til kr 760 000

Rådmannen sa at med den kursinga som ein la opp til i samband med sertifitakatordninga, ville støtta kome til utbetaling først i år 2018. Sak om Ungdomsrådet kjem i neste møte med sikte på oppstart i 2018. Dette vil då vere finansiert gjennom budsjettet for neste år.

KrF trakk sitt framlegg.

Egil Kvingedal (V) stilte spørsmål om samarbeidet med GMU når det gjeld elevbedrift og grundercamp. Rådmannen sa at ein skulle invitere GMU til å orientere kommunestyret om deira arbeidet. Skifte av dagleg leiar i GMU gjer at arbeidet med grundercamp vart utsett

Oppvekstleiar Alf Strand orienterte om arbeidet som er gjort for å etablere eit ungdomsråd i kommunen:

Rådmannen har sett på spørsmålet om ungdomsråd på nytt. Kommunestyret er tidlegare orientert om at det viser seg vanskeleg å legga arbeidet som koordinator for ungdomsrådet til ein av dei tilsette i MOT utan å frigjera dei for deler av den jobben dei elles har i kommunen.

Rådmannen meiner det er viktig at ungdomsråd blir etablert på nytt. Ein tenkjer seg at ein kan setja saman eit ungdomsråd med t.d. to representantar frå kvar skule. I startfasen kan desse to utnemnast frå elevrådet på kvar skule, men når arbeidet i rådet er kome skikkeleg i gang, må ungdomsrådet sjølv avgjera korleis representantane skal veljast. Det mest demokratiske er at dei blir valde mellom ungdomsskuleelevane på kvar skule der alle elevane på ungdomssteget har røysterett. I denne omgang tenkjer ein ikkje å ta med ungdommar i alderen 16-19 år.

Kommunestyret må vedta retningslinjer for arbeidet i ungdomsrådet. I praksis kan det gjerast slik at kommunestyret vedtek mellombels retningsliner slik at ungdomsrådet kan komma i gang med arbeidet sitt. Etter ein prøveperiode kan retningslinjene evaluerast av ungdomsrådet og evt. endrast.

Rådmannen set av administrativ ressurs til ein kontaktperson som får i oppgåve å ta seg av og leia arbeidet i ungdomsrådet.

Rådmannen legg fram sak for kommunestyret i møtet 30.oktober slik at arbeidet med å etablera eit ungdomsråd i Masfjorden kan komma i gang over nyttår.

Saka vart utsett til etter sak 049/2017 og 050/2017.

Etter vedtak i ovannemnde saker gjorde rådmannen følgjande framlegg til endring i framlegg til vedtaket:

tilrettelegging bustadføremål blir juster frå 400 000 til 350 000

fri fondsmidlar til fordeling blir justert frå 790 000 til 840 000

Framlegg til vedtak frå kraftfondstyret med endringa frå rådmannen vart samrøystes vedteke.

Behandling

Ordførar Karstein Totland (H) orienterte kort og saka vart drøfta.

Framlegg til vedtak frå kraftfondstyret vart samrøystes vedteke.

Behandling

Ordførar Karstein Totland (H) orienterte kort.

Framlegg til vedtak frå kraftfondstyret vart samrøystes vedteke.

Vedtak

1. Det vert etablert eit øvings- og kompetansesenter for brann- og redningstenesta lokalt i Gulen eller Masfjorden kommune.

2. Kostnadsramma med etablering er sett til kr 200 000,- for kvar av kommunane. Masfjorden kommune sin del vert finansiert over driftsbudsjettet.

3. Anlegget skal etablerast gjennom eit eige aksjeselskap der aksjeandelen er delt likt mellom Gulen og Masfjorden kommunar.

Behandling

Ordførar Karstein Totland (H) orienterte kort og saka vart drøfta.

John Torsvik (H) stilte spørsmål om han var inhabil i saka sidan han er medeigar i eit av selskapa som tilbyr tomt til øvings- og kompetansesenteret for GMBR. Det vart samrøystes vedteke at Torsvik av habil.

Rådmannen la fram følgjande framlegg til endring i framlegg til vedtak:

2. Kostnadsramma med etablering er sette til kr 200 000,- for kvar av kommunane. Masfjorden kommune sin del vert finansiert over driftsbudsjettet.

Framlegg til vedtak frå formannskapet med endringa frå rådmannen vart samrøystes vedteke.

Behandling

Ordførar Karstein Totland (H) orienterte kort og saka vart drøfta.

Oppvekstleiar Alf Strand møtte til denne saka og svara på spørsmål.

Framlegg til vedtak frå formannskapet vart samrøystes vedteke.

Behandling

Ordførar Karstein Totland (H) orienterte kort og saka vart drøfta.

Framlegg til vedtak frå formannskapet vart samrøystes vedteke.

Behandling

Ordførar Karstein Totland (H) orienterte kort og saka vart drøfta.

Framlegg til vedtak frå formannskapet vart samrøystes vedteke.

Behandling

Grunngjevne spørsmål:

Jon Hope (KrF):

Vegen Haugsdal - kryss E39

Etter at Masfjordtunnelen vart opna 7.desember 1995 vart vegen frå Haugsdal og opp til krysset med E39 overført frå riks til kommunal veg. Om det ved denne overføring vart gjort ei oppgradering i form av nytt vegdekke, hugsar eg ikkje. Men det syner seg at vegen no er svært nedsliten.

I sommar har vegen og fått ei ekstra belastning, for i samband med at det vart lagt nytt vegdekke på E39 frå krysset ved Haukeland til Nipa i Lindås, vart all oljegrusen køyrt opp Haugsdal på lastebilar. Bilane returnerte ned Masfjordtunnelen og på fylkesvegen attende til Haugsdal. Dermed vart det den kommunale vegen som fekk den største belastninga.

I tillegg til dette skal den kommunale vegen no nyttast som omkøyringsveg i samband med oppgraderinga av Masfjordtunnelen.

KrF sitt spørsmål vert difor: Kan kommunen stilla krav ved slik ekstra belastning av vegen, og i tilfelle, kan då kommunen få tilført stats- eller fylkesmidlar til utbetringa?

Ordførar svara at kommunevegen frå Haugsdal bru og opp til Haukeland var offentleg veg og eit eventuelt kommunalt vedtak om nedsett akseltrykk ville gå utover anna nyttetrafikk i Haugsdalen. Han lova å ta kontakt med vegvesenet for ei eventuelle støtte til vedlikehald i samband med at kommunevegen skal nyttast som omkøyringsveg ved oppgradering av Masfjordtunnelen.

Wenche Dåe (Sp):

Spørsmålet gjeld sak med dokumentID 17/1293 rapport frå tilsyn etter forskrift om miljøretta helsevern i barnehage og skule, Nordbygda skule.

Rapporten kjem med fleire avvik og merknader etter tilsynet som var i februar, og rapporten seier at skulen ikkje er godkjent etter "forskrift om miljøretta helsevern i barnehagar og skoler m.v."

Senterpartiet lurer på kva som er blitt gjort med dei ulike avvika og merknadane, og om det er laga noko framdriftsplan for å ordne opp i avvika.

Me lurer og på når arbeidet med ventilasjonsanlegg i gamleskulen skal byrje.

Rådmannen svara at det er gjeve tilsvar på rapporten frå skulen si side der det er gjort greie for kva avvik som alt er lukka og ein handlingsplan for korleis ein skal lukke resten. Ventilasjonsanlegget i gamleskulen vert ei investeringssak som må finansierast gjennom ei budsjett- / økonomisak som vert vedteken av kommunestyret.

Torill Torsvik Størkersen (Ap):

Kva for nokre rutinar har kommunen for å sikre rasfarlege kommunale vegar? - og kva skal til for å sikre dei?

Ved den kommunale vegen i Ytre Haugsdal, vart det tatt ned store blokker 13 år tilbake. Bebuarane langs vegen meiner og er redd for at det er fleire blokker som vil komme ned. Mindre steinar er komen ned og det er skog som veks vilt utover vegen, også med røter ned i dette blokksystemet. Dette er ein skuleveg, og bebuarane er bekymra for om vegen er sikker. Dei har tatt kontakt med teknisk i sommar, ved fleire høve. Men har ikkje fått attendemelding om vegen er trygg. Kva rutinar har teknisk etat ved slike bekymringsmeldingar?

Ordførar svara at det ved slike bekymringsmeldingar vert sendt ut mannskap frå teknisk etat for ein visuelle kontroll.

Spørsmål til ordførar:

Janne Judith K Sandnes (FrP) stilte spørsmål om rutiner rundt fritak frå verv i kontrollutvalet når arbeidssituasjonen no gjorde det vanskeleg for deira medlem å møte. Rådmannen svara at ein etter lovverket berre kunne gje fritak når grunngjevinga var helserelatert eller at medlemmen hadde flytta frå kommunen. I denne situasjonen må medlemmen melde forfall til møte og det må kallast inn vara.

Referatsak:

Skriv 1: Skatt tom mai

Skriv 2: Skatt tom juli

Skriv 3: Årsmelding for NGIR 2016

Skriv 4: Kjøpekontrakt Fensfjordbygg - signert

Skriv 5: Informasjon om endringer i ekteskapsloven - Kommunale vigsler

Skriv 6: Avgrensa høyring - ny arealbruk - Nytt Matre kraftanlegg - Masfjorden kommune

Skriv7: Terapibading i Masfjorden kommune

Skriv 8: Endret kontorstruktur i Skatteetaten

Skriv 9: Høring - Forskrift for forsøk med tiltaket VTA

Skriv 10: Konferanse Velferdsteknologi 07.11.2017

Skriv 11: Saksliste til Regionråd 2-2017

Skriv 12: Bredbåndstilskudd 2017

Skriv 13: Overslag på ferjeavløysingsmidlar i samband med førehandsavklaring

Orientering frå rådmannen:

Rådmannen orientert om at det vert folkemøte på kommunehuset 17.okt kl 19:00 i samband med reguleringsplan for Masfjordbrua som no er på høyring.

I samband med at formannskapet i møte den 12.09.2017 har gjort vedtak om å leggje reguleringsplan for bru over Masfjorden ut til offentleg ettersyn i medhald av plan- og bygningslova § 12-10, inviterer Masfjorden kommune til ope folkemøte. Møte vert på kommunehuset tysdag 17.oktober klokka 19:00. Føretaket ABO Plan & Arkitektur AS vil då orientere om reguleringsplanen, og det vert opna for spørsmål og drøftingar.

Plandokumenta er og å finna på Masfjorden kommune sine heimesider, www.masfjorden.kommune.no, med lenke til braPLAN. Søk på plan-id 1266-20140002, under dokumenter. Merknader til planframlegget må det sendast brev innan fristen den 1.november 2017 til Masfjorden kommune, Austsfjordvegen 2724, 5981 Masfjordnes eller til post@masfjorden.kommune.no.

Framlegg til vedtak vart samrøystes vedteke.

Behandling

Ordførar Karstein Totland (H) orienterte kort og saka vart drøfta.

Framlegg til vedtak frå formannskapet vart samrøystes vedteke.

Behandling

Ordførar Karstein Totland (H) orienterte kort og saka vart drøfta.

Wenke Fredheim Ekren sa seg inhabil i saka sidan ho er i slekt med søkar. Det vart samrøystes vedteke at Ekren var inhabil.

Framlegg til vedtak frå formannskapet vart vedteke med 15 røyster mot 1 røyst (Jon Hope, KrF) .

Vedtak

Masfjorden kommune løyver kr 700 000 til å finansiere ekstern kvalitetssikring (KS2) av prosjekt Masfjordbrua.

Behandling

Under kommunestyremøte den 21.09.2017 vart ordførar oppringt (kl 14.50) av eit fylkesutvalsmedlem kring fylkesutvalssak PS 225/2017 Ferjeavløysingsordninga - status og framdrift for ferjeavløysingsprosjekt med spørsmål om Masfjorden kommune kunne ta på seg finansiering av KS2 jf elles saka som fylkeutvalet (jf vedlegg) hadde opp til handsaming. Eit samla kommunestyre slutta seg til dette.